[عزف الدموع]

مساك الله بالورد أخوي ابن الطرف ًُ]

اقتباس لو حللنا مسألة التمكن من رؤية الخطيبة مرة أخرى فلا أظنها سبب لإطالة فترة اللقاء أو حتى كثرتها لأن من سمح للزوج بالزياره مره سيسمح له بتكرار هذه الزياره

وهم من سمح له مرة يطول بيسمح له المرآآآآت الباقي ,.,؟؟؟


ومن وجهة نظري القاصرة ازدياد المشاكل بين الزوجين وانتهاء بعض العلاقات بفسخ الخطوبة


مو شرط سببها ان يشوفها وتشوفه ... هناك أسباب كثيرة كل بيت او كل علاقة لها مشاكلها .. الله أعلم ؟؟؟


وحتى لو ماشافوا بعض نهائياً الا بعد الزواج قد يحدث طلاق وخلاف وغيره


لان بيبتدي كل واحد يعرف الثاني بينصدم بالثاني بيشوف اطباع الثاني أسلوب الثاني

وقد مايكون توافق تام وانسجام جيد بين الطرفين ... يعني هي هي المشكلة !!





معليش اخوي عزيزي ابن الطرف بس خلنا نكون واقعيين اكثر انت تقول ماتظنها


سبب للأطالة قضية ان يمكن ماراح يشوفون بعض ثانية الا بعد مدة }!



لكن خلنا نكون واقعيين لو جلس معها ساعة او ساعتين و الاثنيــــــــــن


بما ان اخذوا بالكلام وبدت السوالف وماحصل شي يكدر عليهم صفوو الوقت


وهم الزوجة ماقالت له لاتتأخر اهلي مايرضون



هل تتوقع ان بيقول لها بعد مضي وقت بسيط يلااا أستأذن بمشي او اهي بعد تبغاه يمشي ؟؟؟


احنا احين نقول ونتكلم انو هذا صح وهذا خطأ وان المفروض مايقعد هالكثر اوو اوو .... الخ


لكن الواقع بقول بما ان حاصل له يجي ويشوف واهي هم تبي


وماهمهم الوقت وماعندهم شروط مسبقة من الاهل


لا والله بياخذون راحتهم وبيقعدون


ولكل بيت ولكل عائلة تعامل خاص وطابع خاص (((( البيوووت أسرار )))) الكل يعرف هالشي ...




واما قضية الوقوع بالمحذور .. بغض النظر ايضاً عن ان الانسان يرتقي بتفكيره فهي


ايضاً قضية الأهل بالأول انت لما سمحت لهم يــــــ الأب أو سمحتي يــــــ ألام ...


انهم يجتمعون مع بعض ويكون هناك لقاء وجلسة ..الخ


يفترض يكون في حذر حيطة شوي بحيث ان مايكون المكان جالسين فيه بحالهم طول الوقت


لازم يكون وعي من الوالدين ايضاً في هالمسألة انه والله لما سمحتوا ورضيتوا بهالشي


يعني انتوا مسؤولين مسؤولية كاملة فيجب عليكم مراعاة مسؤوليتكم شوي









لك الموفقية أخي الكريم


وعذراً ع الأطالة