[زهرة اللوتس]

( رمضـــــــــــــانيات )

السلام عليكم ورحمة الله

شلونكم جميعا ؟


-أول رمضان قمت بصيامه كم كان عمرك ؟

سبع أو ثمان سنوات ما أذكر بالضبط


- موقف طريف لا يغيب عن بالك حدث لك في رمضان ؟

موقف وأنا صغيرة مثلا ؟؟

موقف السحور اللي صاير وقف لسفرتنا السنوية وأذكر إني ذكرته لكم ذيك السنة

صبروا أسوي له كوبي بيست

موقف صار لي على زمن أول .... يمكن وأنا في رابع ابتدائي وإلى اليوم أهلي يذكروني فيه....

كنت صغيرة والصيام كان في الشتاء يعني الجوع سلطان يذبح ... فكنت أهتم بالسحوربقوة

فقلت لأهلي بنام وصحوني وقت السحور لازم ، جلسوني للسحور وجلست على السفرةوالنوم

يلعب فيني لعب بس لازم آكل الليلة عن لا أتحسف بكرة، المهم آكل وآكل و أنا كلي ثقة....


طبعا إخواني جالسين و يطالعوا وهم بينفجروا ضحك

ماخذة ملعقة وأحرك بها الأكل اللي على السفرة > يعني هي عن حساب تبرد الأكل الحين

المهم خلصتوالحمد لله وأنا بقوم اكتشف إني طول الوقت جالسة آكل من نثارة السفرة

بسماعليكم بعد الاكتشاف حسيت بالجوع فرجعت وأكلت لقمة الحيا




- برنامجك في رمضان كيف سيكون ؟

هذا العام ما مشيت على برنامج معين مثل كل سنة ، للأسف !

صارت عندنا ظروف في البيت قلبت الوضع فوق تحت ....

بس تقريبا البرنامج اليومي يغلبه شغل البيت و استقبال الضيوف

يلا الله يعين


- ماهي الأكله او الطبق الذي يجب ان يتواجد أمامك في رمضان ؟

بعد عمري أم جابر / أعني الهريسة


- هل تحرص على السحور ؟

بلي ، و المفروض هالحزّة أنا مخلصة سحور


- شخص تفتقده في رمضان ؟

كثير ... ومنهم أمي وأبوي و خواتي


- بمن تفكر اول ما تسمع بحلول الشهر الكريم بعد الوالدين الله يحفظ الموجودين

ويرحم من انتقل الى جوار ربه ؟

أتذكر أخوي أبو محمد الله يرحمه ، كانت وفاته بأول شهر رمضان

فالحدث متعلق بحلول الشهر


- مالذي تتمنى أن تراة في المنتدى خلال هذا الشهر الكريم؟؟

كامل والكامل وجهه سبحانه


- مشهد يسعدك أن تراة في رمضان ؟؟

حيل ودي أشوف الجموع الغفيرة للمقرقعين والمقرقعات و كيسهم مليانة ماي ورمل

( باختصار ودي أشوف المطر و خاطري في البرد مال أول )



( اختر واحد من اثنين )

و اللي يختار اثنين ما يروح المدينة مثلا ؟؟؟ >

- تحب رمضان . الماضي ام الحاضر؟

الحاضر ،، بس مو السنة طبعا ... رمضان العام الماضي و ماقبله


- رمضان في الصيف أو رمضان في الشتاء ؟

في الشتاء حلو و خاصة إنه فيه مطر مطر مطر بس مُشكلته يجوّع حيل


- في رمضان تحب النوم المبكر أم السهر ؟

نوعيتي أنام بالليل شوي ..... بس السنة الوضع تغير

صرنا مجبورين على السهر


- في رمضان تحب الإجتماع مع الأهل والأصحاب أم الجلوس لوحدك ؟

مافيش أحلى من الجمعة مع الحبايب والأهل

بس الصراحة ... أفضلُ الهدوء و الليلة اللي فيها أعاييل أفيخ مول من الإزعاج

للمعلومية أعاييل جمع الجموع لعيال


- وجه دعوه لــ خمسه من أعضاء منتدى الطرف على الإفطار ؟ من ستختار ؟

لوزم خمسة ؟

الدعوة العامة ، المهم لا أحد ينسى إن شسمه نوما هنيئا للجهّال

( مانعرف نفطر و إزعاج الأطافيل )



وجه هذه العبارة لأحد أعضاء منتدى الطرف

1- غلاك فوق وصف الغلا

تاروتية

2- والله اشتاق لك

هم تاروتية

ليش عاد الحلف يمكن أشتاق لها بس شوي !!


3- أنا وراك وراك و الزمن طويل

هذي تهديد ؟!! ما يصلح لي أتهاوش أنا مول ،

أها ساد ، إذا لوزم نجاوب خليني أقول طيف العمر ماهنا إلا هي قدامي

خليني أحطها في راسها


4- أنسى الماضي و خلينا في الحاضر

إيييه هذي عاد خلوها على الله

( مافيه أحد ترى بس من باب تنويع في الإجابات !!!


في الختام ::

اترك هدية منك هنـــــــــــــــــــــا بمناسبة هذا الشهر الكريم

ولك الحرية في الهدية..

أهدي الجميع الصلاة على محمد وآل محمد

اللهم صل على محمد وآل محمد

ربيانة هيا إلى المدرسة ونسمة ودندرمه > هذي قرقيعاننا الليلة

الله يحفظكم جميعا و أشوفكم السنة الجاية على خير