س/هل تؤيــــد / تؤيــــدين هذه الظاهرة ؟؟
لاأؤيد هذه الظاهرة
واعارضها بشدة
والله هم يحبون بعض مو لازم يثبتونه قدام الناس
مادري شنو يستفيدون لو سووا هالحركة؟؟
واي امان واي دفء بمكان عام عااااد
الحين ماصار الامان والحب إلا قدام الناس
وبعدين هناك شي لازم تفكرون فيه وتحطونه بعين الاعتبار
الحين مافكرتوا إلا بانفسكم ونسيتوا شنو آثار هالحركة على بعض الناس
هالحركة ممكن تثير البعض مثل المراهقين وغيرهم
وتجرح اصحاب القلوب الكسيرة مثل العوانس وذوات الدخل المحدود من الشباب اللذين لم يذوقوا طعماً للحياة الزوجية >> المفروض نقتدي بإلامام علي في مراعاة اصحاب القلوب الكسيرة والضعيفة والمفتقرة
و لاتنسون احنا في مجتمع محافظ يعني لو شفتوا شيخ او سيد شابك على ايد زوجته في الاماكن العامة شنو بتكون وجهة نظركم؟؟
اكيييد بيكون فيه انتقاد وبشدة شيخ وشابك على ايد زوجته في الاماكن العامه
دام هي عادية مثل ماتقولون ليش ينتقد الشيخ
وعندي استفتاء لكلام اغلب المراجع وردودهم على بعض الاسئلة لمثل هالسؤال
انه اذا ماكان يثر الفتنه والوقوع في المفسده
مع ان من وجهة نظري انها لابد من الاثارة
بحكم انه مجتمعنا حالياً صار مجتمع شهواني لدرجة مخيفه >> هناك دراسات تثبت صحة كلامي
إضافه (سألت اختي في سن المراهقة شنو رآيك لو شفتي زوجين شابكين ايدهم بالاماكن العامه ؟؟
تدرون شنو قالت مرة شفت بالعثيم اثنين ماسكين بعض وقعدت اطالع فيهم فترة طويلة وتخيلت نفسي لو كنت متزوجه وامسك ايدي بأيد زوجي )
طبيعي جداً يلفت انتبها شي مو مألوف عندنا بالاضافه إلى انها في سن مراهقها وتفكيرهم في الغالب محصور على هالشي
لازم نفكر في عواقب الامور ومانكون سطحين لهذي الدرجة ومانكون سبب في دمار البعض
مجرد وجهة نظر
وفق الله الجميع
تحياتي