•·.·°¯`·.·• ( قصة ) أحــ ماخلق ربي ـــلى •·.·°¯`·.·•

[عاشقة الحوراء زينب]

•·.·°¯`·.·• أحــ ماخلق ربي ـــلى •·.·°¯`·.·•

السلام عليكم ورحمة الله وبركاته

قصة كلمة روعة قليلة بحقها. .انا بنزل جزء اذا اعجبتكم بكمل اذا ماعجبتكم

هذي القصه الثانيه انقلها وانشالله القى تشجيع افضل من السابق ~~~~~~~~~~~~~~~~~~~~~~~~~~~~~~~~~~~~~~~

ريما:بنت عمرها18 سنة بثاني علمي وحيدة امها اوبوها يعني المدلعة كانت مرة حلوة ونعومة
ابوها:فهــــــد وهو تاجر غني مدلع بنته دلع..
امها:سلمــى مديرة روضة ومرهـ اهتمامها بنفسه وبريما..
...............
عيال عم ريما:
نواف:عمرهـ 24يدرس هندسة كمبيوتر(كان يدرس بامريكا 5سنوات وكمل في الرياض)<<مزيون مرررررررة
محمد:عمرهـ 19 ثالث ثانوي علمي<مملوح بشكل!!
ابوهم:سعود وكان له شركات كبيرة في الرياض
امهم:ليلـــــى معلمة بس تركت التدريس وجلست بالبيت..
..............
عم ريما طــــــلال:
نوف بنته:عمرها 17 اول ثانوي وكانت مقربة لريما..
عبد الرحمن:اخوها وعمرهـ 18سنة
العم طلال: استاذ في الجامعه
زوجتة العنود: كان لها مشغل كبير في الرياض(بزنس وومن)
...............
عمت ريما:
فيصل:عمرهـ 24 وصديق نواف بالمرة مايفترقون عن بعض
الهنوف: عمرها18 صديقة ريما ونوف مرهـ اسراهم عند بعضم<<مملوحة
نورة:عمت ريما وكانت ربة بيت ماتشتغل..

خوال ريما:
ندى: خالت ريما الصغيره وكانت بسنة ثاني كلية تخصصها "علم نفس" وتموت في شيء اسمه ريما وريما كذلك
تركي:خال ريما الصغير كان اكبر منها بسنة ويدرس طب سنه اولى..
جدتها اسمهـــــا:هيا..
..............
ريما من كانت صغيره وعمها سعود يحبها ودايماً يقول انها لولدهـ نواف كبرت ريما وكبر معها الحلم وكانت دايماًتفكر فيه..العم سعود يحب ريما حيل ولاسيما ان ماعندة بنات..ريماماكانت تعرف ولا شي عن نواف ولاتعرف شعوره..ولاتعرف حتى شكلةلانها مابعد يوم كانت صغيرة سافر نواف يدرس وبعدها رجع والبنت كبرت وصارت تتغطى عنه..وهو كذلك ماقــد شافها بس يسمع عنها..

الـــــــــــبداية:
الهنوف:الوو ريما كيفك؟
ريما:تمام وانتي شخبارك؟
الهنوف:بخير اقول ريما طفشانة وضايق صدري تكفين تعالي عندي
ريما:طيب نوف بتجي؟
الهنوف:ايه قلت لها وقالت لامها وافقت.
ريما:ياسلام وانا آخر وحدة ينقالها فيكم؟
الهنوف:يالله عاد بتدلعين علينا يعني؟
ريما:هههههههه لاخلاص بقول لابوي وارد لك.
الهنوف:اووكي!!

بعد دقايق رن جوال الهنوف
ريما:هنو<<اسم الدلع لهنوف
هنو راح اجيكم الليلة
الهنوف:حياك ربي يالله بنتظراك لاتتأخرين..
ريما:ابشري

السـاعة خمس العصر..
كانوا البنات مجتمعات عند الهنوف وفالينها وناسة سوالف وحالتهم حالة البنات كانوا في الحديقة..فيصل فتح الباب البنات ارتبكوا على طول تغطوا بعبايتهم وطراحهم
الهنوف:ياهوة عيب عليك فيه ناس جالسين هنا
فيصل:اوووه آسف حقك علي بس لاتزعلين<يتريق عليها
الهنوف:لاوالله <طفشت منه
فيصل:اقول وراك ماتغطين ترى نواف بينزل يتقهوى معي
الهنوف:نووواف احلف معك<علشان ريما تشوفه البنت متحمسة
فيصل:انتي وش دخلك معي ولا مو معي
الهنوف:هاه بس لانه ماقد جانا من سفرته<اتربكت
فيصل:اقول نسيتني الولدفي السيارة
نواف:احم احم<علشان بيدخل
دخل نواف وفيصل الحديقة اللي كانوا البنات جالسين فيها مع العمة نورة دخل نواف علشان يسلم على عمتة نورة وكانت ريما اللي جالسة جنب عمتها على طول دقات قلبها تضرب بقوة والهنوف ونوف اعيونهم عليها
نواف:مساء الخير ياعمتي
العمة نورة:ياهلا والله بولدي شلونك؟وشلون ابوك وامك؟
نواف:بخير يسلمون عليك
العمة نورة:اخيراً زرتنا
نواف:والله تعرفين مشاغل
العمة نورة:نواف هذولي بنات عمك سلم عليهم
نواف من بعيد:شخباركم بنات..
البنات:الحمد لله..
فيصل:ياللله بسرعة خلينا نروح للمجلس.
نواف:عن اذنكم..
العمة نورة:حتى انا بروح ابي اشوف الاخبار
نوف:واااااي يهبل وش ذا انسان ولا ملاك يابختك ياريما
الهنوف: روعة يجنن بمعنى الكلمة
ريما كانت ساكتة وتفكر ياترى يدري فيني يعرفني آآه لو تدري يانواف اش قد احبك واموت فيك
الهنوف:من شاف احبابه نسي اصحابه
ريما:هاه لا بس ماسمعتكم
نوف:اكيد من شفتي ذا الزين عقلك معاه
ريما:اقول انتي وياه اسكتوا انا بروح للبيت
الهنوف:وين تو الناس.؟
ريما كانت متضايقة ان نواف ماعبرهم ولا بكلمة ولااعطاهم وجهه
ريما:لا بس حاسة نفسي تعبانة
نوف:خلاص هنو لاتضغطين عليها خليها براحتها<نوف حست فيها
راحت ريما بعد نص ساعة جاها السواق والشغالة..
وبعدها كانت الهنوف بتروح للمطبخ بتشرب ماء الا مروا من عندها فيصل ونواف وماكان معاه جلال ولا اي شيء تتغطى فيه..نواف اعجبته من اول نظرة وطات عيونه فيها

فيصل:هنوف يالله روحي الولد بيطلع
الهنوف على طول طلعت وهي تجري من الخوف

في بيت ريما دخلت عليهم وكانت امها جالسة بالصالة وابوها يتابع التلفزيون
ريما:السلام عليكم
الكل:وعليكم السلام
ابو ريما:ياهلا وغلا توة ينور البيت يالغلا
ريما:تسلم يالله انا بروح فوق لغرفتي ابي انام تصبحون على خير
ام ريما:وش فيك حبيبتي ماهي عادتك بالعادة تجين من هنوف والابستامة شاقة وجهك
ريما :لابس تعرفين هنوف ونوف راسي صدع منهم ومن صراخهم وسواليفهم
ابو ريما:خليها ياسلمى يمكن البنت دايخة
ريما:يالله تصبحون على خير
الكل:وانتي من اهله

ريما من دخلت غرفتها وطاحت على السرير وجلست تصيح بصوت واطي علشان مايحسون فيها اهلها
ياربي انا ليش حظي كذا من وعيت على الدنيا وانا احبك يانواف وانت مو حاس فيني ولا معبرني..ليش كذا..آهـ يانواف لو تدري بحبي لك من 7 سنين وانا احبك حرام اللي جالس تسويه فيني

جاء الصبح ويرن جوال ريما
ريما:الووو؟
نوف:هلا وغلا بريما
ريما:هههه وش عندك على الصبح؟
نوف:عندي خبر انا ايه عجيييب!!
ريما:الله يستر منك ومن اخبارك ههههههه
نوف:افااااااا طيب يالله مع السلامة
ريما:استني امزح عليك والله
نوف:هههه عارفة بس حبيت اتغلى غليك
ريما:هاه وش الخبر
نوف:اليوم اتصل علينا عمي سعود يقول بنطلع للبر بكرى كلنا من الصبح الى الليل وبنشوي ونستانس هاه وش رايك؟
ريما:الكل بيطلع<تقصد العيال
نوف:كلهم
ريماخلاص ان شاء الله بنطلع وياكم اكيد قالوا لامي وابوي
نوف:خلاص اجل اشوفك بكرى باي
ريما:باي
....................
يطق باب غرفة ريما طق طق!
ريما:مييييين؟
ندى(خالتها):انا ريوم قومي وجع افتحي الباب
ريما:خالتي هنا يامرحبا
ندى:حرام عليك لي ساعة وانا اصعد درجكم وراهـ اللفت خربان؟
ريما:مدري امس تعطل على حظك يالعجوز هههههه
ندى:هاه بتفتحين الباب ولا شلون؟
ريما وتفتح الباب..وكانت تسمع اغنية محمد عبدة (سير علينا ياهواك سير علينا مشتاق لعيونك تعال سير علينا..سير وش اللي جرى قي غيبتك حالي برى..النوم من عيني سرى وانا انتظر منك الوصال..سير علينا يهواك سير علينا.)
ندى:اكيد لي الاغنية لاني من زمان ماجيتكم<اثقة
ريما:ياعني ع الواثقين
ندى:ريوم وش رايك نطلع نتغداء في الفيصلية انا وانتي !!
ريما:ياليت ضايق صدري
ندى:ياحياتي وش فيك!
ريما:ابد سلامتك وتبستم ابتسامة صفرا
ندى:يالله لبسي عباتك خلينا نروح استأذنت لك من امك
ريما:دقايق وانزل لك.

وصــــــــلوا الفيصلية..
وراحوا يتمشون فيها وبعدين صعدوا يتغدون المفاجأة كان هناك فيصل ونواف ومحمد اخو نواف جالسين يتقهوون..

ريما:وتضرب كتف خالتها
ندى:اااااااااااااااي وجع وش فيك؟
ريما:خالتي شوفي هذولي الشباب
ندى:عيييب عليك وش فيك تطالعينهم<بتقهرها
ريما:لا بس عيال عمي سعود
ندى:وينهم ابي اشوفهم تكفين وين نواف اللي يقولون تحفة
ريما:انت وش عرفك في نواف؟
ندى:بس اذكر وهو صغير حليووووو
ريما:شوفي ذاك اللي لابس بنطلون جينز وتيشرت اسود
ندى:رووووووعة ماشاء الله انا اقول وش فيهم البنات يحمون حولهم
ريما:ايو الله شوفي كيف يطالعون للعيال بنات آخر زمن
ندى:تكفين ريوم روحي سلمي عليهم
ريما:لاعيوني والله لو فيها عمري ماروح..يالله قومي خلينا نتغدى تراني جوعانة
تغدوا وكانت ريما واقفة تطالع نواف وتحسر على حظها

جــــــــاء من بكرى الكل الصباح كان مستعد للطلعة البر
ام ريما:ريماااا يالله فشلة تأخرنا عليهم قومي بسرعة
ريما:حرام عليكم احد يطلع للثمامة الصبح حر!!
ام ريما:يالله شوفي هنوف من الصبح وهو تتصل علينا تقول قوموها بسرعة
ريما:اوووووووووف طيب بقوم وشكوي لله
ريما جلست نص ساعة على بال ماغسلت وصلت وجهزت عباتها وشنطتها..كانت لابسةبنطلون جينز وبلوزة فوشي حرير روعة ولابسة كاب فوشي مكتوب عليه R وبوت رياضة..وشطتها كانت صغرية فوشي لونها ..وكحلت عيونها طالعة كيوووت‍‍..
ركبوا السيارة مع ابوها

************************************************** ****

 

 

[عاشقة الحوراء زينب]

وصلوا كان مخيم كبيـــــــــر ومكيف قسم للحريم وقسم للرجال
الكل كان موجود ماعدا نواف وفيصل كانوا ناييمين ولافكروا انهم يجون

البنات كانوا مبسوطات بشكل راحت ريما بتجيب شنطتها من اسلياة الا محمد اخو نواف طلع عليها وهي ستحت وعلى طول تغطت بسرعة..محمد طار عقلة فيها اعجبته بشكل..ريما كان الوضع عادي لان ملك قلهبا للنواف فقط..
خذت شنطتها ورجعت للبنات

المهم جت السعة خمس ونص والعم طلال وين نواف وفيصل وراهم ماحوا؟
ابو نواف:اللحين بتصل عليه هذا
ابو نواف:الو وينك فيه؟تعال سلم على عمامك يسئلون عنك.
نواف:يبة بس انا مع فيصل عندنا لعب كورة مع العيال
ابو نواف:ترى ان ماجيت بعد شوي مو بزين لك..تفهم؟
نواف:تامر آمر يبة راح نجيكم..
فيصل:ياخي انت ليش تقولهم اني معاك؟
نواف:ياسلام علشان اذا رحنا لهم تصير براسي الدعوى وانا الي الي يطيحون فين تفشييييل

جت الساعة 6 المغرب ويجون فيصل ونواف
فيصل نواف: السلام عليكم؟؟
الرجال:وعليكم السلام..سلموا عليهم ..
عبد الرحمن اخو نوف جاء عند الحريم:نوووف نوووف تعالي
نوف:وش تبي؟
عبد الرحمن:ابوي يقول جيبوا القهوة ترى فيصل نواف جوا
نوف:طيب‍ بنرسلها لكم
نوووف على طول عند ريما:ريمانواف جاء فرصتك روحي صارحيه انك تحبينه تكفين اي استمتع بقصة الحب والغرام حقتك
ريما:ياشيخة فيكنا شكلك متأثرة بالافلام الهندية
الهنووف:هههههههههههههه<<على اي شيء تضحك
الحريم كانوا فالينها وناسة سواليف وضحك واصواتهم عالية مررررة..

ابو نواف:اقول نواف قم جب لنا عشاء رح لم امك قهلا وش يبون
نواف:طيب من عيوني ياغالي
ابو ريما:ههههههههحرام عليك ياسعود شف ولدك كيف يحترمك وانت من شوي تقول مايطيعك ولاشيء
نواف:افاااااا يابو نواف ماهقيتها منك
طلال:لا نوافم ماعليك منهم شخبارك دراستك
نواف: الحمد لله
محمد وعبد الرحمن: اقول احنا راح نجيب العشاء
طلال:لا عبد الرحمن مين بيوديك ؟
عبد الرحمن:محمد
طلال:انتم صغار ولاطلعتوا رخصة اقول اجلسوا
فيصل:لقطووا وجيهكم خخخخخخخخخخخخخخ
محمد:بس ياعمي انااعرف اسوق ..
طلال:بس اذا طلعت رخصة ماحد بقولك شيء..
محمد: طيب<<زعلان
عبد الرحمن:محمد تعال خلينا نتمشى في البر الجو حلو بالليل..
محمد:يالله‍‍
فيصل:نواف يالله جب العشاء
نواف:وانت ماهمك غير بطنك يادب..
ابو ريما:ههههههه اذكر الله ياولدي
نواف:ماشاء الله هههههههه

ام نواف كانت تهتم بريمابشكل.وكأن مافيه غير ريما بالوجود ريما ماكنت تتوقع ان وراء المعاملة هذي فية شيء


نواف:يمة وش تبون عشاء انا بروح اجيب لكم..
ام نواف:هلا نواف طيب لازم يروح معك احد لان احنا مو من مطعم واحد يعني البنات طلباتهم غير واحنا يالحريم غير
نواف:يعني مين بيروح؟طيب خلو احد البزارين يجي معاي
ام نواف:صاحي انت وش معرفهم ذولا..اللحين اخلي احد البنات تروح معاك
نواف بينه وبين نفسة يارب تكون الهنوف اتمنى اعرفها زين

ريما قامت بتشرب مويا الا ام نواف استغلت الفرصة
ام نواف:ريما حبيبتي ممكن اطل منك طلب!؟
ريما:تامرين ياخالتي<<احترام لها
ام نواف:ياليت لو تروحين مع السواق تجيبون العشا مثل مانتي عارفة مايعرف وش الطلبات
ريما بينها وبين نفسها ياربي نوف تقول فيه شوي وجلست تطالع في نوف نظرات
ريما:اووكي خالتي خلي البنات يرووحون معاي
ام نواف: لاعيوني كلكم ماتصلح وبعدين (وتسكت)اقول تعالي معاي قامت ام نواف من مكانها علشان تركب ريما في سيارة نواف وريما ماتدري وش السالفة
نوف:ريما آسفة ياقلبي بس قلت بنسوي باربيكيو علشان تتحمسين للطلعى البر لاتزعلين
ريما:طيب لك شغل معي بس اذا رجعت
ريما انصدمت يوم شافت نواف في السيارة وخافت ووقفت مكانها بعد ماكانت تمشي وراء ام نواف حست ام نواف ان ريما وقفت ورجعت لها..
ام نواف:وش فيك ريما وقفتي؟
ريما:هماك خالتي تقولين السواق مين ذا اللي بيوديني؟؟
ام نواف:هذا نواف
ريما: اهئ <<شهقت
ام نواف:وش فيك؟
ريما:لاخالتي مقدر خلي البزارين يروحون مها بنت عمي طلال وعبد الله اخو الهنوف الصغار انا مقدر مستحية
ام نواف:لاياعمري انا قلت لنواف وانتي قلتيها صغار مايفهمون يالله اللحين لبستي عباتك (وتجر يديـــــــها وتفتح الباب وترجع ريما)
ريما:خالتي:ماراح اركب قدام فشلة بركب وراء
ام نواف:لا يايمة ياريما وارء العشاء راح يكون وبعدين لاتعقدين الموضوع كلها لابع ساعة وانتي هنا
ركبـــــــت ريما قدام وامرها الى الله..

في السيارة كان نواف مايدري وش السالفة مثل الاطرش بالزفة
ريما:السلام عليكم
نواف:وعليكم السلام ريما؟
ريما وقلبها يدق بقوة:هلا
نواف: كيفك؟
ريما:تمام انت كيفك؟
نواف:بخير

وجلسوا دقايق ورن جوال ريما..صديقتها رشا بالفصل كانت هلاليه بما ان ريما هلالية
ريما:الو هلا
رشا:هلا والله ريوم عندي البشارة كم بتعطيني؟
ريما:يالله قولي
رشا:يارس القحطاني لاعب القادسية انتقل للهلال
ريما:لاعاد صادقة متى وقع
رشا:امس وقع معاه الامير محمد بن فيصل
ريما:مبروك
رشا:بس حبيت اقولك يالله باي
ريما:باي

نواف كان يتسأل بينه وبين نفسة وش فيها فرحانة وش اللي تبارك فيه..منهو اللي وقع؟ريما كانت نفسها تقوله بس خافت يفشلها يمكن مياحب الكورة..وقطع تفكيرهم جوال نواف

نواف:هلا ابراهيم<صديقه
ابراهيم:شفت ياسر
نواف:اي ياسر؟
ابراهيم:ياسر القحطاين هذاك
نواف: ايييه وش فية؟
ابراهيم :وقع للهلال مبروك..اقول لاتنسى بكرى موعد المباراة مع الشباب لاتنسى
نواف:الله يبارك فيك.ابشر ولايهمك بكرى ان شاء الله انا وفيصل عندكم..فمان الله..

