الله يخلف على العقول بس !

[إيلاف]

اخواتي ..اتحدث هنا عن قناة رائعه بمعنى الكلمه اسمها قناة"بدايه"
هي رائعه بما فيه من محاضرات صوتيه تأتي كل صباح
رائعه بما فيها من نصائح اسريه تخص الرجل..والمرأة..والطفل
رائعه باستشاراتها الطبيه
ولكن مالفت نظري ...هو الشات
فهناك رسائل....مضحكه....ومحزنه....ور سائل تجلب المرض...والضغط...والسكر...وممك ن السكته القلبيه في بعض الاحيان


ومن الرسائل التي تجلب لنا الامراض(وبالذات بعد صلاة الفجر)رسائل تحث الرجل ...بل وتجبره على التعدد ومنها

الشرع محلل اربع ومن حقنا نتزوج............(يعني حضرة جنابك ماالتزمت بالشرع الافي هالنقطه).
والا اللي تقول...........وهذه اشك ان اللي راسلتها حرمه...
تقول...انا زوجي يموووت فيني ومدلعني ع الاخر ومايشوف الدنيا الافيني وحبيت أكافئه وازوجه الثانيه..وهذامن حقه................(على قلبي يالحنونه..ممكن تعطيه لجارتي تراها حنونه مثلك)

والا اللي يقول....يااخواني زوجتي حنونه ..وحلوه..وطيبه...ولافيها العيبه...وابغى اتزوج...وخايف اصارحها واجرحها..........اش الحل؟؟....................

ومن الرسائل اللي (مالقيت لها وصف)
واحد يقول.....ياجماعه انا دوبي فطرت وزوجتي سوت الغدا وماله مكان...اتغدى والا لا..اش رأيكم؟؟

وحده تقول ...ياجماعه انا حامل بالتاسع وقبل شوي نزل مني دم والام...اش اسوي؟؟.(اشك انها تعرف اختراع اسمه مستشفى!!)

وحده تقول......عاد هذه اللي ودي اذبحها
ياجماعه انا عروسه لي 4 شهور وزوجي يمووووت فيني ويحبني ومدلعني ومايقصر علي وطاااير فيني...بس معاشه على قده وانا كنت عايشه بخير عند اهلي مع انه مايمنعني من اي طلب وراتبه كله في يدي ومو محسسني بالنقص..وافكر اتطلق..اش رأيكم؟؟(ممكن تقابليني شوي لو سمحتي ابغاك بكلمة راس)

وواحد يقول...زوجتي وسخه وماهي نظيفه..والبيت زباله...اش الحل(واذا بليتم فاستتروا)

وحده تقول ....الحقوني عيالي الكبار الحين رايحين المدرسه والاثنين الصغار يصيحون يبغون ملوخيه..اش اسوي(عادي اعطي كل واحد مخمس ونامي)

ووحده تقول...انا فيني نوم وورايه دوام اروح والا انام ..اش رأيكم(رأيي قدمي استقالتك وكبري المخده)

وحده تقول...زوجي فوضوي ومايعرف معنى النظافه وريحته خااااايسه...واذا دخل الحمام مايسحب السيفون..واذا قلت ليه ماتسحب السيفون قال..انا ماتزوجتك الا عشان انتي تسحبيه!!!!!(احلى ياالقوي)هههههههههههههههههههههههههاي

واحد يقول...انا ربي اعطاني جمال الوجه واذا رحت للسوق مااخلص من البنات...اش الحل(اقعد بالبيت ياتوم كروز)::

وحده تقول زوجي جا سكران وظربني الى ان حبيت الارض اروح لاهلي والا لا انا استنى ردكم تراني لابسه العبايه وعند الباب(؟؟؟؟؟؟؟؟)خبله رسمي

وهذه الرساله مدري اش اقول عنها والله
تقول الحقوني انا حامل ولاني عارفه من مين لاني اعرف اكثر من واحد وماني متزوجه ساعدوني(الحل اطلعي اعلى جبل وارمي نفسك اي حل تبغين؟؟).....والقناة ارفع قدرا من هالتوافه والله


