..{ زَحمَـــــــة ..!

[إشراقة أمل]

[table1="width:95%;background-color:black;"][cell="filter:;"]

( مدخل )

.
.
.
منهو أنا بزحمة الأيام ؟
واحد خبل يجاوب : انت واحد عابر !
والثاني يرد : اسم الله عليه لاتفاول عليه بالموت ..!
الثالث : ومن جاب طاري الموت ؟
الثاني : ماتسمعه يقول واحد عابر ..!
الرابع : ايه كلنا عابرين , مو مهم طول العمر أو قصره المهم احنا وش سوينا ؟
صوت من بعيييييييد : قامت الفلسفه !
.
.
.

يمّه سمعت الباب من شوي يدق ..!
- ايه ياوليدي جارتنا أم محمد تبيني اتقهوى معها ,
بتروحين ؟
- ان الله أراد !
يمّه لاتروحين ما غير هذره فاضيه ما منها فود !
أزين من مقابلك الله يخليك لي
أفاااااااااا يمّه
- وحطبه !

.
.
.

نفسي أغنّي !
- ماحدش حايشك غنّي بس بصوت واطي دخيلك ..
لييييييييه ؟
- كذا بس صوت المرأه عوره ..!
وش قصدك ؟
- ماقصدي شي غنّي بصوت واطي ( بصوت واطي ) مو ناقصين عاهات !!
عاهات بعينك
- سمعتيني ؟؟
ايه كلمة السوء دائما مسموعه !!

.
.
.

يمّه طالبك , ذبحتيني ماغير تعلميني بسوالفي وانا صغير
- وش زينها من سوالف وش مزعلك ؟
مدري أحسني كنت أبله !
- وللحين ابله وش الجديد !!!!!!!!!!

.
.
.

تصدق , سألت الزمن هو طويل وإلا قصير ؟
رد وقال طول أنفاسك , ومن أمس اتحسس انفاسي بأشوف هي طويله وإلا قصيره !
- وش طلع معك طيب ؟
مدري أحسني محتاره ,
- بالك طويل ؟
لا يعني شوي مو مرّه !
- أجل الحياة ماهي طويله ولاهي قصيره " بين وبين "
شلون عرفت ؟
- أنفاسي علّمتني !!!

.
.
.

أنا ما أدور على السعادة , هي اللي تدور علي !
- امش يا الثقه ما بقى تقولين إلا كل شيء يجي على هواك ..
اي والله على هواي
- لا تحلفين عاد !
احلف ونص ..!
- شلون طيب ؟ اتحداك تجيبين السعاده او اي شيء لحد عندك ألحين !
( غمّضت عيوني )
- ليش مغمضه ؟
بأجيب السعاده !
- لا تجننيني عاد يالله تكلمي ..!
ابد ما يبيلها خلطه , نامي أو غمضي عيونك واحلمي انك تسوين كل شيء
وكل شيء يجي لحد عندك !
- بس ؟
بس !

.
.
.

مره جيت ابكي , بس اختنقت ..!
- ليش ؟
مدري حسيت اني لو بكيت يصير شكلي غلط ..!
- شكلك كنتِ حاطه مكياج ووجهك بيعتفس لو بكيتِ ..
لاااا
- أجل ؟
بس حسيت للحظه أن الدموع أحيانا مالها أي قيمه !

.
.
.

ألحين تبي تفهميني إن مافيه شيء اسمه نسيان ؟
- ايه ما فيه , عمرك نسيتِ شيء بحياتك ؟
لا ..!
- معناها ما فيه نسيان !
طيب وعلى أي اساس قالوا النسيان نعمه ؟
- كذبه اخترعها الإنسان وصدقها !
يعني ؟
- يعني لا عاد تقولين نسيان وانسي هالكلام ..
توك قايله ما فيه نسيان !!!!!
أدري بس شكلك مو فاهمه وش هو النسيان !!!
- علميني طيب وش هو ؟
النسيان ببساطه يشبه الأم لغمضت عيونها وخلّت طفلها يلعب ويكسّر
وتسوي نفسها ما تشوفه .. وبداخلها عارفه انه يعبث ويلعب ويخرب !
أهااااااا
- فهمتِ ؟
لا !
- أحسن ( الجهل أحيان نعمه ) !!!

.
.
.

