السلام عليكم ورحمة الله
هذي قصة حصلت لوحدة
تقــول :
بدأت الاجازة وقررنا اقضيها أنا وزوجي وأبنائي في سوريا سافرنا إلى هناك..واستأجرنا منزل من إحدى العائلات السورية
حيث أنهم يقومون في الاجازة بتفريغ منزلهم اذا كان يتكون من أكثر من طابق ويسكنون في طابق ويأجرون الطابق الاخر
على السياح من باب الرزق .
مرت الأيام وكانت جميلة وراااائعة ,كانت العا ئلة السورية (اصحاب المنزل) عندهم (فتاة جميلة وحلووووة) ..
وكانت بين فترة وأخرى تطق علينا الباب وتقول أبي بعض الأغراض من المنزل وتأخذاللي تبي وتخرج..المشكلة هنا بدأت عيون زوجي تلاحقها !!
والفتاة تبتسم له تلك الآبتسامة الساحرة ثم تخرج !!
أأأخ يالقهر !!
تطورت الحالة.. وصارت تقابله كل ماخرج ودخل .. وإبتسامة منها وآخرى منه..
ثم كلمة... إلى أن.. تعلق قلبه بها وقرر أن....... يتزوجها..
وأتى وأخبرني برغبته في الزواج من تلك الفتاة ..
صعقت.. وصرخت .. وإنتقدته !!
ولكنه اصررررر!!!
قلت: إذن رجعني إلى السعودية.. ثم ارجع وتزوجها ..أما إنك تتزوجها وتاخذها معنا.. فمستحيييل..
علشان الناس تقول :راحت تتمشى فتزوج عليها ورجعت !!! (ياشينها تمشيه)
ويقولون راح بوحدة ..رجع بثنتين!!!
قال: خلاص ارجعك السعودية وارجع .. اتفقنا على كذا .. المهم اليوم اللي قبل ما نسافر فيه .. خرج زوجي من البيت
قمت وأخذت عصاااا يه كبيرة (خشبه) وكسرت التحف اللي في بيتهم ودخلت على غرفة يخزنون فيها المخلللات..
كسرت كل العلب وكانت كثيرة 0(يبدوإنهم يبيعون منها) علشان بنتهم هذي اللي تبي تأخذزوجي وأنا اتفرج !!
المهم جاء زوجي وشاف ألأغراض مكسرة والبيت محيووس.. قال: ويش ذا ؟ من سوا كذا ؟
قلت له :هذولي عيالك الله يصلحهم .. طلعت أتمشى شوي .. رجعت لقيتهم حايسين الدنيا .
احرجوناالله يهديهم بس .. خلاص خذي هذي العشرة الآف ريال واعطيهم إياها واعتذري منهم!! ((عشرةالآف..والله ماهي كرم !! بس لأجل عيون البنت ))
قلت له طيب أبشر .. وقمت حطيت بجيبي تسعة الآف.. (اللي عمري ماحلمت يعطيني إياها)
وطلعت لأصحاب المنزل ب1000 وناديت الأم ونزلت معاي على بيتهم بعد الحوسة ..وقامت:تصرخ..شوهيدا؟
قمت اعطيها ال1000 وقلت لها :ماعليه ياحبيبتي سامحيني والله اللي سوا كذا ببيتكم زوجي مسكين عنده حاله نفسية ..
وعنده صرع .. ماتركت مستشفى ولادكتورإلارحت بزوجي عنده علشان يتعالج بس مافيه فايدة..
وسافرت به كل ديرة قلت عسى تتحسن حالته النفسية بس مافيه فايدة بعد . وانا جايبتة الحين لسوريا قلت عسى يستانس ويروح عنه المرض بس مثل ماشفتي تصيبه هذي الحالات من فترة
لفترة .. ولايترك شي في حاله حتى أنا يضربني ويضرب عياله......!
وهذي الألف خذيهابدل اللي تكسر في بيتكم ولآيدري إني اعطيتكم الفلوس ...! ((علشان ماتروح تشكره على الفلوس وينفضح امري ))
قالت:لاعادي ياالبي الله يعينك عليه ويشفيه ياااارب ..
واليوم الثاني اشيل عفشي وعلى طوووول عالسعوديةوانا مرتااااحة !!!
ولايمر أسبوع إلاوهو يقول يلا بسافر لسوريا ..((على باله رايح علشان يتزوجها))
قلت:الله يحفظك (وأنا متطمنه)
ويروح لسوريا ويذهب لأم البنت ويطلب يد بنتها ..قالت: معليش سامحنا والله خطبها ولد عمها وما نقدرنرده ..0((لأنه كان متفق معاهم إنه بس يرجعني السعوديه ويرجع يأخذهاوكانو موافقين بس بعد اللي قلت لهم ارفضو))
ورجع للسعودية من وقتها..ونساها..
ورجعت حياتنا مثل أول وأحسن وكل شي تمااااام والحمد لله
هااااااااا وش رايكم أخواتي في دهااااااااء هالمرأة.!!!
والله أعجبني تصرفها ماشااااااء الله عليها
مالت علينا يا للي مانعرف نتصرف... ماعندنا إلاالصراااااخ والبكاء !!! 