][ قريباً ... إغلاق صالونات الحلاقة " التركية " .. والسبب ؟؟ !! ][

[أول الغيث]

السلام عليكم و رحمة الله و بركاته


كيف حالكم اخواني ؟؟ عساكم بخير ؟؟


طبعاً مثل ما تعرفون ، أن صالونات الحلاقة لم تعد كالسابق .. كرسي و مشط و مقص

و صورة حديقة في الهند ماخذه الجدار كله ..


لا لا .. الحين كل شي تغيّر .. الحين كل صالون يبحث عن التميز ، و يحاول يجذب الزبائن بالديكورات الفخمة

و توفير الأجواء الرومانسية ، والخدمات الراقية

هذا غير ان الحلاق لازم يكون " تركي " الجنسية .. و إذا كلّش كلّش .. " سوري " أو " لبناني " ..



المهم اخواني : هذي آخر صرعة لصالونات 2009 .... لا تفوتكم ..








موديل 2009 يقول ان الحلاقة تكون بدون منظره ..




شوفوا مب كرسي واحد بس ،، 3 ما شاء الله ..




هذا شكله شارع الحلاقين ..




ما في زباين !!! ... أكيد إذا العرض أكبر من الطلب .. وش بتكون النتيجة ؟؟







والله حليوة حلاقته الصراحة ،، هذا الراس مرتب ،، و الزلف بعد مسكّبه و مسوّيه طبقات ..







شيقول في خاطره تهقون ؟؟

شكله يقول : اها اخلص يلاّ صوّر و فكّنا ..<<< من غير نفس طبعاً ..




أموت و أعرف من وين جات هالبقع اللي في الجدار ؟؟


،،


أخواني .. يمكن الصور صحيح تضحّك ، لكن لا تنسون انهم لو مالفقر و الحاجة ، شان ما صار هذا حالهم

لذلك احمدوا الله و شكروه على النعمة ،، ترى النعمة زوّالة ..

 

 

[ولد المبرز]

ماشاء الله علىهم خوش حلاقه الله يعطيك العافيه على صور الحلاقين

 

 

[عابرة الدنيا]

الحمدلله على النعمة التي نحن بها
يالله ادمها لنا وارزقهم من نعمائك

 

 

[زهور الريف]

مشكور أول الغيث على الموضوع الرائع

.,.
ويعطيك العافيه

.,.

اقتباس موديل 2009 يقول ان الحلاقة تكون بدون منظره

لا مو موديل علشان إذا خلص يشوف روحه مفأجاه ويقول يؤ شلون غيرتني كذا

اقتباس شوفوا مب كرسي واحد بس ،، 3 ما شاء الله ..

ما شاء الله صج وايد ما يلحق يسوي لهذا ولا لهذا

اقتباس هذا شكله شارع الحلاقين ..

شكخه والله بس تري كل واحد بغير من الثاني إذا كان شخص على طول يجون له الزباين

اقتباس ما في زباين !!! ... أكيد إذا العرض أكبر من الطلب .. وش بتكون النتيجة ؟؟

مو شرط يمكن توهم راحين الزباين توه مخلص

.,.

اقتباس والله حليوة حلاقته الصراحة ،، هذا الراس مرتب ،، و الزلف بعد مسكّبه و مسوّيه طبقات ..

صج والله مرتب و دقيق شغله ما شاء الله عليه
أنا كذا شغلي دقيق ما أحب إلفق في شغلي لازم يكون مرتب على أكمل وجه
.,.

اقتباس شيقول في خاطره تهقون ؟؟

أمممممممممممم أتوقع يقول متي بنخلص ورانا عرس

اقتباس شكله يقول : اها اخلص يلاّ صوّر و فكّنا ..<<< من غير نفس طبعاً ..

لا ما أتوقع يقول كذا
.,.

اقتباس أموت و أعرف من وين جات هالبقع اللي في الجدار ؟؟

لا لا لا تموت أنا أقولك
يمكن من يمكن من لا تموت بقول
يمكن من محترق الجدار
.,.

اقتباس أخواني .. يمكن الصور صحيح تضحّك ، لكن لا تنسون انهم لو مالفقر و الحاجة ، شان ما صار هذا حالهم لذلك احمدوا الله و شكروه على النعمة ،، ترى النعمة زوّالة ..

أي والله
الحمد لله والشكر لك يا ربي على النعمه إلا عطتني إياه
.,.
:":":" أول الغيث :":":"
الحمدلله لحقنا عليك على أخر لحظه وما مت
دائما مواضيعك رائعه وتروح على النفس وتخلي الواحد يضحك غصب
الله لا يحرمنا منك ومن مواضيعك الجميله
سأتشوق لجديدك
.
.
.

