&&دام ما همك بعادي...ليش بيهمني وجودك؟&& قصه قمه في الرووووووووعه

[المشاعر العذبة]

&&دام ما همك بعادي...ليش بيهمني وجودك؟&&

للكاتبه :نورما00

000

لست من كتبها فكاتبه القصه شخص أخر 00أعجبتني قصتها وكنت من متابعينها
فلم يهن علي أن أستمتع بقراءتها وحدي 00 لذا أردت ان تستمتعوا معي وتعيشوا معي أحداثها

0000000



البدايــــــــــــــــــــــــهـ

دام ما همك بعادي...ليش بيهمني وجودك؟

بسم الله الرحمن الرحيم

ضاعــــت مـعـاني قـصـتي | واحـتـــرت | وشـلون اســتــريـح .,
كلي اجـابـات وعـــذاب وبعض صمــــــتي اسـئـــلهـ ..

عينـي بها [ العبـــرهـ ] وانا داخلي قـلـب جــــريح .,
واحســاس يحيـى بداخـلي وارجـــع بقــــســوهـ اقـتـــلـهـ ..

/ محـــتــــارهـ / ابــكــي وابــتـسم واضحـــك واعانـــدهم واصيـــح
صـــارت حيــــاتـي كلهـــا مهــزلــهـ في مهـــزلهـ !



بداية قصتي ضياع والم هذا ماكتبه لي القدر ولكني أتسائل حقا
هل القدر سيعفوا عني ويعتقني لأعيش سعيده00 سعيده؟
كلمة ترددت كثيرا على مسامعي ولكني لم أعيش هذه السعاده ولم اشعر بلذتها يوما


لن أخبركم المزيد عن حياتي ولكني سأجعلكم تعيشونها معي
وتشاركوني وتتفاعلون معي00

الجزء الاول


طلعت من غرفتي وأنا أتسحب مثل الحرامي و شايله الجزمه الكعب وعباتي وشنطتي بايديني والتفت بتوتريمين ويسار وقلبي يرقع من الخوف أخاف ان احد من اهلي يصحى من النوم وينتبه لي لان الساعه الحين 12 في الليل وبعد مانزلت مع الدرج لبست عبايتي بسرعه وطلعت من البيت وأنا أتنهد بارتياح وأحاول أهدي من التوتر اللي في طلعت الجوال من شنطتي واتصلت على صديقتي فاتن
000 الوووووووووووووووو
فاتن :هلا مرام فينك تأخرتي 00
مرام :مو وقته الحين اذا جيت اقولك المهم ارسلتي لي السواق 00
فاتن:ايه حبيبتي من دقايق 00
مرام :خلاص خلاص كاهو جاء يلا حبيبتي مع السلامه الحين جايه 0
فاتن:اوكي بانتظارك لاتتأخري 0
سكرت عن فاتن والتفت يمين ويسار عشان أتأكد انه مااحد شافيني ورحت للسياره وركبت مع السواق واول ماركبت نزلت الغشوه وجلست أعدل في شكلي ومااهتميت للسواق اللي كان يطالعني وهو منبهر من جمالي 00 وبعد دقايق وصلنا لبيت فاتن وقبل ماأنزل رجعت الغطوه على وجهي ونزلت من السياره وأنا متوجهه للباب والمهم دقيت الجرس و بعد دقايق افتحت الشغاله ميري
مرام :ميري فين ماما فاتن
ميري :ماما فوق فيه بنات كثير فوق 0
مرام :اوكي روحي ناديها قولي ماما مرام تحت 0
ميري تهز راسها :اوكي ماما 00
طلعت ميري تنادي فاتن وتخبرها اني وصلت 00 اما أنا دخلت في الصاله ونزلت عبايتي ورميتها على الكنب بدون اهتمام وجلست أعدل في لبسي بخبركم ايش كنت لابسه كنت لا بسه تنوره ميني جوب فوق الركبه لونها أسود وبادي لونها احمر وفاله شعري اللي كان يوصل لاخر ظهري وكنت حاطه مكياج ناعم وقلوس وردي على شفايفي وكنت جميله حيل وألفت نظر الكل لي بس ها مو كلامي ها اللس اسمعه من الناس 00 سمعت صوت تصفير من وراي والتفت وشفت فاتن تناظرني بانبهار
فاتن:اوولا لا شو هيدا مرومه عن جد بطيري العقل
ضحكت على كلامها والتفت حاولين نفسي بدلع وقلت:ههههههههههههه ادري ماقلتي شئ جديد
ضحكت فاتن وقالت :هههههههههه صدق انك مغروره
ورحت عندها عشان أسلم عليها
مرام :حتى انتي ماشاء الله عليك كشخه وحلوه
فاتن:ههههههههههههه بعض مما لديكم
مرام :البنات كلهم جوووووو
فاتن :ايه قومي خلينا نطلع فووق البيت فاضي ومافيه حد غيرنا والله انا بنفلها اليووم 0
مرام :يلا
طلعنا فوق وشفت كل البنات موجودات وسلمت عليهم بحراره وطبعا مانسوا انهم يغرقوني بعبارات المدح والاعجاب
سمر :واااااااااااااااااااااااو مرومه ايش هذا كل يوم عن يوم بتحلوي
مرام :تسلمين عيونك الحلوه
غاده :بصراحه لبسك كشخه وذوق
مرام :كله من ذوقك
ضحكت لما سمعت فاتن تقوووووول:بس يابنات ماصارت مرام صارت الاميره ديانا
انفجرنا كلنا من الضحك على كلام فاتن وسمعت فاتن تاشر لميري عشان تدخل وأخذت الاستريوا اللي معاها
وصرخووا البنات وجلسوا يصفرووون من الفرحه بشوفت الاستريو 00شغلته فاتن وحطت شريط موضي الشمراني وقامو البنات يرقصون الا انا لاني بصراحه انا مااحب ارقص الشرقي لاني مو بهذاك ازود فيه
جات عندي سمر واسحبت ايدي عشان ارقص معها لكني رفضت
سمر بصوت عالي :مروومه قومي ارقصي معي
قلت لها :ماابي انا مااحب الشرقي
وكانوا البنات مبسوطات ويهزن وانا كنت اطالع فيهم بصراحه كلهن كشيخات بس مو باحلى من كشختي صح انه عريان بس كان حيل حلوووو وعاجبني
خلصت الاغنيه وجلسوا البنات وجات فاتن ومسكتني مع ايدي وقفتني وقالت بصوت عالي:هذي الاغنيه لمروومه وبس
ضحكت وقلت لها :شوتقولين لي ؟!تعرفيني مااحب ارقص شرقي 0
قالت لي :ومن قالك شرقي هذي مصري ياحبيبتي وماظن عندك عذر الحين 00
وشغلت أغنيه نانسي اه ونص
وجلست ارقص عليها بمهاره لاني اموت على الرقص المصررري واحب اتفنن فيه المهم البنات كانوا يشجعوني وانا اتحمس اكثر ويصفروون واول ماخلصت الاغنيه جلسوووووا يصفقون لي ويتمدحون في رقصي بعد 00المهم بعدالرقص وهز الوسط تعشينا بعدها نظرت للساعه وبغى يصير لي شئ لما شفت الساعه 3ونص في الليل المهم حاولو البنات في عشان اجلس بس انا رفضت وسلمت عليهم وأخذت عباتي ولبستها وخليت سواق فاتن يوصلني 00 وصلت عند باب بيتنا ونزلت الجزمه عشان ماطلع صوت وصرت أتسحب لين طلعت فوق بغرفتي دخلت بسرعه وسكرت الباب وقفلته واتكيت عليه وانا اتنهد بارتياح وحمدت ربي لان الليله عدت على خير المهم فسخت عباتي ورميتها على السرير ورحت لدولابي وأخذت منه بيجاما ورديه برمودا فيه ورود وناعمه بالحيل واخذت لي منشفه ودخلت الحمام واخذت دش سريع وطلعت من الحمام وأنا لافه المنشفه على راسي رحت لتسريحه وحاولت انشف شعري لانه كان خرسان ماء وبعدين رفعته بكلبس فوق نظرت للساعه وكانت 4 يعني بياذن الفجر المهم قلت بستنى الصلاه وانااااااااام
أكيد بتستغربووون مني وتقولون في خاطركم تطلع من ورى اهلها بنص الليل وتلبس قصير وتسمع اغاني وتنتظر الصلاه مايصير!!

لكني اممممممم احب أن اخبركم السبب يعدين لان هذا كله (بداية قصتي )

 

 

[المشاعر العذبة]

الجزء الاوووول

00000000



جلست بغرفتي أنتظر صلاة الفجر وانا جالسه سرحت أتذكركل شئ صار لي قبل سنتين يعني عمري وقتها كان 17 سنه لان عمري الحين 19 سنه00 المهم تذكرت ذاك اليوم اللي تحطمت فيه كل أحلامي وأمالي اليوم اللي حملت فيه لقب تكره أي وحده من البنات إنها تحمله حملت لقب مطلقـــــــــــه 00 أكيد بتنصدمون أنه في وحده بهالعمر وتحمل هاللقب البشع اللي ممكن يحطم في أي وحده ثقتها بنفسها 00 ارجعت لي ذكرى ذاك اليوم وكانه يصير قدامي وقتها 00
كنت نازله مع الدرج أركض وانا فرحاااااانه حيل والفرحه مو سايعتني واصارخ وانادي
مرام :يمه يمه يمه وينك
ماسمعت صوت أحد في البيت وكان البيت هدوء ورجعت أنادي مره ثانيه وبصوت أعلى
مرام :يمه يبه وينكم فهــــــــــــــد وينك
طلع فهد من غرفته وهو معصب ويصارخ ويناظرني ن فوق مع الدرابزين لاني كنت تحت وهويقول
فهد :مراموووووووو وصمخ إن شاء الله ليش تصارخين 0
قلت له بفرحه:فهد نجحت نجحت وجبت نسبه عاليه
شفته قلب وجهه وتغير من العصبيه الا الابتسامه وقال وهو يبتسم
فهد :والله مبرووووووووووووك مبروك حبيبتي
جلست أدلع عليه واقول:أقول فهيدان تعال انزل 00 كملت وأنا العب بشعري شو مبروك حبيبتي مبروك ماتكفي
أبغى هديه عوووووووووده 0
نزل فهد من الدرج وراح عندي ومسك خشمي وبعدها قرصني مع خدودي بخفه وهو يقول
فهد:أعوذ بالله منك يالفصعونه 00 ماتعاملين الا بالهدايا والفلوس
ضحكت عليه وقلت له :هههههههههههههه شو حبيبي تبغى تضحك علي بكلمتين لا انا مرومه دلوعه هالبيت والأجر على الله 0
ضحك على وشد شعري وصرخت وقلت :ااااااااااااااااااي
وكملت وانا معصبه مااحب احد يشد لي شعري :فهيدان ياحمار والله يعووووور
ضحك علي وانا مديت بوزي زعلانه ولفيت عنه وتوي بدخل المجلس أشوف أبوي طالع منه وهو مبتسم وأروح عنده بسرعه وأبوسه على خده وادلع عليه عشان أغايض فهد لان فهد من النوع اللي مايحب الدلع
قلت لبابي :بابا شوف فهيدان بس يشد شعري والله بابا يعور
وطلعت لساني لفهد عشان ينقهر وفرحت لما سمعت بابي معصب ويقول
بابا :فهيدان وصمه كم مررره قلت لك اترك اختك بحالها
فهد وهو ياشر لي ويتحلف لكن أنا مااهتميت وطنشته ويقول لابوي :اسف يبه
صرخت فجاءه لاني نسيت أخبربابي اني نجحت :بابي بارك لي نجحت نجحت
وسرت انطنط من الفرحه وشفت أمي طالعه من المطبخ وهي زايغه وشكلها ضحكني مسكت ضحكتي لان خفت انها تعصب علي وشفت ابوي يطلع من جيبه محفظته فتحها وطلع الف ريال وعطانيها ويقول
بابي :مبرووووووك يابنيتي مبروووك حبيبتي
وشفت الفرحه انرسمت بوجه امي ورحت عندها وضميتها وسمعتها تقول
أمي :مبرووووك حبيبتي مبرووووووووك عقبال ماافرح في زواجك يارب 00
انصدمت مره لما سمعت أبوي يقوول :قريب قريب إن شاء الله بنفرح فيها 0
وشفت شكل فهد تغير وكانه مو عاجبه الكلام واستأذن وطلع لغرفته أما أنا ماهتميت كثير لاني قلت أكيد كلام أمهات وطنشت الموضوع وكنت جالسه بحظن بابي وادلع عليه بعدها طلعت فوق لغرفتي عشان أخذ شو ر سريع لانه بيأذن الظهر00طلعت من الحمام( وانتم بكرامه )والمنشفه على راسي وكنت لا بسه روب قطني نعوم وشكله كيوت ورحت جلست على التسريحه واخذت المشط وجلست أسرح شعري واناظر شكلي بالمرايه وانا اقول :فديت عمري ياربي هههههههههههههههه شو هالجمال يامروم فديتك والله
وبعد دقايق سمعت دق على الباب وقلت تفضل دخل فهد الباب وسكره وراه وكان شكله جدي
فحبيت أتمصخر معه وقلت :عافانا الله كل هذا عشان الهديه خلاص ياأخي هونا مانبيها
سحب فهد كرسي التسريحه وجلس وكان وجهه جدي وهو يقول لي :مرام أبغى أتكلم معك موضوع جدي
وأبغاك تسمعيني زين 0
بصراحه خفت لاني اول مره أشوف فهد في هالحال صح هو أكبر مني بخمس سنين بس عمري ماشفته جدي مثل اليوم وجلست على السرير وقلت له :خير فهد صاير شئ
فهد وهو يمسك ايديني الثنتين ويقول :مرام اذا خطبك رفضيه رفضيه يامرام 0
من جد انصدمت وكان احد ناثر علي مويه بارده 00 من هذا اللي ارفضه ومن الي خطبني بالاصل ومن قال لكم أني ابغى اتزوج كل هذا دا ر في راسي بس مانطق فيه لساني وقلت بصوت خافت ماينسمع :فهد شو تقول
فهد :مرام ماجد ولد عمي عبدالرحمن خطبك
قلت لا شعوريا :نعم ماجد ولد عمي عبد الرحمن خطبني بس من قال لكم إني ابغى اتزوج 0
فهد بحنان:سمعيني يامرام انتي لا زم ترفضينه ارجوك لا توافقين ترى هذه كل عشان مصلحتك 00
بصراحه استغربت من فهد ليش يبغاني أرفض ولد عمي مع انه ماجد صديق فهد الروح بالروح ليش يبغاني ارفضه لكني ماخليت السؤال في بالي وقلت له:فهد ليش تبغاني ارفضه صار بينكم شئ
فهد وهو ينزل عيونه على الارض :ارجوك مرام لا تسأليني لاني مااقدر أجاوبك الحين بسـ
قلت بسرعه:بس ايش
فهد وهو واقف : بس اعرفي ان هذا كله لمصلحتك
وطلع من الغرفه وخلاني مستغربه وصارت الاسئله دور في راسي وأنا منصدمه كيف رفضي لولد عمي لمصلحتي 00 ايش السبب اللي خلي فهد يبغاني ارفض ولد عمي وصديقه الروح بالروح بصراحه إحترت
وجلست أفكر لين اذن الظهر ولبست شرشف الصلاه وفرشت السجاده وكبرت وبديت أصلي بعد ماخلصت صلاه نزلت لامي وابوي تحت ولقيتهم حاطين الغداءوجالسين على الطاوله ورحت جلست عندهم بعد ماسلمت عليهم وانا مو قادره اكل وافكر في كلام فهد لي 00 وماانتبهت لكلام أبوي لي وهو يقول
بابا :شو فيها حبيبتي اليوم ماتاكل
قلت له وانا اقوم من مكاني :مافي شئ بس شبعت تسلمين ماما على هالطبخه اللذيذه
ردت علي أمي بحنان :الله يسلمك حبيبتي بس ماكلتي شئ؟!
قلت لها :الحمدالله شبعت
وقبل ماطلع من الغرفه بروح أغسل قال لي ابوي
بابا :مرام غسلي وتعالي لي في المجلس ابغى أكلمك في موضوع
انا نغزني قلبي وحسيت أنه بيكلمني بنفس موضوع ماجد وخطبته لي ارتبكت وماادري ايش اسووي احترت لكني رحت غسلت ولقيت أبوي جالس في المجلس ويشرب شاهي لما شافني حط الشاهي على الطاوله اللي قدامه ناداني واشر على المكان جنبه وقال لي
بابا :تعالي حبيبتي هني اجلسي جنبي
رحت عند والا بتسامه على وجهي لكن من داخلي حاسه بخوووف وتوتر مو عارفه شو أسوي جلست جنب ابوي وضمني لصدره وقال لي
بابا :والله وكبرتي يامرمر وصرتي عروووس
انا سويت عمري متفاجاءه من كلام أبوي وحاولت أجاريه وقلت له وانا احاول اضحك :هههههههههههههههههههه أدري بابا اني حلوووووووه والكل يتمناني
لكن اللي من جد ماتوقعته هو رده لي لما قال
بابا:لكن انا خلاص عطيت موافقتي لواحد يتمناك ومستحيل اتراجع عنها
هني ماقدرت استحمل وبعدت عن ابوي شوي وجلست اطالع في عيووونه واشوف الجديه فيها وشكله قرر خلاص وانتهى وعطى كلمته للرجال ومن داخلي ضحكت باستهتار وقلت في خاطري ياحليلك يافهيدان تحسب ابوي بياخذ رايي ولا بشاورني ابوي قررمصيري وخلص 00

 

 

[مذهلة]

المشاعره العذبهـ

مشكوره يالغلا عالنقل

وأنا من اللحين متابعهـ معاك

بس سؤال القصه كامله ولا لا ؟

ولي عوده بعد قراءة البارت ...

 

 

[شهرزاد]

ننتظر البقيه ..

..

