السلام عليكـــــــم ورحمته اللـه وبركاتـه..
يسعــد مسائكــم
اليوم جايبه لكم موضوع حصل معي تحديدا وياخساره على اللي
يحصل بمستشفيات والمراكز الصحية اللي عندنا
انا بصراحة انقهرت لما خشيت المركز الصحي اللي بالثليثية/بالهفوف
اول شي القصه صارت معي يوم الاحد الماضي اول ما داخلت المركز الصحي بالثليثية
اخذت ملفي من عند شباك المسؤول عن الملفات فتحت الملف ما لقيت استمارتي الصحية
ولقيت استمارة زوجي خارج المغلف اللي داخل الملف هذا من زود الاهتمام عندهم المهم
رحت سويت لي استمارة جديدة بعدها داخلت على دكتورة الباطنية وقالت لي روحي فوق
عند دكتورة النساء واطفال مع اني ابغى منها تحويل بس مابغى اتعالج عندهم ومارضت تعطيني
الا بطلعت الروح بعدها اكتبت لي تحويل وقالت روحي تحت اخذي الرقم من عند دكتوره الباطنية
رحت لها مرة ثانية وياليت مارحت شفت التسيب والاهمال اثناء الدوام والامبالاة بالمرضى القيت التحية
عليهم ولكن مامن مجيب رحت لها ابعطيها اوراقي قالت عطي اللي بجنبي وهي قامت تشرب البيبسي
وتشيل البوفيه اللي على مكتبها والممرضات حول مكتبها مجتمعين ووحده منهم تتزلج وثانية تمسكها عشان
ماتطيح والباقي يضحكون والدكتوره بعد ماخلصت جمع الاكل طلعت كيس كبير من تحت مكـتبها وقعدت
تبيع البضاعة عليهم ومن ضمن البضاعة صمغ واقلام روكو خطاط وتاجات لشعر البنات وملاعق خشب للمطبخ
والباقي بالكيس اعظم.....كان ودي اصور هالفضيحة وانشرها عشان يعرفون ان وقت الدوام مو لعب وان مهنة
الطب اكبر بكثير من اللي جالسين يسوووونه واللي يقهر انها دكتورة وتشرب بالدوام بيبسي هذا بدل ماتنصح
المرضى انهم مايشربون المشروبات الغازية....بس ماقدرت اصور لانهم كاشفات وبعد لاني اخاف الله وهذي اعراض ناس
بس ياليـــــت تكون المراكز الصحية اللي عندنا ارقى بالتعامل مع المرضى واكثر اهتمام اثناء الدوام وهذا الشي
ابســــط حق من حقوقــــنا...ولكم مني خالص الود والتقدير ودوام الصحة والعافيــة،،