أطباق سريعة وبسيطة وتنفع لشهر رمضان ..

[أحسائية]

كل عام وأنتم بخير ..


المنيو


1- سمبوسة التوست
2- توست جبن وزعتر
3- سمبوسة جبن
4- فطاير جبن وزعتر
5- كوسا محشي
6- شوربة ماجي
7- شيك كيك
8- chocolate ripple teabread
9- سلطة عادية

 

 

[أحسائية]

( سمبوسة التوست )

فالبداية نقوم بعمل الحشوة : وهي عبارة عن



نحتاج ( بصل + فليفه + جزر مبشور ) قطعة ماجي + بهارات + شوية صلصل + دجاج .



طبخت الدجاج فالبداية اضف في الموية بهارات وخليت الدجاج ينطبخ زين
بعدين فتت الدجاج وقطعته على قطع صغيرة
وأضفته على الحشوة



كذا تكون الحشوة جاهزة



راح تحتاج مايونيز ( تقدرين تستغنين عنه ) او تستخدمين بدله طحينية



أضفت إلى الحشوة مقدار ملعقة مايونيز وخلطتها زين



الحين راح استخدم التوست وقطاعة الفطاير مثل ما انتو شايفين



أخذت حبة توست وحدة واحطها في القطاعة
احط مقدار ملعقة كبيرة من الحشوة في الوسط



اكبس عليها وراح تنقطع الزوائد عندي ،



انا استخدمت نوعين من التوست ، صراحة التوست الي لون الكيس أحمر رائع جدا ، أما التوست الثاني الي استخدمه مب زين ابد . فنصيحة استخدموا التوست بالكيس الاحمر .



راح اغمس التوست المحشي في البيض وبعدين البقسماط



وهذي النتيجة ، بعدين اقلي التوست في زيت غزير وحامي ، فقط احمره تحميره خفيفة





وبالعافية

 

 

[أحسائية]

( توست جبن وزعتر )

هذي وجبة خفيفة وبسيطة وسريعة .



نحتاج توست + جبن المراعي كريمي + زيت زيتون + زعتر



أخذ حبة توست وحده وأقص الأطراف



افردها بالفرادة شوي



ادهنها بالجبن



ألفها على شكل رول



أغمس طرفي التوست في زيت الزيتون بعدين في الزعتر
ويكون بهذا الشكل



وبالعافية

 

 

[أحسائية]

( سمبوسة بالجبن )

استخدمت شرائح السمبوسة الصغيرة وحشيتها بجبن كيري وقليتها ... طعمها رووووووووووووووعه





\\

(فطاير جبن وزعتر)

المقادير :
1 جيله طحين - بيضتين - 2 ملعقه كبيرة حليب نيدو - فنجان ونص سكر - رشه ملح - ملعقه ونص صغيرة خميرة - زيت شوي - وماي لحد ما تصير عجينة طريه
نخليها تتخمر لمدة ساعة .
افرد العجينة واقطع على شكل مثلثات واحشيها شوية زعتر وجبن كيري ، أو احشيها حشوة دجاج أو حشوة لحم مفروم ،
ادهنها بحليب ورشة حبة البركة على الوجه
وبعد ما انتهي من التشكيل ، اخليها تتخمر نصف ساعة وبعدها ادخلها الفرن وأحمرها



وبالعافية

 

 

[أحسائية]

( كوسا محشي )

الحشوة : رز مصري ، طماطم مفروم ، بقدونس مفروم ، بصل مفروم ، وبهارات وزيت زيتون ، وعصير ليمون .
الصلصة : اغلي ماي واحط فيه ملعقتين كبار صلصل وزيت زيتون وبهارات
واخليهم يغلون لحد ما يصير مثل المرقة الحمراء .
بعد ما احشي الكوسا ، اخذ قدر واحط في الاسفل طبقة من البطاطا واصف الكوسا المحشي واغطية بطبقة
من شرائح الطماطم و البصل وأسكب الصلصة عليه وهي حارة ، واخليه على نار هادئة لحد ما يستوي عندي .







\\

( شوربة ماجي )



المقادير : ( حبتين كوسا – حبة جزر – حبة بطاطا – ومغلف شوربة ماجي " بالدجاج " – احتاج لتر ونص ماء )



أقطع كل الخضار إلى قطع متوسطة الحجم



اخذت قدر وحطيت في الماء والخضار



حطيت القدر على النار وخليته يغلي لحد ما يستوي الجزر و البطاطا



اخذ الخلاط واحط فيه الخضار مع الماء المغلي



خلطه وهذي النتيجة



وارجع الخليط على القدر نفسه وأضيف المغلف " شوربة ماجي بالدجاج "



هذا شوفان ابيض



واضيف من الشوفان مقدار ملعقة كبيرة واحدة
اخلي الخليط يفور فوره وحده بس وأبند النار عنه وأخليها لمدة نص ساعة ، وبكذا يكون الشوربة جاهزة
( ملاحظة إذا كانت الشوربة كثيفة ، زيدي شوي ماء وخليها تفور شوي )





بالعافية

 

 

[أحسائية]

( شيز كيك )



3 علب كيك أمريكانا – 2 علبة قشطة الحجم الكبير – 4 مغلافات دريم ويب – 6 حبات جبن كيري



هذي الصينية الي راح استخدمها



اقطع الكيك إلى شرائح



احط طبقة من الكيكة مع الضغط شوي عليها مثل ما انتوا شايفين



اخلط في الخلاط ( الجبن – دريم ويب – القشطة )



احط طبقة من الكريمة



بعدين احط فوق الكريمة طبقة من الكيك المفتت



بعدين احط طبقة كريمة ثانية



احط طبقة من شرائح الكيك



اغلفها واحطها بالثلاجة لمدة نصف يوم



وأقلبها ،، وممكن تسوي حمام مائي لاي نوع من الشوكلاته وتنزينها ، بس انا ما زينتها لأن أهلي ما يحبون الشوكلاته كثير .



