!i.. جـَــوَّالُكْـ تَحْــتَ المِجْهَـــر 2..i!

[إشراقة أمل]

اقتباس المشاركة الأصلية كتبت بواسطة عزف هههه :: الكسل وما يسوي اما عني اصير مكانك انا جوالي ابو السكراب في هالسبوعين انشالله بغيره لغيرته انا بجي وبقط وجهي كذا عشان تقولين ياشيخ على هالبنت الله يعين ههه ودورك اعيوني مافيه لو المصوتين واحد دورك ماكو فكه

خلااااص مروا الأسبوعين

يعني جـاااا دوووورك حبوبه

.

هاااه مستعدة ..؟!

اقتباس بجي وبقط وجهي كذا عشان تقولين ياشيخ على هالبنت الله يعين ههه

عيوني إنتِ ..

ترى بتكبرين في عيني ..

هذي اللي ما تهاب الصعااااب

ويا ليت الكل يجي يقط وجهه .. ويفكني من عناء الاختيار

.

اقتباس ودورك اعيوني مافيه لو المصوتين واحد دورك

دامك من ضمن المصوتين ..

ما لي إلا أن أجيب النداء

بس هااااه ..

بشرط :

إني ما أفقد متابعتك للموضوع ..

ولو بكلمـــة وحدة .. <<< عشان اعرف انك معي ع الخط

.

انتظري ..,

.
.

 

 

[إشراقة أمل]

اقتباس المشاركة الأصلية كتبت بواسطة DHYM السلام عليكم ورحمة الله وبركاته اللهم صلي على محمد وال محمد شنو صاير >>>>>>>> توه فاهم دخل مره ولا عود وتوه داخل ثانية .! يالله يالله يالله يالله حركااااااات طبعا قريت وضحكت وتونست .! اقول إشراقة نزلي لنا سكراااابكـ.!! >>>>>>>>>داخل ثاني مره وقاعد يتأأمر .!! يالله شاطره الي بتسمع كلمة الاعضاء شو بنقولها شاطره شاطره .!!

وعليكم السلام ورحمة الله وبركاته ..,

.

افاااا دحيم

وتقولها في وجهي ..؟!

على الأقل .. قلها في خاطرك .. مو قدامي ..!

<<< حسستني إن موضوعي ما له أهمية .. ولا أحد حوله

اقتباس يالله يالله يالله يالله حركااااااات طبعا قريت وضحكت وتونست .!

الحمد لله ..

الحين بينت أهمية الموضوع ..

وأهم شي وصلنا للمطلوب

<<< خلك هنا أجل .. وبيجي دورك

.

اقتباس اقول إشراقة نزلي لنا سكراااابكـ.!! >>>>>>>>>داخل ثاني مره وقاعد يتأأمر .!!

آآخ بس ..

هذا القهــر ..

لو معي من أول مشاركة . .

كان قلت لك .. تامر أمر .. ما أقدر أردك ..

بس ثاني مرة .. وتتأمر ..!

<<< شين وقوي عين

.

انتظرونـا قريباً <<< ترى حق متابعيني المتواصلين بس

.
.

 

 

[عزف]

:QUOTE=إشراقة أمل;670011]خلااااص مروا الأسبوعين

يعني جـاااا دوووورك حبوبه

.

هاااه مستعدة ..؟!






عيوني إنتِ ..

ترى بتكبرين في عيني ..

هذي اللي ما تهاب الصعااااب

ويا ليت الكل يجي يقط وجهه .. ويفكني من عناء الاختيار

.



دامك من ضمن المصوتين ..

ما لي إلا أن أجيب النداء

بس هااااه ..

بشرط :

إني ما أفقد متابعتك للموضوع ..

ولو بكلمـــة وحدة .. <<< عشان اعرف انك معي ع الخط

.

انتظري ..,

.
.[/QUOTE]


بس انا جوالي قديم مرررره

يعني لو تصبرون لين بعد العيد لنو ما غيرته تدرون انا طالبه في متوسط فا ماحد يشتريلي

يقولون لين تكبرين فشريت بعرق جبيني ولا حد بغيرلي بفلوس العيد بغيره

عاد لا تقولون ذي بزرة وطنشوني

بس انشالله حتى لو ما غيرته احين دورك تالي نقي الي تبين

كم إشراقة عندنا

ولك مني { وعد م اترك هالموضوع وارد عليه دايماً } ~.

دمتِ

 

 

[إشراقة أمل]

اقتباس عاد لا تقولون ذي بزرة وطنشوني

ما عاش من يطنشك حبيبــة ..

عزيزة وغاليـة

.

اقتباس كم إشراقة عندنا

تسلمين لي يا قلبي ..

.

اقتباس ولك مني { وعد م اترك هالموضوع وارد عليه دايماً } ~.

حبوبــة .. وعد الحر دين ..

وأنتظر ردك بعد كل استضـافة ..

وحتى لو ما شفتِ رد .. تعالي اهذري بروحك وامشي <<< بجي أساعدك

:

لروحكـ .. عبق الورد ..,

.
.

 

 

[إشراقة أمل]

بسم الله الرحمن الرحيم

جيت لكم .. بسكراااابي ..

والله يستـــرـرـر من الجاي ..!




.




1- مــا هــو نــوع جــوالك ؟ وإذا ممكن تصورينه لنـا ؟ ولمـاذا اخترته تحديداً ؟

أمـا عن نوع جوالي ..
فهـو تحفـــة ..
آخر صرعــات الموضـــة ..
وأجود أنواع الجوالات ..

