شعر من كلماتي

[عاشق حيدره]

بسم الله الرحمن الرحيم


السلام عليكم ورحمة الله

من كتاباتي شعر



كتبت شعري والدموع تتصبب من العين
قلت ياهو الـ يجاوب دمعتي الـ فوگ الخدين
سألوني شسبب دمعوك اللي من الصوبين
قلت الهم يعني ما ابچي على حبيبي حسين؟
تذكرت الخذر بدمعة وزينب الساس
هَم منو الـ يحديها وچان رافع الراس
تقول ياضي العين ويا كل الاحساس
چا لاتخليني يا بوالفضل ياعباس
هَم عندي شبان وراحوا للمنية
جسام والاكبر ليوث الغاضرية
و هَم حسين ابن خير البرية
تكسرت ضلوعة بحوافر الاعوجية
چا مثل الزهره امي الزچية
ياهو اليجي وي معسكره
راح بوفاضل سبع القنطره
واويلاه قطعوا منحره
شلون بعد القطع ياهو الينظره
عباس خويه يابن علي حيدر
انفجع قلبي لمن رحت للعسكر
ياهو الـ يشبهك بالصولات اكثر
خويه جاوبني جبينك معفر
يابن ابويه طحت مغبر بصيحات
من يسكّن ونّتي غيرك يابوالحملات
رفعت وصوتي يالكافل وماكو ونّات
ما اسمع خويه حسين وكله الاهات


أتمنى أن تنال إعجابكم

عاشق حيدره

 

 

[الغريب]

الله يعطيك العافية على هذه القصيدة الولائية

ونطمع في قراءة المزيد من كتاباتك






وفق الله الجميع

 

 

[همس المشاعر]

شعر حسيني رائع

الله يعطيك الف عافيه وفي ميزان اعمالك ان شاءالله

ونتمنى قراءة المزيد من اشعارك

دمت بخير وعافيه

 

 

[مروج الذهب]

الله يعطيك العافيه
الله يهنيك بهاي الروح الولائية لأهل البيت
تحياتي

 

 

[شاأآإعر وكلي مشاعر]

إبداع شعري متميز عزيزي عاشق
دمت بخير

أخوك شاعر