 

 

[المشاعر العذبة]

اهلين بي المذهلة

شهرازد

مشكورين على المرو و القصة كاملة

و انتظرو البارات بكرة

 

 

[المشاعر العذبة]

طلعت من عند بابي بدون ماارد عليه ولا اعطيه راي ورحت لغرفتي وجلست على السرير وانا افكر في كلام أبوي 00اللي فهمته من كلام ابوي انه موافق وراد على عمي وشكلهم اتفقوا على كل شئ بدون حتى ماياخذون ولا كان الموضوع يخصني 00 قومني من السرحان اللي كنت فيه صوت الباب هو يندق
قلت بدون اهتمام :مين
ريتا :ماما انا ريتا تلفون عشان انتي تهت 0
قمت من مكاني بسرعه وطلعت اركض وانزل مع الدرج انقز درجتين درجتين اللي ماتعرفونه عني احب اسولف في التلفووووون المهم وصلت للتلفون وانا اتنفس في سرعه واقول :االووووووووووووو
سميره :مرامووووو وجع سنه لين تردين وين كنتي يادبه 0
حاولت اخفف من تنفسي واريح شوي وبعدين قلت :صبري علي يامعفنه تقولين سنه وانا جايه اركض عشان الحق على التلفووون 00
سمعت سميره وهي تضحك وتقول :هههههههههههههههههههههههه خلا ص خلاص المهم نسيتيني ليش متصله
ضحكت معها وقلت:ههههههههههههه قولي بسرعه شو تبين 0
سميره :عافانا الله أكلتيني بقشوري 00كتي شوي خليني اقدر اتكلم
قلت لها وانا اضحك لان سميره من النوع اللي يطفر بسرعه :ههههههههههههههههههه خلاص سكتنا بسرعه قولي الدرر اللي عندك 0
سميره :اول مبروووووووووك على النجاح وثانيا انا مسويه حفله بمناسبة نجاحي اليوم والبنات كلهم بيجووون لازم تجين اليووووووم ولا ترى بزعل عليك00
قلت لها :الله يبارك في عمرك ومبروك عليك النجاح 000 واذا على الحفله امممممممممممم
قالت لي بسرعه :شو مو جايه 0
قلت لها وانا احط اصبعي على راسيو افكر بخطه عشان أقنع مامي فيها اني اروح :لا إن شاء الله بشوف مامي وارد عليك 0
سميره :حاولي بكل الوسائل لازم تجين ترى الحفله ماراح تكون شئ بدونك 0
ضحكت وقلت لها بدلع :ههههههههههههههه ادري اني انا فديتني نواره الحفله ومستحيل تستغنون عني 0
سميره :هههههههههههههه شو مروووم ماتركتي الخقه اللي انتي فيها 0
ضحكت معها وقلت :ههههههههههههههههه شو اسوي يحق لي اغتر في نفسي 0
سميره :اقول بس لا يكثر هرجك عندي أشغال مو فاضيه لدلعك انتظرك اليوم لا تتأخرين اوكي
قلت لها :اوكي
سميره يلاااااااا بااااي
سكرت عنها وافكر بخطه عشان اقنع مامي فيها إني أروح للحفله ولان مامي مو من النوع السهل يبغى لي خطه محكمه عشان تقتنع 00 المهم رحت عند مامي ولقيتها جالسه في الصاله وتتفرج على التلفزيون على مسلسل(الفرية )المسلسل اللي جاء في رمضان مالت حياة الفهد وكانت مندمجه عليها رحت عندها وضميتها بقووه وعطيتها بوسه على خدها ابتسمت في وجهي وقالت :خيررررررر ايش ورى هالبووسه
حاولت امسك الضحكه وجلست أتمسكن واتصنع البراءه وقلت :ليش ماما والله اني احبك ليش تسؤين الظن فيه
مسكتني مع خدي وقالت :اعوذ بالله من شرك شو مااعرفك انا 00 اخلصي وقولي شو عندك 0
عاد هالمره ماقدرت أمسك نفسي من الضحك وجلست أضحك بصوت عالي :هههههههههههههههههههههههههه
وشفت امي تناظرني بنص عين وتقول : انا قلت هالدلع والحنان مو لله يلا قولي شو عندك 0
سويت نفسي مؤدبه وجلست العب في صبوعي ومنزله عيوني للارض:يمه سميرة خويتي مسويه حفله وعازمتني عليها وعازمه البنات كلهم 00 يمه اقدر ارووووح0
ماما:يابنيتي صعبه شو تسوين عند ناس مانعرفهم
قلت لها بسرعه :يمه واللي يخليك عشان خاطري انا ناجحه وابغى افرح مع صحباتي وبعدين فهيدان يوديني وإن شاء الله مااطول واوعدك ارجع بسرعه 0
ماما :خلاص يابنيتي بس اول اشاور ابوك وارد عليك 0
فرحت من كل قلبي لاني ماتوقعت امي بتوافق بهالسرعه وحبيتها على راسها وقلت لها قبل مااطلع من الصاله:اقووول يمه تابعي المسلسل لا تفوتك وشوفي حصوه الياهل كيف تتزووج ابو مبارك وتاخذه من ريله
ها مامي لا وصيك انتبهي لابوووي لا تاخذه وتفر عقله وحده من اليهال 0
خافت امي وقامت من مكانها وهي تتحسب على حصه وتقول :الله يغربلك يالياهل ياخرابه البيوت الحين ماملى عينك الا هالشايب
وبعدها شفت امي قامت من مكانها وهي تقول :الله يغربل ابليسك يامرموه خليتي الشيطان يوسوس لي خليني اقووم اتصل على ابوك واشوفه وين ؟ لا يكون بيتزوج علي وانا ماادري
عاد انا تعالووووا دورورني جلست اضحك واضحك وحسيت نفسي بموت من الضحك ومسكت بطني مو قادره اوقف ضحك لان شكل مامي وهي رايحه للتلفون وتتحرطم يضحك 00

طلعت غرفتي بسرعه وكنت حيل مبسوطه لاني بقابل بنات المدرسه بالحفله واكيد الجو راح يكون غير00 رحت الدولاب وفتحته وأنا أفكر ايش البس وايش ممكن أسوي عشان أكون المميزه في الحفله أو بمعنى أصح أكون نجمة الحفلة المهم اخترت لي لبس واخذت لي منشفه ودخلت الحمام وأخذت لي شور سريع بعدها طلعت من الحمام ورحت التسريحه وسحبت الكرسي وجلست عليها رميت المنشفه على السرير وأخذت المشط وجلست أسرح شعري وفكرت أستشور أطراف شعري من تحت لانه أكيد بيطلع شكله حلوو 00 بعد ماخلصت نظرت للساعه وكان العشاء بيأذن طلعت بسرعه من غرفتي ورحت غرفة فهد عشان أطلب منه يوديني للحفله قبل مايطلع مع أصحابه ويوم وصلت عند باب الغرفه وقفت فجاءه لما سمعت صوت فهد وهو يصارخ ويقول
فهد :بس بس واللي يخليك أنت عارف إني سويت المستحيل بس ماقدرت 0
انا جاني فضول أعرف فهد عن ايش يتكلم وقربت من الباب عشان أسمع زين وسمعته يقول
فهد :طيب انت قول لي ايش ممكن اسوي أكثر من اللي سويته000 ليش مو مصدق وربي حاولت بس مااحد سمع لي 0
لكني انصدمت وجمدت مكاني لما سمعت فهد يتكلم عني ويقول
فهد : اذا على مرام والله كلمتها وحاولت أقنعها بس الوالد الله يهديه مااسوى لها سالفه وهو اللي قرر على كيفه 0
كنت بتهور وأدخل وأسئله هو يكلم مين؟! وايش السالفه ؟وليش يتكلم عني ؟
لكني تفاجاءت لما الباب انفتح وفهد واقف يطالعني وعلى وجهه ملامح الاستغراب عقد ايدينه على صدره ورفع حاجب من حواجبه وأسند جسمه على حافة الباب وهو يقول لي
فهد:خير مرام بغيتي شئ
انا حاولت أبين اني عاديه وماأوضح اني سمعت شئ وقلت لفهد بدلع :أمممممممم فهود انا معزومه على حفله وابغاك توديني
قال لي وهو داخل غرفته :انا ماعندي مانع المهم تكون أمي موافقه
رحت عنده وبسته على خده وقلت له :امي موافقه وماعندها مانع00
شفته رايح للدولاب وطلع له بنطلون أسود فيه خطين حمراء على الجنب وبلوزه حمراء كت وسمعته يقول لي
فهد :مراموووو ايش موقفك هنا 00 خمس دقايق لو ماجهزتي راح أخليك وأروووووح عنك 0
طلعت من غرفته وانا أركض وقلت له بصوووت عالي عشان يسمعه :خمس دقايق وانا تحت 00
سمعت صوت ضحكته وكملت لغرفتي بسرعه لاني خفت انه يروح ويسويها في ترى عادي عند فهيدان يسويها ويخليني وماراح تكون اول مره 00 دخلت الغرفه وسكرت الباب ورايوقررت أصلي العشاء اول وبعدها أخذت لبسي اللي كنت مجهزته
كنت مجهزه بنطلون أحمر فيه نقوش خفيفه وبادي لونه أحمر وجاكيت يوصل لنص الساق (دقله)لونه بني
أخذته ورحت لبسته و فليت شعري على طوله وكنت لافه أطرافه من تحت وماحبيت أكثر في المكياج وماحطيت غير بودره خفيفه وكحل وقلوس على شفايفي وطالعت نفسي بالمرايه وابتسمت على شكلي برضى 00
بعدها أخذت عباتي وشنطتي ونزلت تحت وشفت فهيدان جالس يسولف مع أمي في الصاله رحت عند أمي وبست راسها وقلت لها :هاا مامي شو سويتي تطمنتي على بابي 00
حسيت بالم مع خدي لان مامي قرصتني بقوه وقلت لها :أاااااااي مامي والله يعوووووور ليش قرصتيني
سمعت فهد يضحك عشان يغايضني وهو يقول :ههههههههههههههههههههه تستاهلين حد يقول لامه رووحي شوفي ابوي يمكن يتزوج عليك 0
قلت له وأنا أتصنع البراءه :أنا ماقلت كذا00 كل اللي قلته شوفي حصوه كيف اخذت ابو مبارك من مرته 0
ضربتني مامي على كتفي بخفيف وقالت وهي معصبه :تكذبين بعد صج ماتستحين 00 مو انتي اللي قلتي لي (وهي تقلد صوتي) مامي شوفي ابوي لا تضحك عليه ياهل وتأخذه منك 00
انفجرنا أنا وفهد من الضحك على اسلوب مامي وطريقتها بالكلام وبالذات يوم كانت تتدلع وتحاول تقلد صوتي
وقف فهد وقال لي :يلا مرام تأخرنا بنزلك عند صاحبتك وأروح انا لشباب تراهم ينتظروني
وقفت معه وجلست الف الشيله وقلت له :يلا انا جاهزه
رحت عند ماما وبستها على خدها وسمعت فهد يقول :يلا يمه احنا طالعين تامرينا على شئ الغاليه 00
أمي :مايامر عليكم ظالم انتوا روحوا واستانسوا بس ها يافهد ماوصيك وانت جاي مر على أختك وجيبها معك
أشر فهد على عيونه وقال :من عيوني يالغاليه أنتي تامرين أمر 00
وأشرلي وقال لي وهويبتسم بخبث:اسمعي انا بسابقك لسياره وإذا ركبت قبلك راح أروح وأخليك 00
قلت له بعصبيه وأنا أحط ايدي على خصري :شو على كيفك كل شوي تقول لي شئ 00مره لو مانزلتي بعد خمس دقايق بروح واخليك والحين اذا سبقتك بروح واخليك ليه هو على كيفك ؟
اتنرفزت لما سمعت ضحكته وهو يقول لي :ههههههههههههههههههههههههههه تراني علمتك وانا عند كلامي 00 والحين أعد لثلاثه اذا سبقتك والله بروح عنك وكمل كلامه هو يقول واحد 000 اثنين
و قبل مايقووول ثلاثه رحت أركض للسياره وسمعت ضحك مامي من بعيد وسمعت صوت فهد وهو يهاوش ويقول:طيب يامرموو طيب يادبه يالغشاشه صبري علي ان ماادبتك يالغشاشه مااكون فهد 00
المهم انا وصلت للسياره قبله وفتحت الباب وجلست وشفت فهد هو جاي من بعيد نزلت زجاج السياره وقلت له باستهزاء:شو هذا يالسلحفاه تراني مليت وأنا أنتظرك 00
وجلست أطالعه من فوق لتحت بغرور وشفته وهو يركب السياره ويقول لي بجد :أمممممممممم مرام ليش وافقتي على ماجد 0
استغرت من تغيره للموضوع وبعدها ضربت ايدي على جبهتي لان من جد نسيت السالفه وقلت له بلا مبالاه :أنا ماوافقت 00أبوي هو اللي قرر واعطى كلمته لعمي حتى ماشاورني 0
حرك فهد السياره وجلس يسوق ويطاالع في الطريق وحسيت من ملامح وجهه أنه سرح وقلت له :فهد ممكن أعرف ليش تبغاني أرفض ماجد ؟ّ!
جلست أطالع في وجهه وانا احاول افهم أي شئ من ملامحه لكني حسيت بخيبت أمل لان وجه كان جامد وخالي من أي تعبيرات طنشت والتفت أناظر قدام وبعد خمس دقايق قال لي :خلاص اللي صار صار وانا أتمنى من الله انه يوفقك والله يعينك على حياتك مع ماجد 0
حسيت برعشه بجسمي من كلام فهد وحسيت بتوتر وحاولت أفهم هو شو يقصد بهالكلام وليش يتكلم بالالغاز ليش مايقول لي السبب اللي يخليه يطلب مني أرفض ماجد ليش ليش ياربي 00
نبهني فهد من سرحاني لما قال لي :على فكره الحفله عند سميره 00
قلت له ببرود :ايه
قال لي :اها اللي نزلتك مره عندها يوم كانت طالعه من المستشفى 00
رديت عليه وقلت له :ايوه هي نفسها 00 يعني دل الطريق مايحتاج اني أدليك عليه 00
هز راسه بتفهم وجلس يطالعني وقال لي باستهزاء:والناجح مايحتاج يجيبون له هديه 0
ضربت على راسي وانا توي أتذكر الهديه وقلت له :ووووي فهيدان وربي نسيت الهديه ووي ووي والله فشيله شو اسوي الحين 00
سمعت ضحكته وانقهرت منه لانه أحر ماعندي أبرد ماعنده 00
وبعد عشر دقايق وقف عند محل هدايا ونزل وانا فرحت وفتحت الباب وكنت بنزل معاه لكني شفته وهو جاي من جهة بابي وسكره وقال لي باستهزاء :على وين مرام خانم 00
قلت له بسرعه: بنزل معك
فهد :ومن طلب منك تنزلين انا بنزل بسرعه واجئ 00 يعني ماله داعي نزولك أنتي خليك هني وانا مو متأخر عنك00
وكمل طريقه للمحل وخلاني في السياره حتى قبل مااتكلم وارد عليه 00 حسيت عمري ملانه وماادري شو أسوي فتحت زجاج السياره وجلست أطالع في الناس اللي رايحه واللي جايه شفت مجموعه من الشباب في سياره ومشغلين المسجل على أغنيه غربيه ورافعين بالصوت بشكل مزعج00 ضحكت عليهم و قلت بخاطري : ههههههههههه هذا وجهي اان كانوا فاهمين شئ من اللي يسمعونه 00بالله هذولي شكل ناس يعرفون انجليزي 00
وكملت لقافتي وجلست أطالع في السياره ولفت نظري درج السياره وفتحته ولقيت فيه أوراق وبطاقات وجلست اتعبث فيها 00 ولقيت صووره ااثنين واقفين جنب بعض وكل واحد حاط ايده على كتف الثاني ويبتسموون 00 حلست أطالع الصوره وابتسمت لا شعوريا لان واحد من اللي في الصوره هو ماجد ولد عمي عبدالرحمن اللي الحين هو خطيبي حسيت بغباء تفكيري ورجعت الصوره مكانها وسكرت الدرج وجلست هاديه ولا كأني سويت شئ وبعد ربع ساعه جاء فهد هو معه باقة ورد كبيره ودبدوووب كبير حيل وشكله يجنن وفتح باب السياره اللي وراء وحط الاغراض وسكر الباب وبعدين ركب السياره وقال لي
فهد:مرااامو تأخرت عليك 00
قلت له وانا اطالع ورى واحاول اشوف الهديه زين :لا عادي ماتأخرت 00 بس فهيدان والله شكل الهديه تحفه 0
سمعته ضحكته وبعدها قال لي :هههههههههههههههههههه أدري أدري ترى انا اللي اخترتها وكمل وكأنه يبغى يغايضني عشان كذا ماخليتك تنزلين 00
ضربته على كتفه بقوه وفلت له وانا لف وجهي عنه واناظر من زجاج السياره :مالت عليك انت وهديتك ماابي منك شئ00
سكت فهد وكمل سواقته ولا رد علي وحسيت بالقهر لانه ماحاول حتى محاوله عشان يراضيني 00 المهم انا تذكرت الصوره اللي في درج السياره وجاني فضول عشان أسأل فهد من اللي بالصوره اوني مااعرف ولا واحد فيهم (ماعليكم مني انتم ماسمعتم إن كيدهن عظيم )وقلت وانا اتصنع البراءه والعب في اصبوعي :فهووود فيه صوره طاحت من درج السياره اول و00

 

 

[المشاعر العذبة]

