انا ما هزني غيرك

[شيعيه شاعره]

انا ماهزني غيرك حبيبي !!! «®°•.¸.•°°•.¸¸.•°°•.¸.•°®»


انا ماهزني غيرك حبيبي بالبشر انسان

ولاحبيت ابد قبلك ولا افكر احب ثاني

ابي حبك يزلزلني يفجر داخلي بركان

ابيه يطهر جروحي يمحي باقي احزاني

ابيك تكثر الرهبه وقلبي ممتلي ايمان

وابيك تشد من عزمي اذا همي تلقاني

ابي حبك ينسيني همومي وعالم الاحزان

وابي قلبك يصبرني اذا جيتك انا اعاني

ابيك تشيل من قلبي معالم لوعة الحرمان

ابيك توقف بصفي اذا ظرفي تحداني

ابي حبك يجنني وينقش في سماي الوان

ابي قلبك يحسسني بصدق الحب لاجاني

ابيك الصاحب الوافي يحطني دايم بهيمان

ابيك العاشق المخلص يشافي دوم عطشاني

ابي عطشك ابي قربك ابي حب كما البنيان

ابي قلبآ كبيرآ لاملاه الشوق ناداني

ابيك الشاعر الصادق ابيك المغرم الهيمان

تبيع الـــــــــــــــــروح من شانــــــــــــــــي

ابي امكن بقلبك لوحدي مامعي انسان

ابملك كل تفكيرك وتملك كل وجداني

وابي قلبك يواعدني لو خان البشر ماخان

وابي اطلب طلب واحد رجيتك وهو المهم الان

وانا ادري مستحيل ترفض لانك جد تهواني

ابيك تعيش في قلبي اذا تسمح مدى الازمان

ابيك تشوف ماتملك في قلبي وماتعداني

 

 

[الغريب]

الله يعطيكِ العافية على هذه القصيدة

ولكن لم نعرف إن كانت من كتاباتكِ أم منقولاتكِ

آمل تذييل المشاركات بذلك حفظاً للحقوق الأدبية












وفق الله الجميع

 

 

[ليت للقلب عين]

يعطيك الف عافيه على هالقصيده الرائعه

بصراحه كلمات جميله ورائعه ولكن بعض الاشطر يكون عدد احرفها كبير واجد عن الشطر الثاني...طبعا اذا كانت من كتاباتك

واذا من منقولاتك فسلمت لنا ودمتي على نقلك الرائع والمعبر