بس هاااه ..
لا أحد يقول ممكن تسلفيني جوالك ..
لو يرقى السما .. و ينزل الأرض .. ما سلفته
<< نذااااااااااالة ..!

لمعرفة جوالي . أأقصد سكرابي ..

انزل إلى أسفـــــــل ..






















































































































































هاااه ..

وش رايكم في جوالي ..؟!





.



2- كـم رقــم مخــزن عنـدك ؟

197 رقـم ..
<<< لا يغركمـ .. لو أصفيهم .. أصفى على 100 رقم


.

3- مــا آخــر رســالة تــم تـلـقـيـهـا ؟ وممـــن ؟

آخر رسـالة تقول :

سلام للي ما نسى القلب طاريه
كل المعاني والكرم من صفاته

صديق صادق جعل ربي يخليه
وجعل الفرح يلازمه في حياته

له في صلاتي دايما ربي أدعيه
الله يحفظه طول فترة حياته

( إلى ....... الغالية ) أحبك

ممن ؟

من عمــي الله يخليه لي ولا يحرمني منهـ بحق محمد وآل محمد ..


.

4- مــا هــي الرسـالة رقــم 4 بالتحـديـد ؟

( رقم بطـاقة شحن )
تبوني أحطه لكم ؟!
ترى للحين ما شحنت



.

5- ما هي آخر رسـالة بلوتوث وصلت لكِ ؟ وآخر رسـالة بلوتوث تم ارسـالها ؟

آخر رسالة بلوتوث .. كانت موسيقى من [ ماي براذر ]

وآخر رسـالة رسلتهـا .. كانت ملاحظـة أرسلتها لرفيقة عمري .. وأنا أسولف معها بالبلوتوث << قلّوا ..؟
>> لا بس كان المكان محظور .. فقمنا نسولف بالبلوتوث

مكتوب في الملاحظـة :
ولماذا لا نسعى لأن نوفق بين الحلم والواقع
لنكسب الإثنين ..!
ونبني [ الضحكة ] لزمان يطول
فقط ..
بقليل من التوازن ..!


.

6- تفضلين تستقبلين بلوتوث [ صور أو صوت أو فيديو أو ملاحظـات أو مـاذا ] ؟؟

اممممممم ..
كل شي ..
بس الأغلب : صور + ملاحظـات
والصوت : إذا كانت موسيقى حلـوة


.

7- مــا هــي أعلـى فــاتــورة قـد تجــاوزتِها .. و كم هــو حدك الائتماني ؟

حدي الإئتماني : 600
وأعلى فاتورة تجاوزتهـا : 500 ريال







<< لا تصدقون .. انا وجهي مو وجه فواتير ..
شحن ويخب علينـا ..!


.

8- مـا هـو اسمك بالبلوتـوث حالـيـاً ؟



ღஜ¸¸The story of a silent ¸¸ஜღ





.

9- مـن حـادثتِ فــي آخــر مكالمــة صـادرة ؟ وآخر مكـالمة واردة ؟ و من آخر متصل لم يتم الرد عليه ؟

مكالمة صادرة : الوتر الحساس [ بنت عمتي ]
مكالمة واردة : الروح الدافئـة [ ماي فريند ]
لم يرد عليهـا : نبض الإخاء [ ماي سستر ]



.

10- ما أكثر مـا تستخدمينه بالجوال مثلا: المنبه , الحاسبه , البلوتوث , ؟

الأوضـاع + المنبـــه


.

11- كم عدد الرسائل بالصندوق الوارد ,, وكم عددها بالصادر ؟

بالنسبة لرسايلي ..
تقريباً لكل شخص عزيز علي .. حافظة ..
يعني الرسايل اللي منه .. دايركت إلى حافظته ..
والرسايل اللي انا أرسلها له .. برضو أنقلها إلى الحـافظة بتاعه ..
ومو كل رسالة أرسلهـا .. أخليها في الصادر ..
بس الرسايل اللي أنا أكتبها بنفسي .. واللي تعز علي ..
يعني اللي في الوارد والصادر حالياً ..
من الناس العامـة .. اللي ما لهم حافظـة مخصصة ..
<<< طيب خلصينا .. كم عندك ..؟

الوارد : 195 رسالة
الصادر : 55 رسالة



.

12- رسالة لــن تقــومين بمسحها أبداً ولماذا ؟

مجلدات .. وحافظـات .. وملفات ما بمسحهـا أبداً ..
بس بذكر لكم رسـالة من هالكم من المجلدات ..
السبب :
لأني أرسلت رسالة .. وجاني الرد عليهـا بتأليف شخصي ..
بنفس الأسلوب .. ونفس التنسيق ..
أعجبتني مرررررة ..

رسالتي اللي رسلتها تقول :

للناس قدر و
}.. قدرك
] بخافقي غير [

لهم مكانة وأنت أغلى
]| مكانة

صدري سما وأنت على جوه
| الطير~

والطير ما يرضى يغير مكانه ..{

عبرت لك في خافقي الحب
|[ تعبير~

وعطيتك
ق~ل~ب~ي
"~بكفك أمانة~"

والرد عليهـا :

قدرك بقلبي
}.. فاق
] كل التصاوير [

مهما نطقها عاشقك يعجز
]| لسانه

دام طيري بجنة كلها زهور
| وعبير~

كيف يرحل و جنتك مصدر حنانه..{

أنت بوسط صدري دانة كاسيها
|[ بحرير~

أمانتك
ب~ق~ل~ب~ي
"~ وعد ما أخون الأمانة~"

<< جد جد الرد روووعة .. من تعبير ومن رد مسج بنفس القافية ونفس التنسيق .. أعجز عن شكر مرسلهـا


.