وبالعافية

 

 

[أحسائية]

( chocolate ripple teabread ) هذي الوصفة من كتاب





المقادير ( 75 جرام زبدة – نص + ربع كوب سكر ذهبي ناعم – 3 بيضات – 2 ملعقة شاي فانيليا سائلة – كوب طحين – نصف ملعقة شاي BP )
ملاحظة ( ننخل الطحين مع BP )



هذا السكر الي استخدمته ، بس انا طحنته عشان يصير ناعم .



نقوم بوضع الزبدة و السكر و الفانيليا و البيض .



نخلطهم جيداً



نقوم بإضافة الطحين على الخليط



كذا صارت العجينة جاهزة



نبدأ في عمل الخليط الثاني
المقادير : ( 25 جرام زبدة – 200 جرام شكولاته خام " أنا استخدمت نوعين شوكلاته داكنة وشوكلاته بالحليب ، 100 جرام ، 100 جرام " ، وملعقة من Mixed spice ، تلقينه عن قسم البهارات .



وهذي صورته بوضوح أكثر .



نأخذ طاسة الي تتحمر حرارة ونضع فيها جميع المكونات



نسوي حمام مائي لحد ما تذوب جميع المقادير



وهذي النتيجة



هذي الصينية الي راح استخدمها ( للمعلومة مقادير هذي الكيكة قليلة جداً يعني اذا تبغين تسوينها في صينية كبيرة زيدي المقادير )
دهنتها بالزبدة ورشيت عليها طحين



هنا في خطوة ما صورتها لكم .. نصب كمية بسيطة من خليط الكيك الابيض في الصينية وفوقها طبقة من خليط الشوكلاته ، وهكذا لحد ما يخلص الخليطين ، أنا سويت ثلاث طبقات خليط الكيك الابيض وطبقتين من خليط الشوكلاته



راح استخدم هذي الشوكلاته ، أو حتى تقدرون تستخدمون جالاكسي ، أقطع الشوكلاته قطع صغيرة



وأضعها على وجه الكيكة
أدخلها الفرن تأخذ حولي ساعة كاملة





وبالعافية

 

 

[أحسائية]

( سلطة عادية )



( طماطم - خيار - خس - نعناع - عصير ليمون - زيت زيتون - ملح )

\\

وكذا يكون موضوعي لهذا الأسبوع إنتهى ,, إن شاء الله ينال على إعجابكم

والسلام عليكم ورحمة الله وبركاته



منقول للفآئده

 

 

[همسة دلع]

واو اطباق حلوه

وسهله وخفيفه

جوعتيني وشهتيني

ذكرتيني بجواء رمضان

الله يعطيك العافيه

واتنمى على طول تحطين لنه اطباق
حتى اذا كانت قديمه

وشكرآ لك

 

 

[أحسائية]

إن شاء الله عزيزتي
لك كل يوم موضوع لكن اللجنه المنظمه للقسم مآ يرضون
لكنـ ولا يهمك
أشكرك على تواجدك

 

 

[نسمة عشق]

يسلمووووووو ع ها الأطباق الحلووووه
بصراحه إبداع

 

 

[أحسائية]

الله يسلمك من كل شر ويحفظك
أشكرك على تواجدك

 

 

[زهور الريف]

وعليكم السلام ورحمة الله وبركاته

.",
ماشاء الله أطباق رائعة ومتنوعة
:
/
..} أحسائية {..

يعطيك العافية كل الشكر لكِ

 

 

[همس المشاعر]

الله يعطيكِ الف عافيه

على الاطباق السريعه والرائعه

نتمنى المزيد

 

 

[AL-NAQEEB]

احسائيه

ماشاء الله ملف متكامل ل الطبخ
و وصفات ممكن يحتاجها اصحاب البيوت ك اطباق سريعه

شكرا لك

 

 

[إشراقة أمل]

وعليكم السلام ورحمة الله وبركاته ..

.:.

اهنن اهنن بمثل هيك مواضيع ،

أطباق رايقة حيل .. وأعجبتني

،

اللي ناوية تجيني في رمضان تقول لي، عشان أسوي لها من هذي الأطباق الزينة ..

>> لوتس، وش رايش تصير جيتش لي في رمضان ؟ أشودن أتفنن لش عدل

،

سلمتِ حسحس ،

وسلم الذوق ،

 

 

[طيف العمر]

وصفات مُميّزه وَ شهيّه ..
كلّ آلشُكر لَ عذّبَ ذَآئِقتكك ..

بسَآتيِن توُليبْ تحوُفكك ....~

 

 

[زهرة اللوتس]

سريعة وسهلة وحليوة

الموضوع يستاهل التثبيت ، ينفعنا وينفع الأمة العربية و الإسلامية بالأيام الجاية

وهم يسهل علينا المهمة حزة الحزة


تعالي أحسائية ، وش بقولش / الحين شوربة ماجي اللي بالدجاج / ما كأن عليها إشكال و إلا يتراوالي ..؟!!

عموما إذا شسمه ، ترى باقي النكهات للشوربة رهيبة حيل أعني اللي بالخضار و الفطر و العدس .. إلخ

تسلم الأيادي و الله يعطيش ألف عافية حبيبتي.

اقتباس >> لوتس، وش رايش تصير جيتش لي في رمضان ؟ أشودن أتفنن لش عدل

أها ساد ما أقول شي ، في شهر رمضان في شوال في ذي الحجة ، أنا راضية بأي وقت

بس إنتي عزمي وعزميني و باجي لش حتى لو بدون عشا و إن كان لوزم ومن الضروريات