}.. حوسة الحريم في العرس

[شهرزاد]

السلام عليكم يامعشر الحريمات ..

اليوم جايبه موضوع فيه ضحك حد الدعسه ..

قلت دوم المواضيع فيها جد ..

خل نغير ونعطي جوو فلته ..

>> وربي مروقه

المهم :


لما تجيك دعوة الى حضور حفل زفاف لاحد الاشخاص

فإن الحريم في المنزل يعلنون حالة الطوارئ في اليوم الموعود


فتلقاهم صافين طابور عند باب الحمام .. من أجل أخذ دش بارد

<<< لانهم مؤمنات بالقاعدة الفيزيائية

التي تقول : ان الاجسام تتقلص بفعل البرودة

*******************


ثم يهبون الى غرفة العمليات

فتحصلهم مايخلون مراية في حالها ..

** فتلقى منيرة عند مراية التسريحة تتمكيج


** وخلود عند مراية الدولاب تركب عدساتها


** ورقية عند مراية المدخل حق البيت تستشور شعرها


** وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ


** ورغد تترجى اخوها : تكفى ود فستاني للمغسلة

وقول لهم يخلونه مستعجل


** وابتسام متوهقة مالقت الحلق اللي يناسب لون فستانها


** وشوق تقول لاخوها : تكفى مر على جارتنا

وخذ من عندها الاكسسوار التفاحي



** وهنوف .. انفرط سحاب فستانها .. وتبي الخياط يصلحه


<<< والله من السمنة الزايدة

*****************


وصجة .. ولجة .. وحوسة ...

وكلهم في سباق مع الزمن ..


( طبعا ياعيني عالرجال .. ثوب وشماغ .. وانتهت السالفة )


************************************

بعد ذلك .. يركبون السيارة بعد ما بح صوت ابوهم

وهو يناديهم ..





** والمصيبة اذا اخذوا مسافة بالسيارة وجتك فاطمة

تشهق شهقة قوية .. ويقولون : اشفيييييك

وترد عليهم : نسيت شنطتي تكفى يبه رجعنا للبيت<<<ويعصب ويقول وراي مبارات جع((الهلال-النصر))


********************


وبعد عناء طويل يصلون الى القصر ويدخلون


******************


ومن يوم تبدأ الطقاقة بقرع الطبول

تلقى الوحدة تهزّ .. وتهتز وهي لسّا باقي على الكرسي


**********************


ثم يتوافدون الى المسرح .. وشف الرقص كيف


** اللي تحط رجلها من شرق المسرح الى غربه

ولا احد يدري اش بلاها

**********

** واللي تهز وهي واقفة مكانها بركاااادة .. وعلى بالها أنوثة ..


******************


وتعال شفهم اذا غنت الطقاقة .. ( يالتكسي وأم شامه وقرصتني عقربه )

وقالت : وخذ يمين و بعد يمين ..

تلقا الحريم فعلا ماخذين اللفة يمين في يمين


<<< طبعا من غشامتهم .. يتصاقعون في بعض

************


والوحدة فيهم بتتشقق من الفرحه اذا جت الطقاقة بجنبها

وقالت : يا احمر يا احمر .. عاشو .. على قلبي

<< طبعا الافندية فستانها احمر ..

*****************


** وتلقا ثنتين هناك يرقصون نفس رقص العراقيات في عرب شمّر

وطبعا العجايز منصدمات .. ومافيه الا قوة دعاوي على هالبنات


**************


** واذا جت اغنية مصرية ..

تلقا الاغنية والايقاع في وادي .. والرقص في واد آخر

الا من رحم الله ..

<< واللي تعرف ترقص مصري .. تلقى البنات يتشحثونها تقوم

وهي ترفض ..
طبعا من حقها .. تخاف يصكونها بعين على كيفك

واذا جت الزفاااااه قالوا البنات هااااه حلو المعرس (ايـــه)يهبل
يؤيؤيؤ ما شفته زين


***********




والوناسة اذا قالت الطقاقة : ( رقصة خاصة لاهل العروس )

تلقاهم يستلجون اذا قالت : ( كل آل " فلان " خيّالة )


<<< وهم في الحقيقة .. لم يركبوا حصانا قط ..

بس يالله لزوم المدح

واذا جاء وقت الطلعه للبيت <<يؤيؤيؤيؤ يمه مانبي نروح البيت ما فيه احد راح خلينا نجلس شوء

<<<<<وتوافق الام بعد ما نشب في بلاعيم بلعومها ((هههههههـ))



هههههههههههههههههه


عجبني ونقلته ..

يعطيني العافيه ياحق

 

 

[دمع الجود]

ههههههههههه

صحيح اختي شهرزاد كذاا يصير يوم العرس حوسه في حوسه


تسلمين يالغلا ع الموضوووووووع الحلو مثلك

 

 

[شهرزاد]

هههههههههههههههه

بجد هذا واقعنا ..

دمع الجود حياج عيني نورتي الصفحه ..

 

 

[AL MOShakes]

مااااااااااا اقوووووووووووووووول الا ههههههههههههههههههههههههه

يا فديت الرجااال والله ... لبسنا كلها ثوب وشماغ <<< وهم نقعد ساعة عشان نضبط النسفة او الشخصية اللي تناسب الوجه الصبووح <<< امحق صبوح ههههههههههااااااااي


الحمدلله ما عندي الا اخت وحدة فديتها هههههه ولا كااان قروني من زمااااااان اطلعت

شهرزاااد
من جد ضحكت لانو تخيلت الوضع لو عندي خوات كذا زحمة وش اسوي فيهم !!