بغيت اموت من الخوف لانه قاطعني وماخلاني أكمل كلامي والتفت لي فجاءه وناظرني بنص عينه ويتكلم وهو يرص على أسنانه ويقول لي
فهد:أي صوره ها 00 وبعدين تعالي هني أنتي ماتستحين على وجهك تفتشين بأغراضي 0
انصدمت وماقدرت ارد عليه وندمت اني تكلمت من الاساس 00 بس حز في خاطري صراخه علي بدون سبب يعني انا ماسويت شئ يخليه يعصب علي كل هالعصبيه 00 وحاولت اتكلم وارد عليه بس اللي قهرني ان صوتي طلع متقطع وكأني شوي وأبكي وقلت له :انــ نــ نــا مااقصد انـ انـي افتش على أغراضك بس والله بالصدفه شفتها 0
فهد وهو يتنهد:خلاص خلاص ماصار شئ (000 وكمل كلامه وهويطالع برى ويأشرعلى البيت وقال لي 00) يلا نزلي مو هذا هو البيت 0
طالعت على برى وشفت البيت وطلع هو فعلا بيت سميره ونزلت من السياره من غير مااقول ولا كلمه حتى ماسالته متى بيجيني لكني تفاجاء يوم شفته نزل وجاي عندي وهو يبتسم وشايل الهديه والباقه بايدينه ويقول لي
فهد :أنسه زعلانه حق شو انا جايب هالهديه وعلى شو متخسر فيها 0
طنشته ولفيت عنه بكمل طريقي لكني وقفت لما سمعته يقول لي
فهد :براحتك أنا اللي علي سويته وانتي الخسرانه 0
وعطاني ظهره وكان بيرجع للسياره رحت عنده بسرعه وأخذت الهديه من يدينه وقلت له :صج طفس عشان هديه بتذلني 0
طنشته وكملت طريقي وسمعت ضحكته من بعيد ابتسمت وقلت بخاطري :فديتك يافهيدان الله يخليك لي ياأخووووي0
وصلت للباب وحاولت أدقه بس ماقدرت بسبب الهديه اللي يايديني فكرت شوي ونزلت الدب على الارض ودقيت الجرس وردت علي الشغاله من( الانترفون) وقالت لي :ايوه مين
قلت لها وانا اتنهد بعصبيه :فتحي الباب بسرعه انا صديقة سميره 0
ردت علي وقالت :اوكي 0
اضغطت على زر وانفتح الباب اوتوماتيكيا شلت الهديه من الارض ودخلت جوا وكان بيتهم قصر مو فله كان كل شئ روعه ومزين الحديقه كلها أنووار وزينه وبالونات حتى المسبح مرميه عليه بالونات ملونه وطالعه أشكالها روعه وبعد خمس دقايق جات عندي سميره وصرخت من الفرحه لما شافتني وقالت لي وهي تضمني :هلا وغلا والله مروووووومه تصدقين وربي مااتوقعت انك تجين 0
سلمت عليها وقلت لها بضحكه :هههههههههههههههه أول خذي الهديه من يدي وثانيا لا تخافين قدرت أقنع أمي 00 كله عشان خاطر عيونك بس 0
ضحكت سميره وأخذت الهديه مني وعطتها للشغاله عشان إطلعها غرفتهاوقالت لي 00و هي تشدني مع يدي عشان أدخل داخل القصر :ههههههههههههههههه تسلمين يالغاليه ليش مكلفه على عمرك 00 أقولك تعالي ندخل غرفتي عشان تنزلين العبايه وبعدين نرووح عند البنات في الجهه الثانيه من الحديقه00
دخلت معها البيت وكان من جد تحفه مع اني دخلته قبل كذا بس حسيت كاني اول مره أدخله كان من جد تحفه و روووووعه حيل00 المهم واحنا داخلين شفت حرمه جالسه في الصاله بوقاار وكانت كشخه بالنسبه لعمرها سحبتني سميره عندها وقالت :مامي هذي مرام صديقتي اللي حكيتك عنها قبل كذا 00
شفت أمها توقف وتجئ عندي وتسلم علي وهي تقول :ايه ياهلا والله يابنيتي كيفك حبيبتي وكيف أمك وأخوانك 0
ابتسمت في وجهها وقلت لها باحترام :كلهم بخير يالغاليه ويسلموون عليك 00
ردت علي وقالت :الله يسلمك ويسلمهم من الشر( وكملت وهي توجهه كلامها لسميره) وتقول لها يلا يمه خذي صاحبتك واطلعي فوق عشان ماتتاخرون على صاحباتكم 00ودعتها وطلعت مع سميره فوق في غرفتها وكانت الغرفه نعومه والوانها هاديه 00نزلت عباتي وسويت شعري وحطيت قلوس وردي وتعطرت ناظرتني سميره وقلت لي بتعجب :طول عمرك حلووه يامرووووم وبتمين حلوووه 00
قلت لها باتسامه :اذكررري الله 00 وبعدين تعالي هني والله انك احلى مني 00
ضحكت علي بسخريه وقالت لي :هههههههههههههههههههههههه ندري انك مغروووره بس عاد مو تتواضعين لحد الغرووووور0
شاركتها ضحكتها وقلت لها :هههههههههههههههه اول مره اسمع ان التواضع غروور0
قالت لي وهي تشدني مع ايدي عشان نروح للبنات :ايه التواضع اذا زاد عن حده غرووور انتي ماسمعتي ان قمة التواضع غروووور0
بصراحه ضحكت من كلامها وقلت لها باستهزاء :ومنكم نستفيد 00
كملنا الطريق الا الحديقه الجانبيه وكانت الزينه أكثروفي كل مكان وكان تقريبا كل بنات المدرسه فيه كانت حفله كبيره ورووعه سلمت على البنات وجلست أسولف معهم وماحسيت الا بايدين تغطي عيني واسمع صوت سميره وهي تقول :حزري فزري من اللي وراك 0
سمعت ضحك البنات وهمس خفيف حاولت ألمس اليدين اللي مغطيه عيني يمكن أعرف صاحبتها لكني وبكل أسف فشلت وقلت بياس :مين اللي وراي وكملت باستهزاء :اظهر وبان عليك الاماااااان 00
سمعت ضحك البنات وانشالت اليدين عن عيني والتفت شفت صاحبت اليدين وصرخت بفرحه وانا اقوووول:
أسراااااااااااارووو هني 00 ماقلتي لي يالخايسه انك بتحظرين الحفله 00
سمعت ضحكتها الناعمه وسمعتها تقول:حتى انتي ماقلتي لي انك بتحظرين 000وبعدين ترى هذا مو مني هذا من سميروو هي اللي قالت خلينا نسويها مفاجاءه
نظرت في سميره وانا رافعه حاجب ومنزله الثاني وقلت لها وأوني معصبه:سميروووو كيف عرفتي اني باأجئ عشان تسوين لي هالمفاجاه وانتي قلتي لي ماتوقعت جيتك بسرررعه اعترفي 0
ضحكت سميره وضحكت معها أسرار وهي تقول :بصراحه أسرار اتصلت علي وقالت لي انك بتجين 0
شلت عيني من سميره وطالعت أسراربنظره خلتها تضحك وتقول:هههههههههههههههههه ادري بتقولين شو عرفني انك بتجين00 انا اقولك هذا ياطويلة العمر كنت في البيت وجالسه مع ماجد في الصاله وسمعته يكلم فهد أخوك ويقول له مرني في البيت لكن أخوك قال له انه بيتأخر لانه بيوديك عند صحبتك وانا اول ماسمعت هالكلام نشبت في حلق ماجد لين جابني هني طبعا مانسيت أتصل على سميروه وأخبرها وبس هذه كل القصه ارتحتي الحين0
سرحت شوي في ماجد وفي الصوره اللي شفتها بسياره فهد من جد كان حلو وجذااب اللي مستغربه منه ان فهد عصب لما سألته عنها!! واللي مستغربه منه أكثر ان الصوره ماكانت هني في الدوله شكلها في بلاد برى بس وين والله مادري ؟المهم نبهتني من سرحاني أسرار وهي تصارخ و تقول :ياهووووووو نحن هنا فين سرحتي (وغمزت لي بعينها وهي تكمل )مااقول الا اللي واخذعقلك يتهنى به 00
قلت لها بسخريه :ها ها ها سخيفه انا هني يعني وين بكووون 0
ردت عليك بسخريه واستهزاء وقالت :مو بأسخف عنك 00 يـا (وارفعت صوتها أعلى عشان تسمع البنات )وهي تقووول يامرة أخووووووووي 00
حسيت وجهي احترق لما شفت كل البنات يطالعووني وفي وجههم علامات استفهام اول من تكلم وبداء الهجوم علي سميره وقالت لي بعصبيه: صج انك خاينه يامراموووووو الحين تملكين وماتخبرينا 000 لالا من جد زعلت 00

قلت لها وانا اطالع اسرار بحقد وقهر:شو انتي صدقتي ترى والله تكذب عليك 00شو ملكه بعد00؟! انا مو ملكه 00وهذا كله كلام وماصار شئ رسمي00
طالعتني أسرار بتحدي وقالت:ماملكت لسى لكن ملكتها الاسبوع القادم يوم الخميس وكلكم معزومين0
هني ماقدرت أتحمل وحسيت بالغيض والقهر لانهم يحددوون ويقررون على كيفهم حتى بدون مايأخذون رايي ولا يسألون عني 00 لكني حاولت ماابين شئ وحاولت أمسك أعصابي قد مااقدر وأرد على البنات اللي يباركون لي بابتسامه أوارد عليهم بكلمات مختصره
فاطمه :مبروووووك مرومه تستاهلين يالغاليه 0
رديت بابتسامه مجامله: الله يبارك فيك وعقبالك يارب00
شفتها ارفعت يدها فوق للسماء وهي تدعي وتقول:أمين يارب من بوئك لباب السماء 00
ضحكنا كلنا على خبال فاطمه لانها تبي تتزوج اليوم قبل باكر00و بعد السوالف والشاهي والقهوه وافتحت سميره البوفيه وكان من جد روعه ومرتب والاكلات اللي فيه لذيذه حتى الوانها مشهيه تخلي الواحد يحس بالجوع لو كان شبعان0
بصراحه الاكل كان مشهي بس انا معدتي صغيره لو أكل أي شئ على طوووول أشبع وهذا السبب يخلي البنات يحسدوني لانهم أي شئ ياكلونه يسمنهم بعكسي 00 قمت من مكاني بدون مااحد يحس فيني وطلعت للمغاسل اللي داخل القصر عشان أروح للحمام (وانتم بكرمه )واغسل يديني 00 طلعت من الحمام وغسلت ايديني بالماء والصابون وبصراحه أعجبتني المغاسل اللي عندهم ماشاء الله كل شئ في بيتهم كبير ومميز صح أنا مو قاصرني شئ بس طبعا مستواهم المادي أعلى من مستوانا 00 أخذت مناديل ونشفت أيديني ورميتها في الزباله وطلعت من شنطتي البودره وحطيت بودره خفيفه وحطيت قلوس مثل ماانتم عارفين ان القلوس بعد الاكل يروح عشان كذا جلست أعدل في مكياجي 00 رجعت المكياج بالشنطه وأخذت العطر ورشيت على لبسي ويديني وكانت ريحته حيل حلوه حسستني بالانتعاش رجعت العطر في الشنطه وسكرتها00 ورفعت راسي عشان أطلع بس انصدمت لما سمعت صوت أحد يتكلم ووكان الصوت رجولي وقريب من المغاسل وقتها توترت وخفت و ماادري ايش اسوووي لكني حسيت ان الصوت كل ماله يقرب ويقرب وماكان عندي فرصه الا اني أدخل المجلس واتخبى فيه وبسرعه دخلت المجلس وماانتبهت لما طاحت من شنطتي المحفظه تحت المغاسل 00 وقفت قريب من الباب عشان اسمع اذا الصوت فيه ولا اختفى وعشان أطلع وأرجع للبنات
لكني تفاجاءت بالشخص اللي دخل علي وحطيت ايدي على قلبي من الخوف ورجعت ورى لان الشخص اللي واقف قدامي يهذي بكلمات مو مفهوومه ويترنح جسمه بكل اتجاه ويالله ساند طوله000وجلس يطالعني بنظره مقرفه وكأنه يتفحصني من راسي الا رجولي وحسيت إن نظراته تخترق ملا بسي من قوة نظراته رجعت على ورى وكنت بطيح بس الله ستر سمعته يقول وهو يأشر علي ويقول :
هيــــــــه أنتي شو هالجمال وكان يقطع بالكلام وكل شوي يشهق ويقول انتي أنس ولا جن 0
حسيت كاني ورقه خفيفه من كثرمااارتجف من الخوف قلت له بترجي :واللي يخليك ابعد عني واتركني بحالي
ضحك وبانت أسنانه الصفراء وقرب مني هويترنح ويأشر بايده بالهواء ويقول لي:هههههههههههههههههههه صج خبله وماعندك سالفه حد يشوف هالملاك ويخليه هههههههههه وبعدين ليش (وكمل هو يشهق) ليش خايفه انا بتأكد هق انك انس ولا جن ولا ملاك00
وقرب مني وكأنه شيطان او وحش بينقض على فريسته لكني حاولت أبتعد عنه وأرجع على ورى بسرعه وانا اطالعه برعب ومن اسلوبه وحركاته عرفت انه سكرااااااااااان00 وصار يتقدم مني وانا أرجع على ورى ومن خوفي ماانتبهت للتحف والمخاد اللي المحطوطه على الارض للزينه وطحت عليها وحاولت اني اقوم وارفع جسمي بايديني لكن ماامداني ارفع جسمي من الارض الا وهو جاي عندي ومسك ايديني بقوه وكل اللي قدرت اسووووووويه اني صرخت بأعلى صوتي :لاااااااااااااااااااااااااااااااااااااااااااااااا اااااااااااااااااااااااااااااااااااااااااا


00000000000000000000000




بانتظااااااااار ردودكم

 

 

[قيثارة]

لالالالالالالالالالالالالالالالالالالالالالالالالا لالالالالالا شنو هذا والله حرام ..
كملي خيتوا متابعين ..

 

 

[مذهلة]

لي عودهـ

بعد قرآة القصه

 

 

[المشاعر العذبة]

جلست أبكي و أصارخ وأضربه على صدره وأحاول أبعده عني لكني ماقدرت لانه كان ماسك ايدي بقووه قرب وجهه من وجهي وهني غمضت عيني ماقدرت اتحمل اللي يصير وحسيت اني بموت لكن الله أنقذني في الوقت المناسب لما شفت سميره داخله المجلس وهي تركض وتمسكه مع كتفه وتضربه وتحاول انها تبعده عني لكن هو كان سكرااااااان حيل مو حاس بعمرره 00 سمعت سميره تصارخ عليه وتقول:
عامر يالخايس ابعد عنها اقوووووولك ابعد عنها أحسن لك
شديت ايدي من يده بقوووووه وحاولت أوقف وأبعد عنه لكني شفته يتقرب مني ويحاول يبعد سميره عنه وهو يقول :سميروووه ويهد اقول لك ابعدي عني أحسن لك وجلس يطالعني بنفس النظرات المقرفه ويترنح وكمل وهو يقول هذه كيكه وحلووووه كيف (وكمل هو يشهق) كيف تبيني أتركها 00 اكيد انك هق ينيتي 00
انصدمت وجمدت مكاني لما شفت سميره تأخذ وحده من التحف وتضربه على كتفه فيها وطاح على الارض وهو يتألم ويصارخ ويتوعد 00 انا انتبهت على صوت سميره وهي تقول لي :مرااااااامووو اطلعي بسرعه بسرعه
بعدت عنه وطلعت أركض وكأني مو مصدقه ان الله نجاني من هالسكران وفكني منه شفت سميره تطلع بعدي وتقفل باب المجلس انا انهرت وجلست أبكي وابكي وسميره تحاول تهديني لكن ماقدرت كل مااتخيل انه كان كان
مااقدر أكمل مااقدر أكمل مسكت راسي من شده الالم اللي أحس فيه وقلت لسميره وانا ابكي وصوتي يتقطع :سميره بسـ بسـ رعه جـ جيبي عباتي بسرعه واللي يخليك0
حاولت تهديني وتتعذر مني لكن أنا مااهتميت ولا انتبهت للكلام اللي قالته كل اللي كنت أتمناه في هالوقت هو إني أطلع من هالبيت وبسرعه 00 بعد خمس دقايق جابت عباتي وطلعت وشفت أسرار واقفه وحاطه ايدها على خصرها وتقول :سميروووه وصمه سنه سنه عشان تنادينها 00 وبعدين أنتي ياهانم ماجد كسر علي الجوال من أول يقول لي اطلعي 00
أسرار من عصبيتها ماانتبهت لشكلي واصلا انا ماانتظرتها عشان تخلص كلامها00 سكت عنها ومشيت مثل المجنونه ودموعي مو قادره أوقفها و مو قادره أفكر ولا استوعب اللي صار وحسيت ان راسي باي لحظه بينفجر من شدة الصداع طلعت برى البيت ولقيت سياره ماجد وتوجهت لها حتى بدون ماافكر ليش فهد ماجاني ؟ولادق علي ؟حتى سالفتي مع ماجد نسيتها 00 فتحت الباب اللي ورى وركبت ورى أسرار اللي دخلت السياره وهي معصبه وتتحرطم وتقول:مراامو يالخايسه الحين أنا انتظرك لي ساعه عشان تجين00 وأكل تهزئ محترم من ماجد وبالاخير طنشيني وتركبين السياره وبدون ماتنتظريني 00
حاولت قد مااقدر أمسك أعصابي لكني ماقدرت و انفجرت مرره وحده 000ماقدرت أتحمل الضغط النفسي اللي كان داخلي مسكت راسي بقوه وقلت وأنا أصارخ وأبكي :بس بس حراااااااااااام عليكم بس والله مو قادره أتحمل ارحموووني ياناس ارحموووووووني0
جلست أشاهق من كثر الصياااح وحطيت راسي على الكرسي اللي قدامي وسمعت أسرار تقول وباين على نبرة صوتها الخوف:مرام حبيبتي ايش فيك توك ايش زينك بالحفله ايش صار لك 00
سكت وماقدرت أرد عليها وحطيت ايدي على فمي وانا احاول أكتم صياحي لين وصلت البيت أخذت شنطتي من السياره ونزلت بسرعه وسكرت الباب بقوه حتى اني حسيت انه بيتكسر من قوووة الضربه لكن مااهتميت 00 ولا حتى إهتميت أشكر ماجد اللي ماقال ولاكلمه من أول ماركبت السياره 00دخلت البيت وطلعت الدرج وانا اركض لين وصلت غرفتي دخلتها وسكرت الباب وراي وقفلته وحطيت ظهري على الباب وصرت اجلس بتعب وانا ابكي وابكي وبعدين مشيت بصعوبه عند سريري و رميت نفسي على الارض وحطيت راسي على حافة السرير وشكلي من كثر البكي نمت بعباتي وماحسيت بنفسي 00 ماادري كم المده اللي أخذتها لكني قمت على أذان الفجر ونزلت عباتي ورحت للمرايه طالعت شكلي وخفت لان عيووني كانوا حمر ومتنفخاااااات والكحل سايح وصار شكلي من جد يخرع00رحت الدولاب و أخذت لي منشفه وبيجامه ودخلت الحمام عشان أخذ شور00تقريبا أخذت أكثر من نصف ساعه بالحمام كل مااتذكر اللي صار لي امس بالحفله أجلس أبكي وتختلط دموعي بالماء 00 بعد ماطلعت من الحمام جلست على التسريحه وانا أطالع شكلي في المرايه عيوني لين الحين حمراء ومنتفخه 00 أخذت مشط جلست أسرح شعري وانا سرحانه وأتذكر شكل السكران اللي صورته مو قادره تفارقني بعدها رميت المشط بعصبيه على التسريحه وأخذت لي كلبس ورفعت شعري فيه 00 وقفت من مكاني وتوجهت لدرج الكوميدينه وطلعت منها السجاده وفرشتها وأخذت شرشف الصلاه ولبسته وكبرت عشان أصلي الفجر وبعد ماخلصت صلاه جلست أدعي ربي وأنا أبكي انه يرحمني ويغفر لي ويستر علي في الدنيا والاخره 00 قمت من السجاده وأخذت القران وجلست أقراء فيه شوي 00 سمعت دق خفيف على الباب لكني مارديت وصار الدق يزيد ويقوى وحسيت أن الباب بيتكسر 00 سكرت القران وبسته وحطيته في مكانه وقمت بصعوبه عشان أفتح الباب00 فتحته ودخلت جوى الغرفه وجلست على السرير شفت أمي وفهد يدخلون الغرفه وسمعت امي تقول لي وهي خايفه :ايش فيك يمه من الصبح أدق عليك الباب ليش ماتفتحين 000 خرعتيني عليك قلت اكيد صاير فيك شئ وعلى طول رحت لاخووووووك أصحيه عشان يشوفك 00
قلت لها بتعب :يمه لاتخافين أنا مافيني شئ 000 بس كنت في الحمام أخذ دش عشان كذا ماسمعت الباب وهو يندق00
سكت شوي ورفعت عيني وجلست أناظر فهد وحسيت ان في عيونه كلام كثير مو قادر يقوله عشان أمي موجوده 00 ونبهني من سرحاني صوت أمي الحنون وهي تقول :ايش فيك يمه عيونك حمر ومتنفخه 00 وحطت ايدها على قلبها وهي تقول مرام يمه انتي كنتي تصيحين 00
قلت لها بسرعه وانا أظمها بقوووووه :لا يمه ماكنت اصيح وبعدين ايش يصيحني 00 ترى هذا كله من الشامبو الخايس اللي دخل عيوني عشان كذا صارن حمر 00
شفت فهد يبتسم وهو يطالعني بنظره وكأنه يقول صج يامرام تعرفين طلعين عمرك من هالمواقف 00 طنشته وشلت عيني عنه بعدت عن أمي شوي وشفتها توقف وتقول لي:أنا بنزل أجيب لك فطووووور وغصبن عنك بتاكلين 00 وأجيب شاهي عشان أخذ علوم الحفله منك 00
وطلعت من الغرفه حتى قبل ماارد عليها وقلت في خاطري ليش يمه ليش لازم تذكريني بالحفله ليش ؟نزلت دمعه من عيني لا شعوريا ومسحتها بكف يدي بسرعه أخاف يشوفها فهد ويجلس يحقق معي 00 وهذا اللي صار جلس فهد جنبي على السرير ومسك ايديني وفاجاءني بسؤاله لما قال لي :مرام ليش كنتي تصيحين لما طلعت من الحفله أمس 00
حسيت برجفه بجسمي وحسيت بتوتر لدرجه صرت أرجف وهذا اللي خلى فهد يضغط على يديني بحنان وكانه يحاول يطمني ويحسسني بالامان مع هذا كله لساني انعقد وماقدرت اقول أي كلمه 00وقلت في خاطري ايش تبغاني أقولك يافهد اقولك ان اختك المصون واحد حاول يعتدى عليها واحد سكران ماعنده لا رحمه ولا ضمير 00واحد مايخاف ربه بغى يضيعني ويضيع سمعتي وشرفي لولا ان الله رحمني وستر علي وانقذني في الوقت المناسب 00 وجلست افكر في امي وابوي لو دروو ايش ممكن يصير فيهم 00 مانبهني من سرحاني الا يدين فهد اللي مسحت دموعي اللي كانت تنزل بدون مااحس وضمني لصدره وهو يقول :
فهد :بس حبيبتي بس خلاص لا تبكين 00 انا معك ومستحيل أخلي أحد يغصبك على شئ انتي ماتبغينه 00
فرحت في خاطري ان فهد فهم الموضوع غلط ويحسب اني ابكي عشان سالفه زواجي من ماجد00 وسالته بتردد وقلت له :فهد من قال لك اني أمس كنت أبكي وأصيح 00
سمعت ضحكته ورفعت عيني وانا اناظره بقهروقلت له :ممكن أعرف ايش اللي يضحك في سؤالي00
زاد بضحكه وكأنه يبغى يغايضني وقال لي:ههههههههههههههههههههههههههههههه من يعني أكيد الرويتر أسرااروووو0
انفجرت من الضحك على كلامه لان أسرااااار صج رويتر وقلت له :ههههههههههههههههههههههههههههه وأسراروو وين قابلتها عشان تقول لك 0
قال لي وهو يبتسم بخبث وكانه يتذكر شئ ضربته على كتفه وقلت له :فهيداااان قول لي ايش سويت في البنيه ترى هالابتسامه الخبيثه تدل على إن وراك شئ00 وشئ كايد بعد00
رجع فهد يضحك ويقول لي:ههههههههههههههههههههههه بقولك بقولك 00 هذا ياطويلة العمر جيت أمس في الليل بوقت متأخر لانه كان عندي بعض الاشغال أسويها المهم دخلت البيت بطلع لغرفتي وانا طالع الدرج سمعت التلفوون يدق وجلست اطالع في الساعه ولقيتها 4 الفجر استغربت مين ممكن يتصل علينا في هالوقت 00 المهم انا كنت بطنش التلفون واكمل طريقي لغرفتي لكن التلفون رجع يدق مره ثانيه وبعدها قررت أنزل وأرد عليه وطلعت المتصله 00000
قاطعت كلامه أنا وكأني عرفت من اللي متصل وقلت له :أسراااااااااااااااار
أشر بايده بمعنى لااا وقال لي :خطاء مو أسراااار هذي كانت صاحبتك اللي كنتي عندها في الحفله هي قالت لي اسمها أظن
قلت انا بخوف وتوتر :سميره
قال لي بسرعه :ايه سميره صح هي قالت قول لها سميره 00 بس تصدقين استغربت اتصالها بعني انتي كنتي عندها وماامداك ترجعين الا وهي متصله
قاطعته وقلت له بخوف وانا أفرك ايديني بقوه ببعض :قالت لك شئ 00
طالعت فيه وشفته يحط اصبعه على راسه وهو يفكر وحسيت قلبي بيوووقف لما سمعته يقول :ايه ايه قالت لي قول لها سميره اتصلت وتبغاك ضرووووري وبترجع تتصل فيك مره ثانيه 00
تنهدت بقوووه علامه ارتياح بس حمدت ربي ان فهد ماانتبه لي لا لاحظ شئ وسمعته يكمل كلامه ويقول :بعدها سكرت التلفون وكنت بااطلع لغرفتي الا ان التلفون دق مره ثانيه (سكت شوي وبعدها كمل وهو يضحك) هههههههههههههههههههه ورجعت ورفعت التلفون ومامداني اقوووول الووووووو الا هبت بوجهي اسرارو وجلست تصرخ علي على بالها انتي اللي راده وجلست تقول :مرااامو يالخايسه ليش اول هبيتي بوجهي وليش رحتي عني وطنشتيني وليش سكررررتي باب السياره بقوووه انتي عارفه ماجد كان بيتوطى في بطني وبطنك

