حنا السعوديين

[أبوميلاد]

السلام عليكم ورحمة من الله وبركاته

حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات .

حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .



حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .


حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .


حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .


حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .


حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .


حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!


حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .


حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.


حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .


رغم الحقيقة والألم ..


حنا السعوديين أحسن المسلمين والعرب.( هيّن بس) .!!


ورغم جمال المقال يبقى المصدر كاتب سعودي

 

 

[تاروتية]

موضوع هادف,,,
يرسم عيوب مجتمعنــــــا بدقة بالغة
وللأسف كل تلك الأمور في مجتمعنا
وموضوعك يحكي الواقع ويلامسه بمصداقية بالغة

أخي أديسون يعطيك العافية ع الموضوع الهادف.

 

 

[مجاهد]

عزيزي اديســون
جميل ما نقلته عن هذا المجتمع

نعم اقول المجتمع العربي وليس السعوديين فقط
فبعض ما نقلته يخص السعوديين لانهم مبتليين به اكثر من غيرهم
والبعض مما نقلت مشترك بين دول اخرى فكلا منهم يعانون من مشاكله
وكذلك بعض ما نقلته نجد العالم بأسره يعانون منــه

نسعى ونأمل ان تتغير احوال السعوديين
الى الافضـــل

في الاخير مجرد تصحيح فقط

اقتباس ووصلنا لكاس العالم ثلاث مرات .

وصلت السعودية الى كأس العالم اربع مرات
( 1994 ـ 1998 ـ 2002 ـ 2006 )

ربي يعطيك العافية



دمتم بود

 

 

[سُندس }]

يــاســلام عليكم يـ السعــوديه




رغم هذا الجمال كله , الا أنه لنـ يكتمل مثل مانُريد

وغيرا هــذا أن الدول الأخرى تحســدنا على عيشتنا

البتروليهـ ولا تهمهــا الأشياء الأخرى ..





شوكرن لك أخ أديسون مشاكس ..