نواف كان هلالي مررررة وجلس يقول الحمدلله
ريما:مبروك توقيع ياسر
نواف:هههههههه الله يبارك فيك
ريما:والله الصفقة ممتاز لاسيما ان سامي الجابر يحب ياسر اكيد يعرف ان مستواه ممتاز ولا كان ماقال للإداراة تضمه..
نواف كان مستغرب ومبسوط بنفس الوقت اول مرة يحس ان له بنت عم..وهلالية ياسلام
نواف:ايييييييه والله لاعب حريف الا انتي هلالية.؟
ريما:ايوووووووة هلالية
نواف:والنعم والله يابنت العم
ريما استحت ياربي من وين الجرآءة جبتها..افا وش بيقول عني الولد آآآآآآه وش اسوي كانت تتمنى الارض تنشق وتبلعها

كان فيه درج سيارة نواف انفتح وتبعثرت الاوراق تحت رجول ريما نواف كان مرتبك وانحرج وكان يقول يارب ماتشوفها
ريما حست ان نواف مايبيها تشوف الاوراق بس فضولها واخذت تجمع الاوراق وتركت ورقة تحت رجلها مانتبه نواف لها وبعدين نزل نواف للمطعم يطلب واخذت الورقة وجلست تقراها كانت قصيـــــــدى مرة حلوة ومرة اعجبتها وكانت تقول ياترى هذا نواف اللي كتبها<<ريما تموت في القصيد وتحب تسمع وتقرا القصايد والدواووين
كانت القصيدة بعنوان الهنوف..ريما ياربي وش السالفة معقوله هنو بنت عمتي بس هو ماشفها ابد ولايعرفها!!اكيد مو هنوف بس كذا هو اعبجة الاسم
رجع نواف وشاف الورقة بيد ريما
نواف:قريتيــــــها؟
ريما:آممم ااااا<<تلعثمت
نواف:وش رايك في القصيده؟
ريما:روعة اسلوب روعة طرح متميز..إبداع في الاختيار الالفاظ والمعنى بالله مين اللي كتبها؟
نواف:واحد من الشباب اصدقائي
ريماحست انه يكذب عليها
ريما:اها11111
نواف:ريما تحبين القصيد؟
ريما:اموت فيه
نواف:مين تحبين تسمعين له؟
ريما:بدر بن عبالمحسن وسعود الفيصل وسعد بن علش وطلال الرشيد الله يرحمة وياسر التويجري وفزاع
نواف:ههههههههه ماشاء الله مابقى احد
ريما انرحجت وحست كأنها طفلة
نواف:ريما ابقولك شيء ماقد قلت لاحد حتى فيصل القريب لي مالت له
ريما:تفضل
نواف:سر بيكون بيننا
ريما:وهيتقول (يمة قلبي):وعد بيكون سر!!
نواف:انا اللي كتبت هذا القصيد
ريما:احلف بربك ؟انت؟
نواف:هههههههه ليش مو مصدقة يعني اكذب؟
ريما:لاحشاك من الكذب بس مو مصدقة روعة اسلوبك
نواف:ريما انا ماقلت لك الا حسيت انك تعرفين للشعر واهله واذا عندك اي نقد قولي لي وعطاها الاوراق اقريها على بال مانكون في الطريق
ريما:كانت توجهه له انتقداتها يعني عل الوزن والقافية وكانت انتقادتها في محلها حتى اعجبت نواف..
ريما:طيب فيه قصايد جديدة لك؟
نواف:اذا كتبت بعطيك اياها تقرينها وتقولين لي وجهه نظرك فيها ؟؟
ريما: لا كيف قدام الناس فشلة ويعدين لما يشوفونها البنات وش بيقولون؟؟وانت كيف بتعطيني اياها؟
نواف:عادي ارسلها مع البزران واذا ع البنات لاتقرينها قدامهم وارسلي النقد بورقة..احمد ربي اللي لقيت اللي يفهمني في الشعر.
ريما بنتها وبين نفسها استحت مرررررررة وماتدري وش تقول!!

وصلوا للبـــــــــــــــــر

الهنوف كانت مع اخوها عبودي الصغير تشربة مويا الا نواف نازل من السياراة وشافها ماعليها جلال حس باحساس غريب يقول يارب انا حبيتها من قلبي خذت عقلي وتفكيري
الهنوف على طول تغطت بجلالها وكان نواف مايشيل عيونه عليها وجالس يناديها الهنوف الهنوف تعالي..!!
ريما استغربت وحست ان الموضوع فيه شيء
الهنوف:خير نواف ؟
نواف:كيفك؟
الهنوف(اللحين جالس تناديني وبالخير كيفك):انا تمام
نواف:بالله ساعديني تعالي شيلي اكياس العشاء
الهنوف:اعتقد فيه شغالات يجوون يشيلونها
ريما على طووول تضايقت من الموقف وراحت تجلس عند الحريم وكانت فيها العبرة مخنوقة من الموقف

 

 

[عاشقة الحوراء زينب]

الهنوف حست في ريما علشان كذا ماعطت الموقف اهمية وفشلت نواف..


بعد العشـــــــــــاء

نوف:هاه ريوم وش صار بالتفصيل الممل..
ريما(طفشانة):ماصار شيء
الهنوف:معقووولة؟
ريما(بعصبيه حاده):ايييييييييييه ارتاحي!!
الهنوف:ريما وش فيك علي.؟


ريما قامت وراحت تمشي بالبر وجلست على صخرة كبيرة لحالها تبكــــــــــــي!! وسمع صوتها محمد ولد عمها اللي كان يمشي بالبر اعجبة الجو والقمر كان ليلة 15 وسمع صياحها وجاء يركض لها
محمد:مين ريما؟
ريما على طول تغطت بالجلال بسرعة ماتدري وش تقولة؟
محمد:مين؟
ريما:انا ريما
محمد:وش فيك ريما عسى ماشر
ريما (ياربي وش اقوله؟):لابس تعبانة
محمد:واللي تعبان يبكي؟
ريما(هذا وقتك بعد انت):هاه ايه..لابس فيه شيء تذكرته
محمد:ريما اكيد مافيك شيء؟
ريما:لامافيني اي شيء ومشكور يامحمد
محمد<كان مبسوط ع الاخر:ريما اذا احجتيني انا موجود
ريما استغربت من كلامة :ان شاء الله مشكور
محمد:بس تكفين لاعاد تبكين ترى ماحب الدموع
ريما:ابشر
محمد:يالله فمان الله
ريما:بالله يحفظك.




الهنوف قالت لنوف الموقف وراحوا لريما اللي كانت تبكي بحرارة بعد ماراح محمد تذكرت نواف وحركته السخيفة!!وبعدين انبها ضميرها الهنوف مالها اي دخل وحرام انا هاوشتها والله مالي حق وجلست تبكي..

الهنوف:ريما وربي انا مالي ذنب
ريما:آسفة هنو والله انفعلت عليك وانت مالك اي دخل بالموضوع تكفين سامحيني (تذكرت القصيدة اللي بعنوان الهنوف) وجلست تبكي وتقول:
بس والله يحبك ياالهنوف انا اقولك يحبك وجلست تبكي..
نوف:استغفر الله العظيم انتي وش تقولين؟
الهنوف:بلا سخافة ريوم بس علشان قال الكلميتن ذولي.!!
نوف:لاتعطين الموضوع اكبر من حجمة
الهنوف:بس يابنت الحلال هوونيها وتهون وعادي الموقف لانه انحرج لما شافني ماعلي جلال وحس اني مرتبكة وحب يروح الارتباك اللي فينيي ياخــــــــــبلا
نوف(تحاول وتروح الحزن اللي في ريما):اقول ريوم خالتي ام نواف ماسكتت بس تمدح فيك ماشاء الله عليها جمال ودلال واحنا ولاكانا موجودين
الهنوف:ريوم تدرين يوم نزلتي انتي ونواف يالله مرة لايقين على بعض تهبلوووون
ريما:تضحك هههههههههههه الله يقطع سوالفكم يابنات
نوف:ايووووه كذا نبي الضحكة ياماما..
ريما:ليش اصغر عيالك.
نوف:ايييه
الكل:هههههههههههههههه

رجعـــــــو البنات للحريم
جلسوا البنات شوية يسولفون وبعدين قالوا الرجال يالله بنمشي الكل ركب السيارة وحركوا للبيت وريما كانت مشاعر الفرح والحيرة تختلط معاها وجلست طوول الليل تفكر بنواف..


ونواف جلس يفكر بجمال الهنوف وكان يحاول يسمع اي خبر عنها ويسحب الكلام سحب من فيصل اللي هو اخوها ويعرف اخبارها منهـ....
الجزء الثاني
: : :

بعد مرور يومين على طلعة البر اتصل خال ريما تركي وقالها انه راح يمرها هو ندى يتعشون بمطعم فايف ستارز عازمهم على العشاء لانه مشتاق لريما ..وامة اللي هي الجدة هيا كانت عند ام ريما تزروها من زمان عنها.. راحوا للمطعم..

ريما:ياحياتي ياخالي تركي والله انك ذوقمو مثل بعض الناس..
ندى:اييه بس لريما العشاء ولا ماكلف خاطرة وقال حتى لندى.. وبعدين كنك تقصدين في كلامك ريموووة؟
تركي: هههههههه ريما من زمان عنها انا مشغول بدراستي وماشفتها وانتي 24 ساعه قدامي ومليت منك..
ندى:اهى اهى ياربي متى اتزوج وافتك منكم ومن سواليفكم البايخه!!
تركي و ريما:ههههههههههههه


رجعوا لبيت ريما ...


الجدة هيا:كان مطولين بعد ماصار عشاء 3 ساعات وانتم طالعين
ريما وهي تبوس راسها:لا ياجدتي تمشى فينا خالي تروكي
ندى:ايه خالي تروكي وانا ..ماقد دلعتيني
ريما:سوي فيني مثل خالي تروكي وادلعك
ندى:لا والله اشوف العالم كلها تدعلك وانا ياحياتي مالي نصيب
ريما:تغارين خالتي ندى؟ هههههههههههه
تركي:لو ماتغار مازعجتنا دلعوني مثل ريما ههههههههههههه
ريما:هههههههههههههه
ام ريما:حر11111م عليكم وشفيكم على ندى ؟
ندى:يحيى الحق!! وينك عني من طلعتنا وهم بس علي كني ذابحه لهم احد ..
الجدة هيا:حشى كاننا بحرب
الكل:ههههههههههههههههه

سهروا عندهم الى الساعة 12 ونص وبعدين راحوا
: ريما دعت نوف والهنوف عندهم بالبيت..البنات جوا الساعة 5 العصر وجلسوا في الصالة
ريما:يربي اليوم حــــر!
ام ريما:ايوالله حر الله يسلم المكيفات اللي ماحسستنا بالحر
هنوف:الصيف موووت حر بس مع كذا اموت فيه علشان اجازتنا الكبيرة تكون في الصيف هههههه
نوف:هههههههه والله انك صادقة
ريما:يمـة طلبتـك لاترديـــني!!
ام ريما:وش تبين؟اذا قدرت علية آمري انتي بس
ريما:يمة نبي نسبح انا والبنات
الهنوف: اهــــــــئءء<شهقت صاحية ريوم انا ماجبت ملابس سباحة ولااستعديت
نوف:يالله خالتي سلمى تكفين نفسي اسبح اللحين وانتي هنوف ياسخيفة تعرفين ان ريما مااكثــررررر من ملابسها اكثر ملابس بالرياض
ريما:ههههههه الله اكبر هنوف وش ذا العقل عليك!!
نوف:ههههه الكل يعقل الا الهنوف
ام ريما:وش فيكم على هنوف؟؟
الهنوف: هههههههه شفتي خالتي كلوني..
ام ريما:يالله يابنات قوموا جهزوا ملابسكم عشان السباحة
ريما:يسسسس!قوموا صبايا نجهزهم
البنات جلسوا يخربطون ويصارخون لما نزلوا المسبح وجلسوا جلسة فلـةً والكيف كايف..جلسوا يسبحون الى صلاة العشاء جتهم ام ريمــــــا وجلست ع الكراسي اللي قدام المسبح..
ريما:يمة تعالي اسبحـي معانا وناسة
ام ريما:هههههه راسي مصدع شوية
البنات:سلامااات خالتي
ام ريما:الله يسلمكم .بنات ماتبون تعشون؟
ريما:ايييه جوعانة تكفين يمة ارسلي السواق لماكدونالدز
ام ريما:يعني ماتبون الاكل اللي انا طابخته
ريما:لا يمة صحه وعافية على قلبك انتي وابوي
نوف:بالله سبايسي امووت عليها
ريما:ههههههه خلاص بنكتب الطلبات ونرسلها مع السواق
هنوف:ريوم لاتنسين الآيسكريم حقهم الماك فلوري خطير
ريما (بتقهرهم):لا بعدين حلقك يلتهب
الهنوف:الحمد لله والشكر ترانا بالصيف
ريما:ههههه امزح عليم من عنوني يالغاليات كم نوف وهنوف عندي؟
طلعـــــوا البنات من المسبح واخذوا شاور سريع وغيروا ملابسهم وبعدين جابوا الشغالات العشاء وتعشوا البنات وهم غراقنين بالسوالف وجتاء سواق هنوف وراحت معاها نوف..


بعد ماراحو البنات جلست ريما قدام التلفزيون الى الساعة 4 الفجر وبعدين صعدت صلت بغرفتها ولا جاها النوم ..قالت مالي الا ندى خالتي ازعجها المسكينة كانت غاطة في سابع نومه وهاوشتها وقالت لها روحي نامي وسكرت الخط بوجهها وريما ميته من الضحك..
اخذت ديوان شعر لبدر بن عبدالمحسن وجلست تقراها وتذكرت نواف وضاق صدرها وطفشت ونامت الى الساعة 6 المغرب

ام ريما:ريما افتحي الباب ماصار كل هذا نووم؟
ريما:ليش كم الساعة؟
ام ريما:الساعة 6 المغرب يالله بنروح!
ريما:وافااا الساعة 6 ولا صحيتووني وبعدين وين بنروح؟
ام ريما:ياربي من اسلاعة 3 وانا اصحي فيك ..بنروح اللية لبيت عمك سعود (ابو نواف)..عندهم جمعتنا قبل الاختبارات
ريما:تركض فتحت الباب..احلفي يمة؟ليش ماصحيتني بدري ياربي خلاص ماعد فيه وقت ماراح اروح معك..
ام ريما:تونا بنروح الساعة 8 يالله.
بسرعة ريما على طول خذت شاور سريع ولبست تنورة الى نص الساق سوداء وفيها كسرات وفي النهاية على الجنب فيه فراشات صغيرة لونها تركواز تلمع..بلوزة دانتيل اسود وبروش تركواز يلمع..وصندل (وانتوابكرامة)اسود فيه فصوص تركواز ولف على الساق ..وحطت ميك آب خفيف شدو تركواز وجلوس يلمع وكحل اسود داخل العين ..ورشت عطر كوكوشانيل<<روعة نعووووومة بمعنى الكلمة
ونزلت عند امها وابوها في الصالة..جالسين ينتظرونها×..
ابوريما:وش ذا الزين ماتركتي شيء للبنات
ام ريما:وينك تأخرنا والله لو انتي عروس
ريما استحت ودنقت راسها من االحيـــــــــــــا
ابو ريما:يالله مشينا
وصلوا الحريم راحوا للمجلس وابو ريما راح قسم الرجال كان فيه بيت شعر قزاز على بالحديقة دخل عليهم ابو ريما
ابو ريما:السلام عليكم
الكل:وعليكم السلام
ابو نواف:وينك فيه؟وش فيك تاخرت؟
ابو ريما:ريما اخرتنا
ابو نواف: مادامها ريمااجل حلاص سامحناك
العم طلال:الا شلون دراستها؟
ابو ريما:ماشاء الله عليها مجتهدة والله يوفقها
العم طلال:في طموحها من كانت صغيرة مهندسة ديكور
ابو ريما:ولحد اللحين مصممة ع الهندسة
العم طلال:الله يوفقها
محمد كان مبسوط وهم يسولفون عن ريما وكان متحمس نواف لاحظ عليه
نواف:يالحبيب نحن هنا
محمد:هاه
نواف:من قال هاه سمع×..جالسين يتكلمون عن ريما مو عن محمد
محمد:ياخي انت وش دخلك؟
نواف:لا بــــس حبيت انبهك×
محمد:هذاني انتبهت..
عبدالرحمن:وش فيكم تهاوشون؟
محمد:لا ابد سلامتك
دخل فيصل المجلس :السلام عليكم(فيصل كان ابوه متوفي من 5 سنين)
الكل:وعليكم السلام
ابونواف:خير يبة وراكم متأخرين؟
فيصل:لا بس صلينا العشاء وهذانا جينا
ابو ريما:حياكم الله
نواف:هلا وغلا بفصيل ولد عمتي نورة
فيصل وهو مقصر صوتة:تراك فشلتنا عند الرجاجيل.




عند الحريـــــــــــم
البنات كانوا غارقانات بالسوالف جالسات آخر المجلس
ام نواف:ريوم حبيبتي تعالي اجلسي جنبي.
الهنوف:ياحركات انتي قومي عليك طلبية هههههههههه
نوف:قومي ياحظي المرة انبح صوتها وهي تناديك
ريما: طيب انتي وياها جالسين تتريقون علي× مردودة
نوف وهنوف يغنون:مردودة مردودة<<اغنية راشد
ريما تشمي بحيا وجلست جنبها
ام نواف:ريومة شلون المذاكرة الاختبارات ع الابواب
ريما:الحمد لله الله يوفقنا
ام نواف:اللهم آمين..مثل نواف ياحياتي مجتهد وآخر ترم له يعني بيتخرج وبعدها راح ازوجه ان شاء الله<<لازم تذكر نواف

ريما وهي بينها وبين نفسها ياربي معقولة نواف كذا بيطير من بين يديني وانا افكر فيه طول السنين اللي فاتت×...وقطع تفكيرها صوت العمة نورة..

العمة نورة:ماشاء الله بتزوجونة عساكم لقيتوا له بنت الحلال؟
ام نواف:من زمان بس ماراح اوقلها لك اخاف تخطفينها لفيصل وهي تضحك وتطالع ريما
العمة نورة:لاوش نخطبها خلي نواف يقول بتزوج ويصير خير..
ام نوف (زوجة طلال):الا على فكرة ترى بنتجمع بعد الاختبارات عندنا باستراحتنا اللي في الثمامة
ام ريما:والله استراحتكم تهبل ومن زمان عنها وتوسع الصدر
ام نوف:خلاص اجل ان شاء الله العزيمة في الاستراحة عندنا


العيال طلعوا يلعبون كورة بالحديقة(كان فيه ملعب في بيتهم بما ان بيتهم عيال يعني مافيه بنات اكيد البيت بيطلع ولادي100%)نواف لابس ملابس الهلال والفنيلة حقته رقم 9 سامي الجابر<<يموت فيه بشكل جنوني


نوف طلعت تكلم بالجوال بالحديقة وبالصدفة شافت العيال يلعبون وراحت تركض للمجلس علشان تقول لهنوف وريما
نوف:يالله بنات قوموا معاي اللحين
بالنات:وين؟
نوف:العايل يلبعبون برى وناسة
الهنوف:اخوي فيصل يلعب معاهم..؟
نوف:اييه قومي خلينا نضحك عليهم×..
هنوف:بروح اضحك علييه واشفي غليلي منه
ريما:هههههه وش ذي غليلي طالعة من قلبك× بس مابي اطلع
نوف:بلا سخافة قومي فيه مفاجائة(فيه واحد منهم لابس لبس الهلال ولا بعد رقمة 9 ساميو)
ريما:قمزت احلفي سامي آهـ ياقلبي عليك ياسمسم<مجنونه في سامي
هنوف:هههههههههه يالله بلا دلع قومي مو علشاني علشان سامي
ريما:بقوم بس علشان سامي ههههههههه
لبسوا البنت جلال وجلسوا على الطولة والكراسي يشوفون العيال وهم يلعبون


طا1111111رت الكورة وضربت راس نوف
نوف: آآآآآآآآآآآخ ياراسي من ذا الوقح اللي رماها علي؟
محمد:هههههههه آسف والله مدري انا اللي رميتها بالغلط عليك يانوف
نوف:ولا لك وجهه تعترف بعد؟
محمد ميت ضحك عليها هو وريما وهنوف معصببه بشكل خطير
محمد:يالله اعطيني الكورة يانوف.
نوف:ماراح اعطيك بعدين تعورني مرة ثانيه؟وبعدين اذا ماعطيتك اياها وش بتسوي؟
الشباب عصبوا:يالله انت وياها بسرعة بنكمل اللعب
له يبارك فيكعبد الرحمن (اخو نوف): اقول نوف اعطيه اياها<معصب منها
نوف خافت:طيب طيب بس انا بشوتها
نوف جت بتشوتها وتطييييح ع الارض ويضحكون عليها
ريما قامت من الكرسي:انا بعطيكم اياها وترميهابقوة وضربت صدر رجل نواف
ريما تقوول وش ذا الحظ؟
نواف:عاشت والله ريما الهلاليه
الهنوف:ياهووووة بعد يعرف انك هلالية والله خطير نواف
ريما مبسوطة ع الاخر الحمد لله مانسى اني هلاليه ولابعد يحب اللعب نفسه سامي وش ذا الصدفة
سجل فيصل اخو هنوف هــتدف والبنات يصرخووون
وخلصت المباراة 1/0 لفريق نواف وفيصل ضد محمد وعبدالرحمن.......سهروا كلهم وبعدين الكل راح لبيته



جت الاختبارا11111111111ت
الكل مشغول عن الثاني وشاد حيله الا فيصل كان يشتغل في شركة خالة فهد ابو ريما خلص دراسته كان إداراة اعمال..نواف آخر سنة لانه الترم الثاني جاء وكملة في الرياض بعد ماكن في امريكا..
خلصت الاختبارات
ابشركم ريما11111 نجحت وجابت الاولى <<ثاني علمي
امها وابوها فرحانين مررررررررة
ابوها شرى لها ساعة رولكس الماس ذهبيه هدية نجاحها..
امها شرت لها جوال جديد كان نفسها فيه قبل الاختبارت..

الكل نجح :هنوف+نوف+محمد+عبدالرحمن

وابشركم نو111111111ف نجح وتخرج من الجامعة

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~

 

 

[عاشقة الحوراء زينب]

الجزء الثاني
الفصل الثاني

: : :

بعدما انتهت الاختبارت كانت في عزيمة عند العم طلال وزوجتة العنود<ام نوف> في الاستراحة كانت روعة الاستراحة كبيرة بشكل.. وكلها حدائق وفيه قسمين كبار للحريم والرجال..