تذكر يوم ضربتني وزعلت ؟
- لا ..
ول عليك نسيت ؟
- وليش أتذكر أصلا !
قالوها الصافع ينسى والمصفوع ما ينسى !
- عفيه عليك أجل ليه تسألين يوم انك عارفه ؟
غباء !
- فعلاً !

.
.
.

تبيني أكذب ؟ ما أعرف
- أما ما تعرفين ؟ فيه أحد ما يعرف يكذب ؟
ايه أنا !
- البارح كذبتِ ..
أدري كذبه ماتضرّ بيضا مثل مايقولون .. ( بس عشان تصفى القلوب )
- بس اسمها كذبه !
لا لا تسمي الأشياء بغير مسمياتها بس عشان تطلّعني ( كذابه )
- طيب وش تسمينها حضرتك ؟
مزحه , نكته , أي شيء بس المهم ماهي كذبه !
- إلا كذبه لأنها كذبه !
شوف ( الكلام لصار له قيمه ) ويزرع ابتسامه ويصنع قلوب بيضاء
ما يُعتبر كذبه , يُعتبر دُرر لازم ننثرها لو من صنع الخيال !
- صدقتِ !
أخيرا توك قايلة انك كذبتِ
- مدري أحيانا كلامي غبي ..
أدري !

[/cell][/table1]

 

 

[إشراقة أمل]

[table1="width:100%;background-color:black;"][cell="filter:;"]

( حكايات )

.

.

.

كلنا نعمل مقالب , بس بعض المقالب تنقلب وتصير مشكله ..

حلوه الحياة يوم نبتسم وأحلى منها لصارت القلوب واسعه وما هي ضيّقه

وعلى أدناة الدون نزعل وننجرح ونتضايق ونتقاطع

وكثير كثير / نبكي !

لكن الأحلى إن الفرح ما ينقلب لتعاسه !

.

.

.

( على جنب )

عمرك عملت مقلب وزعل منك أحد بسببه ؟

لاتستحون علمونا بحكاياتكم !

[/cell][/table1]

[table1="width:95%;background-color:black;"][cell="filter:;"][/cell][/table1]

 

 

[إشراقة أمل]

[TABLE1="width:100%;background-color:black;"][CELL="filter:;"]

( فراغات )

.
.
.

كثير في حياتنا مساحات شاسعه تحب أو نحب نملاها ..
لكن للحظه نحس مو قادرين أو حتى مو عارفين فنتركها ( فراغ ) !
ونقعد العمر كلّه نترك الجانب الملئ منّا وننظر لهذا الفارغ بنا !
وتمضي الحياة لا احنا اللي استمتعنا بالجانب المليان
ولا اللي احنا ملأنا مكان فارغ !
والحياة كلها تمضي ............. سُدى !

أكمل مايلي لعلّ هناك فراغ بداخلك يكتمل
فتهنأ بعيشك أو تبتسم لمجرد أنك لعبت يوماً لعبة ( اكمال الفراغات ) !

* أكثر شيء أتمناه بحياتي ..........
حتى أحس إني ............... وأرتاح وأفكّر أصنع شيء مختلف !

* أكثر شيء ممكن يخليني أبكي ...........
ووقتها ممكن أعيد حساباتي و .......................... !

* أحلى موقف مرّ علي بالطرف ............
وأطرف موقف كان ...................

* أميل في آل طرف للأقلام ...............
وأبرز هذه الأقلام ...............!

* سؤال ما أحب أحد يسألني إياه ..............

* أكثر شيء يضحكني .....................
وفعلا وقتها .........................!

* أعلى فاتوره لجوالي سددتها كانت .............
وتلقيت على إثر ذلك تهزيئ محترم من .......................

* هل أنت من الأعضاء الذين فتحوا لهم صفحه في موقع الآسك مي ؟
ان كان كذلك , أجمل سؤال وردني هو ..................
وأسوأ سؤال وردني هو ......................!

* أجمل شاعر أقرأ له ............
وأكثر قصيده حبيتها له ..............
لأنها ...........................!

* حُلم أتمنى يتحقق ................

/

أعلم أن الفراغات كثيره لكن قد نرتاح حين نملأ بعضها ولو عبثا !

[/CELL][/TABLE1]

 

 

[إشراقة أمل]

[table1="width:100%;background-color:black;"][cell="filter:;"]

( أخبار الصباح وإشاعات )

.
.
.