انتي عارفه السياره جديده وماامداه يتهني فيها 0000 الا تعالي انا متصله بسألك ايش فيك وليش أول كنتي تصيحين وتصارخين 00
أول ماسمعت الكلام اللي قاله فهد انفجرت من الضحك وماقدرت أمسك عمري 00 وتخيلت شكل أسرار وهي تصارخ وتتحرطم كانها عجووز أكلين عشاها 00 حاولت أهدي نفسي من الضحك وقلت لفهد :بعدين شو صار
قال لي وهو يضحك :ههههههههههههههههههههههههههه والله يامراموو لو سمعتيها شو قالت بعد ماقلت لها
خلاص خلصتي أخيرا مابغيتي شو من بنت أنتي بالعه راديووووو أولأ انا مو مرام ووانا فهد وبعدين تعالي هني انتي ماتفرقين بين صوت الرجال وصوت البنت 00 ومرام كانت تصيح ايش اللي يخليها تصيح لا يكون أنتي مزعلتها والله يااسرااااارو لو أدري انه أنتي مزعلتها لاجيك واشدك مع شعرك واخليك تتعذرين لها 00فاهمه ولا لا 00000
تخيلت شكل أسرار وفهد يقول لها هالكلام وجلست اضحك لاني أعرف أسرار زين أهم شئ عندها كرامتها وتخيلت الدخان يطلع مع أذانيها وقلت لفهد وأنا أضحك :ههههههههههههههههههههه وبعدين شو ردت عليك 0
مد فهد بووزه وقال لي تخيلي شو قالت قالت لي بوقاحه وهو يحاول يقلد صوت أسرار:أولا يااخ فهد مو ذنبي اذا صوتك شرات صوت البنات
وثانيا مين أنت اللي تجيني وتشد شعري عشان أعتذر لاختك 00 اقوووووول هيه هيه ياماما روح رووووح العب بعيد مو فاضيه لليهال انا وتخيلي سكرت التلفوووون بوجهي 00
ضحكت بقوة ومسكت بطني من الضحك لان فهد وهو يقوووول هالكلام شكله مفوول ومعصب نظرت فيه وقربت منه وحطيت راسي على صدره وقلت له وأنا أشد عليه :الله يخليك لي يافهيدان لولا الله ثم أنت وأسرار ماادري شو كان صار لي في حياتي الله لا يحرمني منك 00
حط ايده على راسي وجلس يمسح على شعري وقال لي :ويخليك يالغاليه 00
وبعدني عنه بحنان ورفعت راسي اناظره لكني شفته يناظرني وهو يبتسم ويقوووووول لي :دقيقه وراجع لا تتحركين
وطلع من الغرفه بعد ماغمز لي 00 جلست في مكاني وماتحركت وشفت مامي وريتا معهم الفطور والشاهي حطيناه على الارض وجلسنا نسولف ومامي تسألني عن الحفله كنت أجاوبها عن كل شئ صار الا الموقف الخايس اللي صار لي مع السكراان 00 بعدها جاء فهد ومعه دب كبيرولونه وردي كان شكله يجنن ويشبه الدب اللي امس جبته لسميره وعطانيها وقال لي وهو يبوسني مع جبيني :الف مبروووووووووك النجاح وهذي هي هديتي لك 00 عشان كذا ماحبت انك تنزلين معي أمس حبيت أسويها مفاجاءه 00
أخذت الهديه منه وأعجبتي كثير كان الدب كبيرو ماسك بين ايدينه علبه كبيره شووي ومزينه بالوروووود وفتحتها وصرخت لما شفت اللي فيها كان أحدث جووووووال نازل السوق ومع الشريحه قمت من مكاني وضميت فهد بقوه وجلست اصيح وانا اقول له :مشكور مشكوووور فهد الله يخليك ياخوي الله لا يحرمني منكم كلكم 00
سمعت فهد يقوول لي وهو يحاول يغايضني:بس بس خيستي ثوبي بدموووعك (وكمل وهو يقرصني على خدي )ارتحتي الحين شوفي أمي جالسه تصيح 0
نظرت لمامي ولقيتها تمسح دموعها وهي تقول :الله يخليكم لبعض ويخليكم لي انا وأبوووكم 00
رحت عندها وضميتها لصدري وقلت لها :ويخليكم لنا يالغاليه ولا يحرمني منكم00
جلست انا مع مامي وفهد شوي وكملنا سوالف وضحك وكانت الجلسه روعه وقدروا يطلعوووني من اللي كنت فيه 00 بعدها طلعوا من عندي وكل واحد راح يكمل شغله أما انا جلست على سريري والعب في الجوال لكني حسيت ان قلبي توقف لما دق الجوال فجاءه بايدي ولا شعوريا رميته على السرير 0 استغربت من اللي متصل في لان الجوال جديد والرقم مااحد يعرفه ؟!وماحاولت افكر كثير ورحت للجوال واخذته ورديت عليه قلت بهمس :الووووووو
سمعت صوت أسرااارو وشكلها تزاعق على احد جنبها ومانتبهت اني رديت ورفعت صوتي وقلت لها :الوووووووووووو اسراررو
ردت علي بسرعه وهي تقووول :هلا وغلا مرام كيفك ؟ سوري مانتبهت انك رفعتي الخط هذا كله من الاء الدبه
سمعت صوت الاء جنبهاوهي مصعبه و تقووول :انتي الدبه يالدبه 0
ضحكت عليهم لان الاء واسرار دائما يتهاوشون في أي مكان ومايهتمون لاحد 00 المهم سالت اسراربفضول وقلت لها :اسرار كيف عرفتي اني طلعت جوال ومن وين جبتي رقمي 00
سمعت اسرار تضحك وتقول لي :هههههههههههههههههههههه سهله هذي رقمك جبته من ماجد 00 لان ماجد كان مع فهد لما راح يشتري لك الشريحه والجوال 00
جلست افكر بماجد اللي مااهتم انه يسألني أمس ليش كنت أصيح وأبكي00بصراحه حسيت اني مااعني له شئ ولا حتى شئ بسيط حاولت ابعد هالفكره عن بالي 00ورجعت اكلم اسرار وقلت لها بتردد:اممممممممممممم يعني ماجد يعرف رقمي 0
قالت لي بسرعه :ايه هو اللي معطينياه 00 وعلى فكره مرام سميره من اول تتصل علي وتسألني عنك وقالت لي انها تبغاك ضروري وتقول انك ماتردين عليها فانا تكرمت وعطيتها رقم جوالك00 تصدقين مرام اموت واعرف ايش اللي صار بينكم أمس وخلاك تطلعين من الحفله تبكين؟!
قلت لها بعصبيه :مو شغلك وبعدين من سمح لك تعطينها رقمي 0
حسيت من صوت اسرار وكانها زعلت وهي تقول لي :اسفه مرام مادريت اني لازم اخذ الاذن منك اول 00
سكت شوي وقلت في خاطري حرااام عليك مرام سميره مالها ذنب00 الذنب ذنب هالخايس بالعكس سميره صاحبتك 00 ليش تقطعين علقتها فيك عشان واحد خايس ومايستاهل 00 انتبهت من اللي كنت أفكر فيه على صوت اسرار وهي تقول :اوكي مرام اناا اسفه ماكان قصدي ازعلك ويلا انا أستأذن الحين مع السلامه0
حسيتها من جد زعلت وانا اسرار حبيبتي وبنت عمي وصديقة طفولتي ماتهون علي فحبيت الطف الجوووو شوي وقلت لها:اسرااااااااااارووو بلا دلع تعرفين اني مااقصد00 وبعدين تعالي هني شو سويتي في فهد امس 00
سمعت ضحكتها الرنانه وهي تقووووول :يستاهل اللي جاه وازود أجل أنا أسرار بنت عبدالرحمن يقول لي (وهي تقلد صوته) والله لو ادري انك انت اللي مزعله مرام لاجيك واشدك من شعرك عشان تعتذرين لها 0000
انفجرت من الضحك على اسلووووبها وطريقتها في تقليد فهد لكن هي قاطعتني بخوف وهي تقول :ووووووي وووي مراموو يالخايسه نسيتني ليش متصله 00اسمعي ابوي وامي اول يتكلمون عن ملكتك انتي وماجد وحددوها يوم الخميس الجاي بس المشكله ان اليوم الاحد ومااظن يمدينا نجهز00
خلصت اسرار كلامها وحسيت انا ان قلبي يرقع من الخووووف حسيت بالقهر لان مااحد عبرني ولا اخذ رااي
اعتذرت من اسراربسرعه وقلت لها :ماعليش حبيبتي أسرار الحين بسكر وبعدين ارجع اتصل عليك 0
أسرار وهي تضحك :اوكي خذي راحتك ياعرووووووسه 00 وها انتظر اتصالك لا تنسين يلا باي 00
ضحكت على خبالها وسكرت الجوال ورميته على السرير وقمت من مكاني ورحت الحمام عشان أتوضاء لان صلاة الظهر قامت طلعت من الحمام وصليت واول ماخلصت سمعت دق على الباب قلت: تفضل
انفتح الباب وشفت ريتا وهي داخله وتقول :تقبل الله ماما
قلت لها وانا اطووي السجاده :منا ومنك صالح الاعمال00
ريتا :بابا كبير يبغى انتي تهت ويقول تعالي تغدي 00
قلت لها :اوكي ريتا00 انتي خلاص رووحي وانا الحين نازله 00
طلعت من الغرفه ريتا وطلعت انا وراها سكرت باب غرفتي وكملت طريقي للدرج وصرت انزل درجه درجه وانا افكر بكلام اسرار وكنت مقرره اسأل بابي عنه 0 وصلت للصاله ولقيتهم كلهم متجمعين وحاطين الغداء على الارض رحت عند بابي وبسته على خده وعلى راسه وقلت له:كيفك بابي وينك ماتنشاف 00
ابتسم بابي في وجهي ومسك ايدي وشدني عنده وخلاني أجلس جنبه وقال لي :هلا حبيبتي انا مو جود بس انشغلت شوي هاليومين انتي شو علومك وشو أخبارك
قلت له وانا ابتسم في وجهه :انا بخير طول ماانت ومامي بخير 0
التفت لمامي لماسمعتها تقول وهي توجه كلامها لبابي :على فكرة ياابو فهد ام ماجد اتصلت علي اليوم وقالت لي انهم حددوا الملكه يوم الخميس 00
رفعت عيوني لفهد وشفت ملامح وجهه تغيرت لكني تفاجاءت لما قال :يبه أنت سألت مرام عن رايها اذا كانت موافقه ولا لا 00
حسيت بالرجفه والتوتر لما سمعت بابا عصب وقال:انت ايش عليك أختك ماتطلع من شوري وانا قبل كذا كلمتها وهي مارفضت ولا قالت شئ00
قلت بخاطري:ليه يافهد ليه تقول كذا الحين بتسوي لي مشكله مع بابي 000 بابي طيب بس عيبه انه يعصب بسرعه وماايحب احد يرد له كلمه 00كسرت خاطري مامي وهي تحاول تهدي بينهم لكني انتفضت فجاءه لما بابي قال لي :مراام انا كلمتك قبل كذا وانتي مارفضتي 000 وأرجع وأكررها انتي شو رايك 00
نزلت عيني للأرض وجلست افرك بايديني بتوتروقلت له بعد مارفعت راسي وجلست اطالع بفهد :بابي اللي تبيه سووه انا مالي شور بعد كلامك 00
ماادري ليش قلت كذا ماادري يمكن خوف من بابي ؟يمكن لاني ماتعودت أرد لبابي كلمه؟ويمكن لان ماجد جذبني ؟ ويمكن لانه ولد عمي واكيد بيخاف علي مثل مايخاف على خواته ؟ماادري ماادري 00
بصراحه حسيت بالاحراااج لما فهد طالعني بنظره وقام من السفره وهو يقول :إذا هذا رايك مبرررررووووك عليك 00
وكان طالع من الغرفه لكن صوت بابي وقفه وهو يقول :ملكة أختك يوم الخميس ومن الحين أبغاك توديها للسوق
عشان تتجهز وتشتري لها اللي تحتاجه 00
هز فهد راسه وقال :انت تامر يبه 00
وطلع من الغرفه وجلست أنا مع مامي وبابي وكانووا حيل مبسوطين وفرحانين وقلت في خاطري مادام هذا الشئ يفرحهم خليهم يفرحون 00وبعدين انا ماادري ليش فهد يبغاني أرفض ماجد يعني لو قال لي السبب يمكن تغير رايي ؟لكن مادامه متكتم على السبب بكيفه هو حر وانا مو ممكن أرفض لبابي طلب 00
بعد الغداء جابت أمي الشاي وجلسنا نشرب وطلع بابي من جيبه فلووس وحطها بايدي وقال لي: روحي يابنيتي عشان تتجهزين خلاص مافيه وقت الملكه يوم الخميس 00
شكرت بابي وحبيته على راسه وأخذت الفلوس منه وطلعت لغرفتي وانا حاسه بشوية راحه00 بس ماهان علي اني اخلي فهد يزعل مني
وغيرت اتجاهي من غرفتي لغرفته ودقيت الباب وسمعت صوته وهو يقول :ادخل الباب مفتوح
فتحت الباب ودخلت راسي وشفت فهد متمدد على السرير ويطالع السقف وقلت له بتردد:فـهـد انت زعلان مني
شفته قام وعدل جلسته وقال لي :مرام انتي مقتنعه باللي قلتيه 00
قلت له :بصراحه ايه 00 وبعدين يافهد انت عارف اني مااقدر ارد لابوي ولا امي كلمه 00
قال لي وهو يتنهد :بس هذه يامرام حياتك وعمرك ممكن تخسرينهم عشان امي ولا ابوي
رحت عنده وقلت له :فهد انت رافض تخبرني بالسبب اللي يخليني ارفض ماجد 00 وهذا شئ راجع لك بس انا مااقدر ارفضه بدون سبب 00 حتى لو رفضت ابوي بيسالني ليش رافضته ؟وطبعا وقتها ماعندي عذر مقنع اقول له00
قال لي فهد :كيفك يامرام هذي حياتك وانتي حره فيها وانا كل اللي اتمناه سعادتك 00 واذا تبغيني اوديك اليوم السوووووق من عيوني وانا جاهز 00
رحت عنده وضميته بقووه وبسته على خده لو اقول لكم قد ايش احبه ماابتصدقوني 00 فهد مو بس اخووووي فهد حياتي وعمري كله قلت له وانا اضحك :هههههههه ادري يافهيدان مااهوون عليك مااتجهز حق ملكتي 0
جر خشمي بقوووه عشان يغايضني وقال لي :هذه مشكلتي قلبي طيب ومااقدر ازعلك 00 وكمل كلامه وهو يقول لي العصر صحيني من النوم عشان اوديك 00 والحين قلبي وجهك وعطيني مقفاك و خليني اناااااااااام 00
هزيت راسي وقلت له وأنا أضحك:ههههههههه انت تامر امرررر 00 يللا كوابيس مرعبه اتمناه لك ههههههههههه00
ماحسيت الافهد شايل المخده وحذفها علي بس الحمدالله اني قدرت ابعد عنها واتجنبها وطلعت من غرفته وانا اركض
وبعد ماطلعت من الغرفه حسيت اني مرتاحه لان فهد مو زعلان مني وتوجهت لغرفتي ودخلتها وسكرت الباب وراي ورحت للشنطتي عشان أحط الفلوس في المحفظه وجلست ادورها بس مالقيتها 00 واخذت الشنطه وطلعت كل اللي فيها على التسريحه بعد مالقيتها وحاولت اتذكر وين ممكن تكون بس ماقدرت أتذكر 00 بالاخير طنشت وقلت في خاطري يعني وين بتروح أكيد ياهنا ياهنا 00بعدها رحت للجوال وشلته وكنت مقرره أتصل لاسراااااار وااقولها ترووح معي 00 لكني شفت 7 مكالمات لم يرد عليها ثلاثه اتصالات من رقم واحد واثنين من اسرار واثنين من رقم ثاني الغريبه ان جوالي جديد ومااحد يعرفه 00وبعدين تذكرت كلام اسرار وهي تقول لي انها عطت الرقم سميره وقطع علي تفكيري رنة الجوال وجلست اطالع في الرقم وكان الرقم غريب وقلت في خاطري أكيد هذي سميره خلني ارد عليها واطمنها مسكينه اكيد تحاتيني 00فتحت الخط وقلت :الوووووووووووو
سمعت صوت رجولي يرد علي ويقول :مرام
حطيت ايدي على قلبي من الخرعه وقلت في خاطري منو هذا ياربي ؟ هذي مو سميره!! لكن المشكله كيف عرف اسمي ؟وايش يبغى مني ؟!
سمعت صوته يناديني ويقول :مرام انتي معي 00 تسمعيني 0
قلت له باستغراب :خير اخووووي بغيت شئ؟
رد علي بكل وقاحه وجراءه وقال لي بصوت هامس :بغيتك أنتي 0
هني خلاص حسيت اني بموت مو قادره اوقف اكثر عشان كذا مسكت حافة السرير وجلست عليها وقلت له وانا أحاول استوعب شو قاعد يخربط :شو تقوول0
رد علي بصوت هامس وقال لي :مراااااااااااااام بغيتك أنتي 00 أنتي يامراااام 00

