ربحت 200ألف من شركة الإتصالات .....آخر عمليات النصب‎

[كفاني فخرآبأني موالي]

منقول للأهمية

حدث معي شخصياً

اتصل بي شخص من رقم غريب .....!!!

بدا بالتحية واخذ يعرف بنفسة

معك احمد غلام من شركة الاتصالات السعودية ( stc ) سوا

قلت: تفضل

فقال : لقد ربحت من شركة الاتصالات السعودية جائزة بمبلغ 200 الف ريال سعودي

اضافة الى 3 اشهر مكالمات داخلية وخارجية مجانية
قلت : طيب والمطلوب مني
قال : بعطيك رقم الشريحة الخاصة بجوالك عشان نتأكد انك انت الفائز بالجائزة ورقم الشريحة هو 899660 والمطلوب منك الان تقفل جوالك وتخرج الشريحة وتتأكد من رقم الشريحة واتصل فيني اذا كان مطابق لرقم 899660

قلت : طيب وبالفعل طفيت الجوال وطلعت الشريحة وشفت الرقم المسجل عليها وهو نفس الرقم الي عطاني 899660 وعلى طول ماصدقت خبر انا فايز بالجائزة 200 الف ام الفله ياشيخ وعلى طول رحت اتصلت علية وقلت له الان طلع رقم شريحتي نفس الرقم الي عطيتني

قال: مبروك الف مبروك ياشيخ انت في اي مدينة

قلت : من الرياض

قال : طيب احنا في الشرقية ونبي رقم حسابك ورقم بطاقة الاحوال عشان نحول لك الـ 200 الف ريال

قلت :وشلون شركة الاتصالات مالكم مكتب الا في الشرقية المفروض اني فايز بالجائزة معناها لابد يكون فية شيك بأسم الفائز مو تحويل بنكي ( هنا انا دخلني الشك واستغربت من طلبه رقم الحساب البنكي )

قال: لا مالنا مكتب الا في الشرقية وانا الحين لازم اسجل رقم حسابك البنكي و رقم بطاقة الاحوال المدنية ولا بتروح عليك الجائزة

قلت : قلت مافيه مشكله شوي واتصل فيك

المهم اني دقيت على واحد من العيال يشتغل في الاتصالات السعودية وسألته قال انتبه من هالنصابين وسألته بخصوص رقم الشريحه 899660 قال هذا الرقم موجود على كل شرائح الاتصالات السعودية مهوب على شريحتك بس وفعلا انا فتحت اكثر من شريحة وطلع نفس الرقم ( 899660 )

لذلك احذروا من هالنصابين

نقلته لكم لأخذ الحيطة والحذر

حسبي الله ونعم الوكيل

منقول من الأيمبل

 

 

[~ exc12]

لا حول ولاقوة الا بالله ..

الله يكفينا شرهم

 

 

[شُجون الأَحزان]

انا صارت لي شخصياً في الإجازة بعد العيد

لكن ما صدقته ، وقلت له شُكراً خلهم لك ما ابغاهم

قال لي متعجب ! ليه ، قلت له بس انا بهديك إياهام لأني عارف لعبته السخيفه

فسديت الخط بوجهه ، ولا عاد اتصل ...

 

 

[إحسآإس قآإتل]

ألف ألف مبرووك
لـ جميع الفائزين وعقبال الجوائز الذهبيه
ورحلات سياحيه إلى هاواي ولا تنسوني معاكم
على رغم هذه التلاعبات والتحذيرات الكثيره
الا اننا نجد ضحايا لانعلم كيف أنخدعوا
هل يعتبروا مغفلـين .. .. الله العالم

أنتبهوا على أنفسكم بكره تجي لجنه صحيه بكوادرها لـ الكشف على بيتك وأسرتك

ضحكني أحد المؤظفين بقطاع البحث الجنائي عندما ترفع شكوى ضد شخص
أو رقم متلاعب يطيل الرد المباشر بالامساك به
وعندما يريدوا شخصآ مآ يخرجونه على قولتهم لو كان في قاع الارض

النصب والاحتيال موجود منذو زمن وطرقه متعدده بل البعض يجيد اللعبه
مثل يقال " من كان له حيلة فليحتال "