. [ ثوب البيت ] .

[الموج الهادئ]

السلام عليكم ورحمة الله وبركاته



نتطرق اليوم لموضوع شائع في مجتمعنا وبكثرة . هناك إمور تتقاضى عنها ولا نعيرها أي اهتمام
وهناك إمور نشمئز منها ومن صاحبها . من تلك الإمور التجول بلباس البيت في المجمعات والأماكن العامة
بل تصل إلى المساجد والمآتم

أقصد هنا بثوب البيت ( ثوب النوم ) بتعبيرنا الدارج .


لن اقيدكم هنا بطرح نقاط . فقط من أراد تسجيل كلمة فليتفضل



تحيه وتقدير /

 

 

[kaha]

عند لبش ثوب النوم في الاماكن العامه منظر غير حظاري وهذا غير محترم فكيف باحترام الاخرين .؟
في مثل ( اكل على ماتشتهي والبس على ماتشتهي الناس ) اعتقد في مكانه اعتقد التربيه على ماكان
الشخص عليه من كان صغير وبكذا تعود على لبس الثوب وفي نظره شي عادي .

الموج الهادئ / يعطيك العافيه اتمنى ان تشارك بمواضيع في القادم في واحه الاسره ننتظر جديدك بالتوفيق

 

 

[وتين الورد]

×
يقهرني الرجال اللي اشوفه داخل مكان عام وقاعد يتمشى بثوب النوم ..
هذا من اسمه ثوب نوم يعني للنوم وللبيت فقط ولا للبيت بعد اذا للبيت يسوي الثوب
نص كم حجازي [ مبروم ] هيك اشيك ..
حلاة الرجال لما يطلع يكون لابس ذاك الثوب والشماغ والعطر والحركات ..
لكنه يطلع كذا ....
×
اصلا حتى الحكومة لاعت جبدها من اللي يطلعون بهالشكل وقالت احسن شي نطلع قانون جديد هو ان الرجال ما يدخل الاماكن الحكومية الا بالزي الرسمي
مع انهم بالغوا في منعهم للبدلات بعد لكن احسن وخاصة مع انتشار طيحني ..
من اسمه هالبنطلون تحس انه غلط ..
×
الرجال كشخته مافيها تكلف مثل المراة مع ذلك يتكيسل انه يلبس الثوب ويطلع !!!
بالله عليك تحس ان واحد يمشي بثوب النوم في العثيم مظهر حضاري ؟
واحد يمشي بثوب النوم في مستشفى مع ولده تقول هو المريض مو ولده ..
لو كان طالع مستعجل جدا في مكان قريب بقالة مثلا وبيرجع اوكي ما نختلف معاه لكن في غير كذا ... نو نو مش مع الرجل اللي كذا..
×
واللي يقهر اكثر واكثر .. المرأه كيف ترضى تمشي معه في صفه وهو يفشله بهاللبس يا أختي صري انك ما تطلعين معه الا اذا غير لبسته ..
والمخزي اكثر كمااان يدخل اماكن مقدسه مثل [ الحرم المكي ‘ والحرم النبوي ] بهالمنظر والله عيب عيب ..
×
إن الله تعالى جميل يحب الجمال .. ويقول امامنا أمير المؤمنين

][ البس ما يشتهي الناس وكل ما تشتهي نفسك ][
×
المفروض مو بس في الطلعات الرجال يلتزم بالكشخة ..
لا والمشكله ان اكثر هالرجال يبون زوجاتهم يكشخون لهم في الطالعة والنازله.. وهم ما يكلفون على روحهم يلبسون ثياب تفتح النفس وترد الروح ..

مش ضروري يجلس في البيت بثوب وشماغ لكن مايقعد يقابلها بثوب النوم 24 ساعة .. ولا عاااد بفانيله وسروااال .. ولا عاد يخسسها بـ [ اوزااال ] هههههـ ..

×

الموج الهادئ ..
×
بصراحه بصراحه مدري وش اقووول في مدحك ..
اروع واطيب الكلمات كلها تنتحر لانها لا توفي حقك على هذا الطرح الخانق ..
×
شكراً لك بعدد حباااات الرمل على وجة الكره الارضيه ..