 

 

[قاهر المستحيل]

قصة شيقة وجميلة .. رغم دقة تفاصيلها التي لاداعي بها


يعطيكِ العافيه أختي المشاعر العذبة

واصليها .. ولكِ جزيل الشكر














والله ولي التوفيق

 

 

[مذهلة]

المشاعر العذبهـ

يلا كملي القصهـ عشان أقراها بكرهـ

لأني بكون فاضيهـ

ويعطيك ربي ألف عافيهـ

 

 

[المشاعر العذبة]

سكرت الجوال في وجهه ومسكت راسي بقوه وصرت أقول :ياربي ياربي شو هالمصايب اللي تتحذف علي يعني انا شو سويت عشان يصير لي كل هذا00
حاولت أهدي نفسي وامسك اعصابي عشان مااخرب علي فرحة ملكتي 00و بعد عشر دقايق من سكرت الجوال جاني مسج من نفس الرقم 000فتحته وانصدمت من اللي قريته حطيت ايدي على فمي وانااحاول اكتم صوتي نزلت دموعي على خدي بسرعه لان الحقير كان كاتب في المسج (سمعي يامرام انا حاولت أجيك بالطيب لكن انتي اللي رفضتي وسكرتي في وجهي وانا اكره ماعندي حد يسكر بوجههي ويرفض لي شئ انا ابيه 00 ومن الحين اقوولك انا ابيك انتي ومستحيل مستحيل اخلي أحد ياخذك غيري 000 واذا ماصار اللي ابيه انتي الخسرانه اظنك فقدتي محفظتك واذا مافقدتيها دوري عليها زين بس من الحين اقولك ماراح تلاقينها لانها عندي وانتي عارفه المحفظه شو فيها يعني مايحتاج أقولك انتظري اتصال مني واذا مارديتي انتي الخسرانه 00عامر)
رميت نفسي على السرير وحطيت راسي داخل المخده أكتم صوت صياحي العالي 00 صرت أصرخ من بين دموعي وشهقاتي :الحقيرالنذل جالس يهددني بالصور اللي داخل المحفظه 00 ياربي دخيلك مالي غيرك خلصني منه يارب يارب 00
ماكفاه اللي كان بسويه في الحفله هالخايس جاي يكمل علي الحين 00 قمت من السرير واناامسح دموووعي بكف يدي واخذت الجوال وحفظت المسج في الحافظات الشخصيه لاني خفت أحد يشوفه وجلست افكر ايش ممكن أسوي في هالمصيبه 00 خطر في بالي أكلم سميره وهي تتفاهم مع أخوها أخذت الجوال بسرعه وكاني مجنونه واتصلت على رقم بيتهم وبعد خمس دقايق انرفع التلفون وسمعت الشغاله تقول :الووووووو
قلت لها بسرعه :عطيني ماما سميره
ردت علي وهي تقول :اوكي دقيقه واحد00
ومسكت الجوال بتوتر وصرت امشي بالغرفه رايحه راجعه وحاطه ايدي على راسي بتوتر00 لكني شديت على جوال لما سمعت سميرة تقول :الووووووو
قلت لها بسرعه وانا أصيح :سميره سميره لحقي علي 00
سمعت صوتها اللي فيه نبرة خوف وقلق :مرام ايش فيك حبيبتي انا من امس اتصل فيك بس ماتردين00حتى
رقم جوالك أخذته من أسرار وبعد ماتردين علي00
قلت لها بصياح :مووقته الحين سميره دخيلك أبغاك تجين الحين 0
قالت لي وهو تحاول تهديني :مرام انتي هدي حالك الحين 00 وانا اجيك بعد ساعه يكون العصر أذن 00
حاولت اهدي عمري شوي وقلت لها :لاتتأخرين أنتظرك 00
سميره:لا تخافين انا من الاول مقرره أجيك00 الحين اخليك مع السلامه 00
سكرت عنها وحسيت بالراحه شوي رحت الحمام وغسلت وجهي عشان أمحي اثار دموعي 00 وقررت أطلع من غرفتي وأخبر مامي ان صديقتي بتجئ تزووورني 00 رحت الصاله ادورها مالقيتها وبعدها دخلت المطبخ ولقيت مامي وريتا مشغولات بالطبخ رحت عند مامي وقلت لها :مامي صديقتي سميره بتجئ تزورني العصر
التفت لي مامي وقالت :بس يابنيتي انتي مقرره انك ترووحين السوق اليوم مع فهد عشان تتجهزين 00
قلت لها بسرعه :أدري مامي بس هي اتصلت علي واستحيت اردها 000 وإذا على السوق لاحقه عليه 00
لفت عني أمي وراحت للغاز وفتحت القدر وجلست تذوق الطبخه اللي مسويتها وبعدها طالعتني وهي تقول :براحتك حبيبتي 00 وخويتك الله يحيها في أي وقت 00
ضميت مامي من ورى وقلت لها :الحين اشتغل فيني الفضول ممكن تقولين لي شو تسووون 00 يعني الحين العصر بيأذن وغداء تغدينا ايش هو له هالطبخ كله 00
ضربتني على كتفي بخفيف وهي تقول لي :ومن قال ان هالطبخ لكم انتم 00
قلت لها وانا احط ايدي على خصري :لا والله اذا هالريحه الزينه مو لنا اجل لمين ؟ّ!
ضحكت مامي وهي تقول :ههههههههههههههههههه هالريحه الزينه لجيرانا بنتهم ربت وجابت ولد فكرت اسير عليهم واخذ معي هالاكل 00
فرحت كثير من قلبي وقلت لمامي :صج مامي يعني حنان ولدت وجابت ولد 00
قالت لي امي وهي تبتسم :ايه صج يمه 00 (وكمل وهي تغمز لي ) وعقبال مااشيل عيالك يمه 00
انحرجت وحسيت ان الدم كله تجمع في وجههي وصرت العب في اصابعي وقلت وانا ارص على سنوني :مااااااامااااااااااااااي 00
قرصتني مامي على خدي وقالت لي وهي تضحك :هههههههههههههههه فديت اللي يستحووون انا 00
قلت لها وانا أغير الموضوع :مامي باركي لحنان وقولي لها اني كنت باجئ معك بس ماقدرت وان شاء الله اجيها في وقت ثاني 00
مامي:ان شاء الله بنيتي 00 انتي الحين اطلعي غرفتك وبدلي لانه خلاص مافي وقت العصر بياذن00 وانا بخلي ريتا تجهزالقهووووووه والشاهي والحلويات وتحط بخورفي غرفة الضيوف00
بست مامي على خدها وطلعت من المطبخ ورحت غرفتي وجلست البس و أتعدل وماحطيت شئ غير بودره خفيف وقلوس حتى كحل هالمره ماحطيت 00 اخذت المشط وسرحت شعري بسرعه ورفعته بشريطه ناعمه وطاحت بعض الخصل على وجهي وكان شكلي حلوووو 000 رحت الدولاب وطلعت لي دراعه خليجيه روعه ونعومه حيل ولبستها وبعد ماخلصت أذن العصر صليت وبعد ماخلصت جلست ادعي ربي انه يساعدني ويفكني
من هالعامر وان سميره تقدر تساعدني000 خلصت صلاه وشلت السجاده والشرشف في مكانها اندق الباب قلت :مين
سمعت صوووت ريتا تقول :ماما صديق انتي تهت 00
قلت لها :دخليها غرفة الضيوف انا الحين جايه 00
ريتا :اوكي مام0
قمت من مكاني ورحت للباب عشان اطلع لكني فجاءه تذكرت الجوال ورجعت للسرير وأخذته وبعدها طلعت من الغرفه ونزلت تحت لغرفة الضيوف وانا أحاول قد مااقدر اني ارسم على شفايفي ابتسامه 000 دخلت الغرفه شفت سميره منزله عيونها على الارض وكانها سرحانه 00 حاولت انبهها وقلت :احم احم نحن هنا 0
ارفعت عيونها طالعني بدون ماتتحرك من مكانها وبعد دقايق وقفت وجات عندي وضمتني لصدرها وقالت بصوت ضعيف :مررااااااام اسمحيلي والله والله اللي صارفي الحفله مو عاجبني والله اني متلوووومه فيك00
انا ماصدقت انها تضمني الا مسكت فيها وجلست أبكي وقلت لها:سميره اخوووك ماكفاه اللي في الحفله يبغى يكمل علي هني00
بعدتني عنها شوي وجلست طالع عيوني تحاول تفهم مني أي شئ وبعدها قالت لي :مرااااام مو فاهمه عليك انتي ايش تقصدين ؟!
مسحت دموعي بكف يدي وسحبتها مع يدها وقلت لها :سميره تعالي نطلع غرفتي 00
طلعنا مع بعض من غرفة الضيووف للغرفتي وبالطريق قابلت ريتا معها الشاهي والقهوه وقلت لها طلعها لنا فووق 00 وأول ماادخلنا الغرفة سكرت الباب وقفلته وطلعت جوالي وحطيته بيد سميره وقلت لها :شووووووفي اخوووك عامر شو مرسللي يهددني يهددني ياسميره00
حسيت انها انصدمت لان شفتها افتحت عيونها على وساع وقالت لي:مرام ايش تقولين انتي 00 يهددك بايش ؟وبعدين عامر ماايعرف رقمك من وين بجيبه؟
قلتها وانا اسحب الجوال من يدها وافتح على الحافظات الشخصيه :شوفي الرقم زين هذا مو رقم اخووك00
طالعت الرقم وبعدها هزت راسها وقالت:ايه هذا رقمه 00
قلت لها وانا اصيح :طيب اقري المسج شوفي اخوك شو كاتب 00
أخذت سميره الجوال من يدي وكل مالها وعيونها تتوسع من الصدمه وهي تقول:هذا اكيد جن وجن رسمي بعد 00
رحت عندها ودموعي تنزل ومسكت يدها وقلت لها :دخيلك سميرة ساعديني 00 دخيلك انتي تعرفين ملكتي الخميس واخاف اخوك يخرب علي ويهددني0حراااااااام عليه انا شو سويت له ليش يسوي في جذي
مسحت سميره دموعي وجلست جنبي وقالت لي بحنان :مرام تصدقين لو اقولك عامر طيب بسـ يعاني من مرض نفسي0
حطيت ايدي على فمي وقلت لها :تقصدين انه مجنون 00
هزت راسها بسرعه وقالت :لا مو هذا قصدي 00 عامر كان انسان طيب والكل يحبه بس ابوي الله يهديه عوده انه ياخذ كل شئ يبيه وبدون تردد حتى لو بالغصب 00 وبعد وفاة ابوي الله يرحمه صابته حاله نفسيه لانه كان مع ابوي اربع وعشرين ساعه بما انه ولده الكبير وحس ان ابوي اللي بيحميه من الناس راح وخلاه وحيد000 بعدها تغير وانقلب حاله وصار مايتفاهم واغلب حياته شرب وخمر 00 عشان كذا صارالمجلس غرفته لانه بعيد عن البيت 00تعرفين ليه 00
قلت لها بتساؤل بعد ماهديت شوي :ليه؟! 00
سميره بنظرة كلها حزن وكأنها تتذكر شئ فضيع مر عليها :انا اقول لك ليه مرره جاء البيت سكرااااان وكانت غرفته جنب غرفتي وهو من كثر ماهو شارب غلط ودخل غرفتي وحاول يسوي معي نفس اللي سواه معك00
حطيت ايدي على فمي من الصدمه وقلت لها:حتى انتي000 بس انتي أخته كيف قلبه يطاوعه يسوي جذيه00؟!
قالت لي بمراره ودموعها تنزل على خده :هو ماكان بوعيه كان شارب سكران حيل ومايدري عن الدنيا 000انتي عارفه الله انقذني منه لان امي كانت جايه تطمئن علي قبل ماتنام 00 وسمعت صراخي وجات تركض عندي وشافته وصارت تبكي وتضربه وتبعده عني وطلعته من الغرفه وقفلت الباب00
وفي اليوم الثاني صارت مشكله بينه وبين امي عشان كذا طردته وخلته ياخذ المجالس اللي برى 00
كسرت خاطري سميره وربت على كتفها وقلت لها :الله يعينكم والله يشافيه 000 وسكت شوي وقلت لها بسـ ماقلتي لي شو اسوي فيه هو قال لي لو يتصل وماأرد عليه بينشر صورتي 00
قالت لي سميره :مراام انتي اليوم ردي عليه 00