ريما سوت تشيز كيك فراولة واخذته معاها وجايبه تورتة من باسكن روبنز بمناسبة النجاح..

لبست ريمــــا بنطولون جينز برومودا وبدي سماوي سيور وفوقة جكيت جينز قصيـــــر الى نص الصدر وعقد على الرقبة اللي كانه اكثر من سلاسل مجموعه بعقد واحد وطوويل وجزمة وانتم بكرامة سبور سماوي بابيض..وميك آب نعوم جلوس وكحل داخل العين لونه ازرق <<رووعة

الحريم في المجلس وسوالف وحالتهم حالة..فجاْة يتصل جوال ام نواف ردت ماطولت ابتسمت وعلى طول سكرتها..وقالت مباشرة ريومة انتي وهنوف ونوف عمكم سعود يبي يسلم عليكم ويبارك لكم بالنجاح روحوا له بالمجلس عند الرجال... البنات لبسوا جلال ودخلوا كان فيه ابو ريما وابو نواف وابو عبد الرحمن<عمهم طلال..ومحمد وعبد الرحمن ونواف وفيصل..

البنات:السلام عليكم
الكل:وعليكم السلام
ابو نواف:ياهلا ومرحبا بالبنات الف مبروك النجاح يبة
ريما والبنات:ال
ابو ريما:الف مبروك نوف وهنوف تستاهلون
نوف وهنوف:الله يبارك فيك عمي+خالي..جلسوا البنات وعمهم طلال يسولوف عليهم ونصايح علشان لازم يشدون حيلهم السنة الجاية ثالث وبعدين قالت ريما:
ريما:عن اذنـــــــكم
محمد وطُـــــير عيونه..نواف يضرب كتفه ويبتسم له ..محمد تفشل
ابو نواف:وين ريوم مابعد شبعان منك..!!
ريما انحرجت وماتدري وش بتقول
ابو نواف:تعالي عندي
ريما جت وجلست جنبه
قام نواف وقال شباب يالله خيلنا نطلع بالحديقة ونترك البنات على راحتهم(رحمهم متغطيات طول الوقت اشكالهم تكسر الخاطر هههه)وطلعوا العيال
ابو نواف:ماشاء الله ياريما كبرتي وصرتي عروس
نوف جلست تناظر الهنوف وحسوا ان ريما انحرجت<<البنت على طول تستحي حيويه بمعنى الكلمة
ابو ريما يبتسم
دق جوال ريما وطلعت خالتها ندى ريما(الحمد لله اللي فكيتيني من ذا الموقف ياندوو)
ريما:عن اذنكم بكلم خالتي
الهنوف ونوف:حتى حنا يالله مع السلامة
العمام:اذنكم معاكم

طلعوا البنات وريما تكلم ندى جلست شوية عند المسبح وتفكر بكلام عمها بعد ماسكرت من خالتها.. وهنوف ونوف على طول دخلوا لما كانت ريما تكلم خالتها واتركوها على راحتها برى..وجت بتدخل واول مافتحت الباب ويطلع في وجهها محمــد وقف ولا تحرك ريما جلست تطالع فية وانصدمت ليش مايتحرك وعلى طوووول تغطت هو تفشل وطلع ومو مصدق (ياربي وش فيني انا هذي بنت عمي كيف اطالعها كذا..×وش بتقول عني؟ بس انا ماصبر اشوف كل ذا الزين وانا ساكت)
ريما(ياربي عليه وش ذا الطول..مملوح بشكل ..بس نواف احلى منه)


البنات كانوا جالسات في الصالة عند رورتانا خليجية وريما جتهم تركض
نوف:وش فيك؟
ريما:يالله طلع في وجهي محمد ..وشافني
نوف:احلفي؟كيف؟متى؟وين؟ وش قالك؟
هنوف:شوي شوي على البنية كل ذا بتجاوب عليه
نوف دنقت وتفشلت
ريما:فوفو حبيبتي وش فيك ارتبكتي يوم قلت لك لا يكون
نوف:وشو بعد؟
هنوف:مدري عنك ..تعالي بالله وش فيك.لايكون تحبــ
نوف:لا عاد انتي وياها ان الخبلا اللي اجلس معاكم وقامت
ريما مسكت يدها:فوفو لاتعصبين وش فيك اليوم صايرة كبريت
هنوف:خلاص حبيتي لاتزعلين وانا اسحب الكلام اللي قلتة
نوف:ياويلكم تفكرون في الخرابيط هذي مرة ثانية
ريما:ههههههه خلاص ولايهمك
هنوف:ابشري يافوفو

ريمـــــا بنات انا جت كيكية عشان النجاح تعالوا عند الحريم نقطعها ونحتفل
نوف:والله انك خطييرة ياريوم
هنوف:الله لايحرمنا منك ومن كيكاتك
ريما:هذا اللي همك بطنك
هنوف:ههههههه ذكري ربك
ريما:ماشاء الله هههههههههه

راحوا البنات عند الحريم والبزارين معاهم والكل يبارك لريما ع النجاح وعقبال الدكتوراة..ٌطعوا الكيكة وقالت ام نوف:وراكم ماتذوقون الرجال من كيكية النجاح
ريما:ايوووووة صح×..خلاص بقطع لهم انا جيبة كبيـــرة
ريما هي وهنوف يقطعون للرجال والعيال
نوف انا بوديهم اوووكي بعطي اخوي عبد الرحمن يعطيهم
راحت نوف ولبست جلال وكان الباب قزاز يعني تشوف اللي برى في الحديقةوكان عبد الرحمن ومحمد جالسين يسولفون وكان واضح ان عبد الرحمن متحمس معاه ومحمد كان يتكلم في موضوع جــــاد ومهم (نوف ياربي وش يتكلمون فيه اكيد شيء مهم)وطلعت وسمعت محمد يقول
محمد:ياعبد الرحمن تعرف وش معنى احبهـــــا وربي احبها
عبد الرحمن:طيب هي تدري؟
محمد:لا وش بيعرفها؟
عبد الرحمن:تبيها تدري عن الموضوع؟
محمد:كيف؟ يابو الافكار؟
عبد الرحمن: علشان تعرف منهو عبد الرحمن ..بس اسمع هذي الفكرة بخمس مية ريال هههههه...
محمد:خلاص لك الي تبغى بس وش الفكرة.؟
عبد الرحمن:اقول لاختي نوف تقولها ريما ونوف مثل الخوات
واسرارهم عند بعض
نوف وقفت في مكانها ونزلت دموع من عيونها لاشعورياً
نوف ونبرة صوتها حادة ومعصبة:عبد الرحمـــــــــــــــــــــن تعال
عبد الرحمن:بسم الله جبنا سيرة القط جانا ينط
محمد:هههههههههههه
نوف(وتضحك بعد احر ماعندي ابرد ماعندك):عبد الرحمن تعال اخذ هذا للرجال
عبد الرحمن:وش ذا؟
نوف:من ريما بمناسبة نجاحها ونجاحنــــــا×
محمد يوم سمع اسم ريما التفت وجلس يطالع في نوف.
نوف(بسم الله عليك شوي شوي )وهي تناظر لمحمد
عبد الرحمن:ياهلال بالحامل والمحمول
محمد:ههههههههههه


دخلـــــــــت نوف وهي معصبة وراحت فوق في غرفتها(كان بالاستراحة بيت صغير وفيه غرفه لها ولاخوها عبد الرحمن ولامها وابوها)شافتها هنوف وهي تكبي..وبسرعة راحت تركض وراها على طول نوف قفلت الباب..
الهنووف:نوف وش فيك؟افتحي الباب
نوف وهي تبكي بحرارة:مافيني شي بس تعبانة
هنوف:طيب افتحي الباب
نوف:خليني براحتي
هنوف:كيف اتركك وانتي كذا اقولك افتحي الباب ولا بعلم امك
نوف:لاتعلمينها بشيء تكفين وهي تصرخ:اتركييييييييييييني
هنوف راحت تركض لريما وريما كانت جالسة عند امها

الهنوف دخلت وكان وجهها متغير ودنقن وهمست باذن ريما:ريما قومي معاي نوف تصيح بغرفتها وتقول لاتقولون لاحد
ريما:طيب يالله اصعدي قبلي علشان مايشكون الحريم
راحت الهنووووف
ريما:عن اذنكم
ام ريما: وش فيكم؟ وش فيها هنووف؟
ريما: لابس آآآآ امممممم أه ه ه<تخربطت
ام نواف: اتركيها يام ريما تعرفين اسرار البنات
ام نوف:ههههههه صادقه تلاقينهم عندهم سوالف
ريما وهي مستعجلة:يالله عن ذانكم


صعدت ريما ولاقت هنوف جالسة بالصالة لحالها
ريما:هاه بشري وافقت تفتح الباب؟
هنوف:لا ولا فيه امل
ريما:طيب انا بوريك كيف بتفتح؟
ريما وراحت لغرفه نوف وتطق الباب
ريما:نوفه حبيبتي انا ريما افتحي لي
نوف:حرا11م عليكم اتركوني خلوني براحتي
ريما:انتي اللي حرام عليك اللي جالسة تسوين فينا
هنوف:بالله افتحي طيحتي قلوبنا ..
نوف صرخت:اتركوووووني
هنوف:يعني مو بفاتحة الباب يانوف؟
نوف:لا
ريما غمزت لهنوف
ريما:آآآه بطني الحقوني..بموت آآآي الم فظيع
هنوف:ريما بسم الله عليك وش فيك بروح اكلم خالي فهد
نوف على طوول فتحت الباب:ريما وش فيك؟
ريما:صا111111دوة
هنوف:هههههههههههههه
نوف يوم شافتهم كذا يضحكون جلست عند الباب تبكي
ريما:افا وش فيك عيوني فوفو
هنوف:يمة وش فيك ..وش قالوا لك العيال؟انتي من رحتي لهم ورجعتي جلستي تبكين
ريما:ماعاش من يخلي فوفو تبكي...تكلمي ريحينا
نوف لاشعورياً:والله احبه..
نوف:محمـــد محمد ياريما×
ريما: وش فييييييه؟
نوف:محمد يحبك
ريما مو مستوعبة اللي تقوله نوف:انتي وش جالسة تخربطين؟
هنوف:نوف شوي شوي وفهمينا وش عرفك؟
نوف جلست تقولهم السالفة....وهي تبكي
ريما مصدومة ماقالت ولا كلمة
هنوف:طيب يانوف ليش ماقلتي له قبل انك تحبينة؟وبعدين ليش ماقلتي لنا؟
نوف:مدري والله مدري <جلست تبكي
هنوف:وانتي ياريما وش رايك؟
ريما ساكتة وفي حالة سرحا11ن
هنوف:ريما نحن هنا
ريما:هاه
هنوف: وش رايك بالسالفة
ريما:نوف حبيبتي لازم نتعرفين اني مافكر فيه..واعتبرة اخوي اللي ماجبتة امي..والله كنت اتكلم معه وسولف على اساس اني معتبرته اخوي ماكنت اعرف انه يفكربشيء ثاني..حبيبتي انتي لازم تمسكين نفسك..وتتمسكيين فيه لان حبك مايروح كذا لازم تصارحينه بالوقت المناسب..ولازم تحـــبـــبـينه فيك فاهمتني..
هنوف:لازم توصلين له انك تحبينه باي طريقة ..
ريما:وبعدين مابي اشوف دموعك مرة ثانية..وياجبل مايهزك ريح
يالله اللحين اضحكي ابي اشوف ابتسامتك..
هنوف:ياحظي هذي تحب وهذيك تحب وانا ياربي اشكثر اعا111111ني محد احبه ولاحد يحبني
نوف:ههههههههه
ريما:ايوه كذا فكيها..يووووووووووووه(قمزت من مكانها)نسيتوني التشيز كيك يالله بسرعة خلينا نقطعها مع العصير
هنوف:ريوم ليش ماتخلينه بعد العشاء
نوف:اييييه اللحين ماكلنا الباسكن
ريما:يالله اجل قوموا ناكل الباسكن ونتعشاء
هنوف:ايييه صح تراني على لحم بطني
ريما:اهئ <شهقت من شوية جالسه تتقهوين وتاكلين
نوف:ههههههههههههه
هنوف:ريوم وش فيك علي
ريما:اللي قاهرني انك عصلا نحيفة يابسة مالك بطن هههههههههههه ماشاء الله لااله الا الله عليك



نزلوا البنات وكن شيء ماصار
تعشوا وبعد العشاء راحت ريما تقطع التشيز كيك واعطت الحريم
العمة نورة:عقبال ماناكل كيكه زواجك
ام نواف:آميييين
ريما دنقت راسها
قطعت ريما للرجال وارسلتهم مع الشغالات
ابو عبد الرحمن:الله وش ذا الحركات تشيز كيك
ابو ريما:ايييه هذا ريوم مصلحته
ابو نواف:ماشاء الله عليها فنانة مطبخ
ابو ريما:اكيد مايحتاج هذي بنتي الله لايخلني منها
فيصل:الله على بنتك ياخالي ياليت كل يوم تنجح علشان تذوقنا هالكيكات
نواف:هههههههههههههههه
ابو ريما:ريوم مابتقصر هههههههههه
محمد:ماشاء الله روعة التشز كيك
عبد الرحمن:ياليت نوف يايبة تتعلم منها
ابو عبد الرحمن:خلاص بنخلي ريما تعطيها كورسات
فيصل:وخلو الهنوف معاها تتعلم
الكل:هههههههههههههه
نواف غص في الاكل من سمع طاري هنوف
ابو نواف:بسم الله عليك قوم اشرب ماء يبة
محمد:ايه اكيد اعجبة التشيز كيك
الكل:ههههههههههه
نواف(الحمد لله اللي ماحسوا فيني)

سهروا البنات وكانت ندى كل شوي تتصل على البنات
هنوف :ريما تكفين حطية سبيكر بنسمع سوالفها اللي مثل العسل
نوف:اييه والي يسلمك
ريما:طيب
ريما:هلا وغلا باحلى خالة بالدنيا
ندى:الو؟انا؟شكلي غلطانة..مو هذا جوال ريما فهد الـ.....
البنات:هههههههههههههههههه
ندى:ريموه وجع فشلتيني سكري السبيكر
ريما:لا بس البنات بيسمعون سوالفك×..
ندى:منهم؟
ريما:هنوف ونوف
ندى:اها11 اشوى احسبهم ناس ثانينين
ندى:هالوووووو صابايا..
البنات:هالو ندوو<اسم الدلع
ندى:ياحياتي انتم تعلمي ياريموة منهم كيف الكلام الزين
البنات:هههههههههههههه
ندى:الا تعالوا انا زعلانه منكم.
هنوف:ليش يالغالية كل شيء ولا زعلك
ندى:طيب ماعلية تتجمعون ولا تعزموني
نوف:يوووووة ماجت على بالنا اعذرينا
ندى:هههههههه لابس امزح
هنوف:ندى تكفين بنتجمع لنا يوم معاك
ندى:انا ماعندي مانع بس عندكم البخيلة ريموووة ماتعزم
ريما:حر1111111م عليك يالظالمة
ندى:ههههههههه خلاص بنات وش رايكم بعد بكرى عند ريما
البنات:خلاص اووكي
ريما:ماشاء الله اشوفكم عزمتوا انفسكم؟
ندى:ماقولكم انها بخيلة
ريما:هههههههههههه امزح والله حياكم الله بتنوروننا
ندى:اوكي اشوفكم على خير...سي يو...
البنات:هههههههه سي يو
وبعدين جلسوا الى الساعة 2 بالليل ورجعوا لبيوتهـــــــم


بعد يومين تجمعوا البنات وندى عند ريما...وام ريما كانت في بيت خوالها عند الجدة هيا تزورها..
جوا البنات..
في الصالة جالسات وكانت الصالة كبيــــرة وروعة الباب قزاز وكبير وفيه جدار يطل ع الحديقـــــة وفي نص الصالة درج كبيـر والصالة كلها رخام وفيه تلفزيون واستريو كبيييييييييييييير مرررررة والكنبات كلاسيكية وفخمة لونها ذهبي واحمر..طبعاً البنات سوالف وحالتهم حالة وماتركو احد ماتكلموا فيه <طبعاً يالبنات..وقامت ريما:بنات نفسي ارقص وش اسوي؟
نوف:ههههههه خذي اقرب كاسيت وشغلية وارقصي
ريما: لاياذكية ابيكم كلكم ترقصون معاي..
ندى:قولي قسم! هههههه
ريما:يالله بلاسخافه نبي نستانس
هنوف:يالله ياريوم انتي حطي روتانا خليجية وانواع الرزفةههههه
ريما حطتها ولقت اغنية الشاكي لحسين الجسمي
وكل البنات قاموا يرقصون وندى جالسة تصفق وتقوم ريما وتسحب يدها وتجرها ورقصت رقص هبال والبنات ضحك
بعدين خلصت الاغنية
نوف:ريما تكفين عاد اللحين حتى انا ابي ارقص تحمست طيب جيبي اشرطتك
ريما:عندي طقاقات ون111111سة تبونهم؟
ندى:من شاور ماعطى ههههههه
هنوف:هههههههههههههه
نوف:حرام عليكم كل شي ولا ريوم
ريما:ياعيني ع الماصلح نويفه ههههه
نوف:طيب الشرهه مو عليك علي انا اللي ادافاع عنك!!
ريما وراحت باستها من جبينها:اسفة ياقلبي انتي لاتزعلين كم نوفه عندي؟
نوف:ياللله بسرعة لايكثر كلامك نبي طقاقات
ريما:ابشري ..جابت طقاقات وحطت اغنيـــــة بصوت الطقااقات(لو ماتبيني لسعد الفهد) ورقصوا عليها ونا1111111سة

**************************************************

 

 

[عاشقة الحوراء زينب]

هذا بارت لأحلى متابعين
_______________________

وبعدين(فاهمني ولا لا) (قوة قوة) وانواع الحركات جلسوا يرقصون..
ندى:آآآآة ياريما رجولي تقطعوا من كثر الرقص
ريما:يابنات انا ماضربتكم على يدكم وقلت تعالوا رقصوا معاي
هنوف:الله اكبر عليك يابنت خالي من شوي بتبكين عشان نرقص
ريما:هههههههههه صبايا تعالوا نرسل السواق يجيب لنا آيسكريم من باسكن روبنز<نقطة ضعفها باسكن
نوف:اية ياعمري ابي ستروبري
ندى وهنوف:توووفي
ريما:لا تقلدوني انا توفي
ندى:ياشيخة اقول روحي بس حتى حنا نبي توفي مو مكتوب باسمك ههههههه
ريما:ههههههه امزح والله..
ندى:اكيد تمزحين انا خالتك الكبيرة
هنوف:الله والكبر بينكم سنتين ههههههه
ندى وتضرب هنوف: اسكتي وجع هههههههه


طق الباب الساعة 10 بالليل راحت الشغالة تفتح الباب ورجعت ومعاها صندوووق كبيــــــــــــــــر ومغلف بشرايط فوشي بتفاحي
جت الشغالة :مس ريما تيك ذس فور يو!!
ريما:طيب مين اللي اعطاك اياه؟
ندى:افتحية شكلها من احد المعجبين هههههههههه
ريما مالقت لندى بال وجلست تكلم الشغاله:سوما..طيب مين كان فيه عند الباب..؟
سوما الشغالة:مس ريما انا فيه شوف ذس بوكس عند الباب مافيه احد هذا فيه نزل وروح .<<اصلح مترجمة هههههههههه
ريما:اوكي ثانكس
نوف:ياحركا1111ت انتي بسرعة افتحي ابي اشوف وش السالفة
ريما:كانت متوترة ياربي مين هذا؟
هنوف:اكيد بتلاقين جوا الكرتون كرت ومكتوب عليه اسم صاحبها
ريما فتحت الكرتون وطلع فيه



دبـــــدوب كبير لون ابيض وكانة ماسك صندوق ذهبي فتحت ريما الصندوق ولاقت ديوان الشاعر خالد الفصيل بوسطة وفيه علبة شاكلت من باتشي وفيه كرت روعة لونه فوشي وفتحت وجلست تقراها مكتوب عليه:

الى غاليتي ريما:
الف مبروك النجاح وعقبال الدكتوارة
وهذي هدية بسيطة بمناسبة نجاحك وانا عارف انك تحبين القصيد وحبيت تقرين ديوان خالد الفصيل

خالك:تركـــــي..

:::
ريما ياحياتي ياخالي تروكي آهـ ياقلبي وتلوموني في حبه ياقلبي هو
ندى:ياعيني اخوي رومانسي
هنوف:ماشاء الله ذووق
نوف:والله انه روعة

ريما:ندو تكفين قبل لاتطلعين ذكريني ابي اعطيك شيء لتركي اوووكي؟
ندى:وشو؟
ريما:وش دخلك.؟
ندى:طييييييييبب ياريموة
ريما:ندى انا عارفة انك بتفتحينها قبل لاتعطينة اياها بس ابي اقولك ياطويلة العمر هذي هدية بمناسبة نجاحة عبارة عن عطر وقلم..