واللي يطلبون آراء في اشياء ماادري اش اقول عنها ...زي اللي تقول انا معزومه اروح والااقعد....واللي عنده نوم انام والااسهر...واللي وراها مدرسه اروح ولااغيب...واللي بيتعرف عليها واحد ويدق عليها الجوال ترد عليه والاتطنشه؟؟
بالله فاضيين لهاالدرجه

ياجماعه عندكم رصيد..ووقت..ارسله لخير...حديث.....نصيحه...دعاء
وماانكر انه فيه البعض يرسل لكن وين ووين نقرأ هالشئ

والله هالقناة فيها الخير لكن هالرسائل مااعرف ليه يعرضوها وبالذات اللي فيها بنات متعرفات على شباب واللي يسونه معاهم
احيانا اذا زوجي فيه احول عن القناة من البلاوي المكتوبه....حتى بعضهن تكتب ان عندها التهابات و و و ...ياجماعة الخير هذه قناة ماهي مشتشفى

واكيد قرأتن مثلي هالرسائل اللي اسأل الله انه يهدي اصحابها واصحاب القناة اللي يسمحوا في بعضها والتافهه على وجه الخصوص





لا والا تجيك الوحده تقوول .. في بيتنا حرامي وش أسوي .. << روحي صلحي له قهوة عشان يسرق على راحته..!!
الثانيه تقول .. زوجي ضربني وحابسني في المقلط ..!!<< ماشاء الله على الزوج الحنون حابسها عند التلفزيون ومعطيها جوالها .. لا ويمكن يعطيها شاهي وقهوة من تحت الباب..!!

والا إذا شافوا المعلم العزوبي ياسلاااااام أنواع التميلح .. اللي تكتب قبيلتها وعمرها .. واللي تكتب وين ساكنه فيه وش وظيفتها .. وآخر رسالتها إدع لي بالزوج الصااالح ..!! << يعني افهمها وتعال اخطبني


صـــــــــــدق .. أهـــل العقوووول في رااااحـــــــــــ ــــه


للأمآآنهـ منقوووووووول

__________________

 

 

[جناح الملائكة]

بسم الله الرحمن الرحيم ،،،

متى ماأتخذت الوسيلة لغير واقعها الشرعي تبلت الأمور وأصبحت ذات هوان ، أي أن مثل أغلب الحملات تغيرت مسارها الشرعي وفي الواجهه الطبيعية والمكشوفه أمام الناس أنها تخدم المؤمنين وتسهل عليهم الحج والعمرة وزايارة الأئمة المعصومين ، ولكن :

ترى لو رأيتم إمرأة من دون محرم ماذا يسمى هذا ؟ أو أنها معها طفل صغير ليس لديه الخبرة في الحياة بشكل عام مارأيكم في ذلك أليس هذا واقع ؟ وهل هذا يرضي النبي وآله الطيبين الطارهرين ؟

كذلك بعض القنوات التلفزيونية الهدف منها نشر الوعي وفائدة المجتمعات ولكن فتح مجال للرسائل التي تدعم القناة مادياً وشركات الهواتف المحمولة تتبدل مسألة الهدف .

بالنسبة إلى مثل هذه الترهات التي تكتب هنا وهناك ، مرَّ عليها مرور الكرام وكأنك تمر بشارع مكتوب على جدرانه بعض الكتابات التي تخدش الحياء وأنت لاتعرف من كاتبها ولاتستطيع أن تغير في الموضوع شيئ .

ومثل هذه الكتابات بالرسائل على بعض القنوات إنما أعزو المسألة إلى الفراغ والبطالة وقلة الوعي والثقافة فـ ليس كل الناس سواء فـ متى ما شعر الإنسان بالفراغ ولم يستطع أن يحول الفراغ لصالحه بالفائدة تجده يخسر الكثير من الوقت والمصالح بل ربما يخسر نفسه أيضاً ويضيع ذاته المحفوظ .

على هذا كما يقول البعض ( طن تعش ) .

أشكركم على هذا النقل والأمانة فيه ، ونتطلع إلى مواضيع من صايغتكم ، ودمتم سالمين .

 

 

[إحسآإس قآإتل]

اللهم صل وسلم على محمد وآل محمد

مثل ماقال أخوي جناح ووفى بكلامه
ما أكثر القنوات وأبشعها ولها جمهورها الخاص
فلماذا نتحدث عن قنوات هابطه ونترك من له شأن كبير في حياتنا ومنهجه نور