ماساة عانس

[ولد البلد]

للمعلوميه الشعر باللهجه النبطيه النجديه اللي مايفهم يسألني وانا اترجم له هههههه
تقول هذه العانس
حالي ياعرب مايانس ** لا قريب ولا اجنبيه
أسهر بالليل الدامس ** وأنوم لين الظهريه
ويجون اهل المدارس ** وتجي اوامر فوريه
اللي يبي له ملابس ** وهذا يبغى طاقيه
وواحد يقول وهو جالس** أخدميني ياوخيه
والثاني مسوي حارس **وأخوه يحوس البوفيه
وأمي تقول لي علامتس** سرحانه يافوزيه
ظفي هالبيت الحايس!!** وافرشي لنا زولـــــــيه
وغسلي لأخوك ملابس** وجيبي له غدا بصينيه
غصب مهوب برايتس **ولاأسمع كلمة شكريه
أهرب لغرفتي بهامس **وأصك الباب عليه
وأقعد اطارد هالنامس **كني بحاله نفسيه
ولاأطامر وادابتس** على بالي رياضيه
آكل بعدها مارس **معها علبة ببسيه
وأضرب لي بمية هاجس **ولا واحــــــــــــد بيديّه
اتخيل عندي هاوس **وانا فيه المديريه
وأحلــــــــم بطفل يشاكس** واحضنه بين يديه
ومنه لسمعي يلامس **كلمة ماما بحنيّه
والذي حظه عابس** يقطع حلمي عليّه
أطلع له وانا أرافس** وأكفخه بالزبيريه
وأمي : أرحمي حالتس** وابعدي عنك العصبيه
ويـــــــن اروق وانا عانس **وكل(ن)يقولها بسخريه
زميلتي ولدها بخامس** وانا عندك مرميه
يارب الأخضر واليابس **وفقني بعيشه هنيه
وأكتبني ضمن العرايس **بالإجازة الصيفيه
وارزقني بزوج لابس **أخلاااااق ورومانسيه
ما يدخن ولايعاكس **وأرزقنا بالذريه
هذي معانااااااااة عانس** عطوها لأهلي هديه
ونسخه للشباب الغامس **في أوحال العزوبيه
للسفر أهو يستانس** ويصعّب عش الزوجيه
هذي أحوال العوانس **عفوهن يالشقرديه
كتبته من خلف الماوس** لأني ماني جريه

 

 

[عزف الدموع]

هههههه سلمت يا ولد البلد .. مرررره حلوة القصيدة

الله يعطيك العافية

 

 

[ليت للقلب عين]

قصيده رائعه بصراحه يا ولد البلد



تحكي عن المتخرجين والعاطلين عن العمل



وتحكي عن العاطلين دون شهادة




وتحث العاطلين على البحث عن العمل




ولا تحطم العوانس بل تدفعهم للامام وللصبر على البلاء وما بعد الصبر الا الضفر




قصيده رائعه ونتمنى استمرارك




















في حفظ الباري