ماراعوها
اشگد ألموها
بضعة هادينه المختار
حين الهادي اتوسد لحده
بانت أهل الغي والرده
ما حفظوا للهادي حده
هجموا عالزهره من بعده
ما حفظوها
ما داروها
هاي الزمره هالأشرار
هجمت أهل الغي ابشرها
او باب الزهراء اتوجِّرها
گام الثاني بيده اعصرها
وبحقده الظالم يسطرها
ما حشموها
او لاجلُّوها
نبتوا بالزهره المسمار
طاحت فوگ العتبه الزهره
تصرخ من الضلع او كسره
تتألم من هاي السطره
لو تبچي المحسن عالغبره
ابهم خلوها
چم هظموها
تبچي او تنحب أم لطهار
ريتك يالهادي اتشاهدها
و أصحابك بعدك تضهدها
أحمر منهم صاير خدها
وابرفسه الظالم وسدها
چم روعوها
ما قدروها
خلوها تظل بالأكدار
عاشت أم حسين ابهمها
او جرح المسمار ايألمها
ابونة مالومه ترسمها
او چف الموت الليله يمها
هم جرعوها
ما رحموها
ماتت و الهم مثل النار
الشيخ محسن بن الشيخ مرتضى سليس
القطيف
وفاة السيدة الزهراء(ع)