تعشوا البنات واتصلت العمة نورة ام هنوف ع بيت ريما
العمة نورة:الوو؟
ريما:هلا وغلا عمتي
هنوف: ياربي اللحين تقول ارسلت لك فيصل تعالي
ندى:لا ياربي تو الناس الساعه 11
نوف:ماعليك يابنت الحلال ريما اللحين بتحاول فيها

العمة نورة:ريومة شخبارك؟
ريما:بخير انتي كيفك؟
العمة نورة:والله بخير ياحياتي..ريومة قولي لهنوف تتصل على فيصل يمرها وهو جاي لانه طالع برى البيت
ريما:لا ياعمتي تونا تكفين
العمة نورة:يكفي مامليتوا من بعض؟
ريما:كيف امل من خواتي
العمة نورة:الله يخليكم لبعض
ريما:آمين..عمتي شوفي بتتصل علية ومتى ماجاء يمرها
العمة نور:لا بس فيصل مايرجع الا بعد الفجر اذا كان عندة مباراة
ريما:طيب هي مو عند احد غريب في بيت خالها
العمة نورة:خلاص ياريوم سوي اللي تبينه بس خلي فيصل يمرها يالله مع السلامة
ريما:مشكوورة...ومع السلامة

ريما جتهم وقالت لهم السالفة..
هنوف: ريوم بالله اعطبيني جوالك جوالي مافيه شحن بتصل على فيصل
ريما: طيب خذية..واعطتها اياها
هنوف:ياربي من ذا الولد كل ماكلمة مشغول
نوف وندى وريما:هههههههههههه
هنوف:اقول ريما انا بروح للحمام وانتوا بكرامة حاولي فيه لعلى وعسى يرد
ريما:ياسلام واذا رد؟
هنوف:لا ماعليك اللحين بيجلس ساعة مو براد..وبعدين انا مابطول
ريما:طيب..راحت هنوف الحمام..اتصلت ريما وعلى طول رد فيصل..

فيصل:الووو؟
ريما:ااااااااا مساء الخير
فيصل:مساء النور والسرور مين معاي<<مغزلجي(نواف كان معاه في السيارة)نواف ضرب فيصل:عيب ياولد خلك ثقيل

ريما:فيصل كيفك؟معاك ريما
فيصل:ريما بنت خالي فهد يامرحبا يامرحبا نورك غطى ع الكهربا
ريما:هههههههه لا بس حيت اقولك ان عمتي نورة تقول ياليت لو تمر هنوف عندنا متى مافضيت..
فيصل:والله ياريما انا عندي مباراة ومو فاضي لهنوف ذي وماراح اخلص الا الساعة 3 الفجر وفشلة امرها عندكم ثلاث
ريما:طيب خلاص انابوديها مع السواق معليش؟
فيصل:خذي راحتك الهنوف اختك هههههههههه
ريما:يعني تبي الفكة منها
فيصل:ههه شفتي كيف والله انك ذكية واللبيب بالاشارة يفهم
ريما:اوكي اجل يالله مع السلامة
فيصل:مع السلامة

نواف:عيب عليك ليش ماتمر اختك
فيصل:خلها تولي فاضي لها انا وراي مباراة وبعدين كل يوم عند ريما ماصارت..
نواف:واللحين مين بيوديها؟
فيصل:ريما اعطتني حل انها توديها مع السواق الله يجزاها خير
نواف:ماشاء الله هذي ريما متربية عدل!!
فيصل:ايو الله خالي فهد عرف كيف يربيها ولا تنسى هي دلوعته
نواف:ايييه االلي مخبرها دلعها عمي مايرضى عليها
فيصل:بس البنت ماشاء الله خوش بنت
نواف:اييه ماشاء الله

ريما قالت للبنات وش قال فيصل
هنوف:طييييب يافيصلوة والله انك ترفع الضغط
ندى:خليية واذا جيتي البيت اذبحيه بردي كبدك
ريما:طيب بروح اكلم عمتي واقولها لان ماتدري مين بيوديك

ريما اتصلت على العمة نورة وقالت لها ..والعمة نورة عصبت من فيصل اللي يبي الفكة منها

العمة نورة تتصل على فيصل
فيصل رفع جواله
فيصل:الله يستر الشرطة تتصل
نواف:وش تقول انت؟
فيصل:لا ههههههه امي تتصل
نواف:ههههه اقول تراك فشلتنا انت وذي النغمة(حاط نغمة الدوريات خخخخخخ)هاوشته العمة نورة وهو ساكات وبعدين سكرت السماعة وعادي وكان شيء ماصار عندة ماخذ الدنيا ايزي...

وصلت ريما نوف وهنوف لبيوتهم مع السواق والشغالة<ماتركب لحالها..وراحت ندى قبلهم بشوي ويما اعطتها الهدية لخالها تركي..
في سيارة فيصــــــل:


فيصل:اقول نواف خلينا نروح نشرب قهوة في احد المقاهي
نواف:صاحي انت طالع الساعة كم؟الساعة 12 ونص
فيصل:عادي يابن الحلال احس راسي يعورني مشتهي قهوة تصحصحني!!
نواف:والله مضرة عليك انت مدمن عليها وبعدين فيها منبهات واحنا آخر الليل
فيصل:اقول ياسعادة المهندس فكنا من ذي النصايح وامشي معاي
نواف:يالله شكوي الى الله..

نزلوا في احد مقاهي في شارع التحليـــــــة
فيصل طلب موكــــــا..نواف طلب عصير ليمون<ياعيني ع الصحة
نواف ويرن جواله وطلع برى المقهى ساعة يكلم ورجع
فيصل:كان مارجعت يابن الحلال كان نايم بالشارع!!
نواف:هههههههههههههههه
فيصل:وتضحك بعد تصدق انك سخيف؟ ومن ذي اللي تكلمها؟
نواف:حرام عليك دايماًنيتك شينة وش ذي هذا واحد مو وحدة
فيصل:طيب ليش قمزت يوم كلم وطلعت برى؟
نواف:ياطويل العمر هذا جاسم صديقي القطري كان يدرس معاي في امريكا وهو يكلم من قطر ...ومشتاق له بالمرة..

فيصل:اها وانت كل يوم مكلكم واحد..امس خليقة الاماراتي وخالد الكويتي وجورج اللبناني
نواف:ههههههه ياحليك حافظهم..
فيصل:اقول ليش مانروح انا وانت زيارة نفر دول الخليج كلها عند اصدقائك
نواف:ليش لا ..والله مافيه اكرم من هل قطر والامارات والكويت
فيصل:اقول نواف وانت في الجامعة فيه بنات خليجيات؟
نواف:اييييه كثير
فيصل:ياحظك ياخي ..وطيب مافيه كذا ولا كذا
نواف:الحمد لله والشكر انا مو راعي هذي الخرابيط؟؟
فيصل:والله امزح طيب حلوات؟
نواف:اكييد يكفي انها خليجيه وبحجابها طالعه قمر..
فيصل:ياعيني

طلعوا العيال وكان عندهم مباراة الساعة 1ونص تخيلوا؟
ههههههههههه<رايقين

طبعاً اتصل العم سعود ابو نواف وكان عازمهم في المخيم الكبير اللي بالبر ويبون يجلسون 4 ايام

وريما حالتها حالة تجه وتضبط....وكريمات ومساكات ...وقالت للبنات كل وحدة تمر السوبرماركت وتشتري معدات الرحلى تبسات وتشاكليت وعلوك وفشار وكل شي
هنوف تجهز العاب ورقة(بلوت)منوبولي وانو<<رايقة
نوف راحت تشتري مجلات و تشبسات والحوسة

##############################

 

 

[عاشقة الحوراء زينب]

الجزء الثاالث

الفصل الثاني

: : :

جــــأء وقت الطلعة للمخيم..الرجال اتفقوا يتجمعون عند محطة البنزين اللي على طريق المخيم لما يكتملون ويمشون سوا
(راح ابين لكم ترتيب السيارات ومن فيها)
ابو ريما>ام ريما+ريما+الشغالات2
ابو نواف>ام نواف+الشغالات
نواف>محمد+العفش والحوسة حقت الرحلة
العم طلال>ام عبد الرحمن+عبد الرحمن+نوف+مها الصغيرونة
فيصل>امه نورة+الهنوف+عبد الله الصغير+الشغالة

تجمعــــــوا ونزلوا الرجال يعبون بنزين لان المشوار طويل ريما راحت عند ابوها وطلبته يركبون معها نوف وهنوف وافق وراح للعمة نورة وقالها وافقت ونزلت معاه هنوف وراح ابو ريما وقال للعم طلال ووافق تركب معاهم نوف تجمعوا البنات في سياراة ابو ريما ونا111111111111سة

ريما ع النافذة اللي وراء ابوها ونوف بالوسط وهنوف وراء ام ريما والشغلات بآخر شي كانت سيارتهم جمس..
ريما:بنات والله فرحانة نبي ننام بالبر يا111111111ي
هنوف:اجل انا خايفة يمة!! احس راح يصير لنا مثل افلام الرعب
نوف:ههههههه مأثرهـ فيك mbc2
ريما:هههههههه اكيد 24 ساعة مقابلتها
هنوف:لا بجد وربي تراني خوافة<الاعتراف بالحق فضيلة
ريما:يبه فهودي ممكن تشغل لنا ذا الشريط
ابو ريما:تامرين يالغالية اعطيني اياه
ريما:اعطتة وكان شريط رابح صقر (سهرتنا الليلة خلوها صباحي) والبنات جلسوا تصفيق وتصفير وام ريما وابو ريما يضحكون عليهم

في سيارة نواف
محمد:نواف طالع البنات اشكالهم في سياراة عمي فهد يرقصون
نواف:وش تقول احلف؟
محمد:لا مايرقصون بس منسجميين مع الاغنية اسمع كيف عمي مطولها ع الآخر هههههههههههه
نواف:عمي هذا راح يخرب بنتة مدلعها دلع
محمد:اكيد بنتة الوحيدة
نواف:اقول ليش عبد الرحمن مايجي معانا
محمد:ياليت تكفى خلة يجي
نواف اتصل على عمة طلال وافق وقف سياراتة وركب عبد الرحمن معاهم وراء وجلسوا سووووووووالف طول الطريق


في سياراة ابو نواف
ابو نواف:اسمعي يام نواف الله الله بريما لازم تقربينها من نواف
ام نواف:بس ريما طبعها حيوي على طول تستحي وولدك هذا مايعطي وجهه
ابو نواف:عاد سوي اللي عليك..وانا منى عيني اشوف ريما ونواف في بيت واحد
ام نواف:والله ريما بنت طيوبة ويابخت نواف اذا بياخذها


وصلوا المخيم ع الساعة 8 بالليل ..وكان فيه مخيـم كبييييير للرجال مكيُف وقزاز وكنبات والقسم الثاني جلسة عربية ع الارض ..وغرفتين وبيت شعــــــــر..ومثل كذا مخيم الحريم ومطبخ صغير وانتوا بكرامة حمامات..


اولاً تعشوا وبعدين تقهوا وكلن في قسمة طبعاً من التعب الكل نام ماعدا الشباب والبنات

ريما:بنات اسمعوا بنسهر للفجر بنشوف شروق الشمس يا11ي منظر روعه
نوف:ياعمري والله الرومانسية ذابحتك
هنوف:اقووول حرام عليكم انا خايفة مافية الا احنا تخيلوا بيطلعون لنا جن وش نسوي؟
ريما بدت تخاف بس مابينت لهم:اقول فكينا انتي وسوالفك الفاضية
نوف رمت حصى(حجر) على ظهر ريما ..<تحب المقالب
رييما صرخت :وووووووووووووااااااااااااااايييييي يمة جني وجلست تركض ماحست بنفسها الا ضربت نواف اللي من سمعها قمز يبي يشو ف وش السالفة ريما ماعليها جلال ولا طرحة بس جمدت في مكانها وطاحت ع الارض..وجلست تصيح نواف رحمها وراح لاقى جلال في سيارتة حق امة واعطاه اياها وهو منزل راسه بالارض..ويوم تغطت قالها وش فيك ريما؟
ريما:لا بس ااااااااااااااا وسكتت
نواف: وش السالفة تكلمي؟وراك تصارخين؟
تجي نوف وشافت نواف.. وريما على الارض جالسة
نوف:هلا نواف
نواف:وش السالفة نوف؟
نوف: مفية شي يستاهل..بس احنا جالسات لحالنا وهنوف تتكلم عن الجن وريما كانت خايفة موت وانا رميت حصى (حجر)على ظهرها وقمزت وجلست تصارخ تحسبة جني
نواف:ههههههههههههههههههههههههههههههههههه طلعتي ياريما خوافة
ريما:لا مو انا اللي اخاف من الجن..
نواف:طيب وش تفسرين تصرفك؟
ريما سكتت
نواف حس انه احرج ريما: بنات ليش ماتنامون
نوف:هههههههه بنسهر اليوم الست ريما تبي تشوف (وتضربها ريما)وسكتت
نواف:كملي وش بتشوف ريما
نوف:بتشوف شروق الشمس ريما تحب الاجواء الرومانسية
نواف:اها11111111 . (وش ذي بنت عمي نفس اللي احبه تحبة يعني الشعر والميول الرياضية وحتى المنظر الي اتلذذ وانا اطالعه شروق الشمس تحبة؟)..
نواف:ماشاء الله واضح انك ياريما رومانسية..يالله اجل انا رايح للشباب مع السلامة

ريما حلست تهاوش نوف ..ونوف وهنوف ميتات من الضحك
آذن الفجر وكان عبد الرحمن اللي يذن صوتة حلووو وصلوا البنات والعيال..

هنوف:بنات انتم مو جوعانين؟انا ميتة جوع
ريما:كلن على همة سرى وانا على همي سريت هههههههه
نوف:والله انا بدء الجوع يدخلني هههههههههه
ريما:طيب انا وكرماً مني انا ريما بنت فهد راح اسوي لكم سندويتشات مع العصاير امي شرت امس عصاير اوكي وش قلتوا؟
هنوف:سيري ياريوم ونحن من ورائك


دخلت ريما المطبخ هي والبنات وجلسوا يسولفون ويضحكون ويزينون سندويتشات كثير(جلسوا ساعتين بالمطبخ اللي يشوفهم يسوون ذبيحة) وخلصوا بعدين ريما قالت:هنوف اتصلي على اخوك خلي يسأل العيال اذا يبون حرام اكيد جوعانين
نوف:طنشيهم احنا نصلح وهم ياكلون
هنوف:صادقة نوف ..وش نبي فيهم احنا خير تعمل شراً تلقى
ريما:ياسخفكم حرام عليكم هم مايقدرون يسوون مثلنا يالله عاد كلمي تكفين!!اللحين انا جالسة اصلح لكم وانتم تسوون فيني كذا؟
هنوف:طيب لاتزعلين ياريوم ابي اكلم وامري الى الله

هنوف:الو فيصل؟
فيصل:بسم الله الرحمن الرحيم..وش تبين انتي حتى في البر لاحقتني؟
هنوف:ماقلت لك ياريما اسمعي وش يقول اخوي
فيصل:ليش وش دخل ريما بالموضوع؟
هنوف:لابس هي سوت سندويتشات مع عصيرات وطلبتني اني اكلمك وتسال الشباب اذا هم يبون..بس انا قلت اان ونوف وش تبين فيهم هذولا ناس ماعندك احد ههههههههه..مايقدروننا!!

فيصل:لاتخربين البينة خليها تدلعنا ..وبعدين لاتسألون مرة ثانية اذا عندكم اي شيء ينوكل جيبوه اوكي؟باي

فيصل قال للشباب الموضوع
محمد:والله بنت عمي خطيرة
عبد الرحمن:آهـ بس ونوف وهنووف السخيفات يبي لهم كف على وجيههم علشات بتأدبون ههههههههه
فيصل:يالله قوم خيلنا نكفخهم ههههههههههههه
نواف ساكت ولا علق على الموضوع (والله اني اعتبرها مثل اختي هذي ريما بنت طيوبة بس شكلي ظلمتها يوم قلت انها مغرورة!! ولازم اعاملها زين)


جابت هنوف السندويشات والعصيرات واعطتهم فيصل
الشباب يحمدون ربهم اللي فكروا البنات يعطونهم ..محمد كان مبسوط ع الاخر لان ريما هي اللي مصلحتهم..

البنات بعد مااكلوا وكانت الساعة 5 ونص الفجر طلعت ريما برى عند صخــــرة وجلست عليها وتطالع فوق كان الجو خيال والشمس بتطلع..نواف كذا طلع من الشباب وجلس فوق سيارتة ويتأمل في السماء كان المنظــــــر روعة مع الجبال يا111ي <<انسجمت

طلعت نوف وهنوف عند ريماوخربوا عليها الجو وجلسوا يضحكون عليها ويتريقون وريما :اووووة منكم
هنوف:يالله ابي انام حرام عليكم دايخة موووووت
نوف:يالله ريما نبي ننام
ريما:ياسخيفات احنا طالعات نبي ننبسط مو ننام
هنوف:ياربي منك طالعي الساعة كم 6
نوف:اللحين تقوم امي وتهاوشني ماتحب السهر
ريما:اوووة طيب يالله ننام
ودخلوا ينامون


الشباب كلهم نايمين الا محمد كان يفكر انه بكرى خلاص بيقول لريما كل شيء عن حبه لها مايقدر يصبر اكثر من كذا..طفح الكيل..وراح ينام وهو مبسوط انه بكرى راح يصارح ريما بالموضوع
الجـــزء الرابع..

: : :

صحوا الحريم الساعة 8 مع البزارين الصغار وصلحوا قهوة مع تمر وفطور لهم وللرجال طبعاً ماكان احد صاحي من الشباب والبنات لانهم توهم نايمين ..

ام ريما راحت بتقوم ريما بس الشغالات قالوا لهم انهم ماناموا الا الساعة6 الصبح ..

جت الساعة 11 صحت ريما وراحت وكانت لابسة بنطولون جينز في ورد اسفل البنطولون لونة ابيض وبلوزة لونها أبيض هاذي اللي موديلها يجي تربط على الرقبة ولابسة ربطة شعر ازرق و كاب بناتي لونة ابيض

العمة نورة:ريما وش مصحيك ..هماكم نايمين 6؟؟
ريما وهي تبستم:لابس انا شبعت نوم
ام عبد الرحمن:ارجعي نامي وش شبعتي
ام نواف: ياللله يمة كذا تتعبين
ام ريما:لا بنتي واعرفها اذا قامت مارترجع تنام
ريما وهي تبوس راس امها:شفتوا كيف امي فاهمتني!!
الحريم يضحكون الله لايحرمكم من بعض!!
افطرت ريما وبعدين جوا مها وعبدالله الصغار
مها:ليما معليث تلوحين معانا تلعبين انا طفثت من عبودي(ريما معليش تروحين معانا تلعبين انا طفشت من عبودي)
عبودي:اييييية يالله ليما نبي نلعب كولة انتوا البنات فليق وانا فليق لحالي لاني ولد يالله قومي معانا(اية ريما نبي نلعب كورة انتوا البنات فريق وانا فريق)

العمة نورة:اتركوها توها صاحية من النوم ..وبعدين هي كبيرة ماتلعب معاكم

مها:يالبي انا ذعلانه منكم وانتي ياليما لاتكلميني ذعلانه منك(انا زعلانه منكم وانتي ياريما لاتكلميني زعلانة منك)
عبودي:وانا كمان

ريما:راحت وباستهم لا ياقلبي انتوا لاتزعلون انا ماحب اشوفكم زعلانين يالله قوموا نلعب كورة<تحب الاطفال لان ماعندها اخوان صغار
عبودي:يييس ثكرا(شكراً)
مها:انا احبك ياليما مللة(احبك ياريما مررة)
عبودي انا بلوح البث ملابث الكورة(انا بروح البس ملابس الكورة)
ريما:حتى انا بروح البس تعالي مهوية معاي


ريما كان عندها ملابس الهلال (ترينغ سبورت) وكان الرقم وراء ظهرها" 9 "سامي الجابر" وراحت لبست ريما مها شورت وبلوزة حفر ورفعت شعرها وربطته بشريطة زرقــــاء


وراحت تلعب معاهم كان فيه ملعب مسوينه العيال قريب من مخيهم وراحت تلعب معاهم ..العيال كانوا كلهم نايمين الا نواف وفيصل لانهم الكبار وعيب يرتكون الرجال لحالهم..

