تعبت أشيل الهم عنك وأداريك

[بولافي]

تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !

لا يا ( حبيبي) .. الزمن لا يخليك
تقسى على قلبي وتسقيه سِمِّك !

[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !

ما هي غريبه من يذمِّك يماشيك
لكن غريبـــه يمدحك من يذمِّك !!

ما كل واحد غاب معناه ناسيك
بعض البشر ينساك لو كان يمِّك !

أدري تعزني .. اللـه يعز غاليك
وإن كان لـي عندك معزَّه بضمك !

في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !

إسمك حبيبي ويا كثِرها أساميك
وقلبي يفز .. لا جابوا الناس إسمك !

ليتك تحس في ضيقتي يوم أحاتيك
أحرق لك أعصابي .. وما حَس دمِّك !

غايب بدون أعذار .. ربِّي يجازيك
عطني سبب مُقنع حبيبي .. وألمكّ !

همِّك , جنونك , ضحكتك , كل ما فيك
صوتك , سكوتك , وأرجع أقول : ( هـ مِّ كْ ) !

[ لبيــه ] منِّك غير .. لمَّا أناديك
كن الكلام العَذب ... مرساه فمِّك !

مهما غلوك قلوب ناسٍ حوالــــيك
أغليك أكثر منِّهُم بس .. لعلمك !

أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !

شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك !

•●•●مع خالص حبي وتقديري●•●•

بولافي المبارك

 

 

[همس المشاعر]

قصيده في منتهى الروعه

راقت لي جدا

الله يعطيك الف عافيه ونطمع بالمزيد

دمت بخير

 

 

[بولافي]

وجودك الأروع اخوي
همس المشاعر
ونايس ع مرورك

 

 

[AL-NAQEEB]

بولافي
ماشاء الله
كتاباتكـ قويهـ ومميزهـ ,, الله يعطيكـ العافية عزيزي

 

 

[بولافي]

يعافيك ربي واحلى تميزه وجودك في صفحتي
اخوي ( al-naqeeb )
واحلى تحيه مني لك على مرورك الطيب

 

 

[طيف العمر]

قصيده رائعه اخ بولافي

بس القصيده مو من كتاباتك اذا ماخاب ضني قاريتها من قبل ,,..^_^

سَلٍمتً وٍسَلٍمْـ قَلَمَكُـ ونقلك لـٍنآآ
تَحيَتي مَعطـرٍه بأإلـرٍيآحـيَنْ أإبَعَثـًٍهآآ لـَكُـ
دُمـت بَخٍ ــيًٍر..~