بسم الله الرحمن الرحيم ..
السـلآم عليكم و رحمــة الله و بركـــآته ..
العنوآن | البـــآرحه ..
الشــآعر | حمدآن المري " حبي "
يا الله يامستـجـيـب لـدعــوة الـداعــي
الــيـــا دعـيــتــك بـدعــواتــي تـقـبـلـهـا
يامـن لـك ارقابنـا لرضـاك خضـاعـي
لـوجـهـك وغــيــر وجــهــك مانـنـزلـهـا
تبـطـي بعـثـرة قــدم رجـلــي ووقـاعــي
فــي عـيــن مـــن يحتـريـهـا ويتحبـلـهـا
الـبـارحــه لانــــي بـنـايــم ولاواعـــــي
ماامسـيـت نفـسـي تجادلـنـي واجـادلـهـا
ادرس وافكر واراجع بعض الاوضاعي
والنـفـس مــن كـثـرة التفكـيـر مشغـلـهـا
ماني على الهـون والحقـران مطواعـي
والـسـالـفـه قــمـــت افـســرهــاا واحللها
يـاكــود حـوَالــي ويـاهــون مـطـلاعــي
دامــي مــن الـلــي رفـيـعـاتٍ منـازلـهـا
يبـيـد حـيـل الـزمـن مايـلـوي ذراعـــي
ياالـلـي تـبـي حـاجـة مـنـت بمحصـلـهـا
الـحـزن ماهمـنـي يـاشـيـن الاطـبـاعـي
ان كـان بـه كلـمـةٍ فــي خـاطـرك قلـهـا
لاتحـسـب ان الرعـيـه مالـهـا راعـــي
كـرامـتـي عـزهــا مـــن عـــز نـاقـلـهـا
الكـون ماضـاق بـي وفجوجـه وسـاعـي
ابخـس فجـوج الخـلا واعـرف مداهلهـا
لو جـار حزنـي علـي وكسَـر اضلاعـي
ماضقـت لـو تستضيـق الارض بأكملهـا
ماعـاد كلمـة أحـبـك تـطـرب اسمـاعـي
وصـورتـك مـاعـاد بــه شـــيٍ يجمـلـهـا
تـدري وش اللـي عرفتـه يــوم وداعــي
انــك ماتستـاااهـل الرفـقـه مـــن أولـهــا
صحيـح بعـض المشاعـر مالهـا داعــي
لــكــن ذي غـلـطـتـي وانــــا اتحـمـلـهـا
~ غصــ الروح ـــن ~