* تعاقدت احدى القنوات مع ( تاروتية ) لتكون مقدمة برنامج طبخ عندهم
تمنياتنا لتاروتية بالتوفيق ,

* ألطاف السماء تجهّز الآن لآخر إصداراتها
تمنياتنا لها بالنجاح وأن يكتسح شريطها ويضرب أرقام قياسيه

* الدانة أصبحت مراسلة قناة الجزيره لمتابعة آخر احداث الموضه والأزياء
في مكان ما , ترفض الجزيره الإفصاح عنه
تمنياتنا ل الدانة بأخبار كثيفه وغزيره

* وسط النخيل يتعاقد مع نادي الإتحاد كـ لاعب احتياطي للطوارئ فقط
وقيمة العقد غير معلن عنه خوفا من العين

* أحسائيـة يُقال أنها ستعتزل التمثيل وتُعانق الروددة قريبا
والسبب إن زهرة اللوتس مكتسحه الشاشه الفضيه وماهي عاطيتها فرصه ..!
فما كان من الغريب إلا إن دعم أحسائية روددة لتظهر !

* طلة قمـر ..! على ذمة الراوي ستقوم بجوله حول العالم على ظهر سيكل أول الغيث
تمنياتنا لها برحله موفقه

.
.
.

كثيرةٌ هي الإشاعات التي نتداولها بل وتنتشر بشكل غريب
الطريف أن بعض هذه الإشاعات تكون في أساسها ( مزحه ) وفجأه تصير حديث المجتمع

والسؤال

أغرب اشاعه سمعتها أو عايشتها ؟
وهل كنت في يوم من الأيام بطل لإحدى هذه الإشاعات ؟

هاتوا حكاياتكم أيضاً !

[/cell][/table1]

 

 

[إشراقة أمل]

[TABLE1="width:100%;background-color:black;"][CELL="filter:;"]

( من هُنا وهُناك )

.
.
.

ماهي طقوسك اليوميه ؟ ( بالتفصيل الممل )

.
.
.

سؤال تحب توجهه لأي عضو من أعضاء الطرف ؟ وتنتظر اجابته

.
.
.

أبرز عيوبك ؟ وأبرز مميزاتك ؟ ( بشكل حيادي بحت )

[/CELL][/TABLE1]

 

 

[إشراقة أمل]

[table1="width:100%;background-color:black;"][cell="filter:;"]

( مخرج )

.
.
.

يمّه أنا أحبك
- أدري بس حبّك لي على كيفك !
شلون يمّه ؟
- يوم احتاجك ألقاك عند أصحابك دائما هم الأهم
لا يايمّه
- إلا والله , تقدر تقول لي ليه البارحة يوم تعبت واتصلت عليك ما ترد
وآخرتها جوالك مقفول ؟!
.......................!

.
.
.

حقيقه أكيده / الحياة بكبرها زحمه ودائما نشعر معها بإختناق !

.
.
.

أمتعونا بكافة تفاصيلكم وزحمة حياتكم

[/cell][/table1]

 

 

[شُجون الأَحزان]

لـي عودة إنتظروني / على ما أُلملم شعث أوراقي

 

 

[أحسائية]

ما شاء الله
لي عودة لازم أقراء على رواق لأجل أعرف أرد
الله يعطيكِ العافية

 

 

[M.ǾŻĬļ]

.

.

// بسم الله الرحمن الرحيم //

.

ماشاءالله موضوع جميل وأسلوبه أروع كمان

أستمتع بالموضوع خصوصاً التعلقيات الجميلة على بعض المشرفين


قرأته على السريع لاني بروح الدوام ومستجعل


عاد نرجوا العذر والسموحة من الأخت إشراقة



وإن شاءالله نخدمكم في مواضعي ثانية

تقبلي مروري

 

 

[وتين الورد]

عمرك عملت مقلب وزعل منك أحد بسببه ؟

بصرااحه ايه يا كثر مقالبي بس بقول واحد سويته في المدرسه لعدد مو سهل
من البنات

وهو اني وديت معي في المدرسه حمض الليمون (( الجوهر)) وشريت بخمس ريال
علب ماي وكل وحده قللت منها اشوي علشان الحمض وكبيت كميه مو طبيعيه ورجيتهاا
وامشي واعطي معارفي واقول لهم انه مقري فيه ويصدقون وما يمديهم يشربون الا والصرخه
تسبقهم ههههههه بس يالله شنو صار بالبنات اوجيهم تتلون بشكل فضيع

واللي جلست بدورة المياه تتمضمض مده واللي اشربت علبة ماي بعده و----الخ
والاغلبيه خذو الموقف بضحك وناسه الا وحده زعلت بس



أكثر شيء أتمناه بحياتي

ان الناااس يتركون اللقافه والتدخل في شؤون الاخرين


* أكثر شيء ممكن يخليني أبكي.

