وش يضر (( البُرتقاله )) والرجاجيل ,, القشور
مابقى رجال فينا .. ماسمع باالبُرتقاله
بس مافينا ولا رجال ناظرها .. غيور
والدليل : (( أبو البنيّه )) من يجي فينا .. بداله..؟؟
ليه (( يابنت العراق , الماجده )) هذا السفور ..؟؟
هل كذا (( حُرية الشعب العراقي )) وإحتلاله..؟؟
من سلب منك الإراده \ واغتصب فيك الشعور..؟؟
الحيا .. فينا (( من الله )) وش أدوات إغتياله..؟؟
هل صحيح إنك (( بعشره )) ياصبيه .. للبزور..؟؟
هكذا قرأت في (( إحدى الصحف )) تِلك المقاله..!!
أطربينا ياحزينه .. وإبعثي فينا .. السرور
ارقصي لأحزان شعبك ,, واطربينا للثماله
ياجميله .. وش أشاهد فيك أثناء الظهور..؟؟
وجهك الطاهر \ تشوّه من (( تخاذلنا )) جماله
هزي الإيمان فينا ,, ياموْلِية الدبور
واقع الأمه مرير (( وصمتنا المُطبق )) دلاله
مافهمنا عاقبة (( إن حُصّل مافي الصُدور ))
كيف نفهمها (( يارقاصه )) وأنا .. وياك .. داله..!!
المصيبه (( شايب الرحمن )) لاشافك .. يخور
من طلعتي \ قام يطرد , عن (( تلفزونه .. عياله ))..!!
واجد اللي قالوا : إركد .. قلت : لاوالله .. بأثور
دامني (( مؤمن )) فأنا \ ميقن بأن عندي \ رساله..!!
من يعيش اليوم ,, باكر يصبح من أهل القبور
والا انا .. كل يوم (( موتي )) أنتظر .. حطة رحاله..!!
جيت أنادي (( للفضيله )) ياعرب .. بين السطور
والفضيله مستحيل تكون (( بدعه أو ضلاله ))
إنزلوا (( لاهل الشوارع )) يامقيمين القصور
إحتقار (( الفكرالآخر )) يُعتبر حُمق ,, وجهاله..!!
شرقنا الأوسط .. تزامت (( من معاصيه )) البحور
إفطنوا (( للشرق الأوسط )) قبل يأذن ,, بإنحلاله..!!
التّفُحش \ زاد فينا .. وإنتشر فينا .. الفجور
الوعي \ أصبح جريمه ,, ونضرة الواقع \ خماله..!!
قمت أشوف (( بنِيوات الدين )) يربطن الخصور
والشباب (( موظفين )) اليوم في بند \ البطاله..!؟
بعض (( تجار العروبه )) للقيم .. علة انحور
البلاد الينزلوها .. بدلوا (( هَلها )) عماله..!!
مايصير إن (( الفقارى )) مايلاقون .. الفطور
والغني \ مُسرف على (( معزوفة المنكر )) ارياله..!!
في مثل هاالشعر هذا .. ودك الواحد \\ حضور
والله يخلي لنا : شعّار يالاله .. يالاله ....
ومن يبي ياطا .. على (( الجُره )) حلاله .. لايدور
كاني أزعلته بكلمه \\ هذا انا .. كلي حلاله ...
لاأنا (( مُصلح سياسي )) ولاني (( معقّد أُمور ))
من قبل مني \ شكرته ,, ومن رفض \ مالي .. وماله..؟ ( منقوله )
الشاعر فيصل بن طواله
19-08-2004, 11:12 PM
