نتأج الرد على ازالة سوق السبت

[طرفاوي أصيل]

اقتباس طرفاوي اصيل لا تسوي روحك تحب مصلح البنات لو تحب مصلحت البنات كان اي واحد يشوف اهله بيرحون السوق يروح وياهم عشان يصير لهم المحرم الحامي لهم اوكي

رجل المهمات الصعبة ... اولا يعطيك العافية اخوي على الرد ..


على كلامك ان لازم يكون معهم محرم ... انتوا لو فكرتو تشوفون حل للشباب المستهتر كان الحريم خذو راحتهم

ويروحون السوق بكل أمان لأن الرجال مو كلهم فاضيين الكثير عندهم اعمالهم .

(وانت يعني اهلك مايتحركون خطوه الا وانت وياهم ) .. ارجو انك تجاوبني على سؤالي .


تحياتي لك ... طرفاوي أصيل

 

 

[ريحه المسك]

اقول رجل المهمات الصعبه دايما عندكم السبب والعله في البنات

كل شخص لو يلزم حده من الجنسيين ماحد يقدر يقول عنه ولا شي ولا تكون في صف الرجال لانك رجال العدل عدل لا من رجال ولا من حرمه

واتوقع ماله داعي تجي صوب طرفاوي اصيل لانه كان مع الحق والعدل ولا العيب مو في السوق لعيب في اللي يدخلونه يعني انت الحين تدخل مع هلك كل مكان حابه اعرف ردك مو بس كلام

لك تحياتي

 

 

[رجل المهمات الصعبة]

طرفاوي اصيل انا حبيت اجاوبك على سئالك مابي اكسر بخاطرك اي انا اروح مع اهلي بس موفي كل الاوقات
بس اهلي مايرحون الى مع رجال عشان اهو الي يكلم الرجاجيل وهو الي يحاسب عنهم اتوقع اجابتي تكفيك

(ريحه المسك ) كلامك صح بس حبيت اقولك ان كلامي ويا طرفاوي اصيل يعني ماله داعي تدخلي عرض بال موضوع ولا هو حطك محاميه تدافعين عنه اوكي انا وطرفاوي اصيل نتصالح

وحب اقولك لو ماتردين على كلامي يكون احسن

 

 

[الماسه حساسه]

انا اقول لا لالا لا لا لا لا لا لا لا لا لا لا للأزاله

صراحه انتوا باقتراحكم هذا تقطعون ارزاق كثير من الناس وبعد تعطلون الحريم واذا انتوا مستعدين تودون حريمكم كل مكان ف غيركم مايحصلهم احد يوديهم فكروا في العواقب وشنو الي بيصير اذا ازلتوا السوق بعدين عارضوا عليه

قطع الاعناق ولا قطع الارزاق

تحياتي الماسه

 

 

[حيدره]

لا ....... لا ......... لا
والف ......................لا

للأسباااااب الكثيرة التي ذكرهاااا الأعضاااااااء

وأرجو أخذ بآرااااء الذين لا يدخلووووووووون هذا المنتدى

لأنّ يا قضية تهم الــــــــبـــــــــــلــد بأكملها
وليس فقط اعضااااااااء المنتدى

لا تستعجلووووووووون .......... وتمهلووووووووا في اصدار هذا القرار

وأرجو من ابوأحمد ......... عدم الأندفااااااع

لأنّه يعلم أنّ مثل هذه الأستفتاءات تعرض بشكل وااااااسع

ومتكرر على ابناء البلد ....... في كافة تجمعاتهم

وليس فقط ........ على منتدى

الكثير منّا يجهل ما يدووووووووور فيه


ولكم جزيل الشكر

 

 

[وردة الياسمين]

اقتباس المشاركة الأصلية كتبت بواسطة ست البنات أنا ضد الأزالة كلا كلا كلا كلا للأزالة نعم نعم نعم نعم لبقاء السوق

زي ماقلت لالالللإزالة

 

 

[دلوعة القمر]

انتوا مازهقتوا !!!

اقتباس (ريحه المسك ) كلامك صح بس حبيت اقولك ان كلامي ويا طرفاوي اصيل يعني ماله داعي تدخلي عرض بال موضوع ولا هو حطك محاميه تدافعين عنه اوكي انا وطرفاوي اصيل نتصالح وحب اقولك لو ماتردين على كلامي يكون احسن

شكلك خاش تفزع وتتضارب

,,
خلاص ياالادارة
شكلكم مستانسيييين على النقاش الحاد هذا

سكروا الموضوع لانه بيسوي فوضى في المنتدى
خلااااااص سكروه
ولا فيه ازالة للسوق

قلناها كثييييييييييير

( قطع اعناااااااق ولا قطع ارزاااااااق ) فكونا

انتوا بعدين ربكم بيحاسبكم
غيركم يا الله يلقى لقمة الحلال
وانتوا تبون تحرمونهم منها
والله عيب عليكم ياخي

( يارب نسألك المغفرهـ )

 

 

[منتديات الطرف]

لسنا جهة اختصاص في بقاء أو إغلاق السوق، ومن يريد ذلك ، فعليه التقدم للجهة ذات الاختصاص في بلدية الجفر.

أما التصويت المفتوح هنا ، فلن يغيّـر في الأمر شيئاً ، وقد سمحنا بالنقاش فيه من باب قراءة المواقف العامة من المقترح باعتباره شأنا عاماً ، ونعتقد أن هذا القدر يكفي لتحقيق ذلك ، ولذا يغلق الموضوع.


إدارة منتديات الطرف