يووه أصدق روحي ترى خخخ من ذوقج الحلوو تسلمين حقج فيها العاااافيه حبابه
خذي الطريقه سهله ومن مخي..
شيز كيك شوكليت..
تاخذين كيكه كويكر عاديه تخبزينها في صينيه قابله للفتح
لما تستوي تفرغينها من الوسط وتخلين القاع ولأطراف والجوانب بعدين تاخذين الخلاط
وتحطين فيه 2 ضرف دريم ويب 12 حبه جبن كيري 1 ضرف كريم كرمل وحبتين أوريو وكوب صغير حليب وعلبه قشطه طازجه الي تجي لونها أبيض
وتصبينه على كيكه الكويكر وحطيها في الفريز تجمد شوي بعدين تسوين الطبقه الأخيره ألا وإهي
2 جلكسي مذوب في حمام مائي مع قشطه وحطيه في الخلاط مع 4 حبات جبن كيري وخلطيه بعدين صبيه فوق الكيكه وزينيه بهرشي وهني وعافيه
وهذي طريقة خضار بالفرن..
تقطعين بطاطس طوال وجزر وفليلفه وكوسه وبصل انا اقطعهم مربعات بس هالمره اشتهيت اغير,,وقطعي بروكلي وحطيهم في صينيه بايركس
وصبي عليهم زيت زيتون وشوي ماي وبهريهم ملح وفلفل وببركا وصلصه صويا وبشري عليهم حبه ماجي وخلطيهم لين يتغمسون بالبهار وغطيه بقصدير
ودخليه الفرين ينضجون وتاخذين فطر تحمسينه على النار بروحه لين يتحمر وضيفيه على الخضار ولم ينضجون صبي عليهم كريمه خفق وحركي شوي وحطي فوقه شوووي جبن بيتزا
ودخليها الفرن شوي وبالهنا والشفآ..
اما بنانا سبلت خذيتها من النت ..
وانا بكيفي غيرت الحركه ..
لا احلى شئ بالموز جربت غيره وطلعت فاشله ورميتها ..
وعليك بالعافيه خيية ..
تحيااتي لك ..*