فتحت عيوني على كبرها وقلت لها :شو تقولين انتي جنيتي00
سميره :انتي سمعيني زين 00 انتي اليوم ردي عليه وانا ان شاء الله على قد مااقدر راح ادور الصوووور واجيبها لك بس انتي اليوم ردي عليه عشان نكسب وقت 00
هزيت راسي بتفهم وقلت لها :الله يعين 00
وقفت سميره وقفت انا معها وشفتها تلبس العباية وقلت لها :بدري على وين ماشربتي شئ00
قالت لي :بدري من عمرك بس انا تأخرت على أمي 00 هي جالسه لحالها 00واتمنى يامرام تسامحيني 00
قلت لها بصدق:سميره انا اعرف انه مالك ذنب 00 بس شو نسوي هذا اللي الله قدره لي 00
وصلتها إلى باب البيت وعند الباب سلمت عليها وطلعت 00 جلست اناظر فيها لين ركبت مع السواق وبعدين تحركوووا وراحو00 رجعت انا ودخلت البيت ولقيت فهد نازل مع الدرج و توووه صاحي من النوم وقال لي وهو يعدل شعره:مراموووو ليه ماصحيتيني 00انا شو قلت لك 00
قلت له ببرود :خلاص انا ماابي اروووووح السوق عشان كذا ماصحيتك00
مسكني مع يدي بقوه وقال لي :مو على كيفك الحين انا اجل اشغالي عشانك وبالاخير تقولين ماابي ارووووووح00
عقدت ايدي على صدر وقلت له :شو تقترح الحين اخ فهد00
قال لي وهو يجر شعري :تروحين تلبسين عباتك وتتجهزين لين اخذ دش سريع والبس واجيك تحت فاهمه ولا لا00
شديت شعري من يده وقلت له :ااااااااي فهيدان يالخفس عورتني الحين كل هذ ا غيره من شعري 00
قال لي وهو يلعب بشعره :منو الغيراان انا 00 صج ماعندي سالفه يوم بغار من شعرك انتي ياام شوشه 00
صرخت عليه وقلت :انا ام شووووووووووووووووشه يالخفس00
طنشني وطلع غرفته عشان يتجهز وطلعت انا وراه ورحت لغرفتي 00 اخذت جوالي واتصلت على اسرار وقلت لها هي وألاء يروحون معنا وطبعا اسرار ماصدقت خبر وقالت لي خلاص تم بانتظاااااااركم 00 انا رحت وغيرت الدراعه ولبست لي لبس مريح وبعدها أخذت عباتي ولبستها وأخذت الشنطه وحطيت فيها الجووال ونزلت تحت في الصاله اتفرج على التلفزيون لين الاخ فهد يتكرم وينزل0شفت امي داخله وتسلم
مامي :السلام عليكم 00
وقفت من مكاني ورحت عندها وقلت :وعليكم السلام 000 ها مامي كيفها حنان00 وكيف ولدها يشبهها00
مامي :حنان بخير وتسلم عليك وتقوووول لازم تزورينها 00 بس انا قلت لها انك منشغله للتجهيز للملكه وعاد هي وصتني اوصل لك سلامها وتقول لك مبرووووك على الملكه00
قلت لها :الله يبارك فيها ويسلمك ويسلمها من الشر 00
مامي:انتي لابسه العبايه وجاهزه 000 على وين العزم إن شاء الله 00
لويت عليها وقلت لها :صديقتي راحت بدري 00 وفهد حلف علي غير يوديني اتجهز اليوم 00
سمعت صوت فهد وهو نازل ويغني ويدق بايدينه ويقول :يامعريس عين الله ترعاك القمر والنجوم تمشي معاك 00
وجلس يغني ودندن وانا ميته من الضحك على شكله لان الاخ صج كان كاشخ وعايش جوووو
مامي وهي تصفق وتغني معه: يامعريس عين الله ترعاك القمر والنجوم تمشي معاك كلوووووووووليش00
وبعدها انفجرنا كلنا من الضحك وقالت مامي :عقباااااااااال مااشوفك عريس ياوليدي0
جاء فهد عندها وباسها على راسها وقال:قريب يمه قريب إن شاء الله وسكت شوي وجر خشمي وقال أجل هالفصعونه تتزووووج قبلي هههههههههههه
ضربته على يده وقلت له :فهيدان ياويلك مررره ثانيه تجر خشمي 00 وبعدين مرتك الفصعونه موب انا 00
سمعت ضحك فهد ومامي وانقهرت حيل ولفيت عنهم وقلت له :انا بالسياره ومتى ماخلصت خفه الدم تعال 00
وطلعت اركض للسياره وفهد يركض وراي لكنه مسكني من طرف الشيله وشدني له وهو يضحك ويقول:هههههههههههههههههههههههه الرجاااااااااااال أولا00
تركني وكمل طريقه للسياره وانا واقفه في مكاني و أحس بالغيض عليه والقهر 000 سمعته يناديني ويقووول :مراامووو ليش واقفه مكانك تعالي 00
حسيت بالقهر وانا اروح للسياره واركب وقررت أنتقم منه 00 وقلت له بخبث:فهيدان مررررر بيت عمي عبدالرحمن 00
التفت لي فجاءه وقال لي :ليــــــــــــش00 ايش عندك هناااااااااااااك 0
قلت له وانا أضحك :هههههههههههه ايش فيك 00 وبعدين انا ماعندي شئ هناك بس أمجاد والاء يبغون يرووحون معنا السوق 00
قال لي بصوت خافت :بس الاء وأمجاد 000وأسرررررارووما بتروح ؟ّّّ!
قلت له وأنا أمسك ضحكتي :أسرار تعبااااانه وماتقدر ترووووووح00
حط ايده على قلبه وقال وهو يتنهد :اووووووف اشوووو ريحتيني 00 مالي خلق لام لسااااان 00
التفت له وقلت:فهيدان حراااام عليك والله اسرار طيبه 00 بس انت اللي تنرفزها00
قال لي وهو يحرك يده في الهواء بلا مبالاه :اقوووول خلينا منها 00 واتصلي على امجاد والاء وقولي لهم ينزلون 00
طلعت جوالي من الشنطه واتصلت على اسرار وقلت لها تنزل هي والاء بعد ماسكرت الجوال وحطيته بالشنطه سمعت فهد يقول لي:مرام خليك هني بسلم على ماجد وارجع لك00
قلت له :اوكي 00
نزل فهد من السياره وراح لماجد ورفعت عيوني اطالعهم وشفتهم يسلمووووون على بعض ويسولفون ويضحكون 00 لكن فجاءه شفت ملامح ماجد تتغير وهو يطالع في السياره 00أنا هني خفت وحسيت انه يطالعني لكن اللي استغربت منه ان ملامحه مادل على انه فرحان بالعكس دل على انه منزعج بعدها شفت فهد وهو راجع للسياره وماجد دخل جوى بيتهم 000 التفت لفهد وقلت له :علاقتك بماجد حلووووه يعني مو زعلانين من بعض00
التفت لجهتي وباين على ملامحه الاستغراب وقال لي :ليش نزعل من بعض انتي عارفه ان ماجد صديقي الروح بالروح وقبل هذا كله ولد عمي 00ومتربين مع بعض00
حطيت ايدي بحضني وقلت له بدون ماارفع عيوني:أدري وهذا اللي مستغربه منه 000 يعني ليش تبغاني ارفضه وهو صديقك يعني المفروض تفرح لانكم بتكونون قراب من بعض 00
رفع راسه وطالع قدام وقال لي :هذا الموضوع خلصنا منه 000 (وسكت شوي وهو يأشر قدام )وبعدها قال :
وأخيرررررا شرفووا بنات عمك 00
سكت انا عنه ومارديت وفي نفس الوقت انفتح الباب ودخلوا أسرار وألاء وقالواا:السلام عليكم 00
حرك فهد السياره ومشى0 أما أناالتفت ورى ومديت يدي أصافحهم وقلت :وعليكم السلام والرحمة والاكرااام 0
فهد :وعليكم السلام 00 كيفك أم ليان عساك بخير ؟وكيفك الاء وكيف الدراسه معك ؟
ألاء :بخير الله يسلمك00والدراسه تمام الحمدالله 0
حاولت أمسك ضحكتي لما سمعت أسرار تقول بسخريه :اقووووول يااخ فهد انا هني 00
التفت لمي وقال لي بصوت خافت :بسم الله من وين طلعت هذي000وبعدين تعالي هني انتي قلتي لي ان ام لسان مابتروووح معنا 00
قلت له وأنا أرص على أسناني :بس فهيدان تراك بتفضحنا 00
سمعت أسرار تقوول بصوت عالي وكأنها تبغى تسمع فهد وتغايضه :اقووول مرااامووو ترى السلام ببلاش يعني مايدفعوووووووون فيه فلووس00
هني ماقدرت أمسك ضحكتي على اسلوب أسرار وكلامها وضحكت بصوت عالي:هههههههههههههههههههههههههههههههههه
طالعني فهد بقهروقال :والله مانسلم الا على الناس اللي تستاهل السلام 00
استغربت لما سكتت عنه أسرار وماتكلمت لين وصلنا للسوق ونزلنا ووأول مانزلنا راحت أسرار عند باب فهد وقالت وهي متقرفه :اوووووووف وأخيرا أقدر أتنفس من هالخنقه 000 وبعدين اسمع انت روووح وانا أتصل بماجد يجئ يأخذنا 00
التفت لها وقلت بسرعه:لا شو ماجد انا مابروح الا مع فهد00
عصب فهد وقال:شو أنسه أسرار يمكن أنا أشتغل سايق عندك وأنا مدري 00
طنشته أسرار ولفت عنه بتروح وعطتنا ظهرها بدون ماتعبر فهد اللي جالس يكلمها 00 بصراحه
أنا خفت لما شفت فهد نازل من السياااااره بسرعه وراح عند أسرار ومسكها من يدها وهو يرص على أسنانه ويقوول:لما أكلمك ياانسه أسرار توقفين وتكلميني عدل انتي فاهمه ولا لا 00
رحت عند فهد بسرعه وانا أمسكه واحاول أهديه لان الناس جالسه طالعنا وكانت الاء واقفه قريب من أسرار وطالع فينا000 حسيت ان اسرار عصبت لما شدت يدها من يده بقوه وقالت بعصبيه :اترك ايدي مايحق لك تلمسني انت فاهم 00
تركها فهد ووقف في مكانه أما انا رحت عند أسرار وقلت لها :أسرار فهــ
قاطعت كلامي وقالت بغصه وباين عليها انها بتصيح: بس مرام ماابغى أسمع شئ (00سكتت شوي وحطت يدها تحت الغطوه وكأنها تمسح دمووووعها) وكملت بضحكه هههههههههههه احنا مو جايين المول نتهاوش خلينا نفرح فيك ونجهزك ياعروسه 00
مسكت يدي وشدتني معها والاء المسكينه تمشي ورانا التفت عشان اشوف فهد وين لكني مالقيته في مكانه وقلت في خاطري مااعمري شفت فهد عصبي لهالدرجه حتى لو ابوي يعصب عليه يحاول يمسك أعصابه 00 ايش معنى اسرار اللي تقدر تنرفزه بسرعه حتى لو السبب تافه 00
قطعت علي تفكيري أسرار وهي تأشر على محل وتقول :شوف مرام هالمحل عنده فساتين مرررررره روعه تنفع للملكه 00 خلينا ندخله 00
جلست اطالع في واجهة المحل وحسيت أنه عنده أشياء حلووه وقلت لها:اوكي يلااا خلينا ندخله0
دخلنا المحل احنا الثلاثه وكان كبير حيل ومكون من دورين وفيه ناس وزحمه والعاملين اللي فيه أجانب 00 جلسنا نختار ونتفرج بعده طاح عيني على فستااااان مرررره روعه وأعجبني حيل شديت أسرار وقلت لها:تعالي أسرارو شوفي هالفستااان 00
شافته أسرار والاء وكثير كثير أعجبهم 00 الفستان لونه فوشي غامق وله ذيل طوويل وكان عليه شيفونات وسلاسل معطيته فخامه حيل 00 المهم اقتنعت فيه وشريته وطلعنا من المحل وقالت ألاء :فستانك يجنن مروومه تلبسينه بالعافيه 00
ابتسمت من تحت الغطاء وقلت لها :الله يسلمك يالغاليه هذا بس من ذوقك 00
ضحكنا انا والاء على كلام أسرار وهي تقول بسخريه :الفستان حلوووووو وماعليه كلام بس المهم انه يجي مقاسك ياحلووووووه0
قلت لها :حبيبتي اذا ماجاء فيه شئ يسمونه خياط بوديه له وأخليه يسويه ويضبطه لي000
قالت أسراربملل:ايش يعني بنوقف هنا ولا يعني عشان خلصتي وشريتي الفستان ماعليك منا 000 وكملت بخبث ترى إحنا خوات العريس (وارفعت صوتها شوي )وقالت خوااات العريس00
ضحكت عليها وقلت لها :واذا خوات العريس شو يعني 00
لفت علي اسرار وقالت بخبث :اها قلتي لي شو يعني خوات العريس 000 انا اقولك شو يعني خوات العريس اولا بيصيرون حمواتك وبطينون عيشتك لو ماتحركتي الحين وثانيا بيصروون عمات عيااااااااااالك 00
حسيت الدم تجمع في وجهي من الاحراااج وقلت لها :بس اسراروا عن السخافه -0 يلا خلينا نخلص 00
المهم كملنا تسوق وشريت تقريبا كل الاغراض يعني الاكسسورات والجزمه (وانتم بكرامه )وحتى أسرار وألاء تقريبا خلصوووو 000 اسرار شرت فستاااان أسود قصير ناعم حيل فيه كرستال من عند الصدر أما الاء شرت ساري هندي مرررره روعه 00 وبعد ماخلصوا قالت الاء :خلااااص بنات والله تعبت ومااقدرأمشي أكثر من كذا خلونا نجلس في الكوفي شوب00
قلت لها وانا اتنفس بسرعه من التعب :ايوه والله حتى اناااااااا تعبت 00
أسرار :طيب يلا قومووووا خلينا نرووح نشرب شئ بارد يبرد على قلوبنا 00
مشينا للكوفي وطلبنا بيبسي وهمبرجر وبعدها رحنا لطاوووله وجلسنا عليها وحطينا الاغرض اللي شريناها على الارض 00
قلت لهم بتعب :اقووووووول بنات المغرب اذن وماصلينا

 

 

[المشاعر العذبة]

ضربت أسرار على جبهتها وهي تقووول :أي والله بصراحه نسيت الصلاه اعوذ بالله من الشيطان الرجيم 00وكملت خلاص بنات خلونا نأكل بسرعه ونروح نصلي في المصلى اللي فووووق 000
هزيت راسي بتفهم وجلست أكل وشوي الا وأسمع صوت مسج جاي على جوالي 00 حطيت الاكل على الطاوله وأخذت الجوال من الشنطه وفتحت المسج وحسيت بتوترورجفه في جسمي وحمدت ربي اني متغطيه عشان ماينتبهون لي 000 المسج كان من عامر مكتوب فيه (انتظريني راح اتصل عليك الساعه 11 في الليل واذا مارديتي راح اسوي اللي قلت لك عليه ) ماصحاني من اللي انا فيه الا صوت أسرار وهي تقول بفضوول:من مين المسج خليني اقراه 00
حاولت تشد الجوال مني عشان تشووووف لكن ضربتها على يدها بقوه وبعدته عنها وقلت لها بعصبيه :خلي اللقافه شئ مايخصك 00
أسرار :ااااااااااي يالدبه عورتيني00
سمعت الاء تضحك عليها وتقول :ههههههههههههههههههههه أحسن تستاهلين 00 مااحد قالك دخلي عصك بشئ مايخصك 00
قالت لي بقهر:شو عليه يامرااام مردوده 000ولفت على الاء وقالت لها انتي جب و مااااااايخصك 00
أنا طنشتها ومارديت عليها وانسدت نفسي عن كل شئ وحتى الاكل سد نفسي عنه الله يسد نفسه00 المهم بعد ماخلصنا أكل شلنا أغراضنا وطلعنا فوق عشان نصلي واحنا داخلات وقفتنا أسرار وهي تقول:لحظه لحظه 00 انتوووا ادخلوا وانا بروح الحمام واتوضاء والحقكم 00
قلت لها:اوكي لا تتأخرين
ردت علي وقالت :لا تخافين مو متأخره أتوضاء واجئ00
دخلنا أنا وألاء المصلى عشان نصلي أما أسرار راحت الحمام احنا صلينا0وطلعنا برى وقلت في خاطري اكيد اسرار خلصت وتنتظرنا برى 00 وقفنا قريب من المصلى بس اسرار ماطلعت فقلت لــ ألاء:هذه مره تأخرتي ادخلي شوفيها داخل المصلى 00
الاء:طيب 00
دخلت الاء المصلى وبعدين جات لي وقالت :مو موجوده داخل 00
قلت بملل:اوووف هذي الحين وين راحت 00
اول ماخلصت كلامي الا وجوالي يدق خفت وتوترت لايكون عامربعدها تذكرت انه قال بيتصل في الليل00 حاولت اهدي نفسي واتماسك وطلعت الجوال من الشنطه وفرحت لما شفت فهود يتصل بك 00رفعته بسرعه وقلت :هلاااااااا فهد وينك 00
فهد :انا برى في نفس الموقف اللي نزلتكم فيه 000 بسرعه تعالوا هناك و لاتتأخرون 00
خفت انه يعصب لان شكله ماله خلق وقلت بصوت خاقت :فهد اسرار ماادري وينها 000دخلنا انا والاء نصلي وهي راحت للحمام عشان تتوضاء وبعدها مالقيناها 00
واللي خفت منه صار قال لي بعصبيه :وين ذلفت هذي 000 اقووووول مرام تعالي انتي والاء السياره وانا ادخل اشوفها وين 00
قلت له:بسـ
عصب زياده وقال :لا بس ولا شئ 00 اللي قلت لك عليه تنفذينه الحين00
وسكر بوجهي وماانتظر رد مني رجعت الجوال في الشنطه والتفت لـ الاء وقلت لها :يلا مشينا فهد ينتظرنا في المواقف 00
قالت لي بخوف:واسرار0
قلت لها :لاتخافين فهد بيدخل ويدور عليها 00
حسيت ان الاء ارتاحت شوي مسكت يدها ومسكت الاغراض باليد الثانيه ونزلنا الدور الاول وبعدها كملنا طريقنا للمواقف00 شفت فهد من بعيد واقف على السياره ومتكي عليها وماسك بايده الجوال 00 لما شافنا جاء لعندنا وعطاني مفتاح السياره وقال لي:مرام خذي المفتااح واركبوا 0 وانا بروح اشووف انسه اسرار وين راحت 00
أخذت المفتاح منه بدون مااتكلم وتوجهنا انا والاء للسياره 00أما فهد عطانا ظهره ودخل للموول 00 وجلسنا انا واسرار في السياره وحسينا بخوف لانهم تأخروا بعدها تجرات و اتصلت على فهد ورد علي وقلت له :فهد لقيتها 00
سكت فهد شوي وقال:ايه هي معي الحين 00والحين جاايينكم 00 00
فرحت كثير انه لقاها وقلت له وانا اتنهد بارتياااح :اهـــ الحمدالله 00 يلا مع السلامه 00
بعد عشر دقايق شفت فهد واسرار وهم طالعين من المووول وجايين للسياره 00 واول ماركبوا حرك فهد السياره ولفيت انا على ورى وسألت أسرار :أسراروو وين كنتي 00 من اول ندور عليك بس ماحصلناك 00
ردت اسرار باحراج وقالت :مو وقته الحين بعدين اقول لك 00
ضحك فهد فجاءه وخلاني التفت له وانا اقول:فهيدان ليش تضحك 000صار شئ؟
وجلس فهد يضحك ويضحك بصوت عالي و بدون مايوقف وبعدها قال بسخريه :انسه اسرار ليش ماتقولين لها شو صار الحين 000 وكمل وهو يضحك ههههههههههههههه قولي لها وين كنتي؟ 00
قالت اسرار بغيض وقهر:انت جب مايخصك 00
انا والاء كنا مثل الاطرش في الزفه مو فاهمين شئ 00 وسمعت فهد يقول :انا اقولكم وين كانت الاخت (وكمل وهو يضحك )ههههههههههههههههههههههههههههههههه الاخت كانت في الحمام لان الحمام انقفل عليهاوماقدرت تفتحه 000
صرخت اسرار فجاءه وقالت:جب ضحكت بلا ضرووس قول امين 00
لكن فهد مااهتم لها وطنشها وقال وهو يضحك :ههههههههههههههههههههههههههههههههه فاتك منظرها وهي تصرخ وتصيح في الحمام هههههههههههههههههه لولا الله ثم البنت الصغيره اللي اسمعتها وخبرت رجال برى كان مااحد درى عنها وكان خاست هنااااااااك00
هني انا والاء انفجرنا من الضحك على الموووووقف اللي صار لاسرار وقلت في خاطري يعني هي ماصلت كانت في الحمام وتوها اللي طلعت 000 ياحرام والله تكسر الخاطر 00 بعد هذا كله وصلنا بيت عمي ونزلت الاء واسرار وقلت لهم :سلموووووو على أمجاد وبوسي لي ليان فديتها 00
ألاء وهي تسكر الباب :يوصل00
أما أسرار انزلت من السياره وقالت :ماااصخ وسخيف 00
تخيلوووووا تركت الباب مفتوح ودخلت جوى وهي تركض 00 بصراحه كنت بضحك على حركتها بس مسكت الضحكه لاني شفت فهد يطالع الباب المفتوح وهو منقهر بعدها نزل من السياره وراح عند الباب وسكره ورجع ركب وحركنا للبيت 00 وظلينا ساكتين لاني من جد احس بتعب فضيع واول ماوصلت شلت أغراضي ودخلت البيت وبعدها طلعت لغرفتي رميت الاغرااااض على الارض وصليت العشاء وبدلت لبسي ولبست لي بيجاما واول ماحطيت راسي على المخده وانا اروووووووووح في نوم عميق من التعب 000 قمت الصبح على دق الباب وانا اسمع صووت مامي تناديني 00 وقفت بكسل ورحت للباب وفتحته وابتسمت لم شفت مامي وبستها على راسها وقلت :هلا مامي 00صباح الخير00
مامي: صباح النور 00 يلا يمه قومي ماشبعت نووم الساعه الحين 11 ونص الصبح وانتي لين الحين راقده 00
قلت لها :خلاص يمه صحيت بااخذ دش سريع واصلي وبعدها اجئ افرجك على الاغراااااض اللي شريتها 0
مامي:خلاص يابنيتي انتي خلصي وبعدين نزلي تحت عشان اشوف شو شريتي 00
قلت لها :اوكي مامي
نزلت مامي تحت ورجعت انا داخل الغرفه ورحت للدولاب واخذت لي منشفه وجلابيه ناعمه حيل 00 دخلت الحمام واخذت دش سرريع وطلعت واول ماطلعت سمعت صوت مسج00 رحت للشنطه وطلعت الجوااال عشان اشووووووف المسج وضررررربت على جبهتي بقوه وصار قلبي يرقع من الخوف لما شفت فووووق 20 مكالمه من عامر 00 صج التعب نساني تهديده ونساني اتصاله بس يارب شو اسووووي شو اسوي راحت علي نومه 00 وبعدها جاني مسج ثاني فتحت الاول وجسمي كله يرجف من الخوف لما قريت شو مكتوب00 وكان مكتوب في المسج (طيب يامرام طنشتيني ومارديتي على اتصالي 00 وانا من قبل محذرك وعشان كذا بثبت لك اني صادق بتهديدي ) لما قريت المسج ماقدرت اوقف اكثروجلست على كرسي التسريحه وحسيت عمري ضايعه حاولت اقوي نفسي وقلت في خاطري يعني شو بسوي ؟ لكن كل قوتي اللي حاولت ابنيها انهارت بلحظة وطارت في الهوااااااااء لما فتحت المسج الثانــــــــــــي وكانت الضربه القاضيه بالنسبه لي :



بانتظااااااار ردودكم

 

 

[مذهلة]

يعطيج العافيه

سلمت يمناك

ننتظر التكمله

 

 

[قاهر المستحيل]

الا لعنة الله على الظالمين

.. ننتظر الجزء القادم


يعطيكِ العافيه أختي المشاعر العذبه














والله ولي التوفيق

 

 

[المشاعر العذبة]