نواف طلع بيشرب ماء وشاف ريما تلعب مع الاطفال وهو يقول بينة وبين نفسة مين ذي ياربي؟ مو هنوف !! يمكن نوف ..لما التفت ريما وشاف الرقم9 قال:ايية بس هذي ريما بنت عمي مافيه وحدة هلالية وتحب سامي غيرها وجلس يطالعها وهو مبسوط (ماشاء الله عليها شكلها تحب الاطفال ولا كان مالعبت معاهم واللحين الظهر وحر..ياحليلها فنانة بالكورة..جسمها حلو وشعرها )

نواف كان لابس بلوزة صفراء ومكتوب عليها ماركة ديزل بالاحمر وبنطولون جينز لونه رمادي ولابس نظارات لونها فضي <<خطييييييييييير

ريما سجلت هدف وراحت باست مها الصغيرة (مسكينة ماتدري ان نواف يطالعها)وبعدين زعل عبودي الصغير وقال لازم اسجل هدف ريما رحمته وخلتة يسجل هدف وجلس يسوي حركة السهم حقت ياسر القحطاني

وريما تضحك عليها لفت انتباهها نواف جلس يصفق بقوة لعبودي لاشعورياً (نواف يحب عبودي بالحيل) ريما شافتة تفشلت وجلست تركض عند الحريم وجهها لونه احمر من الفشيلةودخلت على البنات وكانوا نايمات


البنات وهم نايمات كانت اشكالهم:
نوف رجلها على خشم هنوف ..وهنوف كانت تحضن وسادتها وشعرها منكوش <اشكالهم خطيرة هههههههه

ريما جلست تفكر ياربي نواف جالس يطالعني والله ميتة من الفشيلة..اللحين وش بيقول عني هذي ولد مو بنت!! وش اسوي يارب انه ماطول وهو جالس يطالعني..او يارب انه ماعرفني...


ريما حاولت تنسى السالفة وراحت تصحي في البنات ولا فية امل....

طلعت عند الحريم وصلت الظهر وتغدت معاهن وراح تصحيهم مرة ثانية ولافية امل..جلسوا يسولفون..جت الساعة 4 العصر وصحت نوف

نوف طلعت للحريم وعيونها متورمة من النوم: السلام عليكم
ام نوف:وش ذا نوف؟ كل هذا نوم وتاركين ريما لحالها
ريما:ههههههههه نوف والله شكلك تحفة وانتي صاحية من النوم
العمة نورة:ياربي من هنوف متى بتصحى روحي ريومة صحيها
ريما راحت تصحيها ورمت عليها مويا وصحت<مافية طريقة الا كذا نومها قووي ههههههههه



هنوف وهي طفشانة عند الحريم:السلام
الحريم ميتين ضحك على هنوف اللي ماغيرت ملابسها طالعة لهم بالبجامة خخخخخخ

العمه نورة:هنوفوه وجع؟
هنوف:بسم الله الرحمن الرحيم..يالله صباح خير!!
ريما:قولي يالله مساء خير
العمة نورة:قومي غيري ملابسك كيف تطلعين لنا كذا
هنوف وش فيها يعني انا طالعه عند امي وحريم خوالي؟
العمة نورة:اقووووول روحي غيري احسن لك
هنوف:طيب طيب كل شيء ولا الغالية لاتزعل علينا
الحريم:ههههههههههههههههههههه


البنات جلسوا يتقهون وياكلون ويسولفون
ام نواف:ريوم حبيبتي عساكم جايبين مسجل واشرطة
نوف:افا1111 عليك خالتي كيف تحلى الطلعة بدون مسجل؟
ام ريما:هههههههه كان بنتي ريما تموت بدون طقاقات
العمة نورة:هههههههههههههههههه
ام نوف:ماشاء الله بنات هاليومين ياحبهم للرقص
ام نواف:والله ننبسط لما يرقصون..الليلة لازم ترقصون وحتى انا ابي ارقص معاكم تعرفون انا بعدي شباب!!
ريما:صدق خالتي !!اجل والله بتحلى الرقصة
ام نواف:تسلمين لي حبيبتي



آذن المغرب صلوا البنات وبعدين قامت نوف من مكانها
نوف:بنات يالله خلينا نتمشى شوي
ريما:اصبري بعدين..
هنوف:تونا يابنت الحلال خليها الساعة 10
نوف:مابي ابي اللحين ترى بروح لحالي
ريما:روحي
هنوف:انتبهي لاياكلك الذيب هههههههههه
ريما:هههههههههههه
نوف:اعطيني صورتك هنوف علشان اذا شافها الذيب يهرب من الخوف ههههههه
ريما:هههههههههههههههههههههااااااااااااااااي
هنوف اخذت علبة الكلينكس ورمتها على نوف وطلعت نوف برى المخيم تمشي

كان برى محمد ينتظر ريما تطلع (مسكين جالس ساعة ونص ينتظرها)فجأة طلعت نوف بوجهه

&&&&&&&&&&&&&&&&&&

 

 

[عاشقة الحوراء زينب]

الجـــزء الرابع

الفصل الثاني

: : :

طلعت نوف ولاقت محمد نوف (ياربي وش يبي!!)..محمد كان معاهـ كيس صغير لونة احمر واضح انه حق هدايا وهو مسوي هديه لريما..نوف شافت الكيس وفي باله الف سؤال وسؤال؟!!
نوف:مساء الخير محمد!! خير وش عندك واقف عند مخيم الحريم تبي شيء؟
محمد بارتباك واضح:هلا فيك مساء النور..ااااا لابس كذا واقف
نوف: اها1111 بس شكلك تنظر احد!!تبي اناديلك امك؟
محمد:لا لا لا..بس ريما بتطلع؟
نوف لاشعورياً جلست تصرخ عليه:قل من الاول انك تبي ريما..حرام عليك يامحمد تدري ان ريما ماتبيك والله العظيم ماتحبك ياخي انت وش فيك عليها تراك طفشتنا ..وريما ماتفكر فيك تعتبرك مثل اخوها ياخي افهم انت..حرام عليك عذبتني..وهي تتلكم كانت تصيح وصوتها واضح انها تصيح
محمد كان مصدوم من كلام نوف يالله ريما تعتبرني مثل اخوها؟وانا اموت فيها واتمنى اتربط فيها!!ونوف وش فيها علي؟ ليش تبكي وانا وش سويت فيها؟

طلعت هنوف وريما بيتمشون مع نوف وشافوا المنظر نوف تبكي وهي تكلم محمد ..ومحمد واقف ولاهو فاهم السالفة...

هنوف:ريماشوفي اكيد قالت نوف لمحمد..!!!!!!
ريما:اقول وش فيها تبكي بسرعة خلينا نروح نشوف الموضوع
هنوف:يالله بسرعة

جت ريما وهنوف عند محمد ونوف
نوف:هذي ريما يامحمد يالله كلمها وانا بروح والله تعبت..
ريما وهي تمسك يدها:مابتروحين لمن افهم الموضوع
هنوف:وش السالفة يانوف تكلمي؟
نوف:ذبحني محمد ياناس
محمد:انتي وش جالسة تقولين فهميني؟ مسك يد نوف بقوة
نوف:اتركني..ابعد يدينك عني..ريما محمد يحبك وجايب لك هدية علشان يكون عربون المحبة ..راحت نوف وتركت ريما مصدومة هي وهنوف..ومحمد اللي مادري وش فيها انجنت؟

ريما وفي صوتها الجدية:محمد..
محمد:هلا؟
ريما:محمد ابيك تسمعني بس لو سمحت بدون ماتقاطعني..محمد انا آسفة على الكلام اللي بقوله..بس انا يامحمد تربطني فيك علاقة اكثر من علاقة بنت بولد عمها..انا تربطني فيك علاقة الاخوة وربي اعتبرك اخوي اللي ماجابتة امي..واعزك بمعزة الاخوان..انت ماعندك خوات اتمنى تعتبرني اختك وانا ماعندي اخوان واعتبرك اخوي..وانا ماحب الهدايا ولااقبلها من اي احد!! ياليت تتفهم موقفي
محمد:انا ياريما اي احد؟؟ريما صدمتيني بكلامك وشكلي تسرعت واخذتني العاطفة بدون تفكير ..ولازم اراجع حساباتي من جديد..وبعدين سكت 5 دقايق..وقال:بس بسألكم وش قصدها نوف بكلمة ذبحتني!!

هنوف:انا بقولك السالفة..يامحمد السالفة ومافيها نوف تحبك..بس انت الي ماتدري عن هواء دارها
محمد بصدمة:تحبــــــني؟ومن متى؟
هنوف:والله يامحمد من زمان وهي تحبك... كل يوم عن الثاني تجرحها وانت ماتدري ..تحس بالغصة لما تشوفك وانت تناظر لريما..كانت تحسد ريما...ارحمها يامحمد ارحمها.......

محمد وهو ساكت مشى وترك البنات وكان مصدوم من الموقف ياربي انا وش سويت بالبنية تحبني؟وريما تعتبرني مثل اخوها بس انا فهمت غلط ياللله وش الخربطة ياليتها ريما اللي تحبني!!

جلس بسيارة نواف ساعة..نواف اللي كان مفقتد اخوة ويدورة مايدري وينة؟؟له ساعتين ماشافة؟
نواف:عبد الرحمن..شفت محمد؟
عبد الرحمن:لا والله مدري وينة غط لة غطة واختفى!!!
نواف:انا بروح ادوره
عبد الرحمن:وانا معاك
نواف:لاخلك هنا اخاف اللحين الرجال يسالوننا وينكم رايحين؟
عبد الرحمن:اوكي بجلس..بس اذا لقيتة كلمني طمني!!
نواف:ابشر..

نواف جلس يدورة وفجأة لقى نور سيارتة مولع..ومحمد جالس فيها وهو في حالة سرحان وتفكير بعمق..

نواف فتح الباب وجلس جنبة..محمد ماكان حاس فيه كان يفكر..
نواف:ياهوووة يابو الشباب انا جيت
محمد من غير نفس:هلا
نواف: وش فيك محمد؟انت مو طبيعي؟
محمد:آآهـ يانواف انا مصدوم!!
نواف:مصدوم؟وش السالفة؟قولي يالله
محمد :طيب بقولك بس اوعدني ماتقولها لحد
نواف:افا عليك يامحمد انت قد مرة قلتي لي كلام وطلع لبرى؟
محمد:لا والله بس اعذرني تراني جالس اتكلم من غير وعي!!
نواف:شكل السالفة خطيرة!؟يالله قولي
محمد جلس يقول السالفة لنواف عن محبتة لريما وكيف ريما كانت تعتبرة مثل اخوها..ونوف اللي كانت تحبة وهو مو حاس فيها وانه صدمها اليوم..بعدين خلصت السالفة وجلس يطالع بوجه نواف..يبي يشوف تعابير وجهه.. اللي ارتسمت على وجهه ملامح الغضب!!محمد كان خايف من ردة فعل نواف!!

نواف:محمد تصرفك غبي!!كيف تحب ريما؟حرام عليك البينة هذي اعتبرها مثل اختك..االبنية صغيرة وهي مالها اخوان وتعتبرنا مثل اخوانها..عيب عليك اللي جالس تسوية..وبعدين شف حتى هي قالت انها تعتبرك مثل اخوها..فاهم !!الحين لما ريما تعاملك معاملة زينة هذا شي طبيعي ولاتفسرة شي ثاني يعني مثل ماتعامل هنوف اخوها فيصل ونوف اخوها عبد الرحمن..حنا انا وانت صحيح محرومين من نعمة الاخوات وريما كذلك محرومة من الاخوان..بس عوضتنا هي الاخت واحنا بنعوضها بالاخوان..فاهم!!البنت تعتبرنا اخونها111111....


محمد:طيب ونوف؟
نواف:هذي عاد مالي علاقة بالموضوع..يعني العواطف والمحبة راجعة لك انت بس حبيت اقولك شغلة..فكر زين قبل ماتسوي اي شي بخصوص نوف..يالله انا بروح للرجال تعال معاي

محمد:لا بجلس شوية مع نفسي
نواف:براحتك يالله فمان الله
محمد:الله معاك

محمد(والله انا تسرعت بريما..ونوف انا ظلمتها معاي)

البنات كانوا جالسات برى المخيم ويهدون بنوف علشان تسكت
ريما:يالله فوفو..انا خلاص فهمت محمد الموضوع واني اعتبرة مثل اخوي

هنوف:وانا بعد قلت له خبر روعة..بس اعطيني البشارة!!
نوف:وش قلتي له بسرعة؟
هنوف:قلت له ياطويلة العمر انك تحبينة..يالله ابي البشارة
نوف وهي معصبة:ليش تقولين له؟انا خلاص ماعاد احبة كرهتة..واللحيين يحسبني ميتة علية
هنوف:ليشش؟وش فيك قلبتي علية؟
ريما:اتركيها هنوف خليها براحتها(ريما كانت عارفة ان نوف تموت على محمد بس تكابر )
هنوف:يالله قوموا انا جوعانة بسرعة ابي اروح اتعشى
ريما:وانتي كل تفكيرك بالاكل؟
هنوف:اذكري الله..ياربي انا الخبلا اللي اقولكم اني جوعانة
نوف:هههههههه يالله كلنا بنروح نتعشى...

راحوا البنات وتعشوا وجلسوا مع الحريم سوالف وضحك..
جابت ريما المسجل والاشرطة وجسلت ترقص هي والبنات
على اغنية(حمام جانا مسيان)بصوت الطقاقات وناسة والحريم يصفقون لهم(على فكرة ريما احلى رقص فيهم)

طبعاً الرجال يسمعون المسجل لان الصوت كان عالي ويسمعون التصفيق..
ابو عبد الرحمن:والله انهم فالينها هالحريم
ابو نواف:خلاص اجل بكرى احنا راح نعرض نسوي(سامري)
ابو ريما:والله فكرة ممتازة خلاص اجل بكرى كلنا راح نعرض!

العيال كانت آذانهم مع الحريم ومنسجمين ودهم لو يرقصون<شباب آخر زمن

فصيل ومقصر صوتة:نواف ياحظهم يرقصون..ابي ارقص
نواف:طيب بكرى ابوي يقول بنسوي سامري
فيصل:ايه بس انا ابي ارقص مابي سامري
نواف:ههههههه طيب وش الحل؟
فيصل:انا اقولك!!بتصل على هنوف اذا ناموا الرجال وتجيب لي المسجل والاغاني
نواف:صاحي!!
فيصل:ايه وبكامل قواي العقلية..ياخي خلينا ننبسط ونكمل مراهقتنا ههههههههه
نواف:ههههههههههههههههههه
عبودي الصغير جاي طاير وجلس عند الرجال خواله وهو طفشان..

ابو ريما:وش فيك عبودي زعلان؟مين مزعلك وانا بهاوشه؟
ابو عبد الرحمن:طيب وين مها ماتجي تلعب معاك؟
عبودي:يالبي منها هنوف هاوثتني تقول اطلع بلى انت ولد عيب اللقث للحليم(ياربي منها هنوف هاوشتني وتقول اطلع برى انت ولد وعيب الرقص للحريم)..
الرجال كلهم يضحكون عليه وعلى كلامة..
ابو نواف:هههههههههههههه
ابو ريما:ههههههههههه..طيب وريما ليش مادخلتك؟

عبودي:ليما تبي تدخلني بث هنوفوة ذي ماتبيني ادخل ..وبعدين مو حلو لقث هنوف وع لقث ليما احلاهم وانا احبها مللللللله..بس هي تلقصث مع مها وتلكتني وانا ذعلان منها(ريما تبي تدخلني بس هنوفوة ذي ماتبيني ادخل وبعدين مو حلو رقص هنوف وع..رقص ريما احلاهم وانا احبها مرررة بس هي ترقص مع مها وتركتني وانا زعلان منها)

الكل يضحك عليه هههههههههههه
ابو ريما:خلاص ولاتزعل اللحين بكلم ريما علشان تدخلك معها وترقص وياهم
عبودي:احلف..ثكراً ياخالي احبك ملة(شكراً ياخالي احبك مرة)
ابو ريما:الو هلا ريما!!
عبودي:خالي حط ثبيكل ابي اثمعها لو ثمحت(خالي حط سبيكر ابي اسمعها لو سمحت)
ابو ريما:هههههههههههههه طيب من عيوني(حط سبيكر)
ريما:هلا وغلا ومرحبا بـــــالغالي
ابو ريما:هلا فيك..ريما وراك ماتدخلين عبودي زعلان منك يقول تحب مها اكثر مني
ريما:لا ياحياتي زعلان مني فديت قلبة..لا بس هنوفوة هذي فشلتة وقالت له يطلع..بس ماعليك منها خلة يجي وانا بدخلة
ابو ريما:طيب يالله ..سلام
ريما:هلا..

جاء عبودي وجلس يرقص معاهم وهو مبسوط وهنوف طفشانة منه لانه كسر كلمتها وفشلها عند الرجال..

بعدين يوم جت الساعة12الكل نام الرجال والحريم(علشانهم يقومون بدري) والبنات جالسات هم والعيال الكل في قسمة.....

فيصل قرر يتصل ع هنوف علشات تجيب له المسجل والاشرطة<يحب الطقاقات هههههههههه

فيصل عند نواف ومحمد وعبد الرحمن

فيصل:الووو هلا هنوف..هلا بالغالية
هنوف:ياربي منك قلي وش تبي؟
فيصل:ماشاء الله عليك من وين جايبة الذكاء هذا؟
هنوف:منك اكيد انت اخوي الكبير ههههههههههه
فيصل:هنوفه حبيبتي ممكن طلب؟
هنوف: من وين لك هلالسلوب و كل هالذوق؟
فيصل: منك يالغالية
هنوف:هههه وش تبي بسرعة؟
فيصل:ابي المسجل حقك والاشرطة
هنوف:نعم نعم؟ وش تبي فيها؟
فيصل: وش فيك؟ نبي نرقص يعني وش نبي فيه بنصور معاه؟
هنوف:عيب عليك الرقص للحريم اليوم جالسة اهاوش الصغير واللحين تجيني انت يالكبير..واخزياه بس منك!!
فيصل:اقول شلون يعني بتطعيني اياه ولا لا؟
هنوف:لحظة لحظة بسم الله علي وش فيك عصبت؟اول شي المسجل مولي لريما والاشرطه لها بعد!!
فيصل:اللحين جالس ادلعك وحالتي حالة وبالأخير مو لك اقول اقلبي وجهك وقولي لريما تعطينا اياه؟
هنوف:ريما الشباب يبون المسجل والاشرطة معليش؟(وهي تهز براسهاريما قولي لا تكفين <مقصرة صوتها)
فيصل سمعها:انتي وش دخلك في البنت خليها توافق..وبعدين قولي لها بكرى بتمشى فيكم اذا وافقت هاه وش قلتي؟
هنوف:تقولك ريما اذا الدعوى فيها تمشي اووكي دقايق والمسجل عندك
فيصل:بعدي والله بنت خالي
هنوف:هيه هيه حتى انا جالسة اقنع فيها انها توافق بس هي رافضة
ريما باعلى صوتها:كذا111111111بة
فيصل:هههههههه عارف انها كذابة يالله هنوف جيبي المسجل

جابت هنوف المسجل والاشرطة واعطته اياها طلعوا العيال برى وجلسوا يرقصون برى المخيم علشان مايزعجون الرجال وهم ناييمين والبنات طلعوا يشوفونهم بس العيال مانتبهوا لهم

نواف حلو رقصة...فيصل احلاهم رقص مغطي ع الكل..محمد فنان بالرقص وعبد الرحمن مايعرف يرقص هههههههه

البنات جلسوا تعليق عليهم وضحك بعدين ريما كانت دايخة لانها صاحية بدري تستنى الفجر لما يذن علشان تنام

جت الساعة 4 ووصلت الفجر هي والبنات ودخلوا ينامون ..طبعاً البنات ماناموا على طول جلسوا سوالف الى الساعة 5 وريما كانت ميتة على نواف ورقصة وبس تمدح فيه والبنات يضحكون عليها..وكانت فرحانة انا بتتمشى بكرى ونا111111سة..

ريما:يالله بنات ناموا علشان بكرى نتمشى!!
هنوف:صدقتي فيصل انتي..يكذب عليك
ريما:لا مااتوقع الرجل عند كلمتة
هنوف:الا فيصل ههههههههه
ريما:اقول فكينا ماعلي هو قال بنتمشى يعني بنتمشى
نوف:صح!!! والله الا اجننة لمن نتمشى
ريما:خلاص يالله انا دياخة ابي انام حرام عليكم فيني النوم!!
نوف:اصبري شوية بنسولف
هنوف:ريما يالله قومي ولاترى بكب عليك مويا مثل ماسويت فيني امس...
ريما: وش عليكم صاحين العصر وانا الساعة11 ياحياتي ياانا تصبحون على خير بس..
ريما نامت وهنوف ونوف ماناموا الا الساعة8 جالسات يسولفن بعدين لما صحوا الحريم على طول ناموا خايفات منهم<الذلة بنت حلال

%%%%%%%%%%%%

 

 

[عاشقة الحوراء زينب]

الجــزء الخامس

الفصل الاول

: : :
هذي اللية الاخيرة وبكــــرى الكل راح يروح لبيتة..!!

ناموا البنات....وجت الساعة 11ونص الصبح ومها وعبودي طفشانين ويروحون يدخلون ع البنات ويقومون ريما..ريما تحب الاطفال مرة وهم يحبونها..

مها:يالله ليومة دومي طفثانين انا وعبودي(يالله ريومة دومي طفشانين انا وعبودي)
عبودي: بثلللللعه دومي نبيك تلعيب ويانا(بسرررعة قومي نبيك تلعبين ويانا)
ريما:طيب..طيب روحوا وانا بغيرملابسي وبجيكم اوكي.؟!
مها وعبودي:ييييييييس!