 

 

[الزين كله]

يعطيك الف عافيه اخوي اولالغيث وماقصرت كفيت ووفيت

***الزين***

 

 

[مذهلة]

الحمدلله كما هو أهله

تشكرات أخوي أول الغيث عالموضوع المعبر

تقبل طلتي

............

 

 

[أول الغيث]

ولد المبرز

اقتباس ماشاء الله علىهم خوش حلاقه الله يعطيك العافيه على صور الحلاقين

أجل هااا ..

ما تشوف ثلاثة أرباع الحلاقين عندنا ، هنود و باكستانيين ؟؟!!!


هذا هُم نفسهم ...




ألف ألف شكر لك أخوي و ما قصرت

على هذا المرور و التواجد الكريم

 

 

[أول الغيث]

عابرة الدنيا


الله يعافيج أختي و ما تقصرين

على العبور فوق صفحتي المتواضعة

و الله يديم النعمة و الخير على الجميع

 

 

[عاشق العالمي]

الحمد لله والشكر له على النعمه الي نحن فيها

لك الحمد والشكر يا ربـــــ

(اول الغيث )

دائما لك روح مرحه تفتح انفسنا بـ تعلقاتك الحلوه

نستمتع عند قراءة مواضيعك ان كانت جاده نظهر ومنه بـ فائده

وان كان مثل هذا نظهر والضحكه ما تفرقنا

بس قبل اثني على موضوعك

اقول لا تنسى اذا بتروح حق واحد من الحلاق << اذا ما حجز من وراي عاد

مر علي ومر مبكر لان شكله عليه زحمه
ولا تنسى قبل ما تمر تدق علي لا تخاف ما بخسرك بحط لك مشغول بس المهم نروح بكير
ها يا الحلو
الله يديمك لنا يا فاكهة المنتدى وروحها

والله يعطيك الف عافيه

والله يسعدك انشاء الله

( الحمدالله لك والشكر ياربنــا)

 

 

[أول الغيث]

زهور الريف

اقتباس ما شاء الله صج وايد ما يلحق يسوي لهذا ولا لهذا

لا .. هذا أكيد معاه عمال .. بس يمكنهم متأخرين و لاّ شي !!!

اقتباس شكخه والله بس تري كل واحد بغير من الثاني إذا كان شخص على طول يجون له الزباين

النظام ماعليه منهم .. ماتشوفون الهفوف ؟؟

الخياطين في شارع ، ومحلات الجوالات في شارع ... وهكذا ..

والزباين ماشاء الله ، تبارك الله يكتّون كتّ ..

اقتباس مو شرط يمكن توهم راحين الزباين توه مخلص

ايه والله صج ..

يلا يريّح هاليدين اشوي ...

اقتباس صج والله مرتب و دقيق شغله ما شاء الله عليه أنا كذا شغلي دقيق ما أحب إلفق في شغلي لازم يكون مرتب على أكمل وجه

اهااااا

قولي من مساعه انّج كفيلته ..

اقتباس أمممممممممممم أتوقع يقول متي بنخلص ورانا عرس

لا.. هذا الحلاق مبيّن ماله خلق كلّش .!!!

اقتباس لا ما أتوقع يقول كذا

شوفي عيونه .. هي اللي تقول كذا ..

اقتباس يمكن من محترق الجدار

إلاّ قولي من هالزيت اللي يحطّونه في شعرهم ..



زهور الريف


الله يسلّمج أختي و ما قصرتي

على الحضور و التعليق على الصور

وعلى تعليقاتي بعد ..

 

 

[وسط النخيل]

بسم الله الرحمن الرحيم
اللهم صل على محمد وآل محمد


أول الغيث

مشكور على الصور , وعلى التعليق


بس راسي يحكني واجد , وعندي سؤالين

.
.

السؤال الأول ..

كم سعر الحلاقه في شارع الحلاقين ؟


.
.
.

والسؤال الثاني :

.
.

كم يحتاج شارع الحلاقين .؟.؟.

.
.
.

على شان يصير عندهم

.
.
.

مثل هذا الحلاق ؟

.
.
.





.
.


و س ط ا ل ن خ ي ل





قـلب داخـل فـكـرة

.
.