13- ما هــو الاســم رقـم { 12 } المخزن عندكِ ؟ وآخـر رقم ؟ ومن همـا شخصياً ؟

رقم 12 : الإشتراكات [ اشتراكات تبع مجلة حياة ]
<< تراها تشتغل مندوبة للمجلة .. بس ما أحد يدري

وآخر رقم :Thè Bǿss

[ هذا سائقي المحترم اللي يوديني الدوام " مكشخته بهالاسم "]

.

14- مــا آخر رســالة قمتِ بإرسالها ؟ وإلى من ؟

آخر رسالة تم إرسالهـا إلى : خالي

لو
غلاك
عندي
مثل
باقي
الناس
ما كنت
أمــــوت
من
الوله
في
غيابك


مشتاقـــة



.

15- ما هو أغرب اسم في جوالك ؟

عندي أسماء خربوطـة .. بس مو لدرجة الغرابـة ..
بذكرها لكم ..
وأي احد يبي يسأل عن السالفة يسأل

جريدة
خرابه
سو / مو / هو
شغب
قلق / قلقكو
كيفك
من أنا ؟
نسوة
<< 500 ألف اسم ورقم غريب .. منهم اللي له سالفة .. ومنهم اللي ما عنده سالفة ..
وكلهم في الأخير .. في سلة المحذوفاااااااااااات ..




.

16- تفضلين تكون الأسمـاء في جوالك .. اسمـاء صريحـة أو ألقاب ؟

أفضلهـا ألقاب ..
بس اللي علاقتي بهم رسميـة .. أسماءهم رسمية


.

17- ما هي أسمـاء أوضاعك .. و ما هي أكثر الأوضـاع استخدامـــاً ..
[ عـام - صـامت - غير متصل بالشبكـة - أخرى ... ] ؟


Ξ… Fragrant Love …Ξ << وضعي الشخصي بدل العام
.:][ يا حلوك وأنت صااااااخ ][:. << صامت
"!i.. مهمة بوليسية ..i!" << في اجتمـاع
[ هذا الوضع لو جاني اتصال أو مسج يعطيني تنبيه ]
آنا بررره }{... << بالخارج
.{.. ازعق لها بسرعة << جهاز المناداة
غير متصل بالشبكـة << ما يتغير اسم الوضع
~*( يا جبل لا تهتز )*~ <<< هزاااز
وبث

أكثر الأوضاع استخداماً ..
يا حلوك وأنت صااااااااخ ..
أحياناً أستخدم [ غير متصل بالشبكة ]
وأحياناً [ Ξ… Fragrant Love …Ξ ]

.

18- ما هو اسم أمك و أبوك في جوالك ؟

مامي : عطر الجنـــة
بابي : أغلى الغوالي


.

19- ما هي نغمة جوالك الحالية (( مولد ، أنشوده ، موسيقى ، .....إلخ)) ؟

موسيقى : Wello Cool



.

20- تُفضلين تكون نغمتك " موسيقى أو صوت " ولو كانت صوت " تغيرينه حسب المناسبة أو ثابت " ؟

انا نغماتي بشكل عام .. منوعة ..
فيها موسيقى وفيها صوت .. على حسب المُتصل
والعامة .. مرة موسيقى ومرة صوت ..


.

21- ما طبيعـة ثيم جوالك الحـالي [ وإذا ممكن تحطين لنـا الصورة ] .. وما تفضلين أن يكون

( مناظر طبيعيـة ، صور أطفال ، صور دينية ، حسب المنـاسبة ، شيء آخر؟ )

ثيمي الحالي :


ثيماتي متنوعة : أطفال / ورود / دباديب / صور هادئة
وكل ما بين فترة والثانية أحط شي


.

22- كم عدد حـافظـاتك ؟ وما هي اسماؤهـا ؟

22 حـافظة



شدعوووووووووووووووة ..!

[ اللهم صل على محمد وآل محمد ]

1/ الحب الراحل
2/ الروح الدافئة
3/ جروح الصمت
4/ جنة الروح
5/ حكاية عشق
6/ حياة .. للحياة حياة
7/ خولة القزويني
8/ رب صدفة خير من ألف ميعاد
9/ س ص ربي لك بالمرصاد
10/ سيمفونية الأمل
11/ صمت الأحاسيس
12/ عطر المطر
13/ لحن ..!
14/ مـــ me ـــــي
15/ محاضرات
16/ مواضيع عامة
17/ نبض القلب
18/ هذيان الورد
19/ همسـة ..!
20/ وللحرف معنى
21/ Best Friends
22/ Novels



.

23- عـادة تخصصين صور .. و نغمـات .. لأشخـاص معينـة عندك .. أو عــام ؟؟

لااااااااازم أخصص ..
أحب الشي يطلع مرتب وحلو ..
نغمة خااصة وصورة خاصة لكل غالي ع قلبي ..
نغمة خاصة لـ :
ماي ماذر [ ماما ]
ماي فاذر [ بابا ]
ماي براذرز [ اخواني ]
ماي سسترز [ أخواتي ]
ماي فريندز [ صديقاتي كل وحدة نغمة خاصة فيها تميزها عن غيرها ]
ماي أنكل [ عمامي وعماتي نغمة .. وخوالي وخالاتي نغمة ]

غلاي


طبعاً مثل ما قلت لكم ..
لكل شخص له مكان خاص بقلبي .. نغمة خاصة فيه


.

