هل زوجك يحبّك والا مايواطنك

هجراوي · 03-10-2005, 07:05 PM

مما لاشكّ فيه أن هنالك عدد كبير من المتزوجات يتمنين أن يعرفن موقعهنّ في قلوب أزواجهنّ

والبعض منهن " ماجابن خبره " ولأن الفئة الاولى هي الكُبرى

ــ أجيبي لتعرفي ــ

هل زوجك يحبّك والا مايواطنك !!ــ

ــ توطئة ــ

هذا استبيان أو اختبار بسيط وهو عبارة عن مجموعة أسئلة وعدة اجابات .. تستطيع الزوجة أن تعرف من خلال الاجابة عليها أين موقعها من قلب زوجها و هل هو يقدِّرها والا وده يدقّ خشتها ..

بسم الله نبدأ

س1 إذ بغى زوجك يناديك :

أـ يناديك باسم دلع مثل : ( ياحياتي ـ ياعمري ـ ياعيني ) ـ
ب - يناديك باسمك : ( ياسارة ، ياريم ، ياميّ )ـ
جـ يناديك بكنيتك : ( يا أم محمد ، يا أم عبدالله، يا أم خالد )ـ
د ـ يناديك باحدى العبارات الرومانسيه التاليه : ( يامرة ـ ياهيش ـ هو هنا احد ) ـ

س2 وش تلاحظين انه :

أـ معسكر في البيت 24 ساعة واذا راح للعمل يغثـتس بالاتصالات
ب ـ يقضي أغلب وقته في البيت
جـ دايم يختخت للإستراحه ولربعة
د ـ ماتشوفين خشّته الا أوقات الوجبات ولا يجي للبيت الا قبل الفجر بنصف ساعه ـ

س3 اذا صرتي جالسه معه :

أ ـ يسولف عليك دايم ويتميلح ويحاول يستخفّ دمّه عندك ؟
ب ـ يسولف عليك سواليف عاديه .
جـ يسولف عليك الا قلتي له سولف .
د ـ مهوب يسولف أبد والا قلتي له سولف تنذخ و قال وش تبيني أقول ويلقط الجريده ويسد بها وجهه على باله انها يقراها .

س 4 لو تسوين له طبخة ولا تصير مضبوطه .. أما جت محترقه والا خانسه والا مالحة وجيتي تعتذرين له وش يقول : ـ

أ ـ يقول : أي طبخة منك زينه حتى لو تطبخين ضاطور ويجي خانس كلت يديني وراه ـ
ب ـ يقول : اللي يجي منك زين
جـ ـ يقول : افطني لطبخش واضبطي شغلك
د ـ يقول : بلاش الرفالة الواجدة ولاتم تعودين لها يارفيله ـ

س5 الا قلتي له ودّني للسوق وش يقول :ـ

أـ أبشري ولو تبين جبت لك السوق هنا ولا خليتك تتعّبين روحك وتروحين له ـ
ب ـ إن شاء الله .
جـ كانك ملزومة وديتك هالحين والا خليه عقب .
د ـ معصي .. وماتلاحظين انك ذبحتينا بالسوق الا ماودك تطقين لك خيمةٍ فيه أزين ـ

س 6 ـ الا قلتي له عطني 1000 ريال ابفصّل ثوب لزواج اختي وش يقول :ـ

أـ مغير 1000 غالية والطلب رخيص .
ب ـ خذي ولو ان الألف واجده .
جـ ماتيزيش خمس ميه .
د ـ وشي ألفه ؟ لو تفصلين لك فستانٍ بمية الف منتيب زاينه خذي ميتين بس ودوري لش أيّة خلـَق ورجّعي الباقي ـ

س7 ـ الا قعدتي تموّلين وانتي تقطعين السلطة وش يسوي رجلك :ـ

أـ يجي يقطع السلطة بدالك ويقول لك : غني لي شويه شويه .. والسلطة خليهاعليّّه ـ
ب ـ يقول لك ارفعي صوتك وأطربينا
جـ يقول اقصري حسّك شويّ ياظلال أم كلثوم .
د ـ يقول لك ورى العنز صجتنا ماحطيتي لها شعير اليوم ـ

س 8 اذا صار زوجك عندك في البيت وش تحسين انه :

أـ يكشخ ويتمكمك ويتطيّب ويتسكسك وكل شويٍ يتنظّر كنه يبي يروح لعرس
ب ـ يكشخ على خفيف
جـ ـ مرٍ يكشخ ومرٍ يطنش
د ـ يطق صروال السنة .. 24 ساعة.. والا خربها وكشخ لبس قميص النوم المقـلــّم ـ

