لا يفوتكم في (الواحه العامه)

[*~ آهات @ المهدي ~*]

القصه الأولى

بالهجه العاميه

مرة كنت أنا وأخواتي وبنات خالي رايحين في زواج واحد من أقارب أميه طبعاً يوم كنا أحنا صغارالمهم
كان ولد خالة أميه متزوج ثنتين والليله كان زواجه الثالث عاد أحنا وبنات خاليه مخططين نخرب العرس ونطق المعرسه طق ونبرد جبدنا المهم جاو أهل المعرسه زافينها ودخلوا بها البيت طبعاً كان قبل يسوون العرس في بيوتهم دخلوها أهلها وأحنا كلنا كنا مستعدين ننفذ الخطه ويوم وصلت المعرسه جمبنا قالت بنت خاليه ياالله خل نطقها واحنا على طول قمنا نطق فيها الي تتل (تشدطرحتها) والي ترفسها ولي تتل فستانها علشان تطيح ولي ينحزها في ظهرها وخلاص أهي بتطيح من الطق وأهلها يقولون لها أشفيج طحتي قالت ماطحت في أحد دايس على فستانيه عاد هم ماعرفوا شسالفه
تدرون ليش؟
لأن أحنا منقهرين ليش يتزوج على حريمه وحريمه ماهمهم زواجه ولاشي بس أحنا شاغلين روحنا بروحنا صج ماعندنا سالفه

--------------------------------------------------------------------------------------------------------

القصه الثانيه

يوم كنت صغيرة في الأبتدائيه وكانت معايه ثنتين وحده من الجماعه والثانيه من جماعتنا المهم البنت الأول وحده بعد ماطلعنا على البيت قالت لنا في بيت ناس حلو ععدهم في الشارع حديقه فيها ورود قالت خل نروح نقطع الورود وننحاش المهم رحنا مثل ماتفقنا وقطعنا كم ورده وبعد ريضين نبي نقطع الأ طلعوا لنا عيالهم الصبيان وشافونا وقاموا يلحقونا بالعصي مالين المخمه 3 مادري 4 هم عاد أحنا قمنا نركض وهم ورانا الثنتين راحو وخلونيه (تركوني) بروحيه والصبيان يلا حقون فينيه أنا أركض وهم يركضون المهم وصلت في مكان قريب من بيت عميه الكبير وكانت بنت خاليه طالعه من المدرسه وبتروح البيت أنا شفتها وصلت جمبها وكان عنديه الورود فاأنا شسويت؟؟؟؟؟؟
عطيت بنت خالي الورود عشان لاشافوها يطقونها أهي مب أنا وبنت خالي مسكينه على نياتها خذت الورد وفرحانه فيه أوصلوا الأولاد وشافوا بنت خلي وعندها الورود وطاحوا فيها طق سنه بساعه وهي مسكينه تصيح وتزعق ليه عشان يوخرون عنها أتا واقفه وأطالع ولا مسويه لها شي الأ بالصدفه كان عمي الصغير طالع من بيت عميه الكبير شفته وزعقت له قلتله شف ذا الصبيان يطقون بنت خاليه راح لهم عميه وصارخ عليهم وأنحاشواوقامت بنت خاليه منهد حيلها من الطق صارت كلش مغبرة من التراب أنا الي سلمت منها وهي الي أنطقت مثل مايقولون (طلعت منها مثل الشعرة من العجينه)

أشرايكم في القصتين


منقوله

 

 

[غلا روحي]

خيتو ست البناااااااااااااااات
يعطيك العافية ع نقلك الراااااااااااائع
تقبلي مروري

 

 

[ريحه المسك]

ههههههههههههههههه حلوه منك يالغاليه ست البنات

والله وانا اشوفك هاديه واثرك مو سهله هههههههههههه فديت قلبك ياحبيبتي

 

 

[*~ آهات @ المهدي ~*]

شكراً سويتي هارت ومسوكه الغاليه فديتكم
وشكراً على مروركم الحلو

 

 

[طرفاوي أصيل]

يعطيك العافية ست البنات على القصص الحلوه هههههههههههههه

لكن عاد مسكينه بنت خالك مالها ذنب اهي اللي كلتها هههههههههههههههه

تحياتي لك ,,, طرفاوي أصيل

 

 

[*~ آهات @ المهدي ~*]

شكراً أخي ط أصيل
وتسلم على مرورك الطيب