ريما غيرت ملابسها ولبست..تنورة برمودا(جيشي لونها زيتي وبيج وزهري)وتيشرت زيتي وبنهايته كمر..ولفت شعرها ولبست كاب جيشي<<علشان الشمس..وجزمة سبور(وانتوا بكرامة) وشاعة الستيك حقها جيشي وبيت الساعة لونه زهر<شكلها ناعم

طلعت للحريم وجلسوا معاها وافطرت ولعبت مع مها وعبودي<هي الوحيدة الي تعطيهم وجه

ام نواف:ريومة حبيبتي قومي سلمي على عمامك عمك سعود مشتاقة لك
ريما:بس أخاف العيال عندة!!وانا استحي منهم
ام نواف:لا كلهم نايمين بس انتي روحي..
ريما:طيب (اخذت معاها جلال للاحتياط)

دخلت ريما على مجلس الرجال وكان فيه عمامها وابوها
ريما:السلام عليكم
الكل:وعليكم السلام
ابو ريما:هلا والله ببنيتي من زمان عنك تعالي عندي..
ريما باست راس ابوها وجلست عندة:والله يابية مشتاقة لك
ابو نواف:وشلونك ريومة؟عسا انبسطتي بالرحلة؟
ريما:ايوة الحمد لله المخيم مرة روعة
ابو نواف:الحمد لله انها اعجبتك
ريما استحت
ابو عبد الرحمن:ريما وش اخباركم؟وين البنات مانشوفهم.؟
ريما:انا بخير والبنات ياعمي نايمات ماناموا الا متأخرين
ابو عبد الرحمن:طيب انتي وش مصحيك
ابو ريما:بنتي ماتحب تنام كثير!!
ابو عبد الرحمن:اييية احسن لك ياريومة..اكيد علشان تحافظين على رشاقتك ههههه
ريما:ههههههههههه صح كلامك!!

دخل نواف:الســـــــلام عليكم
الكل وعليكم السلام..
ريما قمت واقف:عن اذنكم
ابو نواف:لا لا خليك معانا
ريما:لا عمي انا مشغولة
ابو نواف:لاتزعليني خليك جالسة
جلست ريما.ونواف لاحظ ان ريما مستحية منه
نواف جاء وسلم عليهم ولاحظ ان ريما مستحية منه طول الوقت ساكتة
ابو نواف:وراك ماسلمت على بنت عمك..
نواف:هاه كيف الحال ريما
ريما:بخير الله يسلمك..عن اذنكم..طلعت ريما وهي تفكر بنواف وش ذا الحظ كل يوم تشوفة!!

جت اسلاعة 1 الظهر وتغدوا الحريم والبنات بعدهم نايمات وراحت ريما صحتهم وماقاموا الا الساعة 2
ريما:بنات مستعدات اليوم بنتمشى!!
هنوف:ههههههههه ياحليلك ومن يبي يمشيك؟
ريما وهي متفاجائة:اكيد فيصل اخوك
هنوف:ياقلبي انتي اتحداك اذا ييوديك فيصل
ريما:لا هو قال امس واكيد بيتمشى فينا
نوف:ان شاء الله

جت الساعة 4 والبنات متحمسات لان فيصل قالهم العصر بتمشى فيكم..
ريما:هنوف اتصلي على فيصل خلية يتمشى فينا..
هنوف:طيب!!


هنوف: هلا فصولي
فيصل:هلا فيك خير وش عندك؟
هنوف: شكلك نسيت بس بذكرك اليوم بتمشينا صح ولا لا؟
فيصل:اييييية ..بس اعذروني مقدر
هنوف:اهئ اهئ <<شهقت اللحين احنا حالتنا حالة مستعدات وانت تقول بكل برود مقدر
فيصل:اقول اقلبي وجهك ماني بفاضي لك..
هنوف:طيب ريما تقول تكفى يافصيل ياولد عمتي
فيصل:قولي لهاا تعذرني مشغول
هنوف:الله اكبر وش عندك توقيع هالصفقات ولا وشو؟
فيصل:يالله سلام!!

البنات طفشوا..
هنوف:هه قلت لكم فيصل وانا اعرفة
ريما:ياربي منة والله يرفع الضغط
نوف:ياحياتي ياهنوفة كيف متحملته؟
هنوف:الله يصبرني هههههههههههه
طلعوا البنات للحريم اللي كانوا برى جالسات وهنوف جلست بالغرفة تحط ميك آب خفيف


نواف سأل فيصل وش السالفة والقلة عن الموضوع وان هنوف من امس مطفشتة على التمشية(نواف استغل الفرصة عشان يشوف هنوف)
نواف:طيب انا بتمشى فيهم
فيصل:احلف
نواف:ههههههه وش فيك مو على اي شي يحلف به
فيصل وراح حب راسة:بعدي ولد خالي هلحظة بكلم هنوفوة
نواف:خخخخخخخخخخخ

فيصل اتصل على هنوف وانبسطت بالخبر وافقت ..هنوف وبعد تفكير(انا وافقت علشان ريما تنبسط وتشوف نواف.بس انا ماراح اروح وياهم اخاف نواف يطيح كلمة وريما تتضايق ..بقولهم اني تعبانة ولا لي نفس)<شفتوا كيف قلبها طيب!!

راحت قالت للبنات وفرحــــــوا كثر وخصوصاً ريما اللي كانتب بتطير من الفرحة.. راحوا البنات يلبسون عبايتهم..هنوف جالسة تضحك عليهم

ريما:هنوفة وش فيك ماتلبسين عباتك؟
هنوف:هاه!!!
ريما:اقول حبيبيت وش فيك ناتلبسين عباتك
هنوف:والله مالي نفس اطلع واليوم ماجلست مع الحريم واللحين امي بتسمعني محاضرة محترمة..ابي اروح اجلس وياهم
نوف:براحتـــــــك
جوا مها وعبودي طايرين للبنات:يالله بثرعة نواف لكب ثيالتة(يالله بسرعة نواف ركب سيارتة)
ركبوا البنات نوف وريما وراء وعبودي ومها قدام جنب نواف
البنات:الســــلام عليكم
نواف:وعليكم السلام
مها وعبودي:يالله حلك وث فيك واقف(يالله حرك وش فيك واقف)
نواف:الحين انتم يالبنات مو 3 وراكم 2
نوف:لابس هنوف مو جاية
نواف بصوت عالي:لييييييش؟وش فيها؟
ريما:مالها نفس تطلع
نواف:طيب هي من شوي متصله على فيصل علشان تتمشى وش فيها؟ريما!!
ريما:هلا
نواف:اتصلي عليها..
ريما(كانت مقهورة من جوا)ونوف بعد مقهورة من تصرفاتة
ريما:الو هنوف..نواف يقول لازم تجين معانا
هنوف:والله ياريما مالي نفس وابي اجلس مع الحريم..طيب لحظة خليك بالخط
ريما:نواف تقول مالها نفس
نواف:اعطيني الجوال
نوف(استغفر الله وش فيه ذا مهبول؟)
ريما(عصبت)
نواف:هلا هنوف ليش ماتبين تروحين؟
هنوف وهي مستغربة:مين؟نواف..لا بس مابي كذا!!
نواف:ترى ماراح احرك السيارة ولا راح امشيهم الا لما تجين
عبودي :نواف اعطيني الدوال(نواف اعطيني الجوال)
عبودي:الو اقول تعالي معانا نواف عثب بثرعة نبي نلوح(عصب+بسرعة+نروح)
هنوف:خلاص خلاص بجي
يوم جت هنوف
ريما:عن اذنكم انا مابي اروح
نواف:لاحول وش فيكم انتم اذا جت وحدة راحت الثانية
ريما:كيفي!!وتعبانة احس اني مصدعة بروح ارتاح
نوف (حست ان ريما عصبت )
هنوف (كانت متضايقة ولا لها نفس تروح وتضايقت لما نزلت ريما)
نواف ماهتم ان ريما نزلت بكثر ماهتم ان هنوف ماراح تروح
في السيارة الكل ساكـــــت الا البزارين طول الوقت يحكون ونواف مبسوط عليهم

نواف:انتي باي سنة هنوف؟
هنوف ومن غير نفس:بثالث ثانوي
نواف:ماشاء الله علمي.؟
هنوف:لا ادبي
نواف: تحبين القصيد؟
هنوف ياربي وش فيه هذا:لا ماحبة
نواف:ليش؟
هنوف:كذا!!
نوف:نوا1111111ف احم احم نحن هنا
نواف تفشل انه ماعطها وجه:اووة آسف آسف
نواف:هههههههه نوف طيب لك ميول بالرياضة؟
نوف:لا بس حبيبتي ريومة اللي تحب الرياضة<تبي تطري ريما باي طريقة
نواف:اهاااااااااا
وسكتوا..


ريما يوم نزلت من السياراة
الحريم:وش فيك ريما نزلتي؟وانتي اكثر وحدة متحمسة ؟
ريما:لا بس كذا
ام نواف:الحيم بتل على نواف يرجع لك
ريما: لا لا خالتي انا كذا مصدعة شوية تعرفين قل نوم ماشبعت نوم
ام ريما:ريما روحي كولي لك بنادول شوفيهم بشنطي داخل
ريما:طيب
ريما يوم دخلت جلست تبكي وتبكي على حظها!!وفجأءة اتصلت ندى عليها على طول ريما مسحت دموعها وشربت مويا على يروح صوتها

ندى:من شاف احبابة نسي اصحابة؟
ريما:ههه سلمي طيب<صوتها رايح
ندى:ريومة وش في صوتك؟انتي تصيحين؟
ريما آة ياندو لو تدرين:لا وش صايحة انتي بعد بس مزكومة!!
ندى:مزكومة بالصيف؟
رما:ايييية وش فيها اخذت برد المكيف مررة بارد وشربت مويا بارد
ندى:آهاااااا

جلسوا يسولفون ساهة..حتى جوا هنوف ونوف وعلى طول دخلوا لريما اللي كانت ميتة ضحك من سوالف خالتها

هنوف:اشوى شكلها مو طفشانة
نوف:والله هذا نواف مايستاهلها
هنوف:يقهر بس تكفين لاتقولين لها شي من اللي قاله لي!!!!
نوف:اكيد مابي اضايقها....

ريما سكرت الخط والبنات يسألونها ليش ماطلعت وياهم وهي تصرف الموضوع وتسالهم وش صار وهم عادي كل شوي يقولون عادي


طبعاً انبسطوا بما نها كانت آخر ليلة والرجال قاموا يعرضون وكان نواف فنان بالعرضة

الحريم راحوا يشوفونهم
ام ريما:ماشاء الله على نواف
الحريم :اييه ماشاء الله
ام نواف:بنات وش رايكم فيه<تقصد ريما
نوف:خطير والله ولد عمي ههههههههه
هنوف:ايه ماشاء الله علية
ريما كانت ساكتة وماتبي تتكلم عنة
ام نواف:وانتي ريما
ريما:ايه واضح انه يعرف للسامري
ام نواف (بس كذا ياريما)<بينها وبين نفسها

وعبدين عملوا مشوي وباربيكيو وناسة الحريم والرجال طبعاً ريما راحت تبي تعطي الخبز للرجال وطلع عليها محمد اللي كان معها صحن مشاوي للحريم

ريما:الله جابك يامحمد خذ الخبز واعطه الرجال
محمد:ههههههه حتى انتي الله جابك خذي الصحن واعطية الحريم
ريما:يعني 1×1
محمد:ايه ههههههههههههه
ريما:ههههههههه..يالله عن اذنك
محمد اذنك معك..الا ريما لحظة استني
ريما خافت:خير؟
محمد:شلون نوف؟
ريما كانت مبسوطة ع الآخر من سؤاله:بخير وتسلم عليك
محمد:هههههههههه سلمي لي عليها
ريما:طيب

وراحت ريما وقالت للنوف اللي تفاجئت ببرود اعصابها ولاعلقت ع الموضوع هنوف وريما مصدومات منها!!!

طبعاً ناموا بدري علشان الصبح الساعى7 راح يفطرون ويمشون

**********************

 

 

[عاشقة الحوراء زينب]

الجزء الخامس

الفصل الثاني

: : :

طبعاً قامت البنات على صراخ عبودي ومها والحريم كانوا مشغولات بترتيـــــب الاغراض طبعاً جت ام عبد الرحمن تصحيهم على طول البنات صحوا وقاموا من نوهم وغيروا ملابسهم..

ريما كانت لابسة بنطــــلون بني وتيشرت بيج وساعة فخمة لونها بني..ولفت شعرها باعواد صينية حقت الشعر..

افطروا البنات وهم يسولفون ونوف بس تضحك البنات مايدرون شو فيها على اي شيء حتى ولو كان تافهه بس تضحك
ريما:فوفو وش فيك؟مسخنة؟
هنوف:لا اكيد البنت فيها شيء
نوف:هههههههههه
ريما:نوف وش فيك
نوف:هههههههههههه
ريما عصبت:اووة وش فيك اقولك تضحيكن؟
نوف:هههههه لابس ريوم مدري وش فيني عجزت اسكت من الضحك..!!
هنوف وريما يضحكون عليها..

ريما كانت تعرف تسوق ابوها معلمها السواقة في مزرعتهم ..ريما ويرن جوالها
ريما:هلا يالغالي
هنوف:ياي ماتستحين منهو الغالي.؟
ريما بتقهرها:والله مشتاقة لك مووت
هنوف ونوف:وش فيها ذي؟
ابو ريما: وانا اكثر..ريوم تعالي ابيك
ريما:خير وش تبي ؟
ابو ريما:لابس ابيك تأخذين المفاتيح حقت السيارة تسوقينها وتخلينها في قسم الحريم علشان امك والشغلات بيحطون الاغراض فيها
ريما خافت:طيب يبة ليش وانت؟وش فيك؟
ابو ريما:هههههههه لا ارتاحي مافيني شي..بس عيب ادخل بسيارتي عند الحريم
ريما:ياعيني عليك ياذووق..دقايق واكون عندك

ريما قالت للبنات..
نوف:تكفين ريوم ابي اركب معاك
هنوف:طلبتك ريومة ماترديني بنركب معاك هاه وش قلتي؟
ريما بترفع ضغطهم: بس انتم المسؤولات يعني لاصار عليكم حادث لاتقولون ريما هي اللي صدمت بنا
هنوف:لا لا لا اجل مادام الدعوى فيها حوادث ماني برايحة
نوف:ولا انا اهم شيء صحتي وسلامتي..قولي من الاول انك ماتعرفين تسوقين!!
ريما:هههههه ياجبانات..امزح عليكم انا ريما بنت فهــد ماعرف اسوق افا بس افا تعالوا اوريكم كيف السواقة..

ريما اخذت المفاتيح من ابوها وشغلت السياراة وركبو البنات نوف ورى وهنوف قدام...

الشباب بس بققوا عيونهم مو مصدقين
نواف:عمي فهد شف بنتك ذي بتسوق!!
ابو ريما:اية وش فيها؟ هي فنانة بالسواقة
عبد الرحمن:والله مانتي هينة ياريما
ابو ريما:هههههه اكيد هذي ريما بنت فهد..
فيصل:يوووووووة هنوف الدبة راكب معاها اللحين الله يعن قلبك يافيصل منها اللحين بتقول علمني السواقة..اختي تحب التقليدهههههههه..
الكل:ههههههههههههه

ريما كانت تسوق ووصلت السياراة عند الحريم وركبوا الاغراض واستعدوا الكل ركب سيارتة يعني البنات مااتجمعوا مثل المرة اللي طافت في سياراة ابو ريما

وهم في الطريق كانت ريما لابسة نظارات روووعة عن الشمس وشكلها صاير خطير وهم في اسليارة حالة هدوء فيهم النوم ام ريما نامت وابو ريما ساكت والشغلات نايمات وتجي بالافم ام اغنية خالد عبد الرحمن (ودعـــــــت جرحك للأبد.مالك غلا عندي ابد..مرة تجي ومرة تصد حيرتني روح اتبعد راح اعتبر حبك سراب وارتاح من هذا العـــــذاب..) وريما بصوت عالي

ريما:يبة تكفى طولها شوية اموت فيها ذي الاغنية..!!
باو ريما:طيب!
ريما كانت تسمع للاغنية بإنصات ويوم خلصت
ريما بصوت واضح:آهـــــ
ام ريما:وش فيك ريما هذي الاآهـ طالعة من قلبك
ريما بارتباك:لا بس يمة خالد عبد الرحمن اموت علية وعلى اغنيتة
ام ريما:هههههههه انتي مافية احد ماتحبينة من المطربين..
ابو ريما:لاعاد خالد غير لاتنسين انة مخاوي الليل يعني بعد شاعر
ريما:هههه صح كلامك يبة!!


ويوم وصلوا بيتهــــم ريما اخذت شاور سريع وراحت تنام نومة طويلـــــــــــــــة من التعب ماحست بنفسها الا مع آذان المغرب
ريما:ياربي كل هذا ماحسيت بنفسي وراحت صلت ويوم نزلت شافت جوالها الا مكالمات لم يرد عليها 9
ريما افا وش ذي المكالمات طلعت لكهم من ندى
ريما نزلت لاقت الشغالات وسألتهم عن امها قالوا لها راحت بيت ماما هيا<بيت خوالها

ريما اتصلت على ندى وهاوشتها ليش ماجت مع امها وجلسوا سوالف الى آذان العشاء وبعدين ارسلت ريما السواق يجيب لها العشــــاء من برجر كنج...

تعشت وجلست على النت من زمان عنة وفتحت الايميل لاقت كلة رسايل من صديقتها رشا اغاني وصور وبطاقات

ويوم جت الساعة 11 وامها تناديها نزلت ريما وجلست بالصالة عند امها
ام ريما:والله ندى زعلانة عليك
ريما:ههههههههه اية يوم كلمتها كانت زعلانة بس رضت
ام ريما:تدرين انهم بيسافرون للشرقية
ريما:احلفي!!
ام ريما:والله وتركي قالي اذا ريما بتروح معانا..علشان يزرون اختي هنـــد وعيالها(كان لام ريما اخت غير ندى بس من امها يعني مو اختها من امها وابوها ..تصير خالت ريما من جدتها..وكان لها ولد وبنت بنتها آخر سنة جامعة تخصص لغة انجليزية واسمها (هيفاء) ولد كبر ريما اسمة(خالد) وهذولا يصيرون اخوان ريما من الرضاعة لان هند خالتها مرضعتها يوم كانت صغيرهـ لان ام ريما كانت تعبانة يوم جابت ريما)

ريما:ولله مشتاقة لخالتي وعيالها..
ام ريما:هاه بتروحين؟
ريما:مدري بشاور ابوي..
دخل ابو ريما:السلام عليكم
ريما:وعليكم السلام يبة الله جابك خوالي يبون يسافرون للشرقية لخالتي هند وش رايك اروح معهم؟
ابو ريما:كيفك يبة بس ترى احنا بنروح للقاهرة الاسبوع الجاي حجزت تذاكر وكنت ابي اسويها لك مفجأة اعرف انك تحبين مصر
ريما:احللللللللللللف...احل خلاص بروح معاكم للقاهرة
ابو ريما:هههههههههه اجل اسمعوا ترى الخميس الجاي بنروح للقاهرة

ريما:ييييييس!!راحت باست راس ابوها تسلم لي يالغالي..
ام ريما:ياعيني على المصلحة
ريما:لايمة وش مصلحتة الله يخلي لي بابا الغالي
ابو ريما:هههههههههههههههه

(نوف كانت مسافرة هي واهلها لسوريا) و(هنوف كانت بتسافر لجــدة هي وامها وفيصل وعبودي بعد اسبوعين) و(ندى وتركي والجدة هيا راحوا للشرقية جلسوا اسبوع روجعوا لان تركي كان يدرس ترم صيفي)


: : :
جـــــــــــــــاء الاسبوع (الخميس) وسافرت ريما للقاهرة وجلسوا 3 اسابيــــــــــــع كانت لهم شقة كبيرة ملك لابوها كل سنة يصيفون فيها..ريما كانت مبسوطة بشكــــــــل....!!!رجعـوا من القاهرة وكانت العمة نورة لحد الليحن مسافرة
طبعاً ريما ماتركت شيء ماشرتة..راحوا اماكن كثيرة ومنتجعات راحوا شرم الشيــخ..الغردفة وتمشوا بلاسكندرية..
ويوم رجعوا للرياض..

صار عند خوالها عشـــاء بمناسبة انهم رجعوا من السفر ريما اشترت لخالتها ندى هدايا كثيرة وخصوصاً الجلابيات مثل حقت نانسي عجرم اللي باغنية آه ونص وربطة الشعر ..وريما رجعت هي واهلها الساعة 12 للبيـــــت كانت ميتة فيها النوم على طول لغرفتها ونامت الى الساعة آذان الظهر وبعدين صلت وآخذت شاور سريع ورتبت شناطها وملابسها بالدولاب..ونزلت تتغدى مع اهلهــــــــا..