س 9 الا قلتي له أبروح أزور أهلي يومين بس .. وش يقول لك :ـ

أ- يومين كاملات !! مايكفي يوم والله يصبرني على فراقك
ب ـ أبشري بس يومين مافيه أكثر
جـ ـ مايخالف وان بغيتي تجلسين أكثر ماعندي مانع
د ـ مغير يومين ؟ ماتسوى العنوة ماودك تقعدين عندهم شهر ترى ذولا أهلك ولهم حقٍ عليك وان قعدتي شهرين بعد مهيب شينه ـ

ياكثر اللي بينفضحون في ذي ـ

س 10 الا قلتي له تحبني وش يقول :

أـ " منيب أحبّك أنا والله من حبّك .. أحبّ حتى ثرى الارض اللي تاطاها " ـ
ب ـ أجل ما احبك
جـ يعني مرّ ومرّ
د ـ ياشين العجز الا جن على بالهن رومانسيات أقول خلي حركات المراهقه عنش و هذا اللي جنيتيه من المسلسات المصرية .. قومي كبي الجريش بس تراه داقّني الجوع ـ

س 11 وش تلاحظين انه :

أ ـ يجيب لك هدايا دايم ويكتب فيها أبيات شعر خاثرة ـ
ب ـ يجيب لك هدايا أحياناً
جـ يجيب لك هدايا الا جاء من السفر ولا هوب قبل بعد .
د ـ ماعمره دخل الا وهو مدودل ٍ يديه ولاعمرك شفتي منه شي عقب الشبكة ـ

س12 إذا كشتّي انتِ واياه في البر وقلتي له وش رايك نمرح فيذا الليلة وش يقول

أ- تامرين أمر .. ودامك معي لو تبين نمرح في عشّة غنم ماخالفت

ب - والله ان ماودي مرة بس كانك صاملة مايخالف

جـ - ودي نمرح فيذا الليله بس إني أخاف تغثنا القواريص

د - وش اللي نمرح ، تبين عشان تقرصك عقرب والا دابّ وأبلش بك يالله بس مشينا ماعاد الا خير

وهالحين ناظري النتيجة :

اذا صارت أكثر اجاباتك بحرف الألف : ـ

فترى زوجك ضايعٍ في خرايطك ودايخٍ معك ورايحٍ معك خرخر ولو شبيتي له ضوّ وقلتي طبّ فيها قال آمري بس تبيني أطب .. و أنصحك انك تحافظين عليه وتحاولين انك تشوفين وش الأشياء اللي محببته فيك وتستمرين على فعلها .. عشان تستمر هالخقّه

واذا صارت أكثر اجاباتك بحرف الباء :ـ

فاعرفي ان زوجك يحبك مرة بس هالحب من المحتمل انه يقل لو ضيقتي صدرة ببعض الاشياء فانتبهي له . ـ

واذا صارت أكثر الاجابات بحرف الجيم :

فاعرفي ان زوجك مهوب يحبك مرة ودوّري الاسباب اللي خلته مايحبك وحاولي تعالجينها .. والا تدرين عطيه أشكل بس أريح لك ( الله من زين النصيحة ) .ـ

أما اذا صارت أكثر الاجابات بحرف الدال :ـ

فإعرفي ان رجلش لا يواطنش في عيشة الله .. و أيّسي انه يبي يحبك لو تحطين له الشمس ساعة في يده ، وتنظمين النجوم ( صنقل ) لها .. وتحلبين له خنفسان وتخرفين له تمر برحي ، مهوب حابك .. هذا شاطبٍ عليك شطبٍ مافيه ملح ..

ــ همسة للأزواج ــ

إن بغيتَ سو الاختبار على زوجتك وان جابت " أ " مدّحني عندها وقل اني دكتور في علم الاجتماع وخبير في شؤون الأسرة ( عشان تصدّق النتيجة ) ، وإن جابت " د " اغسل شراعي وقل لايهمك تراه فاضي وماعنده ماعند جدّتي .