24- كم رقم مسجـل عندك .. من أعضـاء المنتدى ؟ ومن هم ؟

( من هم [ سؤال اختياري ] ) ..

ثلاثة أرباع اللي عندي .. موجودين في المنتدى ..
عمامي .. خوالي .. صديقاتي .. اخواني .. عيال عمامي .. عيال خالاتي .. عيال عماتي ..
إلا أبوي و أمي مو موجودين


.

25 - شريحتك [ الاتصالات [ سوا - لنا ] - موبايلي - زين ] ومـاذا تفضلين ولمـاذا ؟

شريحتي : موبايلي
أفضّل : سوا
السبب : STC حياة أسهل ..



.

26 - آخــر صورة تم التقــاطهـا ..؟

تهئ

ما عندي كام بالبيجـــر




.

27- اختــاري أحد الأعضــاء .. واهدي له رسـالة من عندك ..
سواء من الرسائل المرسلـة أو المستقبلــــة .. أو من عندك شخصياً .!

تـاروتيـــــة :


آسف على الغيبة ما كنت فاضي
آسف على التقصير لا كنت قصرت
رجعت لك حاضر ماني بماضي
أبعتذر يمكن عليكم تأخرت..!!
حطيت في غيبتك الحب قاضي
و حكم علي ارجع لو ما تصبرت!!
رجعت..قانع بحبك و راضي
محد جبرني يوم أرسلت و....
((اعتذرت))


.

28- كم جهـاز بلوتوث مقترن معك ..؟

31 جهـــاز

25 جهاز جوال
5 جهاز حاسوب محمول
1 جهاز حاسوب مكتبي << اللي هو سكرابي هع

<< وتقول ما تستخدم البلوتوث كثير
>> جد ما أستخدمه كثير .. بس أول ما أخذت الجوال ..
وللحين هالعرب مقترن البلوتوث معهم << لحاجة في نفس إشراقة




وصلى الله على محمد وآل بيته الطيبين الطـاهرين ..

وكل عـــام وأنتم بخير بمناسبة قرب عيد الأضحى المبارك ..

كل عام وأنتم إلى الله أقرب ..,

.

 

 

[روح العاشقين]

.. هلا والله هلا ..
وأخيرا إشراقة حطت لنا (سكرابها) قصدي (جوالها) تحت المجهر
رحله ممتعه جدا مع جوالك بس ليش ماحطيتي صورة جوالك الحقيقية ؟؟!!

تصدقي في رحلتك ودي أتعمق أكثر جاني فضوووول أتعرف عليه أكثر
لأنه يحمل ألغاز كثيره شوقتيني كثير

عقبال مانشوفك في باقي المجاهر

ْْ وكل عام وأنت بخير وصحة سلامة ْْْ

.

 

 

[عزف]

إشراقه يا لبى روحك

الله يساعدك على تغيير الجوال انشالله

ويعطيك احسن منه كا شكل بس كالاشياء الي داخل الموسيقى وهالاشياء الله يخليها في جوالك

ومشكور على التلبيه دمتِ

 

 

[أنثى مخملية]

حركتات اشراقه

طيب ياشيخه عددي لنا اللي في المنتدى كلهم ههههههههه


رحلة ممتعه عزيزتي

دمتي بود

 

 

[إشراقة أمل]

اقتباس المشاركة الأصلية كتبت بواسطة روح العاشقين .. هلا والله هلا .. وأخيرا إشراقة حطت لنا (سكرابها) قصدي (جوالها) تحت المجهر رحله ممتعه جدا مع جوالك .

هلا بك أخوي أكثــــر ..

منووور الموضوع بالطلــة

.

اقتباس بس ليش ماحطيتي صورة جوالك الحقيقية ؟؟!!

افااااا

الصورة وش كبرهـا مرتزة بنص الصفحـة .. وتقول ما حطيتهـا ..؟!

اممممم .. ما حطيت الصورة لحاجة في نفس الأعضـــاء


.

اقتباس تصدقي في رحلتك ودي أتعمق أكثر جاني فضوووول أتعرف عليه أكثر لأنه يحمل ألغاز كثيره شوقتيني كثير

تعمق أكثــــر .. وأنـا ماشية معك لنهاية الطريق ..

أي سؤال أي استفسار .. موجودة وبالخدمـــة

.

اقتباس عقبال مانشوفك في باقي المجاهر

الله كريــــمـ ..

بس وش رايك تروح موضوع |[ بطنك تحت المجهر ]|

اقتباس ْْ وكل عام وأنت بخير وصحة سلامة ْْْ

وأنت بخيــــرات .. وصحااات وسلاماااات

 

 

[إشراقة أمل]

اقتباس المشاركة الأصلية كتبت بواسطة عزف إشراقه يا لبى روحك الله يساعدك على تغيير الجوال انشالله

أكيييييييييد أنتِ بتجيبين لي جوال هديــــة ..

<<< خليها تغير جوالها بالأول .. بعدين رزي الفيس بتاعكـ

.

اقتباس ويعطيك احسن منه كا شكل بس كالاشياء الي داخل الموسيقى وهالاشياء الله يخليها في جوالك

خلاااص خذي شغلاااتي اللي فيه أمـانة عندكـ ..

و قبل ما تجيبي الهديــة .. دخليهـا فيه .. وجيبيها ..

عشان تصير خووووش مفاجأة ..

كاملة ومكملـــة

.

اقتباس ومشكورة على التلبيه دمتِ

ولوووو ..

نحن في خدمـة الأعضاء .. ما داموا الأعضاء في خدمتنـــا

والعقبى لأن نرى سطورك هنـا

.
.

