السلام عليكم ورحمة الله وبركاته
اللـــهـم صـلّ عـلـى مـحــمـد وال مـحـمـد
.
.
[الدرس الثاني]
فتح عمل جديد + الأدوات 1
عمل جديد
1- اسم العمل (مثال : منتديات الطرف )
2- العرض ويفضل أن يكون بالبيكسل لانها وحدة القياس المشهورة لدى المصممين.
3-ارتفاع التصميم وايضا يفضل أن يكون بالبيكسل .
4- الدقة وهي ضرورية جداً ، فكلما زادة دقة العمل زاد جماله ولكن في المقابل يزيد حجمه
والعكس صحيح ، كلما قلت الدقه قل الحجم .
(دقة كبيرة > جمال كثير > حجم كبير > تصفح بطيء )
( دقة قليلة > جمال ووضوح قليل > حجم صغير > تصفح سريع ومريح )
ولذلك يجب ان نكون متوازنين في الدقة
ولذلك نجد بعض التواقيع او الصور تتأخر في الظهور وذلك لزيادة حجمها كون دقتها عاليه .
5-احرص ان تكون الالوان بصيغة RGB
ومن ثم موافق
تم فتح العمل الجديد ولله الحمد
الادوات
الأدوات الأساسية
* همسة : دروس الادوات
اهم الدروس على الاطلاق
وهي الباب الرئيس لدخول عالم الاحتراف .
راح ناخذ أهم الادوات واللي دايم نستخدمها
والرئيسية في أي عمل
أما البقية فراح تجينا مع الدروس
نبدأ بأداة (الأشكال)
* همسة : الاختصارات مهمه جدا للمحترفين وتختصر الكثير من الجهد والعمل
اللي بيحفظهم راح يرتاح كثير ، ومع الاستخدام راح بيسهل حفظهم .
لو جربنا نضغط على الاداة بزر الفأرة اليسار
راح تتضح لنا الاشكال اللي ممكن نرسمها بهذي الاداة
طبعا كل اداة مجرد ما نختارها
راح تطلع خياراتها فووق
في شريط خيارات الأداة << بيناه في الدرس الماضي
طيب مثل منتوا شايفين
هذي الاشكال اللي ممكن نرسمها
كلها طبيعية
مستطيل ، دائرة ، سداسي ...
الشكل الاخير لو جربنا نضغط علية
راح تظهر لنا اشكال عشوائية
رائعة جداً
هذي الاشكال قليلة
لو بغينا نطلع الاشكال الموجوده كلها
نقدر نتبع الصورة
1-اضغط على السهم الصغير بالزر الايسر من الفأرة
2- ثم اختر ( الكل )
واستكشف الاشكال الرائعة بنفسك
راح نجرب اللحين نرسم هذي الاشكال
اختار الشكل > نتجه للعمل > نرسم الشكل بزر الفأرة الايسر
مستطيل ، دائرة ، سداسي ...
اللوح السادس : السيرة
همسة: من هنا نقدر نسترجع الخطوات اللي سويناها
فلو رسمنا دائرة ومربع ومثلث على التوالي
من هنا نقدر نتراجع عن الخطوات لتغيير لون الشكل
نتجه للوح الطبقات ، ونتبع الصورة
1- اضغط بزر الفأرة الايسر مرتين متتاليتين وغير اللون كما تشاء.
بكذا نكون انتهينا من شرح أداة الاشكال
وهذي بعض التطبيقات البسيطة على الأداة
وننتظر تطبيقاتكم
أداة (التحريك)
طيب اللحين تونا من شوي رسمنا
و نبغى نحرك اللي رسمناه من مكانه لمكان ثاني؟
بكل سهوله
نختار الاداة
ونتجه للوح الطبقات
ومنه نختار الشكل الي نبغى نحركه
بضغطه وحده بالزر الايسر من الفأرة.
وبعدها نتجه
لشكل ونبدأ نحرك بالموس بكل حرية وحلاوه
بإمكاننا التكبير والتصغير في الاشكال او الصور
مثل ما نبغى
CTRL+T
بعد التكبير او التصغير
راح يكون اطار بهذا الشكل
1-قبل تغيير الحجم
2-بعد تغيير الحجم
للتخلص من الاطار واقرار العملية
نضغط
Enter
اللي بجنب الارقام في الكيبورد
وبكذا نخلص من أداة التحديد
وهي من أهم الادوات
ما راح نقدر نتحكم بالصور والطبقات الا فيها
أداة التدرج
بالضغط بزر الفأرة الأيمن على الاداة
نلاحظ وجود اداة وعاء الدهان بالاضافة لاداة التدرج
طيب لو بغينا نعمل تدرج معين
كيف نقدر نختار اللون اللي بنعمل عليه التدرج ؟
اللون نختاره من هنا
1-مربع اللون الاول الأسود
2-مربع اللون الثاني الأبيض
بالضغط على مربع اللون راح تفتح صفحة منتقى اللون
ومنها نقدر نختار اللون اللي نبيه
طبعا الفوتوشوب يحمل الالوان اللي على بالك واللي ما جت على بالك بعد
*همسه : اللون الاعلى هو اللون الاساسي المستخدم .
لو بغينا نستخدم اللون الثاني؟
نبدلهم بالضغط على السهم المنحني فوق المربعين الخاصين بالالوان
بعد ما نختار اللونين اللي نبغاهم للتدرج.
مثل ما تعودنا
نتجه لشريط خياراة الاداة فوق
ومنه نلاحظ عدة خيارات تفيد التدرج
1- اضغط عليها للتحكم بتقسيم نسب الالوان في التدرج
مع وجود عدة تدرجات معده سابقا وجاهزه للاستخدام .
2- من هنا نقدر نختار شكل التدرج .
3- لعكس اللونين في التدرج .
بعدها نتجه للعمل
ونجرب نضيف التدرج
نتجه لزاوية بالعمل > نجرب نضغط بالفارة > نسحب الفاره للزاوية الثانية
ويطلع لنا بهذا الشكل
و اشكال مختلفه رائعه
حسب الخيارات والاذواق
شرح بالفيديو
طريقة حفظ العمل: ملف +حفظ باسم+رقم 3
التطبيق المطلوب من المستفيدين
1- فتح عمل جديد .(باسم العضو)
2- عمل تدرج لوني .
3- اضافة بعض الاشكال على العمل .
ولا مانع من الزياده ولابداع
اتمنى يكون الشرح واضح
وباب الاستفسارات والاسئلة مفتووح
.
.
بالتوفيق