شيء من تعكيسي وعليكم التعليق..

[زهرة اللوتس]

مرحبا إخواني أخواتي

الموضوع مبيّن من عنوانه

منّي العكس وعليكم التعليق..


،

،

هذا الله يسلمكم اليوم حصلت مية ريال ، وشفت مكتوب فيها هالطلبية

شوفوا العكس







فلافة بطاط جبن

فلافة بيض جبن

فلافة سمارت

> عاد كان طلبتوا لي واحد سان توب عن العين والخاطر

 

 

[طيف العمر]

هههه ماعندهم وقت

اصدق عاد ماعندهم ورقه في البيت..~

اعترفي لوتس اكود انتي مسويتنها له..~

عكس ظريف ..~

يسمنو..

 

 

[النبض الصامت]

اللهم صل على محمد وآل محمد وعجل فرجهم

ما شاء الله


مكتوب على (( مئة )) ؟؟


انزين .. دام مئة كتبتو 10 على الاقل ..


عشان يتقارب السعر مع الطلب ..


الجود بالموجود ...




الله يعطيكِ العافية




والسلام خير ختام

 

 

[غلا روحي]

ههههههه ..
عندهم مية ولاعندهم ورق !
تسلمين على الطرح الممتع

 

 

[زهرة اللوتس]

حاجة طيف العمر

إيه ده إيه ده ؟ برايج الشخصي أنا بعمل هيك ؟

بس أكود أسويها .. لاتستبعدي لكن

> كم لهجة الحين ؟


أخونا النبض الصامت

ماتدري عنهم .. أكود الطلبية بالجملة مو بالحبة .. تدري .. ماتدري !!

شوفوا بس كرتون الـ سمارات على كم صار ؟

المهم عاد احمل أخاك المؤمن على سبعين محمل

> كأنها تغيّرت نيتي عن البارحة


غلا روحي الغلا

أنا أعلمش سالفتهم هالجماعة

الله يسلمش ذاك اليوم طالعين بالسيارة وشافوا نفسهم جواعى .. زين

عاد ماعندهم دفتر وهم ماعندهم فكّه .. عاد شسمه وذاك صار اللي صار وطاح الفاس بالراس

> ألفت السالفة بكيفها مول



مشكورين أمي لحضوركم و لا تتعودوها هالنابة

 

 

[صمت المشاعر1]

فلافة بطاط جبن
فلافة بيض جبن
فلافة سمارت >> شن السمارت بدون جبن

ايه هذي شسمه شسمونه اكيد من حافز
صارت الناس تكتب على مية
والله من زود البطره
الله يعطيك العافية اوخيتي
تقبلي مروري
|صمت

 

 

[طرفاوي أصيل]

هذا اختصر الموضوع مايحتاج ورقة طلبات على المية على طول


بس المشكلة لو ماعنده فكه


شكراً على رسم البسمة والله يعطيك العافية


طرفاوي أصيل

 

 

[أنين الشوق]

ياحليلهم
والله يا زوزو ذكرتيني بما مضى أيام المحاسبة بالمقصف
لما نجرد بهالفلوس تجيك بلاوي
شعر وعذاب وترقيم وغير انو نفس الريال يكسر الخاطر

عوآآفي عليك البطاط بالجبن ياقميل ..~

 

 

[قطرات ندى]

اقتباس فلافة بطاط جبن فلافة بيض جبن فلافة سمارت

لا لا اذا العاجل زهرة اللتوس تقوول كذا اجل شقوول عن........
زهرة حبيبتي لهجتنا أحلى من اي خرابيط>>معصبة ليش معظمة الأمر
.................في النهاية أختش يعني أموون ولا ما أمون
مشككوورة حبيبتي على الميه واللي مكتووب فيها الله يهداهم اذا ماعندهم مذكرة أعطيهممم

ربي يوفقش

 

 

[زهرة اللوتس]

صمت المشاعر

اقتباس ايه هذي شسمه شسمونه اكيد من حافز صارت الناس تكتب على مية والله من زود البطره

أنا أقول لاتحطوها في ذمتكم ،

تدري .. يمكن من الشؤون .. ماتدري ؟

،

طرفاوي أصيل

اقتباس بس المشكلة لو ماعنده فكه

بالعكس أنا أشوف المُشكل لو عنده فكه ,, وقتها بيكتب عليهم كلهم مثلا ؟



صمت المشاعر .. طرفاوي أصيل

مشكورين أمي لحضوركم وحياكم وبياكم

 

 

[زهرة اللوتس]

أنين الشوق

اقتباس ياحليلهم والله يا زوزو ذكرتيني بما مضى أيام المحاسبة بالمقصف لما نجرد بهالفلوس تجيك بلاوي شعر وعذاب وترقيم وغير انو نفس الريال يكسر الخاطر

ههههههههههه صحيح ، الله يرحم أيام أول

شوفي أنا صار لي العكس ..

قبل فترة رحنا حديقة ومن هناك أشتريت لأهلي حلويات ومن هالخرابيش

المهم ،، رجع لي البياع باقي فلوس البيعة ، ومن ضمن الأريل ريال مكتوب فيه

رحم الله من قرأ الفاتحة لفلان بن فلان الفلاني


العجيب إن الشخص المتوفى من ديرتنا .. مثلا !!

الدنيا صغيرة .. و إلا ديرتنا وين والحديقة وين .... ..؟!!


أخير عاد ... منورة حبيبتيه أنين الشوئ ..

 

 

[زهرة اللوتس]

قطرات ندى

هاه ! خلاص أتوب مول

هذي وقعتين صاروا هاليومين .. الله يستر من الثالثة



مشكورة أختيه لحضورش وتنبيهش

و لاتنسي المذكرة .. لا تخلي عاد اشتريها للجماعة