°₪°Ξ«ســــوالف شبــــاب الطـــرف ( فقـــط لاغـــير )»Ξ°₪°

[|[..استفانوس..]|]

الســـ°•.¸عليــ..ـــكم¸. •°ــلااااامــ



كيف الحال يافرسان إن شاء الله بخير وصحة وعافية ... تمام ..
مدامكم بصحة وعافية شوفو البنات أشلون كرما ً ..

راح أنحط لكم صفحة خاصة "" سوالف شباب منتدى الطرف فقط "" مثل صفحة البنات ..

يعني سوالف × سوالف = هذرة :D

ياشباب أخذو راحتكم في الكلام .. مثلا ً تكلمو عن التفحيط وعن مشاكل الشباب ..
أو تكلمو في الرياضة وآخر المباريات
وكل واحد منكم يشجع فريق مثلا ً النصر ولا الهلال وإذا فاز واحد من الفريق
تعالو هنا ناقشو عن المباره إذا كان الحكم غشاش ولا أي شئ اللي منقهرعلى الفريق ليه يفوز تعالو هنا فضفضو ..
أو عن المصارعه الحـُره وأخر التطورات
ووووو عاد تعرفون مايحتاج أقول عن سوالف الشباب ...


تشاورو على موضوع معين مثلا ً حلو مشاكل بعض ساعدو بعض
تعرفو على بعض أكثر ... ( وهاذي أهم نقطه للوصول للمطلوب )

يعني كل اللي خاطركم فيه حطوه في هاذي الصفحة ..

وخليكم فرسان المنتدى عدل مدل ..

- طبعآ هناك بعض النقاط عليكم مراعتها ..

1- عدم القص في البنات الا لضرورة القصوى(وهذا مهم جدآ) ..
2- عدم الزعل ..

3- عدم قول كلمات غير لائقة ..

أكيد راح تقلون أن البنت هاذي ملقوفة شدخلها في مواضيع الشباب :D ..

لا أنا مش ملقوفة ....

بس حطيت هذا الموضوع علشان ينفعكم مثل أحنا نفعنا وبعدين كسرتو خاطري ولا واحد منك حط هذا الموضوع لما شاف موضوع البنات..

عاد انا قلت خلني أكسب أجر فيكم وأحط هذا الموضوع .. :D

وطبعآ مراح ندخل موضوعكم أحترامآ لي خصوصياتكم واسراركم ..

يالله يافرسان تركنا لكم الجمل بما حمل .. رونا شطارتكم في السوالف ..





المشـــــرف // المميز .. عاااد أنت ألحين تحكم بالموضوع يعني تبغى تثبته و
لا تنقلها قسم آخر أنت ومزاجك ..




تحياتي لكم المـــديره عليكم أختكـــم: الروح الشفافة ..

 

 

[قلب طفلة]

صج ملقوفة !!!


حلوة منك هالبادرة الطيبة في حق الفرسان الافاضل


احيانا تكون سوالفهم حلوة وممتعة واحيانا يستلمونك تطنز وسخرية

الين تزهقي منهم وتتركيهم وهذا ما ينتظرونه..


وحنا رجعين من سوريا كان الوقت ممتع مع سوالف الشباب مافي حاجة ما تكلموا فيها مع

ان ريحة الدخان مضيقتنا لكن السوالف كانت مرة ممتعة

ننتظر بدأ في السوالف

يسلمو عزيزتي

 

 

[|[..استفانوس..]|]

اقتباس صج ملقوفة !!!

بدينا بالغلط .. هذا أولتها .. مدري كيف بتكون أخرتها ..:D ( أمزح معك )

اقتباس احيانا تكون سوالفهم حلوة وممتعة واحيانا يستلمونك تطنز وسخرية الين تزهقي منهم وتتركيهم وهذا ما ينتظرونه..

( طنز ... سخريه ) هذا اللي أنا ماأبغى يصير ..
السوالف تكون لاتتعدى الخطوط الحمراء ..