 

 

[إشراقة أمل]

اقتباس المشاركة الأصلية كتبت بواسطة شموخ امرأة حركتات اشراقه طيب ياشيخه عددي لنا اللي في المنتدى كلهم ههههههههه

شكلك تبين توهقينـا انتين ..

بس باختصاااااااااااار ..

ثلاثة أرباع الإدارة .. عندي أرقامهم .. <<<

بدءًا من الغريب .. وانتهاءً بـ إشراقة <<< كثري منها شوشو ...

ومن الأعضاااااء ..

برضو نخبــة مو قليلــــة .. بس ما بذكرها لكم

.

اقتباس رحلة ممتعه عزيزتي

سعيـــدة بتواجدك بين أسطري .. شموخ يضفي الألق لي


دمتِ بود

 

 

[إشراقة أمل]

نسيت أقول لكم ..

بالنسبــة لمستضـافنـا الجديد ..

سنؤخر إستضـافته .. حتى [ ربيع الأول ] بإذنـــهـ تعالى ..

أسأل الله التوفيق ..,

.
.

 

 

[إشراقة أمل]

قلنـا إلى ربيــع أول ..

صار إلى جمـادى ثان ..!

.

بعد أن كـان الموضوع .. في غفـــوة طـالت ..

نعود لنصحيّــه .. بضيف جديد ..

احترت في اختيـاره ..

حتى وقع الاختيـــار على مشرفنـــا ][ دحيــــم ][

<<< تكفى دحيم لا تقول مو فاضي ..!

،’

أهلًا بك في سطورنـــا .. و تحت مجـاهرنـــا ..

تفضل ..

وفصفص لنــا جوالكـ


.
.
.

 

 

[DHYM]

اقتباس حتى وقع الاختيـــار على مشرفنـــا ][ دحيــــم ][ <<< تكفى دحيم لا تقول مو فاضي ..!

يعني صابرين اكثر من 6 شهور تفكرون مين العضو

واخر شي اطـلع انـــا .... إنالله . استغفر الله

شوفي إشـراقة االغريب .. يعرف الاعضاء كلهم ...

يعني مالقيت إلا اسمــي ......

متأأكدهـ انا ولا واحد ثاني تأأكدي صح

تبين dhym ولا دحيــمـ..>>>>>>>> وش فرق

انـزين اي جـوال تبوون >>>>>>>ألرجال مسوي فيها رااهي

امممم اقولكـم وش رايكم تصبرون شهـر على ما يطلع جهازي الثالث ؟..؟؟

هههههههههههههههههههه

اقول إشـراقة مافي احتياط ناس على الخط يمكن ؟؟

شوفي ؟؟


ان شاء الله احــاول في اقـرب وقتـ ممكن اجــاوب

واشكـرك أشـراقة امـل على الموضوع ا لممتع ..!

 

 

[إشراقة أمل]

اقتباس يعني صابرين اكثر من 6 شهور تفكرون مين العضو واخر شي اطـلع انـــا .... إنالله . استغفر الله

لا .. ما بعد نصك الـ 6 شهـور ..

ونتاج هالخمسة الأشهر اللي صخينا فيهـا .. كانت مشرف اسمه دحيم

.

اقتباس انـزين اي جـوال تبوون >>>>>>>ألرجال مسوي فيها رااهي

والله ما يمنع لو تحط لنـا الجوالين .. والثالث بعد ما تطلعه ..

أكيد راح نستمتع بالرحلات

.

اقتباس اقول إشـراقة مافي احتياط ناس على الخط يمكن ؟؟ شوفي ؟؟

دورت .. وبحثت .. ونقبت .. و سويت نداء .. هاااه من يشوف نفسه قـادر .. يطق صدره

ما لقيت إلا أنت ..! <<< إنا لله وإنا إليه راجعــون ..

.

اقتباس ان شاء الله احــاول في اقـرب وقتـ ممكن اجــاوب واشكـرك أشـراقة امـل على الموضوع ا لممتع ..!

في الانتظـار على قنـاة الطـــرف ..

بس هاااه .. أي يوم وكم السـاعة اقزاكتلي .؟!

.
.
.

 

 

[DHYM]

-1- مــا هــو نــوع جــوالك ؟ وإذا ممكن تصوره لنـا ؟ ولمـاذا اخترته تحديداً ؟

.

]
]مو انــا مخــتارهمــ للأســف .(الاثنــين هدايــا) ولله الحمد .!

2- كـم رقــم مخــزن عنـدك ؟

.178

3- مــا آخــر رســالة تــم تـلـقـيـهـا ؟ وممـــن ؟

.يعني لــزم الفــضــايح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اممممم والله مااقدر احط لكم >>>>>>توه واصلة طـازجه .! . .!

نحط الي قبــلهـاا (لو تنساك الدنيا مانسيتك اهديك عمري واقولك فديتك ومهما تبيع فيني
اصرخ واقول شريتك احبك واخر لحضه بحـايتي )) ,,

عااد مين مااقــدر .

4- مــا هــي الرسـالة رقــم 4 بالتحـديـد ؟

.عمـليــنا العـزيــز ..ألخ .!

5- ما هي آخر رسـالة بلوتوث وصلت لك ؟ وآخر رسـالة بلوتوث تم ارسـالها ؟

اخر رسـاله (صـور واحد من الشـبـاب ) واخر رسـاله تم ارسالهـا مدري .. والله .!