لكن كل قوتي اللي حاولت ابنيها انهارت بلحظة وطارت في الهوااااااااء لما فتحت المسج الثانــــــــــــي وكانت الضربه القاضيه بالنسبه لي :حرام حرام والله حرام عليه انا شو سويت عشان يسوي في كل هذااااااااا
رصيت على الجوال بقوه ودموعي تنزل على خدي بدون توقف وانا اشوووف صورتي فيه 000 الحقير راسل صورتي لي ويهددني انه يرسلها لاخوووووي فهد ماقدرت اتماسك اكثر وقررت اطلع من الغرفه واروح لغرفة فهد وأخبره عن كل شئ يصير000 تجئ مني ولاتجئ من واحد خسيس مثل عامر حتى لو كان مريض هذا مايبرر له اللي يسويه معي 00طلعت من غرفتي ومشيت لغرفة فهد واول ماوصلت عند باب غرفته وقفت شوي وانا متردده أدخل وأخبره ولاارجع غرفتي 00 فكرت شوي وبعدها تنهدت وأنا أمسح دموعي بيدي وقلت :قوي نفسك يامرام وادخلي 00 اكيد فهد بيفهمك ومستحيل يشك فيك 00
وأول ماحطيت ايدي على قبضة الباب انفتح الباب منه فجاءه وشفت فهد طالع يركض وبايده شماغه قلت له:فهد ابغى اكلمك بموضوووووع ضــ 000
أشر لي بإيده وهو نازل الدرج وقال لي :مو وقته الحين مرااااام 00انا الحين مستعجل 00
تركني واقفه عند الباب وطلع حتى بدون مايسمع شو بقووول له00 رجعت لغرفتي وجلست فيها بعدها جاتني ريتا وقالت لي:ماما مرام ماما كبير يقول انزل تهت 00
قلت لها:اوكي الحين نازله 00
بصراحه ماكان لي خلق أي شئ حتى اني انزل تحت بس انا عارفه اذا قلت لمامي مو نازله بتطلع لي هني وتسألني شو في؟ وليش مانزلت ؟000 عشان كذا قلت أغصب عمري وانزل أحسن لي من هالاستجواب اللي بيصير 000وقبل مااطلع شفت الاغراض اللي أمس شاريتها مرميه على الارض تصدقون حتى ماقستها ولا جربتها 00رحت عندها وطلعت الفستان وجلست أطالع فيه وحطيته علي وانا أطالع شكلي في المرايه بعدهاا قررت البسه واقيسه 00 دخلت الحمام ولبسته ورحت المرايه وبصراااااحه كاان رووووعه ومقاسي يعني مايحتاج أعدل او أظبط فيه لبست الجزمه الكعب (وانتم بكرامه)والاكسسورات وقررت أنزل عند مامي وافرجها عليه 00 طلعت من غرفتي ورحت للدرج وانا نازله وبدون مااحس وطت رجلي على ذيل الفستان وطحت من اول درجتين الا أخر درجه وصرخت بأعلى صووتي من شده الالم :اااااااااااااااااااااااااااااااااااااااااي
ومسكت رجلي بالم وانا أصيح 00 شفت مامي وبابي جايين عندي وهم يركضون وباين الخوف على ملامحهم كسروووا خاطري حيل وحسيت بغصه من داخلي 00 لان هذه بس طيحه وشفي حالهم كيف صار ؟أجل لو يدرون الخايس عامر شو بسوي؟أظن يروحون فيها ؟
قطع علي تفكيري بابي وهو يمسك رجلي بحنان ويقول لي :بسم الله عليك بنيتي 00 صار لك شئ 00
وسمعت مامي تقول بخووف:ياويلي على بنيتي عين عين ماصلت على النبي 00
أنا هني ماقدرت أمسك عمري أكثر وانفجرت بالبكي وانا أحضن بابي وماابغى اتررركه00 اخاف اتررركه وبعد كذا يختفي ويبتعد عني مااقدر اتحمل هالفكره مااقدر ؟
حاول بابي يوقفني وهو ساندني وقال لي :قومي يابنيتي خليني أوديك المستشفى 00
قلت له وانا امسح دموعي :لا تخاف بابي علي00 مايحتااااج مستشفى ولاشئ كلها رضوض بسيطه وان شاء الله بتروح00
مامي بحنان:خليه يوديك يمه 00يسوين لك أشعه وتشوفين اذا فيه كسر ولا لا00
ضميت مامي وقلت لها :مايحتاج يالغاليه (وحاولت أغير الموضوع )وقلت لهم هااااااا ماقلتوا لي شو رايكم بالفستااااان 00
ابتسم بابي وقال:الفستان مو حلووووووو
قلت له بزعل :بابي ليه تقول كذا مااعجبك ذووقي 0
قال لي وهو يضحك :هههههههههههههههههههههههههه انا ماقلت كذا بس صج الفستان مو حلوو 000بس انتي اللي محليته 00
انفجرنا انا ومامي ضحك على كلام بابي وقالت مامي:هههههههههههههههههههه حتى الشويبه يعرف يجامل00
قلت لها بزعل :شو مامي يعني بتكحلينها عميتها 000شو قصدك ان بابي يجاملني وانا موب حلوووووه 00
سمعت ضحك مامي وبابي وقلت في خاطري الله لا يحرمني هاللمه وهالابتسامه 000 بعد نصف ساعه طلع بابي لغرفته عشان يريح قبل أذان الظهر 00 ودخلت مامي المطبخ تجهز الغداء اما أنا جلست في الصاله اطالع التلفزيون وبعدي مابدلت فستاني وشوي ويدخل فهد وكان حالته حاله ورامي الغتره على كتفه باهمال وباين عليه التعب 000 وقفت انا بصعوبه ورحت عنده وانا أحس بالم برجلي لكني حاولت أطنش وقربت من فهد وقلت له :خير فهد صاير فيك شئ00
حط ايده على راسه وقال بتعب:لاتخافين بس تعبااااااااااان وابي ارتاااح00(وسكت شوي وبعدين كمل وقال ) على فكره مرام شو الموضوع اللي كنتي تبغيني فيه 00
كسر خاطري فهد وحسيت ان الوقت مو مناسب علشان أخبره عن موضوع عامر فقلت له بحنان :لاتحاتي الموضوع مو مهم 000 انت روح نام وارتاح بغرفتك واذا الغداء جهز أصحيك 00
قال لي بتعب وهو طالع لغرفته :ماابي غداء بس العصر ضروووووري تصحيني 00 لاتنسين ضروري 00
هزيت راسي وقلت له :لا تخاف إن شاء الله موب ناسيه 0000بس انت روح نام وارتاح وانا اصحيك 00
طلع فهد لغرفته ورجعت انا الصاله وسكرت التلفزيون وقررت اطلع لغرفتي عشان ابدل فستاني واول ماوصلت لدرج ومسكت الدرابزين سمعت التلفون يدق 000 فقررت أرجع وارد عليه وصلت عنده وجلست على الكنب اللي جنبه ورفعت السماعه وقلت :الوووووووووووووووو
سمعت صوت أسرار تقول لي :هلا مراااام كيفك ؟ليش ماتردين على جوالك كسرته من كثر مااتصل ؟
قلت لها :بخير الله يسلمك والجوال فوق بغرفتي وانا تحت في الصاله000 وحسيت بنبره غريبه بصوتها وقلت لها :اسرار ايش فيك صوتك متغير 00صاير شئ؟
أسرار :مادري يامرام حاسه انه في شئ غريب صاير بس شو والله ماادري؟!
قلت لها وانا بديت أخاف :اسرار تكلمي عدل شو تقصدين ؟!
أسرار :بصراحه يامرام أنا متصله اسأل عن فهد 00
قلت لها بعصبيه :بســ هذا اللي
قاطعتني وماخلتني أكمل كلامي وقالت :مرام سكتي وسمعيني للاخر 00 انا حاسه ماجد أخوي فيه شئ بس شو هو ماادري 00 تخيلي طلع الصبح من البيت وهو يركض مثل المجنون وتقريبا قبل ساعه رجع وكانت حالته حاله باين عليه التعب وعيووووووووونه حمر وكــأنـه 000
قلت لها بعصبيه :تكلمي كانه ايش 00
قلت لي بسرعه :كانه كان يصيح 00
حسيت بخوف غريب وتوتر فضيع من كلام أسرار 00 وقلت في خاطري ماجد يصيح يصيح ؟! ليش يعني ؟شو االشئ اللي ممكن يخليه يصيح 00؟
قاطعت تفكيري أسرار وهي تقوول:وانا متصله اسألك اذا فهد يعرف شئ ولا لا 00 بصراحه كلنا في البيت قلقانين عليه حالته مو طبيعيه أبداً00
مر على بالي فهد لما دخل قبل شوي والحاله اللي كان فيها 00 أكيد فهد يعرف شو اللي صار مع ماجد ومخبيه لانه هو بعد طلع الصبح وهو يركض وبعد مارجع كان شكله تعبااان رجعت لاسرار وقلت لها :فهد بعد طلع الصبح ورجع تعبان بس ماقال لي شئ 00كل اللي قاله انه تعبان ويبغاني اصحيه العصر بس 00
اسرار :والله ماادري ايش اللي صاير لكن المهم 00 ماقلتي لي كيف الفستان عليك حلووووو؟!
قلت لها وانا اطالع الفستان اللي لابسته :ايه مرررره حلو وطلع مقاسه مظبوووط0000 وبعدين سألتها وانتي والاء كيف فساتينكم ؟
أسرار وهي تضحك :ههههههههههههههههههه فستاني مضبوط لكن الاء ضايعه فيه00
ضحكت معها وقلت لها :هههههههههههههههه الاء نحيفه حيل اكيد بتضيع فيه 00
اسرار وهي تضحك :ههههههههههههههههههههههه لما اقول لها هالكلام تقول لي (وهي تقلد صوت الاء )انتي شو عرفك بالرشاقه أنسه أسرار (وكملت وهي تقول) صج خبله الحين الهيكل العظمي صار رشاقه ههههههههههه0
ضحكت معها وقلت لها:ههههههههههههههههههه بس حرام عليك 00 خلي البنت في حالها 00
أسرار :على فكره مرام بتروحين للصالون ولا بتجيبين وحده تعدلك 00
قلت لها :ماادري وقتها يحلها الف حلال00
أسرار:اوكي اخليك الحين 00 امي تناديني 00
قلت لها :سلمي عليها وعلى عمي 00
أسرار بخبث :بســ ماتبغيني اسلم على أحد ثاني مثلا اممممممم
فهمت قصدها وقلت لها :صج متفيجه اقووووووول ذلفي عن وجهي 00
سمعت ضحك أسرار وبعدها قالت :هههههههههههههههههههههههه اوكي خلاص لا تعصبين يلا بااااااااااي00
قلت لها :مع السلامه 0
سكرت عن اسرار وشفت الساعه اللي في الصاله وكان الظهر يقوم قمت من الصاله وطلعت لغرفتي عشان اصلي وابدل هالفستاااان 00 اول مادخلت غرفتي بدلت ولبست لي تنوره طويله زيتي مع بلوزه حمراء وأخذت الفستان وعلقته في الدولاب ونزلت الجزمه وخليتها على الارض وحطيت الاكسسورات على التسريحه بعدها رحت للحمام عشان أتوضاء وبعدها طلعت وصليت واول ماخلصت لفيت السجاده وشرشف الصلاه وحطيتها بدرج الكوميدينه 00 رحت للجوال وأخذته بقوه وقفلته وانا أحس بالقهروالغيض من عامر 00لكني حاولت ابعده عني وماافكر فيه وانتظر لين اشوف شو ممكن تسوي معه سميره 000 نزلت تحت عشان أتغدى لاني ماافطرت الصبح و كنت حيل جوعاااااانه لقيت مامي وبابي في غرفه الطعام رحت عندهم وسلمت :السلام عليكم 00

ردوووا على مع بعض وقالوا :وعليكم السلام 00
جلست على كرسيي ورفعت راسي وانا ابتسم لما سمعت بابي يقول:ها يابنيتي كيف رجلك الحين 0إن شاء الله أحسن00
ابتسمت في وجهه وقلت له:الحمدالله بابي مافيها شئ 000 مثل ماقلت لك رضوض بسيطه 00
تكلمت مامي وقالت :يمه رووووحي صحي اخووك عشان يتغداء انا من اول ادق عليه الباب بس عجزت فيه مايفتح00
قلت لها وانا اطالعها:مامي فهد قال لي انه تعبااااااان ويبي يناااااااام موصيني ان مااحد يصحيه على الغداء 00
بعد اللي قلته سكتنا ومااحد تكلم وجلسنا ناكل بهدووء 00 وبعد ماشبعنا جات ريتا تشيل الاغراااض وقررت أنا اسوي لهم الشاهي 00 وبعد ماسويته اخذته معي للصاله وشفت بابي يتفرج على الاخباااار ومامي تكلم التلفووووووون 00 جبت الشاهي وحطيته على الطاول وبعدها جلست اصبه في الفناجيل وأخذت فنجال وعطيته بابي وانا اقوووووول :تفضل بابي أحلى شاهي من أحلى بنت في هالعالم 000 دا صنع ايديه وحيات عنيه 0
أخذه بابي مني وحط الشاهي على الطاوله اللي قدامه وسحبني مع يدي وجلسني جنبه وقال :ها يابنيتي شو استعداداتك للملكه 00
ابتسمت باحراج وقلت له:الحمدالله بابي كل شئ جاهز0
ضمني بابي لصدره وقال لي وهو يمسح على شعري:الله يوفقك يابنتي 00 ماجد ولد عمك والنعم فيه 00واكيد بيحافظ عليك ويصونك 00
ابتسمت في وجهه بابي وسمعت مامي تقووول:توي مسكره التلفون عن أم ماجد وقالت انهم جهزوا كل شئ للملكه 00 وماخلوووو احد مااعزموووه 00
حسيت بالاحراج وقمت من مكاني وطلعت من الصاله بسرعه لانهم يتكلموون عني وعن ملكتي من ماجد وكانه شئ عادي000وانا طالعه سمعت ضحك مامي وبابي علي وتعليقاتهم 000 دخلت غرفتي وسكرت الباب وراي
ورحت للاستريو وشغلته وحطيت على FM وكانت على أغنيه (لون عيونك)رحت للسرير وجلست عليه وحطيت المخده ورى ظهري وانا أسمع الاغنيه وسرحت في ماجد وتذكرت الصوره اللي شفتها في سياره فهد
كان ماجد طويل وعيونه وساع وحلوه وكان أسمر بس سماره فاتح وطالع شكله جذاب وكثير يشبه الاء أخته 000 بصراحه سرحت بعيد بعيد ونسيت الدنيا ومافيها وتخيلت يوم الملكه كيف بقابله وبالذات انه ماشافني كثير وحتى لو قابلني اكون متغطيه 00 وبعدين ماجد ماله سنه راجع لانه كان يدرس في دوله خليجيه عشان كذا مااعرف عنه شئ 000 المهم صحيت من سرحاني ورحت للاستريو وسكرته00 جلست على التسريحه واخذت المشط وجلست اسرح شعري وطالعت نفسي بالمرايه وابتسمت برضى على شكلي 000 بعد ماخلصت قمت من مكاني وطلعت من الغرفه ورحت غرفة فهد عشان اصحيه لان العصر يااذن 00 دقيت الباب اكثر من مرره بس ماسمعت رد وصرت ادق بقووه لين سمعت صوت فهد يقول:خلاااااااص مراام انا صحيت00
تطمنت ان فهد صحى ورحت للصاله اللي فوق وجلست اتفرج على التلفزيون وكان على مسلسل متابعته مرررره حلووو وكان على الحلقه الاخيره جلست اتفرج عليه وانا مندمجه 00 التفت لغرفه فهد لما سمعت صوت باب غرفتة ينفتح وشفته واقف على الباب ويطالعني بنظره غريبه ماقدرت افهمها 00 حطيت ايدي على قلبي لما خطر على بالي ان عامر ارسل له صورتي حسيت بتوتروانا اوقف وامشي عنده وقلت له بصوت خافت :فهد ليش طالعني جذيه 00
بدون سابق إنذارلف ايده على راسي وغمضت انا عيوني بسرعه انتظره يضربني ويسوي في أي شئ 000 لكني انصدمت لما باسني على راسي وتركني وعطاني ظهره وراااح00 تنهدت بارتياح وجلست اكلم نفسي :الحمدالله الحمدالله ياربي والله كنت بموت من الخووووووف 00غريبه شو فيه فهد ليش سوا كذا ؟والله فهد صاير غريب ماينعرف شو يفكر فيه 00
المهم من بعد موقفي مع فهد ماصار شئ جديد 00 يعني ايامي كانت روتين في روتين لكن في اوقات احس بالخوف اذا شفت فهد داخل معصب ولا جاه مسج انتفض يتهئ لي ان عامر نفذ تهديده وارسل له صورتي 000 اما على عامر من بعد ماقفلت جوالي ذاك اليووووم مافتحته وماادري عنه شئ ولا ابغى اعرف عنه شئ00
وفي يوم الاربعاء وقبل ملكتي بيوووم كنت بغرفتي حايسه والنقاشه عندي عشان تنقش ايديني ورجليني
فجاءه انفتح الباب بدفاشة ودخلت أسرار وهي تزغرط وتقول:كلووووووووووووويش مبروك مبروووك ياعروسه 00
انا كنت متمدده ومااقدر اتحرك من مكاني بسبب الحناء فقلت لها وانا ابتسم :الله يبارك فيك 00 وعقبالك يارب 00
جات عندي وباستني على خدي وقالت :بدري علي 00 خليني اول اخلص دراستي وبعدين يصير خير 00
وشوي دخلت أمجاد والاء وسلموووا علي وقالت أمجاد:مبرووووووك مراموو مبروك ياعمري
واشرت على خواتها وقالت :وعقبالكم ياصبايا 0
قلت لها وانا اضحك :ههههههههههههههههه الله يبارك في عمرك حبيبتي وعقبااااال ليان 00
انفجرنا من الضحك انا واسرار والاء على امجاد لما ضربت على صدرها وهي تقوووول: وووووي وووي حرااااااام عليك تبغين تكبريني من الحين وانا بعز شبابي 00
ضحكت اسرار وقالت :هههههههههههههههههههه تخيلوا ليان المفعوصه اللي عمرها ماتعدى الخمس سنين عروووووووسه
قلت لهم وانا اضحك :هههههههههههه فديتها والله مااحد يسواها00
ضحكنا كلنا على كلام اسرار والنقاشه تسمع كلامنا وتبتسم بعدها قالت أمجاد وخدودها مورده وهي حاطه ايدها على بطنها وتقول:اممممممم شكله كرت ليان بطيح عن قريب 00
طالعنا فيها واحنا مو فاهمين شئ من اللي قالته لكن فجاءه صرخت أسرار وقامت تناقز وتقول :عررررفت عرفت أمجاااااادووا انتي حامل صح 00
هزت أمجاد راسها وهي تبتسم بمعنى ايه وصرخنا كلنا من الفرحه وراحوا خواتها عندها وباسوها وقلت لها :أمجااادوا مبروووووووووك تعالي هني خليني ابوسك مو بس هم 00000
قامت امجاد من مكانها وجات عندي وهي تضحك وبستها وقلت لها:الف الف مبرووووووووك00
وجهي طاح وحسيت بالاحراج: لما قالت لي عقبالك انتي وماجد 00
سكت ومارديت عليها هذي عادتي اذا انحرجت مااقدر ارد 000 جلسنا نسولف ونتكلم عن الملكه00 وعن مين عزمووو؟ شو بيسوون فيها ؟يعني كل شئ يخص الملكه بكره وبعد ساعتين خلصتنا النقاشه وراحوووا البنات لبيتهم اما انا رحت الحمام وغسلت الحناء وجلست اطالع يديني ورجلي وبصراحه اعجبني كثير شغلها كان نقشها مرررره حلووو 00 حسيت بالتعب ورحت لدولابي واخذت لي روب قصير لنص الساق لونه ليموني فاتح ورفعت شعري بكلبس 00 ورحت للسرير وانا احس جسمي مكسر واحس بتعب فضيع بس ادور المخده عشاااان اناااام وفعلاً اول ماحطيت راسي على المخده رحت في نوووووووم عميق 00
قمت من النوووم مفزوعه وجلست على السرير وانا اطالع غرفتي وحمدت ربي انه مجرد حلم حلم 000 طالعت الساعه وكانت 1 الظهرر واستغربت لان امي ماصحتني يعني مو من عوايدها00المهم رميت البطانيه بعيد عني وقمت للحمام بعد مااخذت من الدولاب منشفه وبنطلووون جنز وباااادي ودخلت الحمام واخذت لي شووور وحمام بخار00 وبعد ساعه تقريبا طلعت صليت الظهر وبعدها وقفت عند التسريحه وانا انشف شعري سمعت دق على الباب وقلت :اتفضل 0
انفتح الباب وادخلت ريتا وهي تقول :ماما هرمه سوي شعر انتي تهت 00
سألتها وقلت لها:ريتا فين ماما كبير 00
ريتا :ماما يرووه يساعد ماما ام ماجد 00
ابتسمت في وجهها وقلت لها :اوكي ريتا روحي طلعي الحرمه هني 00
ريتا :اوكي ماما
طلعت ريتا من عندي وجات بعد خمس دقايق ومعها الكوافيره وكانت سوريه واول مادخلت طالعتني وقالت : ماشاء الله شو هالجمال ولك تئبريني شو بتجنني 00
انحرجت من كلامها وقلت لها :تسلمين عيونك الحلوووه 00
المهم طلعت لي مجله فيها تسريحات ومكياااج 00 جلست اتفرج عليها وبصراحه اعجبتني تسريحه غجريه وعليها طوق من الوورد لون لبسي وقلت لها وانا أشر عليها :انا ابغاك تسوين لي هالتسريحه 00
قالت لي وهي تبتسم :ماشاء الله عليك بتعرفي تختاري 00دي احدث تسريحه ومطلوبه كتير 00
ابتسمت لها وقلت لها :المكياج ابغاه على ذوقك 00( وأشرت على فستاني) وقلت لها هذا فستاني ابغى مكياج بنفس الوانه 00
أشرت على عيونها وقالت لي :من عيووووووني هالسوي لك ميك اب يتحاكوا فيه المعازيم 00
قلت لها :اوكي يلا وريني همتك00
وبدات تسوي شعري وتشتغل فيه 00 وهي كل شوي تسالني سؤال صدعت براسي مررره سو اسم خطيبك ؟ومره أخذتيه عن حب ؟ومره ماادري شو ؟المهم أذن العصر وهي توها تخلص من الشعر وقفت من مكاني وقلت لها :انا الحين بصلي والمكيااااج خليه بعدين قريب المغرب 00
قالت لي :اوووكي انتي تامريني أمر00
رحت عنها وفرشت السجاده وجلست اصلي 00 لما خلصت شفت اسرار داخله وهي تقول لي:هااا مرامو شو النفسيه اليووووووم 0
قلت لها وانا اضحك :ههههههههههههه عادي مثل كل يووم00
جات عندي وحطت يدها على قلبي وهي تغمزلي وتقول بخبث:ها مراااااااااااام عادي 00طيب ممكن اعرف سر دقااااااااااااااااااات القلب المتسارعه 00
بعدت يدها عني وقلت لها :عاااااااادي يعني شو تتوقعين يكون القلب واقف 00
ضحكت بصووت عالي وهي تقول لي :ههههههههههههههههههههههههههه انا ماقلت يكون واقف000 بس بعد ماااااايرقع بقووووووه من شدة الخووووف هههههههههههههههههههههههههههههه
ضربتها على كتفها وقلت لها :بس اسرااااااااااروووو روحي زايغه مايحتاج تجين انتي وتكملين علي 00
قالت بخبث :من الاووووووووول اعترفي مايحتااج كل هاللف والدورااان 000 وبعدين لفي خليني اشووف شعرك 00
درت حوالين نفسي وقلت لهااااا:هاااااا شو رايك حلووووو صح 00
سمعتها تصفر وتقول لي :واااااااااااااااااااااو مررررره روووعه ماشاء الله 00
قلت لها :تسلمين اسرارو بس ماقلتي لي وين أمجاد الدبه والاء00
سمعت ضحكتها وبعدها قالت:هههههههههههههههههههههههههه لوتسمعك أمجاد تتوطى بطنك وبعدين هي لسى مالها شهرين يعني مالها بطن 00( وكملت وهي تقول ) هم في البيت جايبين وحده تعدلهم و بساعدون امي عشان الرجااااااااال في بيتنا وبعدين بيجوووون هني 00
قلت لها :اهااااااااااااااا حتى امي عندكم 0
أسرار :لا انا جيت مع خالتي وهي تحت تجهز الاغرااااض قبل المعازيم يجووووون 00
ارتحت شوي بوجود اسرار لانها خففت علي بكلامها وبسواليفها 00 بعدها كملت الكوافير شعري وحطيت عليه الوروووووووود على شكل طوووق وسوت لي المكياج مره حلو ونعوم لاني مااحب المكياج الثقيل 00 اول ماخلصت مني بدات تشتغل باسرار اللي أخذتها فرصه وجلست تهررج معها يعني لقت وحده من طينتها ههههههههههههههههههههههههههههههه 000 اذن المغرب وصلينا وبعدها راحت الكوافير وجلسنا انا واسرار بالغرفه000 اسرار كانت جايبه فستانها معها ومقرره تلبسه عندي دخلت الى الحمام وبدلت وبعد ماطلعت رفعت انا عيوووووني اطالعها وكانت قمه في الجمال والنعومه وقلت لها :ماشاء الله عليك اسرارووو وربي ملااااااك 00