 

 

[أنثى مخملية]

ماتوقع ورود خلت شي من اللي في قلبي بقوله

نـــــــــــــــــــــفس الاحسااس

انا اكره ماعلي ثم اكره ماعلي اني اشوف رجال بثوب نوم طالع من بيته

طبعأ لااراديأأ احط اللوم على الحرمه اللي تمشي وراه

طيب يااست هانم ماتعرفيين تجهزين لبس لزوجك وقت التمشيه
؟؟؟
وتنبيهينه ان مايطلع فيه ؟؟

مو صعبه ترى بس بعض الحريم كله واحد عندها اهم شي تسحب عشر بزارين وراها وتطلع
والزين زين واللي حالته حاله اهم شي تطــــــــــلع هع


ووووياااختي ماايصيبني احباط الا لما اشوفه في مجمع


فيه نوع من الثياب اللي تكون انيقه وشكلها حلو
وبااماكانه اخذ راحته فيه في كل مكان
اما ثوب النوم اللي يجي مثلث لا تعلــــــــــــيق عليه


الموج الهادى

يعطيك العافيه

ولكــــــ الاعجاب مني على هذا الطرح

دمت

 

 

[سكون أنثى]

ما في شيء لو لبس وخشخ لأبسط شيْ وهو مقابلة رب العالمين عال الأقل والأماكن المقدسه
شكراً للأخت أنثى مخمليه وطئتِ على الوتر الحساس
لكِ ودي

 

 

[إحسآإس قآإتل]

اللهم صل وسلم على محمد وآل محمد

هههههههههههه
فيني ضحكه على أصناف هؤلاء مدري كيف عقليتهم أحسهم تصل إلى الغباء مع أحترامي
ماشاء الله على الاخوات ردهم وافي ومعبر عن حرقه أن هالتصرف خاطئ والاكثر رافض هذا المظهر
لانه مخجل ودليل على أن الانسان لا يحسن قيمة نفسه ومظهره أمام الاخرين
:
مشكلة الثقافه لدى البعض وطريقة الاهتمام الخارجي لـ مظهره وقيمة نفسه
" أن الله جميل يحب الجمال "
"ان الله يحب ان يرى اثر نعمته على عبده"
في ماكله ومشربه وملبسه ولسانه
وانواع الملابس كثيره ولها أصناف لكل جو أو ملبس مثل الملابس الداخليه
هل يحق لنا أن نظهر أمام الجميع هكذا وكننا عراه ممكن عند البحر نلبس سروال قصير ملون " الهاف " ويعني
:
ثوب النوم تطور وأصبح ثوب مفصل ملون كالثوب العادي البعض يعجز عن لبس الثوب الابيض ويفضل أن يفصل له ثوب ملون
بحيث ياخذ حريته ويكون ملبسه جميل ويفرق كثير عن ثوب النوم العادي على قولته أنثى "مثلث"
:
نحن رجال نكره أن نخرج من البيت الا بعد أن نرتب أنفسنا ونكشخ وأن كان ملابس رياضيه أو قميص وبنطلون
أو لبس رسمي الثوب والشماغ أو بدونه لان الناس سوف تراك فحسن الرؤيه إليك حتى لا تشمئز النفوس أتجاهك
:
وربي أنا أخجل أشوف شخص يلبس كذا بمكان عام أو بدائره حكوميه مع أنه القانون يمنع دخول السعودي الا بزي الرسمي
ماعدا المستشفيات والحالات الحرجه لدى مراكز الامن وبعض المراكز الخاصه تحاول تطبق هذا القانون
ولكن البعض لا يكترث بالشكل العام أن كان مهمل نفسه ولا يقدر ثمن شكله الخارجي أمام الاخرين
أقل شي أحترم الاخرين ونظرتهم إليك في بيتك أنت حر ولكن خارج البيت فأنت مقيد
:
البعض يطلع لك السوبر ماركت بسروال وفنيله داخليه أو هيك مكان عام ولا عباله شي مع أنه الملابس الداخليه تبرز تفاصيل الجسم
وين ستر العوره ولا سترها فقط هكذا ومشي حالك يعني أعوذ بالله
:
مثل ماقالوا الاخوات البعض متزوج والسبب يكون مشترك من الزوجه اذا زوجك مهمل ولا يقدر ثمن مظهره لماذا تخرجي معه
بل أفرضي أن يلبس أحسن الملابس وأن كان المشوار بسيط يلبس ملابس رياضيه ولا يطلع بملابس خاصه للبيت فقط
ليه أسعار الملابس هذه غاليه " قميص وسروال رياضي بعشره ريال ما أتوقع أنها غاليه على البعض
تعاسة البعض أصبحت مقرفه أمام المظهر العام .. أتمنى من البعض أن يصحى من هذا الكابوس
:
الموج يعطيك العافيه وعساك على القوه طرح جميل
تحيآإتي القلبيـه