جاء المغرب وريما كانت تتصفح مجلة بالصالة ويدخل ابوها وكان وجهه اسود ومتضايق وعلى طول جلس بالكنبة الي قبال ريما

ام ريما:وش فيك فهد.عسى ماشر.؟
ريما ميتة خوف:يبة وش فيك؟
ابو ريما ساكــــــت ولاكلمة
ريما وتنزل دموعها:يبة تكلم وش السالفة؟
ابو ريما:اخوي سعود ابو نواف بالمستشفى
ريما :احلف!!
ابوريما ساكت
ام ريما:لاحول ولاقوة الا بالله وش فيه؟
ابو ريما:مرض القلب اللي معاه جتة ازمة قلبية
ريما جلست تبكي لان عمها كانت تحبة وتعتبرة مثل ابوها ..

ريما:يبة تكفى ابي اروح اشوفة
ابو ريما:لا ممنوع الزيارة لا انا ولانواف ولا محمد دخلنا علية
ام ريما:انا اللحين بروح بيت ام نواف..ريما تعالي معاي
ريما وهي تبكي:دقايق بجيب عباتي واجيك

راحوا للبيــــت وكانت ام نواف واختها ام سعد جالسات وام نواف تبكي بحرارة دخلوا ام ريما وريما ويم شافتهم راحت ضمت ام ريما وجلست تبكي..وريما في حالة بكاء شديد..

^^^^^^^^^^^^^^^^^^^^^^^^^^^^^^^^

 

 

[عاشقة الحوراء زينب]

الجـــزء السادس..

الفصل الاول

: : :

طبعاً لما طاح عليهم ابو نواف..على طول اتصلوا على العم طلال(ابو عبد الرحمن)وام فيصل(العمة نورة) وريما كانت في حالة غير طبيعية كانت متعلقة بعمها مو علاقة بنت في عمها الا علاقة بنت بابوها..

كانت ام نواف تبكي هي واختها ام سعد وام ريما تهديهم وريما تبكي..دخل نواف ومحمد وريما لابسة عبايتها وعلى طول تغطت بالطرحة و دخلوا وسلموا عليهم وجلسوا شوية ويسكتون في امهم ولافية فايدة نواف طلع بسرعة وهو معصب ومتضايق ومحمد جلس عند امة يهديها ويطلب انها تدعي لة....ام سعد راحت لبيتها شوية تجيب لها اغراض لانها بتنام عند ام نواف اللية..ام ريما:يام نواف هدي بالك وماينفع البكي ادعي ربك!!
ام نواف:والله مقدر غصب عني..وانا ادعي لة وتكفين انك تدعين له
ام ريما:افا عليك اكيد بندعي له..
فجـــــأءة دخل نواف عليهم..
نواف:خالتي ام سعد فية..
الحريم:لا راحت وبترجع
نواف:طيب ريما لو سمحتي تعالي شوي....
ريما كانت ترتجف من الخوف:نعم؟
نواف:ريما امي ماكلت شي من الصبح وكل ماقلنا لها ترفض وتقول مالي نفس..ريما انا اعرف ان امي تحبك وتعزك تكفين اصري عليها انها تاكل شي..
ريما:ماكلت من الصبح!!خلاص ابشر ولايهمك ماراح تنام الا وهي ماكلة شي
نواف:تسلمين..والله يجزاك خير...ومدري كيف اشكرك؟
ريما:لا وش دعوى نواف امك هي امي وانت ماتعرف غلا خالتي عندي..
نواف طلع برى وكان طفشان راح هو ومحمد للمستشفى

ريما جننت في خالتها وكلتها غصب عيلها..مع انها ملكت كثير بس ريما طبعها لحوحه وتنشب بالحلق<حلوة تنشب ذي
طبعاً لما صارت الساعة 11 راحوا ام ريما وريما بيتهم وام سعد نامت عند اختها...

ريما مانامت ابد وكانت طول ليلها تدعي ربها انه يتشافى عمها..ويوم جت اسلاعة 3 الصبح وتتصل عنوف على جوالها..وكانوا توهم واصلين والعمة نورة يوم درت بالموضوع جلست تبكي..والعم طلال كان بيوصل بكرى الساعة 9 الصبح ابو ريما تصل عليهم وقالهم عن ابو نواف..

طبعاً جت الساعة 8 الصبح والكل بالمستشفى ابو ريما ونواف ومحمد وفيصل وام نواف اللي من طلع الصبح وراحت طوالي ع المستشفى..دخل الدكتور على ابو نواف اللي كانت حالتة حرجة
وطلع لهم وقالهم مين هاي ابو ريما؟(الدكتور عراقي)

ابوريما:انا ابو ريما واصير اخوة خير وش فيك؟
الدكتور:بس ابو نواف يريد يحاتشيك!!تعال معاي
نواف:دكتور انا ولدة تكفى بدخل
الدكتور:لا حالتة ماتسمح له هو طلب يكلم ابو ريما


دخلوا على ابو نواف ولما دخل ابستم له
ابو نواف:ابوريما انا ماضمن عمري بس ابي اطلب طلب لاتردني
الدكتور:بس ياعم حالتك ماتسمح لك تتلكم اكثير..
ابو نواف:يادكتور خلني اتكلم الواحد مايدري متى يموت خلني ارتاح الله يريحك
طلع الدكتور
ابو ريما:خير ويابو نواف انت آمرني..
ابو نواف:انا ابي اخطب ريما لنواف وهذي امنيتي تكفى..واذا متت لااوصيك ريما لنواف
ابو ريما حزن لكلام اخوة:اكيد يابو نواف تذكر يوم كانوا صغار يوم تقول انها لنواف
ابو نواف:تسلم والله ياخوي هذا العشم فيك..وانا اتمنى اشوفهم واشوف عيالهم ..بس وصيتي انك تزوجهم
ابو ريما:وش وصيتك محد بيزوجهم الا انت وبعون الله
ابو نواف:ان شاء الله..الله يريحك ياخوي مثل مارحتني والله ريما بنتي واتمناها لولدي
ابوريما:ونواف رجال وحنا نشتري الرجال..

دخل الدكتور وطلب من ابوريما يطلع لان حالة ابو نواف اصحية ماتسمح له يتكلم اكثر

يوم طلع ابو ريما
ام نواف:هاه بشر وش قال عساة بخير ريحيني يابوريما
ابو ريما:لا مافية الاالعافية ويتكلم عادي بس انتم ادعوله
نواف:ياعمي والله ندعي له ليل ونهار
ابو ريما:يالله يامحمد خذ امك ورح..وانت يافيصل خذ نواف وروحوا
محمد:لا عمي انا بجلس عند ابوي
نواف:انا ماراح اتحرك الا لما اشوفة
ابوريما:ماينفع يايبة تجلسون انتم ماراح تسمح لكم الزيارة الا بكرى والليلة الساعة 10 وبعون الله راح نشوف اذا تعدى مرحلة الخطر ولا لا؟؟ماتنفعة جلستكم ..روحوا صلوا ركعتين وادعوا له احسن من جلستكم هنا
ام نواف:صادق عمكم يالله..
الكـــــــل طلع,,

فيصل اخذ نواف وداهـ مطعم علشان يفطرة
نواف:وش فيك وقفت هنا
فيصل:بنفطر؟
نواف:يوة يافيصل مالي نفس ودني للبيت
فيصل:اقول بتنزل معي تفهم ولالا؟
نواف:ماني نازل رح افطر وتعال
فيصل:اقول الا تنزل وربي الا تنزل حلفت عاد
نواف:يالقك انت وشوله تحلف؟ طيب بنزل بس علشان حلفك بس مابفطر
فيصل:طيب انت انزل وعين من الله خير..
نواف نزل وفيصل طلب لهم فطور ونواف ماكل وفيصل زعل على نواف واصر علية واكلة غصب علية وضحكة شوية تعرفون فيصل خفيف دم..


يوم جت الساعة 11 ونص الصبح ام ريما وريما راحوا للبيت ام نواف وكانت اعندها اختها ام سعد وام فيصل عمتهم نورة وهنوف وام عبد الرحمن وبنتها نوف كلهم هناك..جلسوا وكان الجو مكهرب الكل طفشان واللي يبكي واللي يدعي..

يوم جت الساعة 10 وراحوا الرجال للدكتور وطمنهم ان ابو نواف تعدى مرحلة الخطر..وصارت حالة مستقرة بس يحتاج يجلس بالمستشفى يومين نواف انبسط من الخبر وكان ودة يطير من الفرحة ومحمد جلس يبكي من الفرحة وكلموا امهم وكانت تبكي وتقول الحمد لله ريما على طول راحت في حضن ام نواف وجلست تبكي<كان منظرهم يعور القلب..ريما جلست طول الوقت ابي اروح لعمي ..والحت عليهم وتصلت على ابوها وجلست تبكي بالخط وهي تطلبة انها تزور عمها اللحين وباوها كان رافض ويوم جلست تبكي وهو مايهون علية يسمع صوتها وهي تبكي وافق ..راحت ريما للمستشفى وهي طايرة من الفرحة مرت محــــل الورد واخذت بوكيـــــة ورد جوري احمر روعة..

طبعاً نواف مصر انه يقابل ابوة هو ومحمد الحوا على الدكتور والدكتور وافق بشرط مايضايقونة..

دخلوا محمد ونواف على ابوهم ..سلموا علية وباسوا راسه وتحمدوا له بالسلامة..وجلسوا عندة نص ساعة وبعدين
ابو نواف:محمد لو سمحت ابي نواف شوي!!
محمد:خير يبة؟شكلك ماتعتبرني ولدك؟؟ولا اكيد ماني ولدكم
نواف:اية لاقينك عند المسجد
ابو نواف:هههههه وهو يكح
محمد:يبة خلاص لاتضحك تكغى ..وابي اطلع يالله تامرني بشيء
ابو نواف:لا سلامتك
محمد:بس اسمع بكرى ان شاء الله اول مايذن الفجر انا عندك
ابو نواف جلس يضحك..
طلع محمد ونواف يضحك عليه

ابو نواف:نواف يبة ابي تسمعني ولا تزعل من كلامي
نواف:سم يبة خير آمرني انت
ابونواف:مايامر عليك ظالم.بس اسمع انا ماضمن عمري بس هذي وصية في رقبتك
نواف:يبة الله يطول بعمرك ولاتقول هالكلام
ابو نواف:لاتقاطعني..انا من كنت صغير وانا اعطيت عمك فهد كلمة ان ريما بنتة لك وانت لها ومن شوية خطبتها لك..وانت مابتلاقي مل ريما ريما بنت عمك ومن لحمك ودمك..وبنت اخلاق وعقل ومافية احسن منها..وانا يابوك اتمنى اشوف عيالك قبل ماموت..
نواف انصــــــدم وتغير وجهه وتمنى الارض تنشق وتبلعة وقف
نواف وهو يبكــــــــي:بس يبة حرام عليك ليش تظلمني انا مابيها..ولا افكر بالزواج اللحين وتوني وهي صغيرة وشلون والله ظلم
ابو نواف:خلاص عاد كذا بتضايقني لاتبكي البكاء للحريم مو للرجال
نواف طلع وهو معصب ويبكي..يوم طلع ومسك الباب بقوة ودفعة الاريما تفتح الباب طاح البوكية من ريما من شدة سرعة نواف ريما:السلام نواف ..نواف مارد عليها وشافتة وهو يبكي خافت حست ان ابو ه فيه شي وراحت تركض لعمها ودخلت عليه


ابو نواف:سبحان الله ريما!!كنت ابي اكلم ابوك علشان يجيبك عندي
ريما:بدون ماتكلم انا هنا جيتك وراحت باست راسه وسلمت عليه وجلست عندة..ريما ماحبت تضايق عمها بنواف واها شافتة وهو يبكي..
ابو نواف:ريما طلبتــــك..
ريما:آمر عمي..
ابو نواف: ريما انتي بنتي وانا اعزك مثل معزة عيالي من كنتي صغيرة وماتمنيت الا تكوني من حظ احد عيالي وانا ياريما طلبت يدك لولدي نواف..ونواف ماراح يلاقي مثلك ابد.. وتوني انا ونواف نتكلم بالموضوع..وانا من كنتي صغيرة وانا اقول بنتي لولدي..ريما ونا ابوك وش قلتي؟
ريما وقفت من الصدمة وماتدري وش ترد علية!!

ابو نواف:انا عارف ان هالمواضيع يبي لها تفكير..خذي راحتك يبة!!
ريما:عن ذانك عمي
ابو نواف:وين تو الناس..؟
ريما:لا عمي بس ابي اروح تأخرت ابوي قالي لاتأخرين..فمان الله
ابو نواف:الله معاك
ريما وهي تمشي بالمستشفى كانت تبكي وتمشي بالممرات بالمستشفى مثل المجنونة تبكي بصوت عالي حتى الناس جلسوا يناظرون لها وكان يحسبون ان عندها احد ميت!!وراحت ركبت السياراة هي والشغالة وقالت للسواق يوديها لبيت خوالها ماراح تلاقي مثل ندى خالتها علشان تفضفض لها!! وكان في بالها يدور اشياء واشياء ليش نواف يبكي اكيد مايبيـــــني!!وعمي غصبة علي!!ياربي وش اسوي قلبي ملكة نواف بس كرامتي فوق كل شيء!!وكانت تبكي والسواق والشغالة يسألونها وش فيك..وهي في حالة بكـــــأء شديد ماتكلمت بس تبكي وتشهق من البكاء..
تابع............

+++++++++++++++

 

 

[عاشقة الحوراء زينب]

الجـــزء السادس

الفصل الثاني

: : :

اتصلت على ندى وقالت لها انها بتجي ..
ندى:ريوم وش فيك
ريما:ندى امي هيا عندك؟(هيا جدتها)
ندى:لا طلعت مع تركي
ريما:زين ..ندى انا محتاجة لك حيل (جلست تبكي)
ندى عورها قلبها:ريوم وش فيك عمك صار لة شي؟
ريما:لا مو عمي انا اللي صاير لي
ندى:يالله بسرعة تعالي عندي
ريما:بس لاحد يدري اني عندك تكفين
ندى:ابشري

راحت ريما عند خوالها ونزلت هي وشغالتها والسواق ارسلته للبيت وقالت لهم انهم مايقولون لاحـد انها تبكي..!!وصلت ريما عند خالتها واول مااطقت الباب ندى فتحت لها
ندى:هلا ريوم!!وش فيها عيونك حمــــر؟
ريما راحت لحضن ندى وضمتها وتبكي:ندى خلاص انا بموت
ندى:وش تقولين انتي وش جالسة تخربطين تعالي معاي لغرفتي لايدخل تركي او احد ويشوفك وانتي في هالحالة!!

ندى سندت ريما وصعدتها لغرفتها وريما جلست ع السرير وجلست تبكي....ريما قالت لندى الموضوع
ندى:ماشاء الله ريوم بتتزوجين قبلي يالدبا
ريما:ندى انا وين وانتي وين؟
ندى:حبيبتي لاتحكمين على الولد مو يعني يبكي انه مايبيك..يمكن عورهـ شكل ابوة ويوم طلع جلس يبكي..لاتحكمين علية ..وعمك من كنتي صغيرة وهو يحبك والكل عارف واكيد اذا حبك بيتمناك تكوني زوجة لحد عيالة

ريمـــا:بس انا مابي اتزوج ولا ابي اتزوج نواف بالذات!!

ندى:ريما مو هذا نواف اللي كنتي تحبينة؟وين حبك لة؟ريما خلاص اللحين كلامك مامنه فايدة..يعني بتتزوجينة غصبن عنك..وانتي اللحين حاولي تكسبينة..خلية يحبك يموت فيجك جننية..وانا مابوصي ريما لان ريما اقوى من كذا وهي عارفة كيف تطيحة في حبها مثل ماطيحتي العالم كلة بحبك كلنا نحبك ريوم لانك اسرتيــــنا واللحين انتي مو قادرة تخلين نواف يحبك؟

ريما:بس ياندى كرامتي فوق كل شي
ندى:رجعنا لطاري الكرامة اللحين وش دخل الكرامة بالموضوع..نواف جاك وقالك ريما انا مابيك مابي اتزوجك؟؟
ريما:لا
ندى:طيب اللحين وش دخل الكرامة؟يعني الولد وابوة شارينك
وعمــــك يحبك وابوك اذا بيوافقك على نواف اكيد انة عارف نواف زين وعارف اخلاقة وانتي ياريما دلوعة ابوك يعني ابوك ماراح يعطيك اي احد الا اللي واثق فية..ريما لاتخليـــن الافكار السوداء تدمرك..حبيبتـــي ناظري الموضوع بعين متفائلة مو بالعين المحبطة...
ريما:انا والله ماعور قلبي الاعمي اللي طلبني اني اتزوجة بس
ندى:بس لاتكملنها(وهي تبتسم)ونواف الغالي؟
ريما دنقت راسها وجلست تبكي..
ندى:يوووة وبعدين معاك انتي لاتبكين ترى اكرهـ الدموع انا.. يالله روحي مسحي دموعك وصلي استخارة وشوفي وش يريحــــك
انا بنــــزل اكلم امك واقولها انك بتنامين عندي الليلة


نزلت ندى وكلمت اختها ام ريما وجلسوا سوالف بس ندى تتجنب تتكلم بموضوع ريما وقالت لها انها بتنام عندها ووافقت ام ريما...ريما كانت تصلي وتدعي ربها انه يوفقها بختيارها..نزلت ريما بعد نص ساعة عند ندى اللي جالسة عند التلفزيون وهي تبتســــــم وكانت مرتاحة بالمرة..وجلست ندى تضحك ريما تسولف عليها..وجت الجدة هيا وجلسوا سوالف وتعشوا وريما مالها نفس بس ندى جلست توكلها بيدهـــــــا وريما تضحك...

: : :

نواف اللي اتصل على فيصل كان في بيتهم جالس بالصالة عنده امة وهنوف.. واول ماشاف الرقم طلع ..ونواف اللي كان محتاج له..
نواف بصوت مخنوق:الوو فيصل؟
فيصل:مين نواف؟ورا صوتك متغير .خالي فية شي؟
نواف:لا يافيصل انا اللي فيني اشياء واشياء آآآآآآآهــــــ
فيصل قام وطلع برى بالحوش:الو نواف وش فيك مو طبيعي؟
نواف:فيصل تكفى اطلع انا استناك برى يالله لاتطول


فيصل:طيب مع السلامة سكر الخط وهو طاير راح لغرفتة يجيب شماغة
العمة نورة:وش فيك كذا طاير؟
فيصل:هاه لا بس ابي اطلع الشباب مجتمعين
العمة نورة:والشباب هذولا لازم كل يوم تروح لهم..اجلس لو ليلة بالبيت
فيصل:يمة والله يرحم والديك اللحين انا مشغول اذا رجعت نتفاهم
هنوف:خلاص يمة خلية شكلة مشغول
فيصل:فمان الله..طلع وكان يركض لقى نواف في سيارتة قدام باب البيت وكان مسند راسة على المرتبة ويفكر والدموع في عيونة..فيصل خاف لما شاف شكلة وحس ان الموضوع خطير..نواف مايهزة شي حتى يوم ابوهـ طاح بالمستشفى مابكى اللحين يبكي..الله يستر بس!!
ركــب فيصل سياراة نواف..نواف تعدل من مكانة جلس
فيصل:وش فيك نواف ...تكلم ريحني..
نواف:وش اتكلم وش اقول..فيصل بيذبحـــــوني وانا حي!!
فيصل:وش تقول انت؟
نواف: آهـــ حكموا علي..فيصل بيموتوني..
فيصل ومسك نواف وجلس يهزة بقوة:تكلم عدل وش تخربط
نواف:ابوي يافيصل ابوي..بيزوجنـــــــي
فيصل ورجع على المرتبة:اوووووة طيحت قلبي ياشيخ هذا هو الموضوع..قلت بس اكيد خالي فية شي طيب عل البركة
نواف:فكنا ..مابي اتزوج وتدري هم اللي اختاروها لي ..انا مابي هذي الطريقة وهذا التفكير..وبعدين البنت وافقت يعني خلاص الفاس وقع بالراس
فيصل:من هي تعيسة الحظ اللي بتاخذك؟
نواف:وحدة اصغر مني يمكن بـ7 سنين تخيـــل!!
فيصل:من هي ..نعرفها؟
نواف:اييييية..ريما بنت خالك فهد
فيصل:ونعم والله!!ريما بنت ولا كل البنات..وبعدين خالي مهو بعمك؟
نواف نزلت دموعة منه..ريما هذي كان اخوي يحبها!وانا هاوشتة عليها قلت هذي بمثابة اختك عيب اللي تسوية..والحين بيزوجوني اياها؟ وش رايك بالموضوع هاه تكلم؟<معصب

فيصل:نواف انزل وخلني انا اسوق بدالك شكلك لو بتسوق بتودينا بستين داهيه انزل بس..نزل نواف وركب فيصل بداله وجلسوا يتمشون ونواف يحكي اللي في قلبة لفيصل..وبعدين سكت

فيصل:نواف..ريما بنت عمك يعني من لحمك ودمك..وعيب اللي جالس تسوية..ابوك يوم خطبها لك ماختارها الا وهو عارف انها مناسبة لك ..ريما الكل يمدح فيها بنت طيبة واخلاقها عالية ومتربية تربية خالي فهد..والكل يحبها يعني انت شوف واحكم الحريم البنات حتى البزارين..والله يانواف ان هنوف اختي تموت عاليها لدرجة اذا شفنا هنوف متضايقة وكلمتها ريما ترجع ولا كأن صاير فيها شي اختي متعلقة فيها وهذا دليل على طيبة قلبها
نواف بينة وبين نفسة(لاتذكرني بهنووف يافيصل قطعت قلبي)

فيصل:الحين احمد ربك اذا ريما بتوافق عليك..عمي تسوى عيونة ريما يعني مابيزوجها اي احد..
نواف:قال احمد ربي قال..هي اللي تحمد ربها مو انا!!وانا مابي اتزوجها بنت دلوعة وشايفة نفسها واحس لو بقولها كلمة راح تكبر الموضوع ويدخل عمي بالسالفة..وبعدين انا مابيها تفهـــم وش معنا مابيها..