 

 

[الصاعقه]

السلام عليكم
والله صج انش فيش الخير والابركه

تسلمين على الموضوع وانشاء يتثبت

الصاعقه

 

 

[المميز]

أختــي :: الروح الشفافــه ::



دائمــاً شفافه في طــرحكـِ للمواضــيع و في مساعدة الغــير و في محبة الخــير للغــير


ما شاء الله عليكـِ أختــي



و تسلميــن على فتح الموضوع الذي من شأنــه الإرتقاء بالشباب فيما بينهم البــعض من التعارف و النقاش و السوالف


فأتمنى أن يلاقـي اهتمام من قبل الشباب الموجودين هنـا في منتديات الطــرف




و خلاص انتِ سلمتيني المهمــة يعني لا تدخليــن الموضــوع لأنــه فيه أســـرار


و انتِ بنفسك قايلـه إنكـِ ماراح تدخــلــين




أمــزح معاكـِ أختـي حياكـِ الله معانا كضيفة شــرف بناءً على أنكـِ المديـــرة




تحياتي
--------------
ا ل م م ي ز

 

 

[أسوار البقيع]

سلام الرحمة

مشاءالله على الكرم عند الشفافة .. تسلمين يعمري على الموضوع

أقول الشباب معجبهم لان فيه لمسة بنات ..

يالله سو خير وقطة بحر ..

أختكم أسوار البقيع(كيان)

 

 

[المميز]

اقتباس أقول الشباب معجبهم لان فيه لمسة بنات .. يالله سو خير وقطة بحر ..

أخـتـي :: أســوار البقيــع ::



بهذا الكــلام و كأنــكـِ تقولـــين أن الشبــاب لا يحبـــون البنـــات


و هذا كـــلام لا يقبلــه العــقل و المنــطق


فنحن نحب البنــات (( فالبنــات )) أمــنا و أختــنــا و زوجتنــا في المستقبل القريب إن شاء الله و من ثم ابنتنــا



فكيــف نكــره شيء فيـــه لمــسة بنــات


بل على العكــس ربمـــا




تحياتي لكــنّ جميعــاً



تحياتي
--------------
ا ل م م ي ز

 

 

[|[..استفانوس..]|]

السلام عليكم ,,

حضل خير إن شاء الله يا كينونه ..

خليهم على راحتهم متى ماشاركو شاركو ..



** المميز **

ثبت الموضوع لفتره وإذا كان مافي تفاعل فك التثبيت .
أبتدي أنت بطرح سؤال أو قضيه تختص فيكم أو أي شئ
يمكن يشاركون لما يشوفون أحد مشارك ..


ويعطيك العافيه ..


والسموحه على الأزعاج ..

 

 

[أسوار البقيع]

سلام

أخي المميز لم أقصد الغلط عليكم أبدآ

بل كانت حركة لكي يتشجعو الشباب ويدخلو فقط

ربما أخطائت في الوصف

لاكن حصل خير

ويالله همتكم يافرسان

كينون

 

 

[أول الغيث]

الله يغربل ابليسكم ، قلبتوا الموضوع خناق بين الرجال والحريم


يلا انا ببتدي بسالفه

أقول يالمميز أشوفها علقت بينك وبين إشراق والفتى الممتع

في المنتدى الرياضي ( موضوع عمر الغامدي )


ما أقول إلا الله يعينك بس

 

 

[المميز]

لا و الله عادي



أنا مقتنع حدي باللي أقــوله



و هم يناقضون كلامي لأنهم هــلالـــيين بــس



و إلا و الله أنــا أول مرة أشــوف واحد يقول لي أن عمر الغامدي يعرف يلعب



يعني كل ما ينطرى هاللاعب أشوف الناس تسب فيــه


ما أدري وش اللي عاجبهم فيـــه



ما ينفــع




وانت شرايك فيه يا :: أول الغــيث ::



و خذ راحتك في الرد (( هذا رأيك ))

تحياتي
------------
ا ل م م ي ز

 

 

[أول الغيث]

أنا الصراحة ما أتابع هاللاعب بشكل جيد

لكن مثل ما قلت ، ماينطرى هاللاعب إلاّ وتشوف الكل يسب فيه ويعق

 

 

[المميز]

اقتباس لكن مثل ما قلت ، ماينطرى هاللاعب إلاّ وتشوف الكل يسب فيه ويعق

لا إله إلا الله




خلهم يسمعـون و يجون يشوفون



الكل يسب فيه و يعق




تحياتي
------------
ا ل م م ي ز

 

 

[هجراوي]

سلام شباب....