 

 

[هذيان أنثى]

...لي عودَهْ}

 

 

[فراشه فوشيه]

فعلا موضوع يعصب مره

صحيح شكل الرجال بثوب النوم بره البيت غير حضاري جداً
ومثل ماقالت اخت ورود اللي يروحون الحرم والمساجد بهالثوب وش يحسون فيه
واذا راحو لدائره حكوميه كشخو بالثوب وضبطو انفسهم موالمفروض الحرم والمساجد اولى بهالكشخه

واللي جد فك مخي وجلست اطالع مبلمه مره شفت واحد
تخيلو شكله لابس ثوب نوم ملون وكاشخ بالغتره فك مخي وش موقع الغتره من الأعراب تغطيه مثلأ ولا تمويه
الله يهديهم بس

عزيزي الموج طرح غاية في الروعه
تحياتي

فراشه فوشيه

 

 

[♥ gѕη яσσн]

تحدثتم عن الثوب البيت .. بــ شكل غير حضاري ..

ولم تبحثوا عن السبب ..

لماذا يلبس الشاب ثوب البيت [ النوم ] ويخرج بهـ الى الشارع ؟؟

انا من وجهت نظري ..

انها من العادات البلد .. بــ ان يذهب ويرجع ويجلس وهو لابس الثوب البيت [ النوم ] ..
ولــ انهـ تغير الزمان اصبح غير حضاري .. فعلا في هذا الزمان غير حضاري لكنهـ الافضل لدى الشعب الحساوي ..

لا يعقل بــ ان يتركـ ثوب البيت [ النوم ] .. نحن نرى ملابس هذهـ الايام كيف تناسقها .. انها ملابس غير محتشمهـ ..
يعقل بــ ان ترى السروال مصرصوص .. ويتمشى بهـ في الاماكن العامهـ .. اننا نرى هذا الشخص بــ غير محترم ..

او تي شيرت قصيرهـ .. كــ انهـ ابنيهـ .. لقد اخلعنا .. ولبسنا ملابس النساء ..


من يوافقني الرأي ..

يسلموا على الطرح ..

بــ التوفيق ..

 

 

[الموج الهادئ]

اقتباس المشاركة الأصلية كتبت بواسطة kaha عند لبش ثوب النوم في الاماكن العامه منظر غير حظاري وهذا غير محترم فكيف باحترام الاخرين .؟ في مثل ( اكل على ماتشتهي والبس على ماتشتهي الناس ) اعتقد في مكانه اعتقد التربيه على ماكان الشخص عليه من كان صغير وبكذا تعود على لبس الثوب وفي نظره شي عادي . الموج الهادئ / يعطيك العافيه اتمنى ان تشارك بمواضيع في القادم في واحه الاسره ننتظر جديدك بالتوفيق

المثل في محله عزيزي كاها
وأمانةً احنا ننحرج من الضيف لما يجي بيتنا ونستقبله بهذا اللبس
فما بالك نطلع بهذا اللبس في أماكن عامة وترفيهية وغيرها ؟
هناك مفاهيم وإمور لابد أن نحترمها . من ضمن هالإمور والمفاهيم اللبس المناسب في المكان المناسب

شكراً لك عزيزي لمرورك ولتعليقك

 

 

[الموج الهادئ]

