[kaha]

في البداية صــلوا على النبي | اللهم صل على محمد وآل محمد وعجل فرجهم .

نبدأ بالأسئله :

(1) كم وجبه تآكل بـ اليوم !
ان كثرت 10 وجبات هذا كلش كلش
إذا كنت في العمل ، فلتكن وجبتين فطــور متأخر والعشاء متوسط الساعة 9 تقريباً ،
اما إذا نزلت عند أمي الغالية تتغير الأمور غداء وعشاء

(2) وش وجبتك المفضله [آللي مآ تقدر تستغنى عنهآ ]
وجبتي المفضلة ( كبسة دجاج + مقلوبة دجاج )

(3) أنت من النـآس آللي يتغلقون إذا جآعوا ؟
اشدعوه شايفيني صمت ،، عادي أمشي روحي ..

(4) أول مآ تدخل السوبر مآركت أي قسـم تشوف بطنك يوديك له بدون شعور !
لا حول الله طلعت الفضايح ،، يعني على طول كيكة اللوزين ومن ثم بيبسي هذا الأغلب ..
انا من النوع اي شيء اشوفه أخذه يعني بالعامي أخم الأولي والتالي

(5) هل صحيح مقولة [ الطريق إلى قلب الرجل معدته ] !
لا عاد مو بنسبة كبيرة اشدعوة الزوج متواجد للأكل ! يعني كأن همها علفها ! أين مبادلة الحب والتقدير والنظر للمستقبل الزواج أجيال ..!
لكن لا أؤيد الزوجة اللتي لا تعرف مستلزمات البيت !

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !
والله لا أعلــم أنا أعزب ولا توجد لدي خبرة في هالأمور بس ما أستبعدها عن حواء

(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟
أمشي روحي فواكة او ربيّان او بسكويت تصبيرة لين يستوي الأكل

(8) وش الأفضل عندك أكل البيت أو أكل المطعم ؟!
بكل تأكيد البيت من يد الوالدة كل شيء حلوووو ،، الله يحفظها لنا ويطول بعمرها قولوا آمين

(9) تحب تآكل لـ حآلك أو تآكل مع جمآعه مع ذكر السبب
مع جماعة أحلى وأحلى خصوصاً مع الوالدة و الوالد ومرحه الدائم الله يخليه ، و هم أحب أكل مع ربعي إذا تجمعنا ..
يعني الجماعي أحلى ..

(10) إذآ كنت من النآس آللي يحبون الكبسه أي نوع من الكبسه تحب ؟!
كبسة دجاج وأحبها تكون ناطعه

(11) لو كنت معزوم/ تحب تكون العزيمه مفطح ولآ بوفيه ؟
المفطح ما جربته ويمدحونه ، اما البوفيه جربته ولابد تكون رسمي بالصحن وتختار اللي ودك فية << يعني شغله
فأفضل المفطح مع أني ما جربته .. الله كريم يعزمني صمت على مفطح بكون له من الشاكرين

(12) أنت من النآس آللي يحب ياكل بين الوجبآت ؟! إذآ كآنت إجآبتك نعم وش تحب تآكل
ربيّان ، بسكويت ، فواكه >> ركزوا على الربيان متعود يقول ربيان

(13) إذآ كآنت شهيتك مسدوده عن الأكل من تختآر من الاعضاء يآكل معك عشآن تنفتح شهيتك ؟
صمت المشاعر ، الغريب ، أول الغيث << ومع أني ولا مرة أكلت معاهم

(14) وش الطبخه آللي تضبطها و ودك تعزمنا عليهآ ؟
اعرف بيض مفيوح << يعني الحين أنت طالع فيها طباخ ، وبيض مقلي ..
كبسة دجاج ، وعلماً أنني قبل فترات ماضية أضبطها لكن الحين نسيت بسبب عدم الألتزام بالطبخ

(15) تـحب تحط شطه بالاكل < هالسؤال مدري كيف انجاب !
لا ما أحب أحط ، بس إذا تواجد الدقــوس ما في مشكلة ..

( 16 ) أنت من النوع اللي ينـام بعد الوجبـــة << خصوصاً الغدا ..؟
لا

( 17 ) تفضل وجود المـاء مع الوجبــة ؟
نعم

( 18 ) وجود ( العصير أو اللبن أو البيبسي ) على الوجبة شيء أساسي بالنسبة لك ؟

لا مو شيء أساسي الماء يكفي ..~

اوف الحمد لله خلصت الأسئلة تعبت وأنا أطالع تحت عشان أخلص
أشكركم لهذهِ الإستضافة الجميلة وبكل تأكيد أختـــار من بعدي ( صمت المشاعر 1 )

وعلماً يا إشراقة إذا ما يجي يجاوب على الأسئلة سوف يكون هناك ضرب ومضارب

ننتظرك يا صمت المشاعر 1 ..~