والله يحللك ويبيحك على الحش ـ

بس عاد لا تحش فيني مرة .. حش شويّ

ولنا وقفة ـ إن شاء الله ـ مع الرجال المتزوجين وكيف يعرفون هل حريمهم يحبونهم والا لا

ملاحظة : خذو وخلو تراي نكبه بعض المرّات

الغريب · 03-10-2005, 07:20 PM

تختلف المعاملة من زوجة إلى أخرى ومن زوج إلى آخر

فكل زوج / أو زوجة تعامل زوجها بطريقة معينة

وبأسلوب اعتاد عليه الزوجين

في انتظار الأخوات للإجابة

وفق الله الجميع

ريحانة الإيمان · 06-10-2005, 01:46 AM

السلام عليكم

أولاً من أين لك هذا الأـختبار؟؟!!

يقولون بالمصري " كلاً ينام على الجنب اللي يريحوا " ..لكل زوج طريقته في التعبير عن حبه..
ولكل زوج طريقة في الحب تختلف عن غيره..
ولكل حب معنى مختلف عند كل محب وعاشق..
فهل هناك حب زوجي صحيح..وآخر خاطئ..!

تحياتي لك
ريحانة الإيمان

رونق الماس · 10-10-2005, 06:06 AM

<******>drawGradient()

غريب الدار · 10-10-2005, 11:48 PM

اتفق مع الاستاذ الغريب والاخت الفاضلة ريحانة الايمان وام عدولي ...
نعم فا لكل زوج طريقة في الحب تختلف عن غيره ..
.وبأسلوب اعتاد عليه الزوجين
تحياتي للهجراوي على هذا النقل المميز..

