وين اسافر عن عذابك وين اروح

[عزف]

مابقى فيني لـلومك والعتاب..

يكفي ارجوكي ترا العبره تلوح..


لو عدوي..شاف حالي..كان شاب..

وانتثر دمعه..ومن حالي..ينوح..


ويش اسوي لاطغيتي في العذاب..

( وين اسافر عن عذابك وين اروح )..


وش سبب صدي وهجري والغياب؟؟؟!!..

ياظلووومه!!...كن مافيني جروح!!..


ضاعت ..ايامي..وحلمي ..والشباب..

والاماني..والهقاوي..والطموح..


في رجاكي..وكِني اطرِد..في سراب..

ظامِي(ن)عطشان..مِير اطرد..شِفوح..


يامهبوله..تعرفيني..ماأهاب..

وش تبين..بقولتك..(جرب وروح)؟؟!!..


ماتقولينه.. ترا.. ما هو صواب ..

لاتحديني..ترا صبري شحوح..


عندك..العشره..مثل نفحة تراب..

الهبايب..بعثرتها..في سفوح..


دايم افتح..للوصل..عشرين باب..

وادمح الزلات..وفي حبي..ابوح..


تعرفيني..لو هو غيري ..كان تاب..

مِعمِي(ن)عيني..عن اغلاطك..سموح..

.

.

.

ما بقى فيني لـلـــومك والعتــاب..

يكفي..وربـك..ترا الفرقـــا تـلـــوح..

 

 

[دلوعه الطرف]

بنت علي
تــسـلــمين اخـتــي عــلـــى الــبــداع

والــي عــودتـيـنــا عــلــيــهـ الله لايــحــرمــنــا مــنــكـ


دمــتي لــنــا ودام قــلــمــكـ الــمــبــدع

 

 

[عزف]

اسعدني تواجدك في الصفحه
وشكرا للمرور
تحياتي

 

 

[دموعي بعيوني]

اقتباس المشاركة الأصلية كتبت بواسطة بنت علي في رجاكي..وكِني اطرِد..في سراب.. ظامِي(ن)عطشان..مِير اطرد..شِفوح..

ابيات جملية جدا ً بنت علي ذوق رفيع في اختيار القصائد
القصيدة حلوة بصراحه لكن تحمل اسرار كثيرة تحمل الغاز كثيرة
طبعا ً مراح يفهم القصيدة الا صاحبها واللي كاتبها فيها
طبعا ً حرف النون في الابيات اختصار اسمها اللي يقصدها
انا اكتب شعر تقريبا من ثالث متوسط والحين انا في اول جامعه يعني من خمس سنوات
وبعض الاحيان استعمل حرف اقصد في شي معينه عشان ما اكشف الاسم
وعندي اكثر من قصيدة كلها رموز كل بيت في لغز صعب فهمه
تحسين ما تفهمين شي منها
والشعر بصراحه حلو وجميل وما يحس بطعمه الا اللي يكتب شعر

تحياتي لج بنت علي

 

 

[القيصر2]

سلمت يداك

الله لا يحرمنا من ابداعك

تحياتي لك

 

 

[عزف]

اههه
لازم في كل قصيده تلقه
اسرار ورموز تخص الكاتب
وهذا يمنع تفسيره لانو يخص الكاتب طالع وانت مغمض اهههه شلون عاد دبر روحك
وشكرا لمرور الجميع
تحياتي