قصيده راااائعه

[خادمة الحسين]

أنا اللي يا بعد عمري بقول آسف ولو ما أخطيت
لأن أكبر خطا منك صغير بجنب غلطاتي

أبد ماني قايلك ترفق ليه وش سويت
قل اللي ودك بقلبك تقوله واترك سكاتي

عسى الله لا يعافيني إذ من هرجك انغثيت
سكت من الخجل و الله بلايا خابر سواتي

تفنن يابعد روحي بطعناتي واذ حسيت
بقايا عرق يتنفس بصدري تزيد طعناتي

ما دامه صح كل اللي تقوله فانت ما زليت
واذا زليت هالمرة نسيت وش كثر زلاتي

نسيت أنك تنسيني الزعل كله إلا من جيت
مجرد ضحكة عيونك بنظرة تجمع شتاتي

نسيت وش كثر تغليني كم لك وانت ما مليت
نسيت أن الوفا منك يذكرني بخياناتي

نسيت الله يوم أنك علي من الزعل غنيت
حسبت أشواقنا غابت وخابت فيك هقواتي

عجزت أنطق ولا كلمة بلحظتها سوى يا ليت
يجي لك يوم بإذن الله وتقراها مع أبياتي

هذاني جبتها شفني وازيدك من الغلا لك بيت
مادام انه القصايد فيك توي في بداياتي

أحبك إيه احبك إي أحبك اااه لو عديت
من الآحاد من الآلاف تملئ كل خاناتي

حبيبي لا تحاسبني وانا ياما عليك أخطيت
ترى لو مت بديني غفرلي صدق غاياتي

ممارااق لي ..منقوول((خادمة الحسين))