حلم أصبح حقيقة ... مفجعــــــــه !!!‎

[نور الرضا]

صحيت من النوم فجأة






شفت نور غريب !!



المشكلة أن نور الغرفة مسكر



شفت الساعة على 3 ونص الفجر



طيب .. النور هذا كله من وين ؟؟؟

-----



تفاجأت لما شفت يدي نصها بالجدار



طلعتها بسرعة وانا خايف جلست اشوفها



دخلتها مره ثانيه بالجدار .. تدخل !!!!!!!!



----



سمعت صوت ضحك



جلست التفت لقيت اخوي نايم !!!



قمت من السرير وانا خايف رحت اصحيه



بس ما يرد علي


رحت لغرفة أمي



أحاول أصحي أبوي



أبغى أحد يرد علي ماردو



رحت لأمي أحاول اصحيها فجأة قامت من النوم !!!!!



---



هي قامت من النوم بس ماكلمتني



كانت تسمي ' بسم الله الرحمن الرحيم ' وتكررها ..



قومت ابوي من النوم قالت له قوم قوم



ابغى اروح اتطمن على الأولاد..



أبوي جاوبها باستغراب ' مو وقته الحين خليني انام وبكرهـ يصير خير '



لكن باصرارها قام من النوم مستغرب وراحو سوى



---



جلست أصرخ أمييي أبوييي



بس محد يرد !!!



مسكت ثيابها ابغاها تسمعني



بس ماحست !!!



جلست امشي وراها لحد ما وصلت غرفة النوم



دخلو غرفة النوم وشغلو اللمبات



ماكانت تفرق معاي لأن الدنيا منوره أصلا



بسسس تفاجأت لما شفت شي غرييييييب



---



شفت جسمي !!!



أيوه جسمي انا



جلست أطالع في نفسي لقيتني صرت اثنين



قلت في نفسي مين هذا ؟ وكيف هذا يشبهني !!!



جلست أضرب في نفسي أبغى أصحى من هذا الحلم الكئيييب



لكن ما صحيييت



---



أبوي قال ' يالله شفتي انهم نايمين خلينا نمشي '



لكن أمي ما هديت راحت عند اللي كان نايم مكاني



قالت محمد قووم محمد قووم رد علي



بس ما يرد !!!



حاولت أكثر من مرره وفجأة بدأت دمووع أبي تتساقط



أبي القوي الذي لم أرى في حياتي دموعه رأيتها اليوم



بدأ الصراخ يعلو المكان .. صحى أخي من النوم قال ' ايش صاير '



أمي قالت له وهي تصرخ ' أخووك ماات محمد ماات ' وهي تبكي بحرقة



---



ازداد الصراخ



رحت لأمي قلتلها لا تبكي أنا هنا شوفيني!!



مافي احد بيرد علي ليييه



جلست أصرخ أنا موجووود شوفووو



بس مافي حد بيرررد



جلست أصرخ يااااارب يااااااارب يخلص الحلم اللي انا فييه



---



سمعت صوت يأتي من بعيد وكان يعلو شيء فشيء



حتى سمعت قوله تعالى :

	لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ

فجأة في اثنين مسكوني بس هما مش من البشر



خفت !!



جلست أصرخ أتركووني أتركووني



أنتو مييين ؟؟ وايش تبغو ؟؟



قالو : ' أحنا حراسك لحد القبر '



----



قلت أنا مامت أنا حي



لييه تودوني القبر أتركووني !!



أنا أحس و أتكلم و أشوف لسى ما مت



ردو علي بابتسامه



قالو ' عجيب أمركم يالبشر تظنون أن الموت نهاية الحياة ولا تدرون أن ماكنتم تعيشون فيه هو حلم قصير ينتهي عندما تموتون '



مازالو يسحبون فيني لحد القبر



واحنا بالطريق شفت ناس بتبكي وناس بتضحك و ناس بتصرخ



وكل واحد معاه اثنين زيي



سألتهم ليييه يسوو كيذا ؟؟



قالو ' الناس هذول عارفين مصيرهم منهم من كان على ضلال '



قاطعتهم وانا خائف ' يعني بيروحو النار !!!! '



قالو ' نـعـم '



وأكملو حديثهم ' واللي يضحك هذا رايح الجنة '



رديت بسرعة ' وأنا رايح فيين ؟؟؟؟؟ '



قالو ' أنت كنت شويه تمشي صح و شويه تمشي خطأ



شويه تتوب وترجع اليوم الثاني تعصي وماكنت واضح مع نفسك



وهتضل كيذا تايه '



قاطعتهم و أنا خائف ' يعني اييييييييش يعني انا برووح الناار '



ردو علي ' رحمة الله واسعة و الرحلة طويلة '



---



التفت وأنا خايف شفت أهلي أبوي عمي أخواني أقاربي كلهم



كانو حاملييني بصندوق رحت لهم ركض قلتلهم ' ادعو لي '



لكن مافي حد رد علي منهم من كان يبكي ومنهم من كان حزيين



رحت لأخوي قلت له انتبه من الدنيا وفتنها لاتغريييك



كنت أتمنى لو أنه يسمعني



شدوني الملكيين لقبري ونوموني فوق الجسد حقي



شفت ابوي وهو يرمي التراب فوقي



شفت اخواني وهما يرمو التراب



شفت الناس كلها ترمي التراب فوقي



----



تمنيت لو اني مكانهم في الدنيا كان تبت



كان صليت الفجر أمس



كان دعييت ربي كل يوم



كان جددت توبتي كل يوم



كان بطلت معااصي



جلست اصرخ ' يااانااااس انتبهووو تغرركم الدنيا '



تمنييت لو حد يسمعني



فهل سمعتني أنت ؟ ؟ ؟

-
--

 

 

[яίcαŕdσ]

قصة لمن يتعظ و يعتبر ..

متىآ نصحو من غفلتنا .. ؟

يآ الله , حُسن الخآتمة ..


نور الظلام

قصة رائعة ..

شُكراً لك ..

 

 

[alsarap]

كل فتره يموت شخص .. وهذي رساله من الموت للأحياء كلهم .. يقولهم ترى انا قريب منكم ..

وممكن في اي لحظه ازوركم .. لكن ماحد يتعظ ..

لأن الموت بكل بساطه هو حقيقه اصعب من خيال وصعب نتصور ان راح نعيشها ...

يعطيك العافيه على القصه الرائعه .. عسى ان يكون هناك من يتعظ ..

تقبل مروري..

 

 

[نور الرضا]

R.Kaka


alsarap

اسعدتموني بمروركم على صفحتي المتواضعة الف شكر

 

 

[فرج الله قريب]

مشكـــووور ياأخوي( نــــــور الظلام)

القصــة مرررررة حلوة ورائعة
واتمنى الفائــدة للجميــــــع

اتمنـــــى المزيــد من القصص الرائعة..

 

 

[نور الرضا]

اقتباس المشاركة الأصلية كتبت بواسطة نورالهدى مشكـــووور ياأخوي( نــــــور الظلام) القصــة مرررررة حلوة ورائعة واتمنى الفائــدة للجميــــــع اتمنـــــى المزيــد من القصص الرائعة..

اسعدني مرورك

نورالهدى

وردك المشجع الأكثر من رائع