المواقف الحزينه ومشاهدة أي صوره لانسان قد مات أي انسان
بغض النظر باني اعرفه او لا

* أحلى موقف مرّ علي بالطرف

يوم ضحت احد صديقاتي بكل من حولهااا للتبقى معي


وأطرف موقف كان

يوم تنفك جزمتي في الجنادريه وما معي احتياط ههههه


* سؤال ما أحب أحد يسألني إياه

كم راتبك – وكيف سويتي هالشيء


* أكثر شيء يضحكني

طيحت الحريم في الشارع هههههههه يموتني ضحك
والشخص اللي يعصب في موقف ما يستحق اضحك


* أعلى فاتوره لجوالي سددتها كانت
وتلقيت على إثر ذلك تهزيئ محترم
الحمدلله ما عندي حتى الان

* أجمل شاعر أقرأ له : احمد الصانع

وأكثر قصيده حبيتها قصيدة الغدر وقصيده ((ثلاث سنين)) لشاعر اخر
لانهاا تجسد واقع عاشه نسبه من النااااس

* حُلم أتمنى يتحقق

زيارة جميع الاماكن السياحيه وبالاخص ((شرق اسيا ))
والاكوادور وابني اسره مثاليه

/أغرب اشاعه سمعتها أو عايشتها ؟

اشاعه عشتهااا باني محجوزه لاحد الاشخاااص

وهل كنت في يوم من الأيام بطل لإحدى هذه الإشاعات ؟

نعم

ماهي طقوسك اليوميه ؟ ( بالتفصيل الممل )

نوم- دوااام – مطبخ – دراسه- جلسه سوالف- احداث متفرقه
وواجبااات كزياره مريض
.
.
.
سؤال تحب توجهه لأي عضو من أعضاء الطرف ؟ وتنتظر اجابته

اسئل جميع الاعضاء منتدى الطرف ماذا يعني له
.
.
.

أبرز عيوبك ؟ وأبرز مميزاتك ؟ ( بشكل حيادي بحت )
طبعاً في الاثنين سويت عليها استفتاااء لاني بصراحه
مااعرف اقيم نفسي وقالو


مميزاتي : حقانيه وصريحه لحد النخااع


عيوبي: من الصعب احد يدخل مزاجي بسهوله
ومو من السهل يعجبني ذوق احد



وتقبلوا مروري واتمنى يكون خفيف عليكم

شروووووق يعطيك الف الف عافيه على الموضوع المميز
تسلم الانامل يارب

 

 

[إشراقة أمل]

اقتباس المشاركة الأصلية كتبت بواسطة شجون الأحزان لـي عودة إنتظروني / على ما أُلملم شعث أوراقي

شعث أوراق ..

و نظــل على أرصفـة الإنتظــار ..

نحتسي الوقت بصمــت ..

وننتظــر هطــول المطـر

،’

لا تتــأخر ..

 

 

[سُندس }]

:


سطور لها معاني مملؤه بزحمة الأيام

وخليتيني مراسله قناة الجزيره مره وحده

روعه ولي عوده للإجابه ع بعض الأسئله ..


بوركتِ وسلم لنا هذا العطاء الزاهر

تشكرات .



/

 

 

[إحسآإس قآإتل]