يعطيك العافية

تقبلوا شقاوتي

المشاكس...

 

 

[شهرزاد]

المشاكس حياك نورتنا ..
والله يرزقك ببنات عشان تشوف الحوسه العدله ..
يعطيك العافيه على هالطله ..

 

 

[مذهلة]

ههههههههههههههههههـ

والله فله

وهـ بس فديت البنات انا ياناس

بس جد احنا كذا اذا معزومين على عرس

من العصر كل خالاتي واحنا ببيت هلي

وكل وحده معاها شنظه شكبرها تقول بتسافر خخخخخخخخ

اما احنا البنوتات ياعمري علينا بس قلوس ومسكره وكحل

وعطر وانتهت السالفه خخخخخخخ

شهرزاد

لاتحرمينا مواضيعك الحلوة والوناسه

تحياتي

 

 

[شهرزاد]

ماشاء الله كلهم أعترفوا بها الحوسه ..

يعطيك العافيه مذهله ..

 

 

[حزينه وقلبي مقهور]

والله يعطيك ربي العافيه على هالموضوع

 

 

[شهرزاد]

:

/

وأنتي بعد

 

 

[مثالية]

(

اقتباس طبعا ياعيني عالرجال .. ثوب وشماغ .. وانتهت السالفة )

اي والله حظهم ياليت حنا مثلهم عاد والله وكيلك الحجز اللي من شهور

هذا اللي يرفع ضغطي ...

شهرزاد

تسلمين غاليتي

 

 

[سما]

تسلمين حبيبتي شهرزاد على الموضوع وانتي صادقه هذا حال الدنيا مع الحريم في الأعراس وغيرها
بس في النهايه الدنيا ماتحلى الا بالحريم وبالحوسه
تحياتي أميرة القلب

 

 

[سوسو الدلوعه]

ههههههههههههههههههههههههههههههههههههههههههههه


صج حووووووووووووووووووووووسه

بس انا اذا صار عرس اتعب كثير من كثر مايسألوني ويطلبون مني سويلي كذا انا ابي كذا البس هذا ويااااوا على الزحمه ومااروح الزواج إلاراسي يألمني




بس زحمه وكلها ضحك




مشكوره حبيبتي ضحكتيني كثير




يسلمووووووووا





أختك في الله

 

 

[شهرزاد]

مثاليه ..

قولي هذا إذا تنزل ولبس شماغ الثوب ويالله بعد

هنيالهم لا تعب ولا شيء..


يعطيك العافيه غناتي..

 

 

[شهرزاد]

أميرة القلب ..

مافيه دنيا بدون حريم حلوه ..

حتى مع الحوسه

يعطيك العافيه ياغلا ..

 

 

[شهرزاد]

سوسو حبابه ..
زحمة وأحياناً تكون تصرفات عشوائيه وضحك وهيله ..
كلووو عشان هالعرس هههههههههه
بعد ماينتهي العرس وتنتهي الحوسه
تطلع الفضايح بعدها هههههه
تسلمين يالغلا ..

 

 

[زهرة اللوتس]

أنا عندي ليالي الزواج مثل ليالي الاختبارات

و وجه الشبه بين ليالي الاختبارات والزواج : العصبية والتوتر

>> تستفيد من التخصص

يعني في بداية الليلة متحمسة للوضع وشغل وروحة وجيّة وزحمة
يتخلل ذلك الضحك و الصراخ في نفس الوقت ووو و

و تعالي لي في نهاية الليلة أقول : عسى بس هذه الليلة ؟؟؟!

يعني كل هالتعب تقريبًًا راح في العصبية ، وزيادة على كذا مافي أحداث ؟؟!!

>>> ما يندرى وش تنتظر اللوتسية عاد ؟!


شهرزاد.

مشكورة على الموضوع الخطيير.

تبلغوا في التوالي إن شاءالله و دامت دياركم بالأفراح عامرة.

 

 

[عاشقه الساهره]

ههههههههههههههههههههه

صح كلامش شهرزاد

المرايه هي الضحيه مسكينه هههههههههه

مشكوره خيتووووووو

 

 

[شهرزاد]

ياللوتس ..

اقتباس أنا عندي ليالي الزواج مثل ليالي الاختبارات و وجه الشبه بين ليالي الاختبارات والزواج : العصبية والتوتر >> تستفيد من التخصص

هههههههههههه

والله ضحكتيني ..
ومو تحسي أحياناً إنك تروحين وتجين كأنك ناسيه شيء بس مو عارفه وشو وفي الأساس أصلاً ما أنتين ناسيه حاجه من الأساس هههههههههههه

اقتباس و تعالي لي في نهاية الليلة أقول : عسى بس هذه الليلة ؟؟؟!

وكأنها خيال مرت أصلاً ..

اقتباس تبلغوا في التوالي إن شاءالله و دامت دياركم بالأفراح عامرة.

والجميع ياربي ..

يعطيك العافيه ياجميله ..

 

 

[شهرزاد]

عاشقة الساهره ..

أيه والله هذا إذا ماصار هواش وياها ههههههههه

يعطيك العافيه ياغلا ..

 

 

[نورة عبدالله]

والله ضحكت صج والله اذا صار عندنا عرس نحوس وندوس بس أنا مستغربه في عرسي لا حست ولادست يعطيك الله الف عافيه على الموضوع الرائع