هجراوي · 11-10-2005, 04:05 AM

هل تمت الاختبارات وظهرت النتيجه ؟؟؟؟

هجراوي · 02-04-2006, 02:35 AM

للحين لم تظهر النتيجه اشدعوه

03-10-2005, 07:05 PM	رقم المشاركة : 1
هجراوي طرفاوي بدأ نشاطه	هل زوجك يحبّك والا مايواطنك مما لاشكّ فيه أن هنالك عدد كبير من المتزوجات يتمنين أن يعرفن موقعهنّ في قلوب أزواجهنّ والبعض منهن " ماجابن خبره " ولأن الفئة الاولى هي الكُبرى ــ أجيبي لتعرفي ــ هل زوجك يحبّك والا مايواطنك !!ــ ــ توطئة ــ هذا استبيان أو اختبار بسيط وهو عبارة عن مجموعة أسئلة وعدة اجابات .. تستطيع الزوجة أن تعرف من خلال الاجابة عليها أين موقعها من قلب زوجها و هل هو يقدِّرها والا وده يدقّ خشتها .. بسم الله نبدأ س1 إذ بغى زوجك يناديك : أـ يناديك باسم دلع مثل : ( ياحياتي ـ ياعمري ـ ياعيني ) ـ ب - يناديك باسمك : ( ياسارة ، ياريم ، ياميّ )ـ جـ يناديك بكنيتك : ( يا أم محمد ، يا أم عبدالله، يا أم خالد )ـ د ـ يناديك باحدى العبارات الرومانسيه التاليه : ( يامرة ـ ياهيش ـ هو هنا احد ) ـ س2 وش تلاحظين انه : أـ معسكر في البيت 24 ساعة واذا راح للعمل يغثـتس بالاتصالات ب ـ يقضي أغلب وقته في البيت جـ دايم يختخت للإستراحه ولربعة د ـ ماتشوفين خشّته الا أوقات الوجبات ولا يجي للبيت الا قبل الفجر بنصف ساعه ـ س3 اذا صرتي جالسه معه : أ ـ يسولف عليك دايم ويتميلح ويحاول يستخفّ دمّه عندك ؟ ب ـ يسولف عليك سواليف عاديه . جـ يسولف عليك الا قلتي له سولف . د ـ مهوب يسولف أبد والا قلتي له سولف تنذخ و قال وش تبيني أقول ويلقط الجريده ويسد بها وجهه على باله انها يقراها . س 4 لو تسوين له طبخة ولا تصير مضبوطه .. أما جت محترقه والا خانسه والا مالحة وجيتي تعتذرين له وش يقول : ـ أ ـ يقول : أي طبخة منك زينه حتى لو تطبخين ضاطور ويجي خانس كلت يديني وراه ـ ب ـ يقول : اللي يجي منك زين جـ ـ يقول : افطني لطبخش واضبطي شغلك د ـ يقول : بلاش الرفالة الواجدة ولاتم تعودين لها يارفيله ـ س5 الا قلتي له ودّني للسوق وش يقول :ـ أـ أبشري ولو تبين جبت لك السوق هنا ولا خليتك تتعّبين روحك وتروحين له ـ ب ـ إن شاء الله . جـ كانك ملزومة وديتك هالحين والا خليه عقب . د ـ معصي .. وماتلاحظين انك ذبحتينا بالسوق الا ماودك تطقين لك خيمةٍ فيه أزين ـ س 6 ـ الا قلتي له عطني 1000 ريال ابفصّل ثوب لزواج اختي وش يقول :ـ أـ مغير 1000 غالية والطلب رخيص . ب ـ خذي ولو ان الألف واجده . جـ ماتيزيش خمس ميه . د ـ وشي ألفه ؟ لو تفصلين لك فستانٍ بمية الف منتيب زاينه خذي ميتين بس ودوري لش أيّة خلـَق ورجّعي الباقي ـ س7 ـ الا قعدتي تموّلين وانتي تقطعين السلطة وش يسوي رجلك :ـ أـ يجي يقطع السلطة بدالك ويقول لك : غني لي شويه شويه .. والسلطة خليهاعليّّه ـ ب ـ يقول لك ارفعي صوتك وأطربينا جـ يقول اقصري حسّك شويّ ياظلال أم كلثوم . د ـ يقول لك ورى العنز صجتنا ماحطيتي لها شعير اليوم ـ س 8 اذا صار زوجك عندك في البيت وش تحسين انه : أـ يكشخ ويتمكمك ويتطيّب ويتسكسك وكل شويٍ يتنظّر كنه يبي يروح لعرس ب ـ يكشخ على خفيف جـ ـ مرٍ يكشخ ومرٍ يطنش د ـ يطق صروال السنة .. 24 ساعة.. والا خربها وكشخ لبس قميص النوم المقـلــّم ـ س 9 الا قلتي له أبروح أزور أهلي يومين بس .. وش يقول لك :ـ أ- يومين كاملات !! مايكفي يوم والله يصبرني على فراقك ب ـ أبشري بس يومين مافيه أكثر جـ ـ مايخالف وان بغيتي تجلسين أكثر ماعندي مانع د ـ مغير يومين ؟ ماتسوى العنوة ماودك تقعدين عندهم شهر ترى ذولا أهلك ولهم حقٍ عليك وان قعدتي شهرين بعد مهيب شينه ـ ياكثر اللي بينفضحون في ذي ـ س 10 الا قلتي له تحبني وش يقول : أـ " منيب أحبّك أنا والله من حبّك .. أحبّ حتى ثرى الارض اللي تاطاها " ـ ب ـ أجل ما احبك جـ يعني مرّ ومرّ د ـ ياشين العجز الا جن على بالهن رومانسيات أقول خلي حركات المراهقه عنش و هذا اللي جنيتيه من المسلسات المصرية .. قومي كبي الجريش بس تراه داقّني الجوع ـ س 11 وش تلاحظين انه : أ ـ يجيب لك هدايا دايم ويكتب فيها أبيات شعر خاثرة ـ ب ـ يجيب لك هدايا أحياناً جـ يجيب لك هدايا الا جاء من السفر ولا هوب قبل بعد . د ـ ماعمره دخل الا وهو مدودل ٍ يديه ولاعمرك شفتي منه شي عقب الشبكة ـ س12 إذا كشتّي انتِ واياه في البر وقلتي له وش رايك نمرح فيذا الليلة وش يقول أ- تامرين أمر .. ودامك معي لو تبين نمرح في عشّة غنم ماخالفت ب - والله ان ماودي مرة بس كانك صاملة مايخالف جـ - ودي نمرح فيذا الليله بس إني أخاف تغثنا القواريص د - وش اللي نمرح ، تبين عشان تقرصك عقرب والا دابّ وأبلش بك يالله بس مشينا ماعاد الا خير وهالحين ناظري النتيجة : اذا صارت أكثر اجاباتك بحرف الألف : ـ فترى زوجك ضايعٍ في خرايطك ودايخٍ معك ورايحٍ معك خرخر ولو شبيتي له ضوّ وقلتي طبّ فيها قال آمري بس تبيني أطب .. و أنصحك انك تحافظين عليه وتحاولين انك تشوفين وش الأشياء اللي محببته فيك وتستمرين على فعلها .. عشان تستمر هالخقّه واذا صارت أكثر اجاباتك بحرف الباء :ـ فاعرفي ان زوجك يحبك مرة بس هالحب من المحتمل انه يقل لو ضيقتي صدرة ببعض الاشياء فانتبهي له . ـ واذا صارت أكثر الاجابات بحرف الجيم : فاعرفي ان زوجك مهوب يحبك مرة ودوّري الاسباب اللي خلته مايحبك وحاولي تعالجينها .. والا تدرين عطيه أشكل بس أريح لك ( الله من زين النصيحة ) .ـ أما اذا صارت أكثر الاجابات بحرف الدال :ـ فإعرفي ان رجلش لا يواطنش في عيشة الله .. و أيّسي انه يبي يحبك لو تحطين له الشمس ساعة في يده ، وتنظمين النجوم ( صنقل ) لها .. وتحلبين له خنفسان وتخرفين له تمر برحي ، مهوب حابك .. هذا شاطبٍ عليك شطبٍ مافيه ملح .. ــ همسة للأزواج ــ إن بغيتَ سو الاختبار على زوجتك وان جابت " أ " مدّحني عندها وقل اني دكتور في علم الاجتماع وخبير في شؤون الأسرة ( عشان تصدّق النتيجة ) ، وإن جابت " د " اغسل شراعي وقل لايهمك تراه فاضي وماعنده ماعند جدّتي . والله يحللك ويبيحك على الحش ـ بس عاد لا تحش فيني مرة .. حش شويّ ولنا وقفة ـ إن شاء الله ـ مع الرجال المتزوجين وكيف يعرفون هل حريمهم يحبونهم والا لا ملاحظة : خذو وخلو تراي نكبه بعض المرّات توقيع هجراوي :

