أحب مالـــي عيــونـــي

[دمعة المقهور]

السلام عليكم ورحمة الله وبركاته

أحب مالـــي عيــونـــي

ماقلــت أحـبك ولا قلـت ما أحـبك

أحب مالـي عيـونـي وإنت تسواهـا

لوتـدري إش كثر تعني لي تعرف إنك

آخر أمـل فـي حياتـي واول منـها

ياكثر أحس إن بـك منـي وبي منـك

روح قسمها على جسميـن مولاهــا

لاتـقول شتحب فيني أعشقـك كـلك

من ليل شعرك لشمسك وآخر أقصـاهـا

سميـتني نصفك الثانـي وانـا خـلك

وانـا بـسميــك كـلي وإنت معناهـا

تعبــت أوديـك ياقـلــب ويـردك

لاخـذ حـلومـي ولاخـلاني أنسـاهـا

كل الحـمام إستـراح ونـاح في ظـلك

والورد الأصـفر سقتـه الروح من ماهـا

لـيتك بعيني ثلاث أشخاص او كنـك

واحـد بجنـبي وواحد روحـي يملاهـا

والثالـث بجفن عينـي لافقـد حـسك

أو غمض الجفـن جانـي فيـك يتباهـا

موبـس أحــبك أنـا والله من حبـك

أحب حتـى ثـرى الارض اللـي تاطاهـا







للامير الشاعر طلال الرشيد