اقتباس المشاركة الأصلية كتبت بواسطة ورود ..~ يقهرني الرجال اللي اشوفه داخل مكان عام وقاعد يتمشى بثوب النوم .. هذا من اسمه ثوب نوم يعني للنوم وللبيت فقط ولا للبيت بعد اذا للبيت يسوي الثوب نص كم حجازي [ مبروم ] هيك اشيك .. حلاة الرجال لما يطلع يكون لابس ذاك الثوب والشماغ والعطر والحركات .. لكنه يطلع كذا .... ×

كلام جميل اختي ورود ولا غبار عليه
أحسنتِ

اقتباس المشاركة الأصلية كتبت بواسطة ورود ..~ اصلا حتى الحكومة لاعت جبدها من اللي يطلعون بهالشكل وقالت احسن شي نطلع قانون جديد هو ان الرجال ما يدخل الاماكن الحكومية الا بالزي الرسمي مع انهم بالغوا في منعهم للبدلات بعد لكن احسن وخاصة مع انتشار طيحني .. من اسمه هالبنطلون تحس انه غلط ..

سالفة طيحني هذي لحالها قضية
بس يفترض من القطاع الحكومي انه ما يتشدد في اللبس بزياده . كونه لبس محترم هذا المهم
ثوب بدون شماغ ممنوع . وبدلة رسميه للعمل ممنوع .
والوقت قصير ما يمديه الواحد يروح بيته ويرجع

اقتباس المشاركة الأصلية كتبت بواسطة ورود ..~ الرجال كشخته مافيها تكلف مثل المراة مع ذلك يتكيسل انه يلبس الثوب ويطلع !!! بالله عليك تحس ان واحد يمشي بثوب النوم في العثيم مظهر حضاري ؟ واحد يمشي بثوب النوم في مستشفى مع ولده تقول هو المريض مو ولده .. لو كان طالع مستعجل جدا في مكان قريب بقالة مثلا وبيرجع اوكي ما نختلف معاه لكن في غير كذا ... نو نو مش مع الرجل اللي كذا.. واللي يقهر اكثر واكثر .. المرأه كيف ترضى تمشي معه في صفه وهو يفشله بهاللبس يا أختي صري انك ما تطلعين معه الا اذا غير لبسته .. والمخزي اكثر كمااان يدخل اماكن مقدسه مثل [ الحرم المكي ‘ والحرم النبوي ] بهالمنظر والله عيب عيب .. × إن الله تعالى جميل يحب الجمال .. ويقول امامنا أمير المؤمنين ][ البس ما يشتهي الناس وكل ما تشتهي نفسك ][ × المفروض مو بس في الطلعات الرجال يلتزم بالكشخة .. لا والمشكله ان اكثر هالرجال يبون زوجاتهم يكشخون لهم في الطالعة والنازله.. وهم ما يكلفون على روحهم يلبسون ثياب تفتح النفس وترد الروح .. مش ضروري يجلس في البيت بثوب وشماغ لكن مايقعد يقابلها بثوب النوم 24 ساعة .. ولا عاااد بفانيله وسروااال .. ولا عاد يخسسها بـ [ اوزااال ] هههههـ ..

اختي ورود باين عليك محروق قلبك على هالظاهرة
اضم صوتي لصوتك . واتمنى هالعاده تخف على الاقل

اقتباس المشاركة الأصلية كتبت بواسطة ورود ..~ الموج الهادئ .. × بصراحه بصراحه مدري وش اقووول في مدحك .. اروع واطيب الكلمات كلها تنتحر لانها لا توفي حقك على هذا الطرح الخانق .. × شكراً لك بعدد حباااات الرمل على وجة الكره الارضيه ..

