[حســــــــــآويــــــه‎ ]

[كايدهم]

السلام عليكم ورحمه الله وبركاته

افتخر انت طرفاوي يوووه قصدي حساوي
ابتسم طيب تونا حاطين موضوع عن الابتسامه وقيمتها

... تعالووووووو شوفوا شالمدح الي مادحينه في أخوانا الحساويه
... صج لهم الفخر واحلى فخر
.. .. تفضلوا

والله ونعم فيكم يا اهل الأحساء

.. ايـش عليكم .. يا الحســــــــاويه
.. يا مهندسين …. أو مدرسين.. او رتب في .. العسكريه
.. والسيارات ... تموتون .. في الكابرس
.. بشرط .. بيضه من بره .. ومن .. داخل .. عنابيه
.. ايش عليكم .. يا الحســـــــــاويه
.. عندكم ... عين ام سبعه.. عندكم ... عين الجوهريه
.. عندكم .. جبل قاره .. مع .. سوق
.. القيصريه
.. وكلامكم .. تمطونه .. مط
.. صاير مميز .. وله .. نغمه .. موسيقيه
.. ايش عليكم .. يا الحســــــــاويه
.. في .. اعراسكم .. تحبون ... العنيه
.. البنت مهرها .. اربعين .. والثيب.... بعشرين.. وشويه
... وعمتك ... وعساها .. ما حبتك
.. واجب ... تحب راسها ... وقت .. الصباحيه
ايش عليكم .. يا
الحســــــــاويه ..
.. حريمكم .. اما .. معلمه .. أو .. جامعيه
.. توفر .. لك .. القرش .. تحطهم .. في ... جمعيه
.. وتعينك .. يشهد الله .... ما هي .. رديه
.. ايش عليكم .. يا الحســــــــاويه
.. فيكم .. صفات الطيب .. و ناساً اجتماعيه
.. فيكم... كريم النفس.. و فيكم .. قوي .. الشخصيه
.. وصدقوني .. لو ادور .. كل السعوديه
.. ما راح .. القى مثلكم .. يالحساويه
ايش عليكم .. يا الحســــــــاويه

******
كيف تعرف الحساوي؟؟


-1 اذا صلى الفرض وانتهى من صلاته... وانتهى من التسبيح التفت على اللى في
يمينه وسلم عليهم والتفت على اللى في شماله
وسلم عليهم


-2 اذا شافك وقابلك في الطريق سلم عليك سواء كان يعرفك او ما يعرفك

-3 اذا جاورته ما لقيت من وراه اذيه , يعني ارقد وآمن

-4 تلاقيه بسيط , طبيعي , سموح , وسيع صدر , وعلى نياته


-5اذا طق عليك الباب عطاك سله فيها ارطب خلاص او غر واذا جى وقت الصرام ما
نساك من التمر الزين


-6تلاقيه غارس في بيته فسيله وتشوفه مهتم فيها بنفسه

-7 تلاقي عنده سيارتين , الاولى كابرس يروح عليها الشغل , والثانيه سوبر حق
طريق مكه


-8 تلاقي طموح ابناءه اذا تخرجوا من الجامعه انهم اما يصيرون مدرسين في
الحكومه او مهندسين , وازيدك من الشعر بيت .. كل واحد منهم
يبي يتزوج مدرسه ويسكن في شقه لحاله


-9 اجتماعي من الطراز الاول , يعني ما تمل من سوالفه

-10 يزعل لكن قلبه ابيض بسرعه ينسى وعلشان كذا ما تلاقيه حقود .. واذا كان
حقود يعنى شاذ عن القاعده


-11 اذا شاف شي غريب
اول مره يشوفه او يسمع فيه .. قال .. الله شذاذاااا ..


