ــــ}ــ

[عزف]

جاني وانا في وسط ربعي وناسي *** جاني نشلني مثل ما ينشل النـــاس

مني نشل روح تشيل المآســـــــي *** تشكي من ايام الشقى تشكي اليـاس

اثر الالم في سكره المـــوت قاسي *** ماهالني مثله وانا انسان حـــساس

جابوا كفن ابيض مقاسه مقاســــي*** ولفوا به الجسم المحنط مع الـراس

وشالوني اربع بالنعش ومتواســي *** عليه ومغطى على جسمي البـــاس

وصلوا علي وكلــــــهم في مــآسي *** ربعي ومعهم ناس من كل الاجناس

ياكيف سوا عقبنا تاج راســــــــي *** وامي الحبيبه وش سوى بها الياس

اسمع صدى صوت يهز الرواسي *** قولولها لاتلطـــم الخــد ياناس

قولولها حق وتجرعت كاســـــــي*** لاتحترق كل يبي يجرع الكـــــاس

اصبحت في قبري ولابه مواسي*** واسمع قريع نعولهم يوم تـــــنداس

من يوم قــــــفوا حل موثق لباسي*** وعلى رد الروح صوت بالاجراس

هـيكل غريب وقال ليه التــــــناسي*** صوته رهيب وخلفه اثنين حـــراس

وقف وقال ان كنــت يانـمر نـاسي *** هاذي هي اعمالك تقدم بكـــــراس

ومن هول ماشفته وقف شعر راسـي *** وانهارت اعصابي ولاارد الانـفاس

 

 

[عزف الدموع]

دموع الفراغ



اهنيك على هذا الاحساس وهذا الذوووق الجميل,,

قصيدة بعنوان الموت .. ولكن الكاتب استطاع ان يُكون ابسط الكلام واجزله


للتعبير عن حال من استدار ظهره للحياة


اتى النص بالشكل .. او بالأحرى جاء بالطريقة المباشرة

قصيدة احداثها مسلسل بحلقات التعبير النفسي عن مايجول للانسان

في هذه الحياة الفانية من افراح واحزان

حقيقة نص جميل يحمل الموت ومابعد الموت والآخرة ..

اعجبتني الابيات :

اقتباس جاني وانا في وسط ربعي وناسي *** جاني نشلني مثل ما ينشل النـــاس مني نشل روح تشيل المآســـــــي *** تشكي من ايام الشقى تشكي اليـاس اثر الالم في سكره المـــوت قاسي *** ماهالني مثله وانا انسان حـــساس

تسلم الايادي اختي

ولاحرمنا ابداعـــك ..

 

 

[عزف]

مروركـ اروووعـ اخوي
ماتقصر
ولله لا يحرمنه من مرورك
تحياتيـ"