 

 

[أول الغيث]

الزين كله ،، مذهلة


الله يعافيكم خواتي و ما قصرتوا

على مروركم و تواجدكم الجميل

و ألف ألف شكر لكم

 

 

[أول الغيث]

عاشق العالمي

اقتباس (اول الغيث ) دائما لك روح مرحه تفتح انفسنا بـ تعلقاتك الحلوه نستمتع عند قراءة مواضيعك ان كانت جاده نظهر ومنه بـ فائده وان كان مثل هذا نظهر والضحكه ما تفرقنا

ما تقصر أخوي .. هذا من طيبك سلّمك الله

و شرواك ما يستاهلون إلاّ كل خير

اقتباس بس قبل اثني على موضوعك اقول لا تنسى اذا بتروح حق واحد من الحلاق << اذا ما حجز من وراي عاد مر علي ومر مبكر لان شكله عليه زحمه ولا تنسى قبل ما تمر تدق علي لا تخاف ما بخسرك بحط لك مشغول بس المهم نروح بكير ها يا الحلو

خلاص آنا حاجز لك من ذاك الأسبوع أصلاً..

و لا أوصيك .. انتظر مني رنّة ..


وقبل لا أنسى بعد .. ترى مب نروح " الحلاق السعودي " .. هاللي طايحين فيه كل الجماعة

لا .. بنروح حلاق " جيليت " ... تراه تمام و بيعجبك إن شاء الله ..



عاشق العالمي


ألف ألف شكر لطلتك الحلوة

عسى الله لا يحرمنا منها

و هـ الله هـ الله لا تنسى موعدنا ...

 

 

[المركز]

ما شاء الله عيني عليك باردة


موضوع جداً مميز وتغطية أعلامية رائعة


شكراً

 

 

[أول الغيث]

وسط النخيل

اقتباس بس راسي يحكني واجد , وعندي سؤالين

سَــمّ .. لا يردّك إلاّ لسانك ..

اقتباس السؤال الأول .. كم سعر الحلاقه في شارع الحلاقين ؟

و الله على حسب علمي ، و إذا ما خانتني الذاكرة

إنها بـ " دولار " أو " دولارين " ،،، يعني هالحروة ..

اقتباس والسؤال الثاني : كم يحتاج شارع الحلاقين .؟.؟. على شان يصير عندهم مثل هذا الحلاق ؟

آآآآآآآآآآآآآه

ضربت على الوتر الحساس أخوي وسط النخيل ..

بس أقولك : إذا تطوروا الحلاقين الهنود و الباكستانيين اللي عندنا <<< و لا في الأحلام ..

ذيك الحزّة .. قل يمكن يتطوّرون هذولا اللي في الصور ..



و س ط ا ل ن خ ي ل


ألف ألف تحية لك و ما قصرت

على حضورك و تعليقك الجميل و الظريف

و الله يعطيك ألف عافية إن شاء الله

 

 

[التنديل]

اخوي اول الغيث شرايك نفتح محلات زي كذا
صدقني راح تصير موضه هنا وخذ الارباح بعدين

مشكور خوي على الموضوع هذا يجعلنا دائما نحمد الله تعالى على النعمة الي عندنا

لك من كل تحية وتقدير

التنديــــــــــــــــــــــــــــــــــــــــــــ ـــــــــــل

 

 

[أول الغيث]

المركز


أهلاً و سهلاً أخوي

شرفت الصفحة بتواجدك العطر

اقتباس ما شاء الله عيني عليك باردة موضوع جداً مميز وتغطية أعلامية رائعة

قل إن شاء الله يحلقون لنا مجاناً

مكافئة لهذه التغطية <<< مب لله يعني ؟!!



التنديل


حياك الله أخوي و ما قصرت

توّ ما نوّر المحل

و ألف ألف شكر علة مرورك الجميل

اقتباس اخوي اول الغيث شرايك نفتح محلات زي كذا صدقني راح تصير موضه هنا وخذ الارباح بعدين

يلا على يدك ...

أنت استأجر المحل .. و آنا بصير الحلاق ..

 

 

[ريحه المسك]

مشكور اخوي على هذي الصور والله شي مو على البال بس انت قلت الظاهر انه شارعالحلاقين مثل عندنا شارع الملكي والجوالات والنجاجير الله يقطع بليسك وبليسي
تقبل مروري اختك مسك

 

 

[فراشه فوشيه]

ههههههههههه

ماشالله عليك تقرير كامل ومفصل عن ارقى اماكن وادوات الحلاقه


يعطيك العافيه وتقبل مروري

 

 

[أول الغيث]

ريحة المسك

اقتباس مشكور اخوي على هذي الصور والله شي مو على البال بس انت قلت الظاهر انه شارعالحلاقين مثل عندنا شارع الملكي والجوالات والنجاجير الله يقطع بليسك وبليسي

ايه و الله صدقتي .. مع أنهم على قدّ حالهم

إلاّ أن النظام نظام ..


.. وبالنسبة لشوارعنا .. اللهم زد و بارك

الله كثّر من هالشوارع و مسمياتها الحلوة ..



ريحة المسك


الله يسلّمش أختي و ما قصرتي

على الحضور و التعليق الجميل

و التسبب في إبليس بعد ..