-12 اذا قلت له... على كيفك... رد عليك وقال... ما يحصل


-13اذا جاء شهر رمضان طق عليك الباب وعطاك صحن هريس من طبخ ام عياله

وتلاقيها
متنغصته حق زوجتك


-14 اذا طلع تقاعد... تلاقي طموحه عماره في الخبر او الدمام... ومزرعه في
الحسا فيها بركه سباحه .. وتنور حق المندي

-15 يخاف من العين .. علشان كذا تلاقيه يقول لك .. قول ما شاء الله

> -16 اذا كان ساكن في الدمام , الخبر , الظهران , الجبيل او اي مدينه اخرى ,
وجا ء يوم الاربعاء حرك ونزل الحسا , و فوق كذا يحب يقضي العيد يم اهله
وجماعته هناك..


-17 ما ينساك في العزايم والمناسبات , يعرف الاصول وكريم


-18 اذا شميت ريحة المشموم ' الريحان ' في بيتك اعرف ان زوجته كانت تزور
زوجتك


19 يستانس وينبسط الى من شاف له ناس من اهل الأحساء


مع أطيب تحية

من بريدي
كايدهم

الشمعة لا تخسر شيئاً إذا أشعلت شمعة أخرى

 

 

[دلوعه الطرف]

كايدهم
موضوع رائع
يسلموووووووووو

 

 

[قيثارة]

> -16 اذا كان ساكن في الدمام , الخبر , الظهران , الجبيل او اي مدينه اخرى ,
وجا ء يوم الاربعاء حرك ونزل الحسا , و فوق كذا يحب يقضي العيد يم اهله
وجماعته هناك..

صح لسان القايل و سلمت يمين الناقل ..
مشكووووووور كايد على هالنقل المتميز ..

 

 

[ابو الحسن]

يعطيك العافيه

ننتظر جديدك

 

 

[فيض المشاعر]

لاشك أن جميع الصفات التي ذكرتها متواجدة عند أغلب الاحسائيين

وهذا إن دل فإنما يدل على صفاء النية وطيبة قلب المواطن الاحسائي

فطموحاته بسيطة وتجتمع كلها عند تقاطع ... السعادة ...

 

 

[كايدهم]

الحمد لله عجبكم الكلام عن الحساويين
/
,
شكر لكل من تواجد
ويارب قدرت ارسم
على محياك جزء من الابتسامه

تحيه خاصه
كايد

 

 

[الفراشة]

هذا الكلام اول لكن الحين الوضع تغير

طبعا مو كل الاشياء

فالاصل اصل

شكرا ع النقل

 

 

[حلى الشرقيه]

الحسا حساك لو الدهر نساك

مشاركه اكثر من روعه

^ ــ ^

كــــــيـــــــــود

ربي يعطيك عافيـ هـ

 

 

[بو تركي]

يعطيك العافيه على هالموضوع وذكرتني

لما قريت يوم الأربعا وحبنا للنزله للحسا

أنا في الرياض ومعي واحد من أهل نجد

دايم يقولي في يوم الأربعا مخصوص:

(واحد حساوي قلو له تروح الجنه، قال:

ماعليه، بشرط خميس وجمعه أنزل للحسا)


تحياتــــــي

 

 

[كايدهم]

الفراشة

يحييك ربي ع التواجد..
شاكر لك مروركـ


تحيه
كايـــــــــد

 

 

[كايدهم]

حلى الشرقيه

اقتباس الحسا حساك لو الدهر نساك

عندنا شعراء ولا نعلم بهم ..
وينك انت عن بوح قلم ..
/
الحمد لله انه نال اعجابك,,
ـ
مليون تحيه قلبيه لا الكـ

مــ99ن
مع التحيه

 

 

[كايدهم]

بوتركي
(

اقتباس واحد حساوي قلو له تروح الجنه، قال: ماعليه، بشرط خميس وجمعه أنزل للحسا)

بجد حلوووووووووه
محد يقدر ع الحسا لانها بالقلوب..

تسلم بوتركي
ع هيك نكته ع الطاير..
مليون تحيه

كايد