كل ما أفكر فيك

[علي مع الحق]

كل ما أفكر فيك

قلبي يسألني عليك

واخرج من أحزانى

و أدور فيا عليك

ملإكش بين أحضاني

أصرخ وأنادى عليك


قبل ما تبعد عنى

قوللى عملتلك إيه

خليتك حتة مني

تقسى على قلبي ليه


و عايزنى أبعد عنك

ح ابعد و مش ح ارجعلك

مدام بهون على قلبك

و مدام قلبك طوعك


بس خايف أرجع أحبك

خايف أقرب منك

أصلك قاسي و بتجرح

كل اللي يخاف عليك


رغم إن انت كل الدنيا

ح اقدر أنساك في ثانية

أنا أصلى كرامتي غالية

ح ابعد و أنا روحي فيك


شلتك في العين و الننى

خليتك حتة مني

لكن جرحت قلبي

و مفيش حاجة تداويه


غير إني في نفسي أدمر

و مش بعيد أتغير

ما خلاص مش ح اقدر اصبر

الصبر عملي إيه


لما الملاك بيخون

كل شيء بيهون

صعبان عليا الكون

طول ما انت عايش فيه


! خوفك عليا كذب


! قربك منى كذب


! وعودك ليا كذب

طب قوللى إنت ليه


خلتني امشي في مشوار

و كنت فيه غدار

حرقتني بالنار

بعت اللي كان شاريك


كل ما أفكر فيك

قلبي يسألني عليك

واخرج من أحزانى

وأدور فيا عليك

ملإكش بين أحضاني

أروح أسأل عليك


! ألاقيك حزين أفرح


إني انتقمت في بعدك

ألاقيك حزين أفرح

مانا برضه حزين في بعدك

واحلف إني ح اجرح

كل اللي ح ييجى بعدك