بيض الوسايد لجل عينيك مبتلّه

[نبض الروح]

تعال يانور عيني يالغلا كلّه
ابيك تنهي بوصلك جملة احزاني

تعبت واتعب فؤادي حملٍ ايشلّه
حملٍ كبيرٍ تمايل منه اركاني

العمر يمضي وحالي منك في قلّه
اخاف باكر تجي معاد تلقاني

قلبي خليلك ولا له غيركم خلّه
شفقٍ عليكم لوصلك دوم ولهاني

محتاج ظلك وغيرك ما نبى ظلّه
وشلي بظلٍ يجي من واحدٍ ثاني

دل المعنى في حبك يالغضي دلّه
لاتتركه في دروب العشق حيراني

شبك الايادي متى وقته متى حلّه
قلي بربك متى تفرح بك اعياني

بيض الوسايد لجل عينيك مبتلّه
والنوم من بعدكم يازين ما جاني

ساهر وقلبي عليلٍ علته علّه
بين القلم والورق واحساسي الفاني

و ان كنت ناوي تعسر القلب وتلّه
روّح ترانى من الاوجاع شقياني

قلبٍ ترفّع عليناوالله ما انزل لّه
لو عشت عمري شريد الفكر وحداني

نامي ياعيني وسمي اليوم بسم الله
واتعوذي بالذكر من كل شيطاني

نامي ياعيني وخلي الهم والذلّه
بعز نفسي لو ان القلب شفقاني


تحيااتي نبض الروح

 

 

[وحيده كالقمر]

كلامات روووعه مثل صاحب الكلامات الله يعطيك العافيه

 

 

[نبض الروح]

تسلمين على مرورك العطر نورتي صفحتي

تحيااتي لك

 

 

[ابن الشهيد]

اللهم صل على محمد وآل محمد وعجل فرجهم وألعن أعدائهم

أتمنى من الأخوة مراعاة الأمانة العلمية في النقل

بان يذكروا أن القصيدة من كتاباتهم او من منقولاتهم ومن صاحب القصيدة