في خدمتكم سيدتي

 

 

[الموج الهادئ]

اقتباس المشاركة الأصلية كتبت بواسطة أنثى مخملية ماتوقع ورود خلت شي من اللي في قلبي بقوله نـــــــــــــــــــــفس الاحسااس انا اكره ماعلي ثم اكره ماعلي اني اشوف رجال بثوب نوم طالع من بيته طبعأ لااراديأأ احط اللوم على الحرمه اللي تمشي وراه طيب يااست هانم ماتعرفيين تجهزين لبس لزوجك وقت التمشيه ؟؟؟ وتنبيهينه ان مايطلع فيه ؟؟ مو صعبه ترى بس بعض الحريم كله واحد عندها اهم شي تسحب عشر بزارين وراها وتطلع والزين زين واللي حالته حاله اهم شي تطــــــــــلع هع ووووياااختي ماايصيبني احباط الا لما اشوفه في مجمع فيه نوع من الثياب اللي تكون انيقه وشكلها حلو وبااماكانه اخذ راحته فيه في كل مكان اما ثوب النوم اللي يجي مثلث لا تعلــــــــــــيق عليه الموج الهادى يعطيك العافيه ولكــــــ الاعجاب مني على هذا الطرح دمت

بالفعل المرأة لها دور في منع هذه الظاهرة
يفترض تمانع الخروج مع زوجها بهكذا لبس
مثل ما أحترم حالي باللسان يجب أن أحترم حالي في اللبس

شكراً لحضورك الراقي اختي انثى مخملية

 

 

[اشراقة الروح]

ثوب عن ثوب يختلف احيانا
يسمى ثوب بس شكله حلوه انا يطالع ابها والله ولي التوفيق

 

 

[الموج الهادئ]

اقتباس المشاركة الأصلية كتبت بواسطة أحلى بنوته ما في شيء لو لبس وخشخ لأبسط شيْ وهو مقابلة رب العالمين عال الأقل والأماكن المقدسه شكراً للأخت أنثى مخمليه وطئتِ على الوتر الحساس لكِ ودي

نعم كما تفضلتي اختي الكريمة
أقلها يحترم الأماكن المقدسة ويراعي حرمتها
للأسف أصبحنا لا نبالي بالقيم والأخلاق والذوق


شكراً لحضورك اختي الكريمة

 

 

[جناح الملائكة]

وعليكم السلام ورحمة الله وبركاته ،،،

إن هذه الظاهرة تدل على عدم التقيد بالعادات والتقاليد والقيم التي صارت تتماشى مع المجتمعات العربية ، وهنا نود أن نشير إلى دور التربية ، فـ متى ما تهاون الأبوان في مثل هذه المسائل منذ صغر سن الطفل تجده يعتاد على الأمر ولا يرى فيه ضير ، للأسف الشديد يبدو أن هؤلاء في نظر المجتمع عديمي الإحساس ولا يقيمون إلى أحد أو أي مكان أي قيمة أو تقدير ، وهذا مما يثير استفزاز الكثير من الناس ويجعلهم يشيرون إليهم بالبنان ، والأمر الأشد وقعاً ، عندما تجد شخص يذهب إلى الحرمين أو المساجد بهذه الثياب وكأن هذه الأماكن والشوارع سواء عنده ، بل على العكس عندما تجد ضيوفاً عنده في منزله يلبس أفخر الثياب للأبتعاد عن الحرج وإظهار الاحترام والتقدير للضيوف ...

ترى هل الضيوف أكثر أهمية من الحرمين والمساجد ؟

طرح موفق ، ودمتم سالمين .

 

 

[حامل المسك]

هذه العادة أكثر ما تزعجني وأنا اراها في المسجد النبوي الشريف لدى بعض الأخوة الذين حسبوا على مدرسة ال بيت المصطفى وفي بعض المساجد وترى العكس لدى غيرنا حتى ابنائهم يلبسون افضل اللباس للذهاب الى المساجد .

متى ندرك أن اللباس زينة نتقرب بها الى الله حتى في قبول الأخرين لنا وأن نجب عن أنفسنا الغيبة

طرح مميز له واقعه في حياتنا اليوميه

 

 

[ورده خجوله]

بسم الله الرحمن الرحيم
صج والله في ناس اي ملبس بتطلع ابه بره البيت واحيانا تكون رايحه السوق طبعا وتنفتح العبايه واهي مو مهتمه طيب انتي يالي تلبسين كذا حاسبي على نفسش شوي انتي بره البيت في مكان عام
بس صراحه هالايام ماحد يهتم(و الله يهدي الجميع ان شاء الله)
طرح رااااااائع جدا جدا مشكوره خيتو ع الطرح تقبلي مروري المتواضع:ورده خجوله..