6- تفضل تستقبل بلوتوث [ صور أو صوت أو فيديو أو ملاحظـات أو مـاذا ] ؟؟

.ملاحظـات وصـــوت

7- مــا هــي أعلـى فــاتــورة قـد تجــاوزتها .. و كم هــو حدك الائتماني ؟

.للأسف شحـن .! (اشحن توفر )

8- مـا هـو اسمك بالبلوتـوث حالـيـاً ؟

.DHYM

9- مـن حـادثت فــي آخــر مكالمــة صـادرة ؟ وآخر مكـالمة واردة ؟ و من آخر متصل لم يتم الرد عليه ؟

.

صـادرة .TARK < واردة .>father > لم يرد عليـهـا >tramuma

10- ما أكثر مـا تستخدمه بالجوال مثلا: المنبه , الحاسبه , البلوتوث , ؟

.المـنبــه ..
11- كم عدد الرسائل بالصندوق الوارد ,, وكم عددها بالصادر ؟
الوارد 45
.الصادر 59
(غيـر الي في المحفظات )
12- رسالة لــن تقــوم بمسحها أبداً ولماذا ؟
اممممم عدة رسائل لم امسحهــا وفي شي انمسح غصبن علي قهر من الجهااز ينفس ويحذف .!
.الرسـالة .(راح اكتب رساله من احد الرسائل )

في غيبتك تثقـل علي الدقـايق
والوقـت مع غيـرك ماعاد
ينـطــاق ربطتني مابين عهـد ووثايق
وخليتني بس للقصايد والاوراق واليوم
اقولك دون الخلايق ماعيني لغيرك من النـاس
تشـتـــاق ...!

13- ما هــو الاســم رقـم { 12 } المخزن عندك ؟ وآخـر رقم ؟ ومن همـا شخصياً ؟

.Once Uncle(رقم 12 ) .مرة عمي ...واخر رقمـ. (zoom ) اخووي (

14- مــا آخر رســالة قمت بإرسالها ؟ وإلى من ؟

.اممممممم إلى dear >>>عمـتي ....!

اسمحـيـلي عميمه بس مصـدع ماقدرت ارد علــيكـ !
15- ما هو أغرب اسم في جوالك ؟

.واااااااااااااااااااااجد .. امممم نحط واحد efnak

16- تفضل تكون الأسمـاء في جوالك .. اسمـاء صريحـة أو ألقاب ؟

.اللـقـاب .

الصريحه لشخصـيـأت .. ايـأم معدودة فقط .(يعني الي بس حق شغله او مصلحه واحذفه )

17- ما هي أسمـاء أوضاعك .. و ما هي أكثر الأوضـاع استخدامـــاً ..

[ عـام - صـامت - غير متصل بالشبكـة - أخرى ... ] ؟

.dhym dhoon hamad

اكـثر شي hamad صــامت .!

18- ما هو اسم أمك و أبوك في جوالك ؟ .
بـابـا father

ماما غير مستخدمة للجوالات .!
19- ما هي نغمة جوالك الحالية (( مولد ، أنشوده ، موسيقى ، .....إلخ)) ؟

.
وادي الذئــاب .....! >>>>مت كثر مايتابعه .! متأأثر حط موسيقته .!

20- تُفضل تكون نغمتك " موسيقى أو صوت " ولو كانت صوت " تغيره حسب المناسبة أو ثابت " ؟

موسيقــى .! .

21- ما طبيعـة ثيم جوالك الحـالي [ وإذا ممكن تحط لنـا الصورة ] .. وما تفضل أن يكون
( مناظر طبيعيـة ، صور أطفال ، صور دينية ، حسب المنـاسبة ، شيء آخر؟ )

.
جوالي بدون ثيمــات يعني الحين حـاط صورة اعز نــاس لي .(عيـال اخوي ) .!

بس الفتـره الاخـيرة واحد من الشبـاب حط لي ثيم ولا غيـرته رومنسي وحلوو

ولا لقيــت له صوره طبعا الثيم عجيب بالمــرهـــ

22- كم عدد حـافظـاتك ؟ وما هي اسماؤهـا ؟

3
dhym مسـائل دينــيـه ... Dhoom .

23- عـادة تخصص صور .. و نغمـات .. لأشخـاص معينـة عندك .. أو عــام ؟؟

.على حسب الشخـصـيــات. !

24- كم رقم مسجـل عندك .. من أعضـاء المنتدى ؟ ومن هم ؟
امممم والله بضبط مدري بس اتوقع والله العالمـ
10 يمكن اكـثـر

( من هم [ سؤال اختياري ] ) ..
.امممممممم في المسـقبل .!

25 - شريحتك [ الاتصالات [ سوا - لنا ] - موبايلي - زين ] ومـاذا تفضل ولمـاذا ؟

.سـوا

والله مدري كلهم بواقين .!

26 - آخــر صورة تم التقــاطهـا ..؟

.امممممممم مااصور بجـوالي للأسف .!

27- اختــار أحد الأعضــاء .. واهدي له رسـالة من عندك ..
سواء من الرسائل المرسلـة أو المستقبلــــة أو من عندك شخصياً ..!
*الحب هو غايتي إليك ......
. وغايتي إليك محتاج إلى أحساسكـ.
الحب رحلتي إليك ........
....ورحلتي إلى سكون قـلبكـ.
الحب طريقي إليك .......
طريقي إليك طريق ارتياحي

لي كل انـساان يرتـااح .لي حبيبه او حبيبته .!
.

28- كم جهــاز بلوتوث مقترن معك ..؟

9 فقط..!

ملاحظــة الاجـوبه في الجـوال n70
الدمعه مو عندي متسلفينه .

