تسلي بالجروح

[الشماليه]

اتسلى بالجروح اللي تزيد لعذرك الواهي

ترى عيني مقرك لا حشـــا ما تنزعج ارواحي

غلا لكن تا مرك روحي وانتي ذرة الناهي

تسلي واكتبي هم يهرب من سنا جروحي

الا يا راس مالي ويا عذابي ويا سبب جاهي

سبب ضيق يبي يكبر معي ما يستره نوحي

تخيلت الغلا طفل بقى في مهجتك لاهي

تخيلته قبل نوره على صوتي يبيني ابوحي

تخيلت الوعد ثوب الليالي ولونها الزاهي

ولكن ها الهموم اللي تلاطم بي على ماهي

تسافر بي على ديار العذاب اللي زرع شوحي

تباهي واعذرك على ويش انت تباهي

على رغبة مداها ما تعدى غايه طموحي

تباهي واعذرك دامك قدرتي تخطفي شفاهي

من الصوت السعيد اللي سكن في داخلي فروحي

تسلي با لجروح اللي تزيد بعذرك الواهي

تسلي والعبي هم يبي يهرب من جروحي





وسلامتكم

 

 

[الغريب]

الشمالية ..

تنظيم رائع وموزون ..
وإذا كانت من تأليفك نرجو كتابة الاسم اسفل المشاركة ..
وإذا لم تكن فكتابة اسم صاحبها ..



تحياتي ،،

 

 

[المنادي]

أشكرك أخت الشماليه على الأبيات الرائعه
موفقة إن شاء الله
تحيــ المنادي ــاتي

 

 

[الشماليه]

شكرا اخوي الغريب وهذه الابيات ليست من تأليفي وانما من شاعر معروف

عندنا اسمه منتصر وبصراحه سمعني اياها وعجبتني وحبيت اقدمها لكم اتمنى تحوز على رضاكم.....

وشكراالمنادي على الرد واحب اقولك اني اخ ولست اخت والملقب بالوليف
تحياتي وشكرا .......

الــوليـــــف.....