اللهم صل وسلم على محمد وآل محمد

ماشاء الله على الزحمه خيتو يعطيك العافيه وشاكر دعوتك
وأعتذر على التاخير

-عمرك عملت مقلب وزعل منك أحد بسببه ؟
لآ تعلمت من صغري أن المقالب بالاخرين تجرحهم وأن كان مزح
أذكر لكم مؤقف قبل سنوات
أشتركت في أخر لحظه مقلب أصدقاء عمل وكان المقلب على فلبيني مستلم شيك الراتب
وصديقي أخذ محفظته من غير مايدري وخبئها تقريبا ساعه
وبعدها جاء وعطاني أياها وقالي أحتفظ فيها وخله لين يبكي
بعدها طلعها وقوله فلان المسوي المقلب فيك
طبعا حاولت أتهرب من المقلب بس ماقدرت ترجاني ووافقت
بحث الفلبيني بكل مكان ودموعه أربع أربع ومسكين توه مستلم شيك الراتب
كيف تضيع محفظته وكل مايجيني ويسال أقوله مدري وأحاول أشغل نفسي بالعمل
أو أشتت ذهنه بالاسئله وأساعده بالبحث
أخر شي قام يبكي وصديقي ميت ضحك عليه
عور قلبي وماقدرت أكمل المقلب
ولا أخرب المقلب ولكن علشان ماتصيبه سكته قلبيه
لمحت له أنه مايخاف والمحفظه موجوده وصاحب المقلب فلان بس خليك مكمل المسلسل
وأبحث وكنك باقي ماتعرف فرح كثير وشكرني على الافصاح وكمل المسلسل
لين مسك صديقي وتضاربوا وأخذ منه جواله وقاله أنت لي سارق المحفظه عطني أياها وأرجع
جوالك حاول صديقي يبرر ويلف ويدور بس ماقدر لان الفلبيني قلب السحر عليه
وهيك أنا طلعت من المقلب بدون أحراج معاهم لا مع ولا ضد

 

 

[إشراقة أمل]

اقتباس المشاركة الأصلية كتبت بواسطة أحسائية ما شاء الله لي عودة لازم أقراء على رواق لأجل أعرف أرد الله يعطيكِ العافية

انتَظَرت ..

وَ لا زِلتُ أَنتظَـر بِقبَسٍ مِن أَمَـــل ..!

،’

أَلِإنتِظَـارِي فَرَج ..؟!

 

 

[أحسائية]

عمرك عملت مقلب وزعل منك أحد بسببه ؟
كثير لكنـ ما أترك أحد زعلاني علي

* أكثر شيء أتمناه بحياتي الأمان
حتى أحس إني فعلاً عايشة حياتي وأرتاح وأفكّر أصنع شيء مختلف !

* أكثر شيء ممكن يخليني أبكي الفراق
ووقتها ممكن أعيد حساباتي و ابدأ من جديد !

* سؤال ما أحب أحد يسألني إياه
من تدخل فيما لا يعنيه ...!
لذا ما أحب الأسئلة الشخصية .... )

* أكثر شيء يضحكني مواقف الأطفال
وفعلا وقتها أحنـ لأيام الطفولة ...!

* أعلى فاتوره لجوالي سددتها كانت 700
وتلقيت على إثر ذلك تهزيئ محترم من ( محد لأني أنا اللي بدفع مو غيري

* هل أنت من الأعضاء الذين فتحوا لهم صفحه في موقع الآسك مي ؟
لا

* أجمل شاعر أقرأ له لا يوجد شخص محدد

* حُلم أتمنى يتحقق الوظيفة وإكمال الدراسة والأستقرار

أغرب اشاعه سمعتها أو عايشتها ؟
عديدة وليست واحدة
وهل كنت في يوم من الأيام بطل لإحدى هذه الإشاعات ؟
من لمـ يقم بهذا الدور يوماً ما

 

 

[حَـمَـأ]

المدخل يا إشراقة كثير , كثيرٌ جداًّ
مشحونٌ بمفارقات الحياة من كوميديا , تراجيديا , دراما , و أشياء أخرى

المدخل يا إشراقة هُو الحياة عينُها .

تسلم لي هذه البساطة العميقة

 

 

[وحــيد بدنيتــي]

الف الف شكر لكـي


الله يعافيكـ


نريد المزيد من المشاركات

 

 

[إشراقة أمل]

اقتباس المشاركة الأصلية كتبت بواسطة الفتى الملكي . . // بسم الله الرحمن الرحيم // . ماشاءالله موضوع جميل وأسلوبه أروع كمان أستمتع بالموضوع خصوصاً التعلقيات الجميلة على بعض المشرفين قرأته على السريع لاني بروح الدوام ومستجعل عاد نرجوا العذر والسموحة من الأخت إشراقة وإن شاءالله نخدمكم في مواضعي ثانية تقبلي مروري

طيب وإذا جيتك الحين وطـالبتك ..

طبعًا أكود عندك وقت فايض الحين

،’

لنـا وقفـات أخرى في ربوع حيـاتك ..

عافاك الخالق ..,

.
.

 

 

[بوعباس]

شكرا على الموضوع
واحسن شيء كل واحد يحفظ مشاعره لنفسه

 

 

[buaboodجوبا7]

شكرا لكي على الموضووع

وننتظر الافضل