06-10-2005, 01:46 AM	رقم المشاركة : 3
ريحانة الإيمان مشرفة سابقة	السلام عليكم أولاً من أين لك هذا الأـختبار؟؟!! يقولون بالمصري " كلاً ينام على الجنب اللي يريحوا " ..لكل زوج طريقته في التعبير عن حبه.. ولكل زوج طريقة في الحب تختلف عن غيره.. ولكل حب معنى مختلف عند كل محب وعاشق.. فهل هناك حب زوجي صحيح..وآخر خاطئ..! تحياتي لك ريحانة الإيمان توقيع ريحانة الإيمان : السنة عبارة عن 365 يوم وربع اليوم في كل يوم 24 ساعة وفي كل ساعة 60 دقيقة وفي كل دقيقة 60 ثانية ..ولكن ما أن تنتهي هذه الثلاثمائة وخمسة وستون يوم وربع اليوم ..لا يزداد عمر الإنسان سوى رقم واحد ..فهل هذا عادل؟؟؟ الإنسان لا يقاس بعدد الأرقام التي يحويها عمره بل يقاس بلحظات حياته التي عاشها تلك اللحظات التي فكر فيها..التي تعلم فيها.التي شعر فيها بالآخرين.. ربما تكون لدى شخص لحظة واحدة في كل ثلاثمائة وخمسة وستون يوم وربما لا تكون لدى شخص أي لحظة.. لكنها قد تكون أكثر من 365 لحظة وربع اللحظة.

10-10-2005, 06:06 AM	رقم المشاركة : 4
رونق الماس مشرفة سابقة	من المهم أن نحب ومن المهم جدا أن نُخبر من نحب بهذا الحب والاهم من ذلك إظهار هذا الحب أو بالأصح إثباته. فكيف تُثبت لمن تحب انك تحبه؟؟ بالنسبة لي اعتقد ان التعبير عن المشاعر ليس بالكلام لا بل هو بالفعل والتصرفات التي من الطرف الاخر ويعتمد ايضا على الكثير من الفهم 00 تسلم هجراوي00 <****>drawGradient() توقيع رونق الماس** :

10-10-2005, 11:48 PM	رقم المشاركة : 5
غريب الدار مشرف سابق	اتفق مع الاستاذ الغريب والاخت الفاضلة ريحانة الايمان وام عدولي ... نعم فا لكل زوج طريقة في الحب تختلف عن غيره .. .وبأسلوب اعتاد عليه الزوجين تحياتي للهجراوي على هذا النقل المميز.. توقيع غريب الدار :

11-10-2005, 04:05 AM	رقم المشاركة : 6
هجراوي طرفاوي بدأ نشاطه	هل تمت الاختبارات وظهرت النتيجه ؟؟؟؟ توقيع هجراوي :

02-04-2006, 02:35 AM	رقم المشاركة : 7
هجراوي طرفاوي بدأ نشاطه	مشاركة: هل زوجك يحبّك والا مايواطنك للحين لم تظهر النتيجه اشدعوه توقيع هجراوي :

الذين يشاهدون محتوى الموضوع الآن : 1 ( الأعضاء 0 والزوار 1)