خيــــــــانه

[دلــ بنت الجشه ــع]

خيانه .. وانتهت آخر سوالف عشقي المجنون
سوالف عشق ياما الناس قالتها وعادتها
حكوا عني وحكوا عنها وعن حب ملا هالكون
وكانوا يحلفون بحبنا وصدقي وطيبتها
وكم واحد تمنى لو خذا من لون حبي لون
وكم وحده تمنت لو تشابهنا حكايتها
أنا وياها كنا حلم بالمعنى وبالمضمون
لكل اثنين قصة حبهم تعلن بدايتها
وفي ليله صرخ فيها الوفا من ظهره المطعون
بدايتها جروحي والوفا مات بنهايتها
في ذيك الليله كان اهون علي احيا بدون عيون
ولا اشوف اللي شفته من حبيبة قلبي ساعتها
بعيني شفتها وياه تضحك له وهو مفتون
سعادتها بقربه تشبه بقربي سعادتها
وهو طاير من الفرحه ولا يدري بأنها تخون
ويمكن يدري وساكت ولا تهمه حقيقتها
بعيني شفتها ماهو حكي واشي وخيال ظنون
بعيني ليت عيني عمرها مايوم حبتها
وقفت .. لسان حالي يقول: ليه؟ ومن متى؟ وشلون؟؟
عساي القا سبب واحد يبرر لي خيانتها
وادور للجريمه ثغره في كل مذهب وقانون
ولكني عجزت القا عذر يغفر جريمتها
قبل هالليله كنت اسمع كثير من البشر يشكون
من سيوف الغدر واضحك وانا اتباهى فبراءتها
أنا ماكان عندي شك ولو واحد من المليون
في صدق اللي تقوله عن غلاي وعن محبتها
خيانتها عطت حجه لكل اللي يبي يخونون
ومن هالليله كل خاين بيتعذر بقصتها
مادام اوفا البشر خانت حرام الباقي ينلامون
وكلمات الوفا لاعاد احد يطريلي سيرتها
خيانه .. وانتهت آخر سوالف عشقي المجنون
وضاع الحلم في ليله الوفا مات بنهايتها

 

 

[DANYAL]

كلمات جميلة ورواية للابيات رائعه


دلع القصيدة نالت اعجابي



اختيار موفق

اجمل تحية

 

 

[الغريب]

الله يعطيكِ العافية على هذه المشاركة

ولكن لم نعرف إن كانت من كتاباتكِ أم منقولاتكِ

نأمل توضيح ذلك










وفق الله الجميع

 

 

[ريحانة المصطفى]

خاطره جميله ومنسقه في كلماتها
ارجو الأستمرار على هذا العطاء
تحياتي

 

 

[إنتظـــار حلم]

قصيدة جميلة لشــــاعر مشعل المناور


وفقتي جميلتي في نقل لنا هذا الجمالـــ ..

 

 

[إحساس دمعة]

كـل الشكر محبوبتي

اعجبتني كثيراً

يعيطك العاافيه

 

 

[غرااام]

يعطيك الف عافيه
قصيده رائعهـــــــ

 

 

[للبكاء بقية]

كلمات أكثرمن رائعه تعجز
الكلمات عن التعبير يسلمو
أختي انتِ بالفعل
بإنتظارالمزيد
مع خالص تحياتي
دمتِ بود