فيصل عصب من نواف:انت الكلام معاك ضايع ..خلاص انا بروح لبيتنا ارحم من الجلسة معاك
نواف مسك يد فيصل:لا حرام عليك لاتتركني اعذرني تراني جلس اتكلم ماني بوعيي!!

فيصل:نواف..ريما والله بنت خلوقة والف واحد يتمناها بنت ناس اخلاقها ممتازة..يمين ويمنى..تحب الناس..طيبة يعني من حظك لو بتاخذها انا اسمع من كلام امي وهنوف كيف الناس يحبونها..تدري ان ولد صديق خالي فهد ولد التاجر سليمان الــ خطبها!!
نواف:طيب متى؟
فيصل:العام بالصيف بس هي رفضت..كانوا بس بيملكون عليها علشان ماتطير من يدهم..بنت والله ولا كل البنات..
نواف ساكـــــت
فيصل:خلاص اللحين كلامك هذا مابيها !!فكوني منها!..ماراح ينفع يعني انت اللحين حاول تأقلم نفسك مع الوضع الجديد بتتزوج وبتفتح بيت وتكون أسرة ..وحبب نفسك فيها غصب ..وانا واثق انك بترجع لي وبتقول لي انك خلاص ماتقدر تفارقها!!والله يوفقك ويهنيك ويسعـــدك يادب..الله يادنيا نواف بيتزوج ويركني اهئ اهئ
نواف جلس يضحك على كلامه
فيصل:اييه هذا نواف اللي ابية نواف اللي مايهزة شي..انبسط ياشيخ من يحصل له يعرس ويتزك العزوبية هههههههههههه
نواف:هههههههههههههه الله يقطع ابليسك
فيصل:اقول وراك ماتعزمني يابخيل تراني ميت جوع
نواف:وانت كل ماشفتني قلت اعزمني
فيصل:ايه ياسعادة المهندس انا ولد عمتك انا فيصل مو اي احد
نواف:المشكلة انك تعرف معزتك عندي يالله امش ياخي خلنا نروح نتعشى
فيصل:انا نفسي في بيتــــزاهت وش رايك
نواف:يالله لبيتزاهت

راحوا تعشوا ونواف بس يضحــــك طول اليوم انجن بس يضحك على اشياء تافهه رجع للبيت الساعة 2 ونص باليل بعد مانزل فيصل لبيتهم.. رجع ودخل للبيت وشاف امة جالسة بالصالة تتنظرهـ

ام نواف:وينك نواف؟
نواف:لا بس كنت مع فيصل تعشينا وهذاني جيت..يالله تصبحين على خير
ام نواف:اللحين انا جالسة حالتي حالة استناك؟؟ ابيك بموضوع تعال اجلس

نواف عرف ان امة بتكلمة بسالفة زواجة
نواف:يمة خليها للصبح فيني نوم وبكرى ابوي بيطلع الصبح وبروح اجيه..
ام نواف:اقولك تعال واجلس لاتكسر كلامي..
نواف جلس عندة امة
ام نواف:ابوك قالك انه بيزوجك؟
نواف:ايية<من غير نفس
ام نواف: وعرفت من هي؟
نواف:اييه
ام نواف:وانا كل ماقولك شي قلت لي ايه
نواف:وش تبيني اقولك؟
ام نواف:وش فيك كنك مو مبسوط؟
نواف:كيف تبوني انبسط وانتم بتنزوجوني بدون ماتقولون لي خطبوتها وجايين تقولون لي وش رايك؟
ام نواف: نواف حبيبي ريما ماراح تلاقي مثلها ابد
نواف:اووووة رجعنا لسالفة ريما والله كرهتوني فيها هذي ريما
ام نواف حست ان احلامهابتتحطم وجلست تبكي
نواف كسرة خاطرة يوم شاف امة تبكي وحس ودهـ لو الارض تنشق وتبلعة وراح باس راس امة..قال بضغط على نفسي علشانها...
نواف:يمة انا آسف يالغالية..خلاص يمة تكفين ماحب اشوف دموعك..طيب اذا تزوجت وسافرت بتبكين؟بعدين ماسمعت كلمة مبروك..فية ام ولدها بيتزوج ولاتقولة مبروك؟
ام نواف راح وضمت نواف وهي تبكي:يعني انت موافق انك تتزوج ريما؟
نواف:اية موافق وريما بنت عمي ماراح القى مثلها
ام نواف:ياعمري انت الف الف الف مبروك يايمة انت..وعقبال ماشوفك في الكوشة وجنبك ريومة حبيبتي..
نواف:يمة ماودك تنامين الساعة اللحين 3 بكرى الغالي بيطلع جلس يضحك
ام نواف:ههههههه يالله اجل تصبح على خير
نواف:صعد لغرفتة ولانام جلس طول اليلل يفكر وكان مبسوط انه فرح امة..وكا ن يدور في باله..اذا انا مو سعيد بالزواج وفي يدي اسعد غيري ليش ماسعدهم..امي ابوي وعمي ومرت عمي وحتى ريما..آذن راح يصلي في المسجد رجع راح للمطبخ وشرب له قهوة وصعد لغرفتة جلس على النت وكان يسمع اغنية احـــلام (القلب الحنون) ..(نواف دلوع امة يموت عليها وهي تموت علية) تذكرها من سمع الاغنية

يالله توقعاتكم ياصبايا..

بنتظار ردودكم الروووووعة عادلاتبخلون علي؟


تـــــــابــــــــــع‘......:::::::::::::

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!

 

 

[Om Elias]

تابعي
يالغاليه
الله يخلييك
((ترى مابعد أبتدي قرايتها))

تحياتي:
Om Elias

 

 

[عاشقة الحوراء زينب]

[IMG][/IMG]

هلا بالزين كله حياش الله

ولاتحرمينا من وجودش

 

 

[عاشقة الحوراء زينب]

[IMG][/IMG]

الجــزء السابع
الفصل الأول

: : :

ريما اخذت شاور ويوم طلعت من الحمام (وانتوا بكرامة) وراحت ورتبت شعرها ولبــست تنـورة ذهبيـة حرير وحزام عريــــــض ع الخصر فيه فصوص كرستالات حمر صغيرات وبلوزة حمراء كان الصدر فيه تكسيرات صغيرة وبعدين يجي من تحت الصدر شريطة عريضة مخمل لونها احمر ومع تحــــت وسيع وفية ترتر خفيف ولبست ساعة ذهبية روعة جتها هدية من خالتها هند وصندل ذهبي فية وردة حمراء..دخلت عليها امها واعجبها شكل ريما وفكت شعرها كان طويل وناعم..وحطت ميك آب نعوم كحـــــل داخل العين اسود وروج احمر خفيف وجلوس
ام ريما:ياعيني اية كذا ابيك طالعة قمر 14 الله يحفظك
ريما:يمة ياحياتي انتي بس وشوله كل ذا الحماس؟
ام ريما بارتباك واضح:لا بس ابي الناس يقولون وش ذا البنت عنكم قمر
ريما:يمة وش فيك ارتبكتي..
ورن جرس البيـــــــــــت
ام ريما:شوفي انا بنزل قلت للسواق يجيب عصير فريش من محلات العصير وشكلة جاء يالله و ابي اجهز القهوة
ريما:اوكي انا بجلس شوي بغرفتي
طلعت ام ريما وكانت خايفة من ردة فعل بنتها لانها مابعد قالت لها ان نواف يبي يخطبها ولا وبعد يبي يشوفها وكانت تقول(ياربي وش اسوي اللحين بنتي واعرفها عنيـــــدة واذا قلت لها اللحين ماراح تطلع لهم ..وابوها اعطى عمها كلمة لهم اوووة ياربي انك تهديها وتطلع لهم)

ريما شغلت اغنية احلام(ناويلك على نية) (ناويلك على نية بس انت اصبر شوية..اذا ماعلقك فيني وهواك يصير في يديا)وكانت تقول:طيب يانواف ناويتلك على نية ..صح لسان ياحلام وراحت ترقص على الاغنية وتفكر بكلمات الاغنية ..

: : :

في بيت ابو نواف..

الكل جالس بالصالة يستنون نواف كان فوق كشخ بالثوب والشماغ وجلس يتسكـب ورش العطر ولبس ساعة جلـد بني (وانتوا بكرامة) جزمة بنيــيه وطلع وهو نازل من الدرج ام نواف:لولولولولوليش يارب تحفظك
محمد:احم احم نحن هنا
ام نواف: اذا جيت تعرس ابي اقولك هالكلام
محمد: زوجوني تكفون علشان امي تقولي هاللكلام
ابو نواف:محمد وجع وش ذا الكـــــلام استح على وجهك
محمد:آسف يبة
نواف:هههههههههههه القافة ماتصلح دايماً
ام نواف:راحت جابت المبخرة وجلست تبخر ولدها<طالع خطير روعة
ابو نواف اتصل على ابو عبد الرحمن العصر وقالة وانبسط ابو عبد الرحمن وبارك لهم ..وبعد اتصل على فيصل وقال انه راح يجي لبيت ابو ريما..ركبوا السيارة نواف ومحمد وابوهم وعمهم طلال

وصلوا الرجال لبيت ابو ريما على آذان العشاء وابو ريما بالاستقبال هو وفيصل
ابو ريما:حيالله من جانا
ابو نواف:الله يحيك
ابو ريما:تفضلــــــوا
ودخلوا على قسم الرجال وفي المجلس كان واضح الارتباك على نواف وفيصل جلس هو ومحمد يضحكون علية وجابو القهوة وتقهووا الرجال


ابو نواف:يابو ريما احنا جاين نخطب بنتنا ريما لولدنا نواف..واحنا ماراح نلاقي مثل ريما بنت اخلاق وجمال ودين ويكفي انها بنت اخوي فهد

ابو ريما:الله يسلمك..وهاذي الساعة المباركة ..ونواف ولد مايعيبة شي كامل والكامل الله..بس مثل ماتعرفون البنت لازم اشاورها وبتفكر وبنرد لكم ان شاء الله

ابو عبد الرجمن:اكيد يحق لها ..وريما بنت وربي اعتبرها بنتي..ونواف ولدي وانا سعيد ان ولدنا لبنتـــــنا والله يتمم على خير

نواف كان وجهه احمر ويعرق كثير ومرتبك ومحمد وفيصل يبتسمون بينهم وهم يطالعون نواف

بعدين سكتوا شوي

نواف:عمي فهد..اذا ماعليك امر ابي اشوف ريما..واعتقد انه مو عيب والشرع يقول كذا..
ابو ريما:اكيد حقك وانا ابوك دقايق ابي اعطيهم خبر
فيصل كان مصدوم من كلام نواف لعمة وش عندة ؟لانة اكثر واحد يعرف انه مايبي ريما

راح ابو ريما وقال لأمها ورجع للرجال صعدت ام ريما عندها وطقت باب غرفتها ودخلت
ام ريما:ريما ممكن ادخل
ريما:ايه تفضلي
ام ريما:ريما تعالي اجلسي جنبي ابي اقولك كلمتين
ريما جت وجلست جنبها
ام ريما:ريما حبيبتي انتي اللحين بنت حلوة وكبرتي والكل حاط عينة عليك..ومن كنتي صغيرة وعمك كان يبيك لولدة نواف ..ونواف ولد ماشاء الله علية متعلم ومثقف وخيَر ويعرف ربة زين وتربية عمك ..اليوم جايين يطلبون يدك له...
ريما قامت من مكانها
ام ريما:اجلسي مابعد خلصت كلامي
ريما طاحت على رجول امها وجلست تبكي مثل الاطفال
ام ريما كسرت خاطرها :ريوم حبيبتي نواف ولد عمك وعمك يتمناك تتزوجينة وبعدين كلنا عارفين ان نواف ولد ماعلية اخلاق وطيب هاه يمة احنا مانبيك تستعجلين بالرد خذي راحتـك لان هذا زواج مو لعبة يعني بتقضين العمر كلة وياه
ريوم يالله قومي مسحي دموعك وحطي ميك آب ثاني
ريما:ليش يمة؟
ام ريما:هاه (ارتبكت)يمة ريومة نواف طالب يشوفك اللحين وابوك اعطاهم كلمة انك بتنزلين لهم بعد شوي
ريما:طيب ليش ماخذتوا رآي..ماراح انزل لهم ابي اجلس بغرفتي
ام ريما:لايابنيتي تكفين لاتفشلين ابوك قومي يالله انزلي الولد يستناك
ريما تذكرت كلام خالتها ندى انها لازم تتمسك بنواف ولازم تخلية يحبها وهي تفكر وتقول(هذي فرصة اشوف نواف واعرف اذا هو صدق يبـــيـني او لا)
ريما:يمة خلاص دقايق وراح انزل
ام ريما:عشتي والله ايوة كذا ابي بنتي قوية
ريما راحت وعدلت نفسها ونزلت ابو ريما كان يستناها عند الدرج يوم شافت ابوها خافت وصارت ترتجف وحست ان الموضوع خلاص واقع وصار جد..
طبعاً فيصل ومحمد وابو نواف وابو عبد الرحمن كلهم طلعوا بالحديقة علشان نواف وريما..
ريما تهمس في اذن ابوها قبل تدخل المجلس:يبة تكفى لاتخليني ترى اذا طلعت بطلع وياك
ابو ريما:خلاص ياريومة انتي ادخلي واوعدك اني ماراح اطلع الا وانتي في يدي
ريما ابتسمت ابتسامة صفرا وكانت ميتة من الخوف
ونواف جلس يعدل شماغة ويتضبط ويفكر كيف راح يكون اللقاء الاول بينة وبين ريما!!
ابو ريما وريما دخلوا المجلس..ابو ريما جلس عند باب المجلس وريما جلست قبال نواف بالكنبة اللي قبالة
ريما:الســـلام عليكم
نواف اعجبتة نعومة ريما وهدوئها:وعليكم السلام...شخبارك ريما؟
ريما بصوت مو مسموع:تمام..
نواف جلس يطالع ريما من فوق لتحت اعجبتة مرة كان شكلها كيوووت
ابو ريما:جلس يطالع فيهم وحس انهم متربكين ثنيناتهم

بعد دقــــــــــــايــــــــــــــــق..
ريما قامت:عن اذنك
ابو ريما:وين يبة اجلسي شوية مابعد شافك ولد عمك
ريما كانت بتصيح ودموعها في عيونها..نواف رحمها شكلها واضح اللي خايفة
نواف:خلها عمي على راحتها..الله معاك ريما
ريما طلعت وصعدت غرفتها وجلست تبكــــــي..وامها صعدت عندها ودخت عليها لقتها تبكي
ام ريما:وش فيك؟وراك تبكين؟ وش صار؟
ريما:لا مافيني شي ..بس يمة احس تونى على الزواج
ام ريما:لا وش تونى الولد مايتفوت وانا اتمنى افرح فيك واشوفك عروس
ريما راحت حضن امها وجلست تبكي
ام ريما:يالله ياريما كبرتي وصرتي عروس..يوم كنتي صغيرة كنت اتمنى اشوفك وانتي تمشين ويوم مشيتي كنت اتمنى اشوفك تدرسين و درستي وبعدها كنت اتمنى اشوفك عروس واللحين عروس نزلت من عيونها دموع لاشعورياً وهي تقوول: راح تتركيني ياريما انا وابوك وتروحين بيت زوجك ان شاء الله
ريما جلست تبكي هي وامها ..

: : :
عند الرجال رجعوا للمجلس وكان نواف مبسوط مرة انة شاف ريما واعجبتة ملامحها الناعمة ومحمد وفيصل جلسوا عند نواف بعيد عن الرجال..و نشبوا في حلقة وش صار ؟وش قالت ؟وش قلت؟ كم جلست ؟
نواف:ههههههههه كل هذا بجاوبة عليكم
فيصل:ياحركات انت ..عساة اعجبتك
نواف بيقهرة:مش بطالة حليلة
فيصل: افا ريما ماعبجتك اللحين الكل معجبتة وانت ماتعجبك الا انت وش يعجبك بالله مايعجبك العجب ولاالصيام برجب
نواف:ههههههههههههههههههههههه

ابو عبد الرحمن:الله يوفقكم ويتمم لكم على خير
ابو نواف:ان شاء الله
تعشوا الرجال وطلعـــوا نواف وفيصل راحوا مع بعض وابو نواف وابو عبد الرحمن ومحمد راحوا سوى ..نواف اعجبتة ريما بس كان يكابر عليهم....

: : :
[IMG][/IMG]

 

 

[عاشقة الحوراء زينب]

[IMG][/IMG]

هنوف ونوف من سمعوا الخبر جلسوا يبكون من الفرحة واخيراً ريما بتتزوج نواف وبعدين جلسوا يبكون انها خلاص بتتركهم يعني بتصير عروس وراح يكون عندها مشاغل واهتمامات غيرهم..هنوف ونوف اتفقوا بكرى يجونها للبيت ويسهرون عندها..هم وندى خالتها وندى كانت بس تبكي من الفرحة ..

بعــــد اسبوع ردت عليهم ريما وكانت موافقة..والكل يبارك لنواف..ونواف كان مبسوط مايدري وش ذا الشعور الي جاهـ من وافقت ريما..

ام نواف اتصلت على ام ريما على طول بعد الموافقة..

ام نواف:الف الف مبروك يام ريما واخيراً بنصير انساب..وبنفرح بريومة ونواف
ام ريما:الله يبارك فيك..شفتي كيف زوجناهم الله يوفقهم أن شاء الله
ام نواف: والله يام ريما انا اتصلت عليك ابي اطلب منك طلب
ام ريما:آمري يام نواف ..خير وش عندك؟
ام نواف:ياليت لو نعجل في الملكة ابي ريما ونواف ياخذون على بعضهم
ام ريما:بس يام نواف ماشاورت ريما..
ام نواف:تكفين يام ريما نبي نعجل فيها شوي يعني ياليت لو تكون الاسبوع الجاي
ام ريما:لا يام نواف بدري مرة والبنت ماتجهزت للملكة وانا اعرف ريما بتزعل
شوفي نخليـــــــها بعد اسبوعين هاه وش قلتي؟
ام نواف:خلاص اللي تشوفينة بعد اسبوعين بعد اسبوعين..مشكورة يام ريما والله اني مبسوطة من الخبر والله يوفقهم
ام ريما:آمين
ام نواف:خلاص اجل يالله نشوفك على خير ..مع السلامة
ام ريما:مع السلامة


ام ريما راحت عند ريما وقالت لها وريما عصبت وقالت وش فيكم مستعجلين وام ريما قالت لها انة خلص حددوا الموعد ..ريما ارتبكت وجلست تجهز نفسها ..راحت لمراكز تجميل وسوت لها تقشير وتنظيف بشرة ومساج وحمام بخار وبدكير ومنيكر ..

الكل كان مشغول بسالفة الملكة وندى كل يوم تجيهم ترتب معاهم ..ونوف وهنوف دايماً عند ريما يساعدونها ويهونون عليها ..

: : :
[IMG][/IMG]

 

 

[أبو إلياس]

يعطيك ألف عافيه أختي على هذه القصص الرائعه

اعدك بقرائة هذه الروايات إن شاء الله


واصلي أختي الغاليه عاشقة الحوراء زينب


واصلي في وضع تميزك


والله يعطيك العافيه




تحياتي العاطرة

أبوإلياس

 

 

[عاشقة الحوراء زينب]

أبو إلياس

[IMG][/IMG]

أشكرك على تواجدك في صفحاتي

وتشجيعي الله يعافيك

 

 

[أبو إلياس]

إنتظار

 

 

[عاشقة الحوراء زينب]

بنزل الجزء الجاي لاحلى متابعين اللي يردون واللي مايردون
أهداء ل
..~أبوإلياس~..


وحياكم الله

 

 

[أسوار البقيع]

مرحبا


سلمت يمناكي اوخيه


على مايبدو قصة رائعه


حفظتها عندي وسوفا اطلع عليها


اكملي الباقي ونحن من المتابعين لكي دوماً



سلمتي اوخيه


اسوار البقيع