بصراحه انا من الاشخاص اللي يكرهون الكوره ولا اواطنها ؟؟

عشان كذا تحصلني دائما هادي وغير متنرفز ولسى الشعر الابيض ماطلع
لسى الشعر لشقر موجود والعيون العسليه مازالت :D

 

 

[أول الغيث]

اقتباس بصراحه انا من الاشخاص اللي يكرهون الكوره ولا اواطنها ؟؟ عشان كذا تحصلني دائما هادي وغير متنرفز ولسى الشعر الابيض ماطلع لسى الشعر لشقر موجود والعيون العسليه مازالت

ايه ما يخالف لاتحب الكورة ، بس شان عطيتنا سالفة ثانية


على فكرة : ترى في راسي شعرة وحده بيضاء

وفي وجهي 4 شعرات بيضاء تقريباً:redface_old:


شنسوّي شيّبنا واحنا توّنا صغار ، حتى زواج ما تزوّجنا

 

 

[لحن الروح]

اقتباس شنسوّي شيّبنا واحنا توّنا صغار ، حتى زواج ما تزوّجنا

شباب يلا ^_^ خلنا نأخذ اخونا واندور له على بنت الحلال بنخطب له:D

اقتباس على فكرة : ترى في راسي شعرة وحده بيضاء وفي وجهي 4 شعرات بيضاء تقريباً

ها لا ننسى انه نصبغ الشعرات البـيضه اللي طلعت له اهه :D

 

 

[المميز]

فعلاً


أخــي :: روح الوحــي ::



خلاص الأخ :: أول الغيـــث ::





يحتــاج لزواج




خلاص أنـــا بدور لــه بنت الحــلال


و بتبرع لــه نص المكافئــة >>>>>>>> هههههه يعني 495 ريال




يللا الله يزوجنــا جميعاً




ترى الرجــل يحتاج كثيراً للزواج


خــاصــة في زماننا هــذا مع كــثرة المغريـــات



تحياتي
------------
ا ل م م ي ز

 

 

[أول الغيث]

اقتباس شباب يلا ^_^ خلنا نأخذ اخونا واندور له على بنت الحلال بنخطب له

يلاّ على يدك ياروح الوحي ، عجّل علينا بس !

اقتباس ها لا ننسى انه نصبغ الشعرات البـيضه اللي طلعت له اهه

لا خلهم كذا على حالهم ، يقولون هالأيام البنات متوّلعين في الشعر الأبيض

اقتباس خلاص أنـــا بدور لــه بنت الحــلال

مشكور وما قصرت ، بس لا تنسى روح الوحي ترى حتى هو يبيله وحده

اقتباس و بتبرع لــه نص المكافئــة >>>>>>>> هههههه يعني 495 ريال

لا أخوي لا تخسّر روحك على شاني ، خشّها لليوم الأسود


على طاري المكافئات ، الله يغربلهم للحين شهرين ما عطونا مكافأة

 

 

[المميز]

ليش انت في أي جامعــة أخوي // أول الغــيث //



الله يعينكم


احنا الحمد لله

في البترول كل شهر بشهــره ما يتأخــرون و لا يـــو م



خلاص يوم (( 25 ))


المكافئة في الحســاب



إذا محتاج فلوس و إلا حاجــة ترى حاضريـــن للطيبيـــن



تحياتي
-------------
ا ل م م ي ز

 

 

[هجراوي]

في عندي لك وحده تطير العقل من مكانه
صحيح عمره كبير اشويه تغريبا 65 ولاكن هي تقول عمرها 30

ماعلينا ؟؟؟

تقبل فيها واذا عايز ارسلك صورتها

على فكره تصليح الشوارع انتهى ولا لسى عشان انزل ورح السوق