[زهور الريف]

‪~ .. المزحــة المـحرجــة .. ~ !!

هذي سالفة واقعية راح تعجبكم ومضحكة بس لاتحاولون تسوون مثلها.

يوم من الأيام مداوم وكنت في دورة لغة انجليزية وكان اليوم هذا يوم أربعاء
وقال المدرس : آخرحصة ونبي نسولف بلا مراجعه بلا بطيخ ,
نبي نتعرف عليكم وعلى هواياتكم ودياركم
وتخبرون ندور السوالف والوناسه .. المهم من فلان سالفة وفلان سالفة
قال المدرس الله يذكره بالخير : أبي أعلمكم قصه صارت قبل شهر مع أحد الجيران
المهم .. قال : يوم من الأيام طق الباب والله وأفتح الباب إلا وهذا جاري
حياك الله تفضل ..قال : مستعجل بس أبي منك خدمة قال : أبشر
قال : الله يسلمك يابو رجاء أبي عدة إذا كان عندك عدة محتاجها
عندي شغلة بالبيت ومحتاج كم مفتاحوسكروب وزرادية
قال :ما عندي لكن خابر عند أخوي عدة بالسيارة
وأخوي مسافر عنده دورة بالأمن بالرياض وخلى السيارة
معي أبي أشوف وإذا لقيت أجيبها لك بس انتظر دقيقة قال الجار : زين
رجعت وجبت شنطة عده ما أدري وش اللي بالشنطة من سيارة أخوي وأعطيتها جاري ورجع بيته
و يوم أخذت بعد ساعتين أو 3 ساعات إلا ويدق الباب
.
ويفتح واحد من العيال قال : يبه هذا جارنا يبيك
طلعت للرجال ولاحظت أن الرجال ما هو طبيعي كأنه منحرج ولاّ صاير عليه شي
قال : يابو رجا إلحق علي
وش بك يابن الحلال عسى ما شر والرجال يضحك ومنحرج بالحيل علمني وشبك تضحك
قال : العدة اللي جبتها لي لقيت بها يا أبو رجاء كلبشات شرطة قلت : أيوه
قال : يا خوي بعد ما استخدمت العدة وخلصت أخذت الكلبشات
ومسكت المره ((زوجتي)) وكلبشتها أبي أمزح معها وأطقطق عليها وأعلق عليها
ويوم جيت أبي أفتح الكلبشات قلت أكيد تنفتح بسهولة أو ألقى المفاتيح حقتها
وحاولت أدور بالعدة يمين ويسار ما لقيت لها مفتاح أبد
وحاولت بالمفكات والسكروب لكن ما قدرت افتح الكلبشات
وأنا منحرج منك وجيتك أبيك تشوف لي المفاتيح أكيد إنها بالسيارة بالشنطة وراء أو بالدرج
قمت أنا مت من الضحك طول ما الرجال يقول السالفة
ورحت أدور بالسيارة يمين ويسار ورى وقدام المهم ما خليت من حيلتي شي
ورجعت للرجال وقلت والله أنها بلشه ما لقيت مفاتيح الكلبشه
المهم قمت اتصلت على أخوي ومارد على الجوال لأنه كان نايم
ويوم صحى على وقت صلاة العشاء تقريبا إلاّ ويتصل بي أخي عسى ما شر لقيت لك عشرين اتصال
قلت له : يابن الحلال السالفة كيت وكيت وكيت
أخوي فرط من الضحك وجلس يتخيل الموقف ويعلق وأنا أقول له اخلص وش الدبره الحين
قال أخوي : يابن الحلال المصيبة أن المفتاح بقسم الشرطة والضابط الفلاني مستلم
ولازم أتصل عليهوتروحون له عشان تأخذون المفتاح
المهم أتصل عليهم ورد لنا قال : روحوا للقسم الفلاني وتلقون ضابط خفر
والضابط رتبة ملازم أول دخلت عليه أنا وجاري وعرفته على نفسي وعرفته على جاري
ورحب بنا الرجال وقام يضحك الضابط لأنه عرف السالفة من أخوي
وقال : أصلاً غريبة إن المفتاح يكون بالقسم لأنه دايم مع نفس الكلبشه
لكن الشباب ينسون وهذي عجيبة المهم أخذنا المفتاح ومعنا عسكري
ودخل جاري البيت وفك زوجته من القيد(الكلبووووش)
وسلمت العسكري الكلبشه والمفتاح