واخرا خلصــنا

إشـراقة امـلأ اسمحي لنـا عن التأخـير
او نقـصان في الاجوبـة
اعتذر لو شي ناقص
واخبرينـي عنه .!
في امــان الله

 

 

[إشراقة أمل]

اقتباس 3- مــا آخــر رســالة تــم تـلـقـيـهـا ؟ وممـــن ؟ .يعني لــزم الفــضــايح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اممممم والله مااقدر احط لكم >>>>>>توه واصلة طـازجه .! . .! نحط الي قبــلهـاا (لو تنساك الدنيا مانسيتك اهديك عمري واقولك فديتك ومهما تبيع فيني اصرخ واقول شريتك احبك واخر لحضه بحـايتي )) ,, عااد مين مااقــدر .

أجل احنـا ليش مسوين تحت المجهر وسالفة طويلة عريضـة ..

عشان هاللي ما يصلح يطلع .. يطلع بالغصب ..!

ما يجوز تستر الطـازجة .. وتعطينا اللي بعدهـا .. لا وبدون افصاح عن المرسل بعد !!

ارجع اكتب لنا اللي ما تصلح .. ومن مين بعد

//

اقتباس الدمعه مو عندي متسلفينه .

افاااا

عسى ما فيه فضايح من ذاك شيسمونه .. اللي خبرنا خبرك


،’

اقتباس إشـراقة امـل اسمحي لنـا عن التأخـير او نقـصان في الاجوبـة اعتذر لو شي ناقص واخبرينـي عنه .!

لا ما قصرت .. اجابات كـاملة .. إلا اللي اشرت إليه سابقًا ..

ارجع وجـاوب عليه ..

،’


سؤال أخيـــر ..

من ترشح نحط جوالها تحت المجهر بعدك .؟!

.
.
.




دحيم ..

الشكــر الجزيل لرحلـة اكتشفنـا من خلالهـا بعض زواياكـ ..

وشكرًا لتلبيتـك ..

تحيــــة

.
.

 

 

[إشراقة أمل]

ورحلــــة أخـــرى .. سنبحــر خلالهــــا في ثنـايا جوال

~|| ورود ||~

تفضلي غاليتي .. و اكشفي لنـا أسرارك

 

 

[وتين الورد]

مرحبا ااا
مساااكم ورد وياسمين
.
.
اللهم ثبتني عند السؤاااال
.
.
.
1-مــا هــونــوع جــوالك ؟ وإذا ممكن تصورينه لنـا ؟ ولمـاذا اخترته تحديداً؟

بلاك بيري ... اخترته لانهم موضه دارجه ولاني حبيته

.[IMG]http://www.itechnews.net/wp-*******/uploads/2009/06/RIM-BlackBerry-Tour-9630-EVDO-HSPA-Smartphone.jpg[/IMG]
والحين غيرته من اكثر من اسبوع تقريباً وهو








2- كـم رقــم مخــزن عنـدك ؟

55 اسم بين ذكووور واناااث هههه
.

3- مــا آخــر رســالة تــم تـلـقـيـهـا ؟وممـــن ؟

اترك جمالك يا حبيبي على جنب غير الحلا تعجبني بزووود طيبك كللك على بعضك
تجنن ونتحب حظي كبير اللي جعلني حبيبك وان كان حبي بنظر بعضهم ذنب يا مرحبااا والله بذنب يجيبك
ما اقووول غير الله يخليك لي يارب ويعمي عيون من حسااادهااا تصيبك ...
من صديقتي ومسميتهااا (( كلمني شكراً ))
.

4- مــا هــي الرسـالة رقــم 4بالتحـديـد ؟

البارح سمعت صووووت طقطقه بقلبي تدري وش يصير ؟؟؟ معزتك تبني لهااا دووو ر 88
.

5- ما هي آخر رسـالة بلوتوثوصلت لكِ ؟ وآخر رسـالة بلوتوث تم ارسـالها ؟

هذا اللي وصلني / موسيقى اسمهااا هدوء ... اما اللي ارسلته / مقطع جوااال اسمه وداااع
.

6- تفضلين تستقبلين بلوتوث [ صورأوصوتأوفيديوأوملاحظـاتأومـاذا ] ؟؟

صوووت وملاحظاااات
.

7- مــا هــي أعلـى فــاتــورةقـد تجــاوزتِها .. و كم هــو حدك الائتماني ؟
ههههه 350 وحصلت عليهااا تهزيء وحدي الائتماني تقريبا 70 ريال اذا ما خاب ضني

.

8- مـا هـو اسمك بالبلوتـوث حالـيـاً؟
بل قويه امممم طيب بقول >> كلي على بعضي حلا <<

.

9- مـن حـادثتِ فــي آخــر مكالمــة صـادرة ؟وآخر مكـالمة واردة ؟ و من آخر متصل لم يتم الرد عليه؟
صادره / نبضااات
وارده / كلمني شكراً
لم يرد عليهااا / جوريه

.

10- ما أكثر مـا تستخدمينه بالجوال مثلا: المنبه , الحاسبه , البلوتوث, ؟

البلوتوث
.

11- كم عدد الرسائل بالصندوق الوارد ,, وكمعددها بالصادر ؟

الوارده / 53 رساله
الصااادر / هههه فشيله 8 بس
.

12- رسالة لــن تقــومين بمسحهاأبداً ولماذا ؟

رساله من صديقتي ومعبره فيهااا عن شعورهااا اتجاهي اما لماذا لانهااا من اغلى صديقاتي وحبيبتي في نفس الوقت
.