 

 

[المشاعر العذبة]

قالت لي بدلع :تسلمين يالغلا هذا بس من ذوقك 00
المهم أخذت انا فستاني ودخلت الحمام عشان البس وانا في الحمام سمعت صرخة أسرااااااااااااار لبست بسرعه وطلعت وشفت اسرار جالسه على كرسي التسريحه وجهها صاير الوان وقلت لها :اسرار ايش فيك ليش تصارخين 000 وليش وجهك انقلب اشارات مررررور00
قالت لي وهي منحرجه وشوي بتصيح :أخووووك
قلت لها بنفاذ صبر :ايش فيه 00
قالت وهي تغطي وجهها :دخل الغرفه وشافني 00
هني انا ماتحملت الموووووقف وجلست اضحك من الخاااااطر لان اسرار كانت صج مستحيه لان فهد شافها كذا بدون عباءه ولاغطاء وقلت لها :هههههههههههههههههههههههههههههه بس اسراررووووووو من متى هالحياء من فهد 00
ضربتني على كتفي وقالت لي :صج متفيجه 0000 وبعدها لفت علي( وامسكت يدي وهي دورني حولين نفسي وتقووووووول )اوووف اوف والله وياحظ ماجد فيك صج مرررومه تهبلين 00
حسيت بالاحرااا ج وقلت لها وانا اشد يدي :عيب استحي 00
قالت لي وهي تغمز:ايش فيك انحرجتي 00
طنشتها ومارديت عليها لان اللي مثل اسرار يحب ينرفز الواحد 000 بعدها جات عندي امي وهي تصيح من الفرحه وتبارك لي وقالت لي ان المعازيم بدو يجوووون 00 حسيت برعشه بجسمي وحسيت ان السالفه جد
وبعد مااذن العشاء وصلينا جوو عندي البنات وسلمووووووووو علي ودخلت سميره وهي تقول :مبرووووك مبرووك مرااااام0
وقفت وسلمت عليها وقلت: الله يبارك فيك 00وعقبالك 00
بعدها استاذنت سميره من البنات وأطلبت مني انا نرووووح غرفه ثانيه 00 أخذتها ورحنا غرفة فهد لانه ماكان موجود وقلت لها وانا أحس بالخوف:خير سميررررره صاير شئ
قالت لي وهي تهز راسها :لا تخافين ان شاء الله مايصير الا كل خير 000 بســ
قلت لها بسرعه وايدي على قلبي :بســ شو تكلمي سميره 0
سميره :عامر أخوووووووي هني
انا ماقدرت اوقف اكثر ومسكت حافة سرير فهد وجلست عليه وقلت بخوف :عاامر هني هني في بيتنا 00
مسكتني سميره مع كتفي وقالت لي :مرام اهدي شوي خليني افهمك شو صار 00
قلت لها بيأس :شو تفهميني00 اخووك خلاص خلاص قرر ينفذ تهديده 00
سميره :لا يامرام من الناحيه هذي تطمني هو وعدني انه مابسوي لك شئ بس هو معزوم مثلي 00 وقرر يحظر عشان يشوف سعيد الحظ اللي فاز فيك 00
رفعت عيوني اطالع سميره وقلت لها بدون تصديق:تكلمين جد 00
هزت راسها وقالت لي:ايه والله اني اتكلم جد 000 الحين مو وقته اقوووول لك كل شئ00 التفاصيل خليها بعدين بس خليك واثقه ان عامر مستحيل يسوي فيك شئ اليوووووووم 00
ارتحت من كلام سميره وحمدت ربي انا ماهمتني التفاصيل وكيف غير رايه 000 كثر ماهمني اني اعررف انه اليووم ماراح ينفذ تهديده 00
رجعنا للبنات وسمعت بعض التعليقاات منهم بعدها جات عندي أمجاااد وقالت لي :مراااااااام تعالي بغيتك 00
قالت أسرار وهي تضحك :هههههههههههههههههههه شو يعني 00 عشانها عروووووسه الكل يبغى يكلمها على جنب 00
هني كل البناااات انفجروا من الضحك على كلام أسرار اما انا كل اللي قدرت عليه اني ابتسم واطلع مع امجاد
مشيت معها وانا اسحب ذيل فستاني وقلت لها :امجاد وين أخذتني 00
غمزت لي وقالت :انتي تعالي معي مجالس الرياجيل 000بتشفوون ماجد ينتظرك هناك 00
قلت لها وانا مو مصدقه:شو تقولين انتي الرجال في بيتكم 00وبعدين لسى ماملكنا مايصير يشوفني جذيه 00
قالت لي وهي تبتسم :ادررري عشان كذا جبت لك عباتي لبسيها وتغطي روحي للمجلس وشوفي شو يبغى منك وبعدين هو أصريقول لك شئ قبل مايملك (وكملت وهي تغمز لي) يمكن جايب لك هديه 00
قلت لها بسرعه :ليش انتي مو داخله معي 0
هزت راسها وقالت لي :انا بظل هني وانتي روحي داخل0 0 ولاتخافين ترى ماجد ماياكل بشر00
مارديت عليها وحسيت بالخوف والاحراج لاني بروح اقابل ماجد لحالي وقلت في خاطري غريبه شو يبغى ماجد مني الحين ؟ايش الشئ اللي يخليه يطلبني عشان يكلمني قبل الملكه 00 يعني مو قادر يصبر لين نملك؟! بعد شوي حسيت اني طولت الوقوف فقررت ادخل و حاولت أقوي نفسي واخفف التوتر اللي في وقفت عند الباب شوي وانا اتنهد وبعدها سميت بالله وتغطيت ودخلت 00 واول مادخلت شفت ماجد جالس وحاط ايدينه بحظنه وهو يطالع بالارض وكأنه مهموم 00 حاولت انبهه بوجودي وقلت له:احم احم السلام عليكم00
رفع عيونه لي وجلس يطالعني وهو يقول:هلا وعليكم السلام 00
بعدها سكت وماتكلم ولاكلمه خفت انا وحسيت بتوتر فضيع و صارقلبي يرقع بقوه وصرت افرك بين يديني واطالع الارض بعدها سمعت صوته وهو يقول :مرام ليش واقفه تعالي جلسي
قلت له وانا ارجف من التوتر :ماعليك ماجد انا كذا مرتاحه 00 بســ ممكن اعرف ليش جايبني هني وليش ماانتظرت لين نملك 00
خفت لما وقف وقرب مني وهو يقول بحزن :مرام بغيت اقولك شئ مهم قبل مانملك ويطيح الفاس بالراس00
قلت له وانا اردد كلمته الاخيره :يطيح الفاس بالراس 00 (سكت شوي وبعدها) قلت ماجد ممكن تتكلم بدون لف ولادوران 0
قال لي بقل حيله :مرام سمعيني للاخير وانتي احكمي 00 وانا مستعد اسوي اللي تقولين لي عليه 000
حطيت ايدي على قلبي وحسيت ان ماجد بيقوول شئ كايد وكبير وقلت له:انت الحين تكلم 00وقول شو عندك ولا خلني اروووووح ترى الناس برى ينتظروونا00

قال لي بسرعه:لا لا بتكلم 00بس انتي جلسي 00
رحت للكنب وجلست عليه وقلت له بملل:ها هذا انا جلست يلا تكلم 00
بعد عني وجلس على كنب اللي مقابل لي وقال لي :مرام سمعيني للاخير ولا تقاطعيني 00
هزيت راسي بتفهم وسمعته يكمل ويقول :مرام انتي عارفه اني درست بوحده من دول الخلبج بحسب رغبة الوالد 00مع اني كنت ابغى ادرس هني إدارة أعمال بس الوالد رفض وعشان مااعصي ابوي سويت اللي بغاه ودرست هنااااك وهنااااك يامرام شفتها 00
قلت له بهمس :شفتها ؟!
قال لي بسرعه :ايه شفتها 00 مريم يامرام اول انسانه حبيتها ودخلت قلبي بدون استاذان مريم اللي صدتني لما حاولت اتعرف عليها مريم اللي رفضت تتكلم معي لاني انسان غريب عنها 000 مريم اللي بصعوبه قدرت اوصل لقلبها 00 مريم اللي تزوجتها وعشت معها أجمل أيام عمري كانت حافظتني وصاينتني في وجودي وغيابي مريم اللي الابتسامه ماتفارقها 000مريــــ
حطيت ايدي على اذني وانا احاول اني مااسمع شئ وصارت دموعي تنزل على خدي بدون توقف00وقفت من مكاني و قلت له وانا صرررخ :بس بس حرااااااام عليك بس ياماجد بس 00
جاء عندي وهو يحاول يهديني صرخت عليه وقلت له بصعوبه :ابعد عني ولا تقرب مني 000 (سكت شوي وقلت له وانا احط اصبعي قدامه واقول) شئ واحد اللي ابغى اعرفه مادام انت متزوج و سعيد معها ليش خطبتني؟ ليش ماقلت من الاول ؟صرخت بصوت عالي ليشششششش؟
قال لي وهو منزل عيونه بالارض:حاولت يامرام حاولت بس الوالد حلف علي لو ماخطبتك راح يغضب علي ليوم الدين 00وتصدقين لما يئست من ابوي قلت لفهد يقول لك ترفضيني عشان تجئ منكم ويقتنع الوالد 00 بس اللي صار عكس اللي بغيته وانتي وافقت 00 وافقتي يامرام 00
قلت له ودموعي على خدي وانا أحرك يديني في الهواء:يعني الحين طلعت انا الغلطانه اني وافقت! هذا ذنبي ياماجد؟! ذنبي اني فكرت فيك زوج00 ذنبي اني اقنعت نفسي بحبك ذنبي اني جلست افكر فيك وكيف بتكون ملكتنا هذا ذنبي 0000 سكت شوي وانا اصيح واحس بخنجر طعن قلبي في الصميم وقلت له وانا اشاهق من الصياح:الحين فهمت نظرات فهد لي الحين فهمتها 00 فهد كان عارف كل شئ بس ماقال لي خدعني مثلك !مثلك ياماجد 00
وصرخت وانا احط اصبعي في وجهه :انت وفهد كلكم مخادعين وطينه وحده 00 (وقلت بتعب وحزن ) بس فهد انا اخته كيف هنت عليه كيف كيف 00
ماقدرت اتحمل الوقفه اكثر وجلست على الكنب وانااحط ايدي على راسي وابكي 00 سمعت ماجد يقول لي:فهد ماله ذنب يامرام فهد انا حلفته بالقران انه مايقووول لاحد 00 وبالذات (وتغير صوته شوي وهو يقول )بعدما بعدما
سكت ماجد فجاءه وماتكلم رفعت عيوني له وشفته يمسح الدموع اللي تنزل على خده وقلت له بصوت تعبان وانا مستغربه من دموعه:ليش سكت؟! تكلم بعد مـــا ايش ياماجد
قال لي بصعوبه :بعد ما ماتت مريم ولدي يامرام 00
حطيت ايدي على فمي من الصدمه وقلت له بشهقه وصوت متقطع :شــو شــو تقووول انت!! ماتت هي وولدك 0
جلس على الكنب وهو يبكي ويحط يده على وجهه :ايه ماتت ماتت يوووم الاحد وهي تولد 00 ماتت هي ولدي اللي ماشاف الدنيا ماتوا وخلوني 0
تذكرت يوم الاحد لما جاء فهد تعبان وبعده اتصلت اسرار وخبرتني ان ماجد كانت عيونه حمراء 00 الحين بس عرفت كل شئ الحين بس 00 كسر خاطري ماجد وقلت له:الله يرحمهم 000 والعمر لك 00
فجاءه سمعت جوال ماجد يدق طلعه من جيبه بدون اهتمام وقفله وحطه على الطااوله وقال لي وهو يوقف :اسمحي لي يابنت العم حاولت قد مااقدر اجنبك هالمووقف بس والله ماقدرت والحين ارتاح ضميري لما قلت لك عن كل شئ عشان مااغشك 00وكمل انا الحين بروح للرجال ونتمم الملكه00
قلت له بصوت عالي:لحظه يا ماااجد (0وكملت وانا احااااااااااول اقوي نفسي لكن من داخلي انسانه محطمه انطعنت في كرامتها وقلت ) انت اسمح لي لكن انااااااااااااااا الحين اقوووول لك مو موافقه على انك تكوووووووووون زوووج لي 00مو مواااااااااافقه00
تركته ومانتظررررررت رده وطلعت من المجلس وانا اركض وابكي ومااشووف من الدمووووع اللي في عيني 000وفجاءه صدمت بشخص قدامي ومسكني مع يديني عشان مااطيح وانا من الصدمه والتعب جلست اطاااااااالع فيه وناظرت عيونه وبعدهاااا حسيت الارض تتمايل والدنيا في عيوووني تظلم شوي شوي لين فقدت الاحساااااااس بكل شئ حولي 000



00000000000000000000000
مابي حياتي دامه يقول مابيك
يدري بظلم الناس يدري وظلمني


واكد كلام اللي يقولون ناسيك
لكن قبل لاتاخذ الروح مني


باسأل حبيبي كم سؤال واخاويك
وشلون قلبك ياحبيبي تركني


وتدري بخفوقي كم له سنين هاويك
وماتدري بعادك وصدك ذبحني


وما تدري عن دمع نثرته وانا ارجيك
اسال جميع الناس وش صار عني


اسال وش اللي صار في حال مغليك
لو عاش عاقل عيشتي كان جني


حالي لو تشوفه بعينك يبكيك
لوعلموك وش كثر همي وحزني


من يوم حبي انتهى وصار ماضيك
لو علموك عن قلبي اللي يوني


مطعون يصرخ يشتكيلك يناديك
صار الحزن هو لعبتي صار فني


ابكي ندم والله الى حل طاريك
ضيقت صدر ويا الهموم اسكنتني


احكي واكمل ولا ماقلت يكفيك
اللي سمعته بسبتك انت جتني


عطيتني كرهك وانا الحب معطيك
ضاعت سنيني وانا بالحب ابني


قصوور وانهدت سبب فعلت ايديك
جاك الوفا والحب والعشق مني


حتى الوله والشوق والصدق مهديك
قلبي وفالك وانت قلبك خدعني


خدعت قلب كان بالحب شاريك
بكذب وخيانه وغدر قلبك حضني


في وقت قلبي فيه يسهر يداريك
ماكنت أظن قصدك بحبك تذلني


ذليتني من بعد مامت انا فيك
هذي حقيقة بعض مامنك جتني


وبعض اللذي اسقيتني سم با ايديك
ماكنت ساكت خايف بس لاني


ميت بحبك ما أقدر ازعلك واشقيك
حرّمت اقولك من محبتك عطني


مادام غيري في محبته مرضيك
ببعد بعيد واوعدك ما احني


ابشر اببعد ومع حبيبك بخليك
وابي مماتي ياخذ الروح مني


تاركلك الدنيا بها الله يهنيك
واذا سأل في يوم انا انسان عني
قله توفى والسبب طعن بيديك ****

 

 

[قاهر المستحيل]

بإنتظار التكملة

،ـــ،ـــ،..

















والله ولي التوفيق

 

 

[مذهلة]

يعطيك العافيهـ

ننتظر التكملهـ

على احر من الجمر

.:.