الثري الجاهل والبنت العاقل ....?

[kaha]

أصيلـ بلاشموس

( الثري الجاهل والبنت العاقل )

بعض الجهله من الناس يعتقد انه بالمال يستطيع ان يمتلك كرامة الأخرين ومشاعرهم وهذا حوار دار بين رجل ثري زاده الثراء طيش وغرور وانحراف عن طريق العقل وبين فتاة انعم الله عليها بزينة العقل ورجاحة الرأي وقد حولت هذا الحوار الى مساجله شعريه ارجو ان يكون فيها شئ من الفائده

( الجاهل الثري )

يابنت انا في ماضي الوقـت لي شان = واليوم لي في حاضـر الوقـت شـانين

من اولن اركض ورى البنت حـفيان = واليــوم انـا معـشـوق كـل المــزاييـن

كل بنت تحتار بين طـرحه وفـسـتان = تحتار وش تلبس من احلى الفساتيـن

تــدور رضـاتـي اليـن الـلـقــا حـــان = تبـي تعـجــــبنـي بشــتـى الافــانيــــــن

عـندي فـلوس تغري الانس والجان = وقـصــور مــبـنـيـه بوسـط البسـاتيـــن

فيها الشبح واقف ولكزس مع الفان = وخـدام تقـبـل شــايـلات المـــواعـــيـن

هـذا يـقـــدم كـاس وهـاذاك فـنجــان = وانـا اتــدلــع مـثـل شـيخ السـلاطـــيـن

كل يـوم لي ديـره وكل يوم فـوطـان = بطـايـرتـي الخاصـه اطـوف الميــاديــن

كل بنت تبي مني ولو نظرة احسان = تطــيـر مـن الفـرحــه اذا قـلـت اهـلـيـن

لا تحسبيني لشوفـتك صـرت ولهان = انـا تمـنـــانـي عــــذارى محـــاســــيـن

(البنت صاحبت العقل )

تكفى تـقلع واحـك هـرجـك لـبزران = عـقــولهـــا صــغـار وتوهـم مـســاكــيـن

بنت الشـرف ماهمهـا المال لو كان = عـنـدك مـن الامـوال الـــوف المــلاييـن

الرجـل ماهو فلوس وموتر وخلقان = الرجـل مـن ترجـح بغعــله مــوازييـــن

الرجل في وقـت الشـدايد لهـا يبـان = ماهـوب سـربـوت يبـاري الشـيـاطــيـن

الخـيانه في دمـه لها اشكال والوان = مـع شـهـوتـه فـي كل ديـره وله شــان

كل يـوم سـكـرانن يخـابط البيبـان = مع شـلـتـه كـنهــم بـقــايـا مجـــانـييــــن

ليله سهر ونهاره تقـول وجـعــان = مخـــدتــه تخـمــر بكـــثـر الـلعـــــابيــــن

تسمع شخيره كنه شخير حيوان = ويرافـس برجـــلـيــه مـثـل الـبعـــاريـــــن

الحـرمـه تعـبانـه والطـفـل تعبان = في وسـط قـصــره عــايشـيـن مسـاجــيـن

عياله مع السواق كل يوم في جنان = والحـرمه في قـلبها طعـون السكاكـيـن

 

 

[ورده خجوله]

يشرفني اني اكون اول من يرد على الشعر الرائع
بجد روووعه
يسلموووووووو ع الطرح

 

 

[طيف العمر]

رد أكثر من راااائع فالدين

و رجاحة العقل تغلب أصحاب الملايين


يعطيك العافية .



تحياتي

طيوووفه

 

 

[ابن الشهيد]

اللهم صل على محمد وآل محمد وعجل فرجهم وألعن أعدائهم

الله يعطيك العافية

لكني اتمنى في المرات المقبلة ان تكتب اسم الشاعر او على الأقل ان القصيدة منقولة .

 

 

[kaha]

شكرا لمروركم نورتو ياغالين ..

 

 

[kaha]

اقتباس المشاركة الأصلية كتبت بواسطة ابن الشهيد اللهم صل على محمد وآل محمد وعجل فرجهم وألعن أعدائهم الله يعطيك العافية لكني اتمنى في المرات المقبلة ان تكتب اسم الشاعر او على الأقل ان القصيدة منقولة .

الله يعطيك العافيه على المرور والملاحظه وان شاء الله من عيوني تامر امر ...