13- ما هــو الاســم رقـم { 12 } المخزن عندكِ ؟ وآخـر رقم ؟ ومن همـا شخصياً ؟

رقم 12 / كوميدووو <<< وهي بنت عمي
واخر رقم / وزارة التجاااره <<< اخووووي الكبير
.

14- مــا آخر رســالة قمتِ بإرسالها ؟ وإلىمن ؟

مرحباااا كيف الحااال .. تصدقين مللل وزهق بالقوووه !! كم الساعه اتصل عليك الليله ؟؟
.

15- ما هو أغرب اسم في جوالك؟

هههههه كلهم اسماااء غريبه لانو كل ااشخاااص مسميتهم بالالقاااب ولكن اغرب ثلاث اسماااء
هووو // وزارة التجاااره – لق لق - ورق عنب
.

16- تفضلين تكون الأسمـاء في جوالك .. اسمـاءصريحـة أو ألقاب ؟
لالالا القااااب اروووع شيء كل جوالي القاااااب وخطيره بعد

.

17- ما هي أسمـاء أوضاعك .. وما هي أكثر الأوضـاع استخدامـــاً ..
[ عـام - صـامت - غير متصل بالشبكـة - أخرى ... ] ؟

وضع الصااامت سميته / أطرم ... والباقي ما تغير

.

18- ما هو اسم أمك و أبوك في جوالك ؟
ابوي / عامود الخيمه
امي / الجنه
.

19- ما هي نغمة جوالك الحالية (( مولد،أنشوده،موسيقى،.....إلخ)) ؟

مسيقى طبعاااُ
.

20- تُفضلين تكون نغمتك " موسيقىأوصوت" ولو كانت صوت " تغيرينه حسب المناسبة أو ثابت" ؟
افضل الموسيقى وعلى طووول اغير على حسب المناااسبه وحتى مناسبة الخطوبه لهااا نغمه خاااصه خخخخ

.

21- ما طبيعـة ثيم جوالك الحـالي [ وإذا ممكن تحطين لنـا الصورة ] .. وما تفضلين أن يكون

( مناظر طبيعيـة،صور أطفال،صور دينية،حسب المنـاسبة،شيءآخر؟ )

شيء اخر هههههه حالياً حاطه صورة ابوي فما اقدر احطهاااا
وافضل شيء اخر اللي هو صور رومنسيه وورود فقط

.





23- عـادة تخصصين صور .. ونغمـات .. لأشخـاص معينـة عندك .. أو عــام ؟؟

طبعاً كل شخص له صوره معينه ونغمه خاصه على حسب مرتبته عندي
مثااال صديقاتي حطيت لهم صووور اعيالهم اخواني الاولاد صورتهم الشخصيه وخواتي صور اعيالهم وبس

.

24- كم رقم مسجـل عندك .. من أعضـاء المنتدى؟ ومن هم ؟

( من هم [ سؤالاختياري ] ) ..

عشرين عضووو وبقووول اسماااء بعضهم / شجرة الاراك – غربه – الشجرة الطيبه – كيت كات – سارونه – روح – ماي انجل
وبس الباااقي ممنوع
.

25 - شريحتك [ الاتصالات [سوا -لنا] - موبايلي - زين ] ومـاذا تفضلين ولمـاذا؟

زين ومساااءك زين << خدمة العملاء
لماااذا / شهر عليك وشهر علينااا
.

26 - آخــر صورة تم التقــاطهـا ..؟

صوره لبنت اختي فديتهااا
.

27- اختــاري أحد الأعضــاء .. واهدي لهرسـالة من عندك ..
سواء من الرسائل المرسلـة أو المستقبلــــة .. أ من عندك شخصياً .!

لجميع اعضاااء المنتدى الغااالي
عقلي معكم لو جسمي مع الناااس ما غاب طيفكم عن خيالي دقيقه ..~اجلس بوسط النااااس سااارحه بهوجاااس لا في يدي حيل ولا طريقه حبكم في قلبي مبني على ساااس .. وانت قلت امووووت بشوفتكم
وقربكم هي // الحقيقه //~

.

28- كم جهـاز بلوتوث مقترن معك ..؟
8 اجهزه وقااابله للاضااافه هع

.

وفي الختااام

اشكرك اخت اشراااقة امل على الاضااافه الاكثر من رائعه
ويارب كنت ضيفه خفيفه على قلبكم
وان شاء الله اجاباتي كفت ووفت بالمطلوووب
وسااامحوني على القصووور

واعتذر ان تأخر

 

 

[DHYM]

سللااام عليكم

شطااااااااااري عليه وعود للموضوع هع

المهم >>اشراقة حاطه استجوااب لي

راح نجااوب

اقتباس أجل احنـا ليش مسوين تحت المجهر وسالفة طويلة عريضـة .. عشان هاللي ما يصلح يطلع .. يطلع بالغصب ..! ما يجوز تستر الطـازجة .. وتعطينا اللي بعدهـا .. لا وبدون افصاح عن المرسل بعد !! ارجع اكتب لنا اللي ما تصلح .. ومن مين بعد

شوفي المسج نسيته بضبط من هو الي قبل هذا بس لو تذكرت راح احط لك

افاااا

اقتباس عسى ما فيه فضايح من ذاك شيسمونه .. اللي خبرنا خبرك ،’

شنو الي بعد خبري خبرك >>قولي لايردك الكيبورد هع >>الله يستر منك

الحين استخدم موبايلي وسوا .. ..وحصلت على هديه جوال سوني اريكسون ..

اشراقه >>جاي راد هنا عشان يفعل الموضوع من جديد