البــــــــارت التاسع
مر اليوم بشكل على خيير و رغد و فجر قدمووو الامتحان و في طلعتهم التقو
فجر : هاااااا رغوود شسويتي في الامتحان
رغد : امممم اووك و انتي
فجر : احس اني خربطت شوي
رغد : ههههههه مو منج من الفارس الملثم مالج
فجر : وييي مادريييتي شصار
رغد : شنووووو
فجر بحيا : اتصصل لي امس
رغد بحماس : اوووووك و بعديييين
فجر : يسألني عن ردي هههه تصوووري كان بالسيارة يهددني لا تصدميني لا ادعم و امووت
رغد : ههههههه له له خطييييير الاخ
فجر : عشووون عيل دامه حبيبي اكيييد بيكون خطييير
رغد : من الحيييين و حبيبج هاااا بعد سننننة شبتسوووين ان شاء الله
فجر : ههههههههه جب جب بعد انتي خل نرد البيت
و توادعوو من بعض عشان راح يمشوون و فجاة جافو الجازي جاية من بعيد
الجازي و اهي تكلم رغد : مايفيسوووون
رغد : الله يطوووولج يا رووح
الجازي : شفيييج يقلبي اتحلطمين انتي مب مستانسة بجوفتي
رغد بعصبية : اكييييييد لا بعددددددي عنيييي عاااااد تراااااج لووووعتي جببببدي اكرررهج بعدي يا اختي
التفتو علييييها كل البناات يطالعووون رغد و اهي معصبة
الجازي بفشلة و قهر : عيل جذي يا رغد ها , اوووك بتجوفين
رجعت رغد البيت و قعدت تطالع التلفزيون تغير مزاجها الي عكرته لها الي ماتتسمى الجازي
قعدددددت تطالع التلفزيون الى حد ما يه وقت الغدا
ابتسام : يلا رغد تعالي اكلي
رغد : لا يممممه شكرا مابي
و ركبت فوووق تددددرس لها شوي درست ربع ساعة و حست بطفش
شغلت لها موسيقى هادية و انسدحت و غمضت عييني عشان تسترخي بس بسرعة ماغلب عليها النوم و نااااااامت من التعب لانها اليوم قاعدة من وقت
و على الساعة 4 العصر قعدها اتصال محمد
رغد بصووت مليان نوم : امممم
محمد : ناااايمة حبيبتي ؟
رغد : اييي
محمد : بس ياقلبي يلا اصحي
رغد : لييش الحين الساعة جم ؟
محمد : 4 العصر
رغد قعدت بسرعة و اهي متفاجئة : بييييييه راحت علي نووومة
محمد : ههههههه يلا قووومي صحصحي و انا بعدين ان شاء الله راح اتصل لج لان احس اني تعبان شوي راح ارتاح
رغد : اووك
عند مها
من رجعت من البيت و اهي تدرس لان ناوية هالكورس الي اهو اخر كوووورس ترفع مستوااها عشان تقدر لو انها تخرجت تشتغل و لو شغلة بسيطة تعييين اخوها بها في المصاريييف
و على الساعة 4 العصر وصل اخووها و يايب معه الغدا تغدت اهي معااه و قعد صلاح يطالع التلفزيون
صلاح و اهو يقوم بيروح غرفته : انا رايح اريح لي شووي مع اذان المغرب قعدييني
مها : ان شاء الله
و قامت مها و شالت الصحون الي تغدو فيييهم و دخلت تغسلهم و رجعت تدرس و مع اذان المغرب سمعت صووت الجرس
راحت بتبطل الباب
مها : منوووو ؟
عبد العزيز : فتحي يا يبة انا ابوووج
مها بطللللت الباب و اهي مستااانسة و حظنننننت ابووها : باااااااااابا
عبد العزيز : ههههههههه يابنتي عزيزتي انتي و الله اننننج وحشتييييني موووت
مها : و انت بعد
مها و اهي تطاااالع الشنطة الي مع ابوها و الي كانت شنطة ملابس
عبد العزيز : ههههههه شفيج مستغربة ؟ دخلي و انا راح اقولج السالفة
مها : اييي افا عليييك حيااااك يايبة
عبد العزيز : وييين اخوج ؟
مها : راقد
عبد العزيز : اووك روحي قعديييه عشان يصلي و تعالووو ابيكم بموضوع
مها بأستغراب : ان شاء الله يبة
راحت مها تقعد صلاح اخوها و خبرته ان ابوها اهني و دخلت غرفتها تصلي علشان تروح تجوف ابوها شيبي
خلصت صلاة و طلللعت بره و كلها 5 دقايق و طلع صلاح بعدها
عبد العزيز : قعدو ياعيالي
صلاح : سم ييييبة
عبد العزيز : طبعا انتو مستغربين اني جايكم و معي شنطتي و جذي بس انا حبيت اقولكم ان انفصلت عن مرتي و جيت اسكن معاكم
مها : امبييييه عسى ماشر يايبة
عبد العزيز : و الله انها مصختها و راعية مشاكل و عاد خلاص صار لازم اتفرغ لكم انا وايد مقصر معاكم , سامحووني ياعيالي
مها : شهالكلاااام يبة ليش انت شسويت عشان نسامحك
صلاح : مسموووح يبة على عينه و على راسنه يالغالي
مها : نوورت البيييت يايببببة و بمناسبة انك خلااااص راح تسكن عندنه انا راح اسوي العشا بيدي حق ابووي حبيبي
عبد العزيز : ههههههه بتسوين لي بيض مثل ايام اول ؟
مها : لاااااااا يبة خبرك عتيييج الحين اعرف اسوي كلشي
عبد العزيز : اوووه اووه و الله و كبرتي يابنتي و صرتي مرة
مها : ههههههه عشون عيل , شرااايكم اسوي بيتزا ؟
عبد العزيز : ههههه اووك كلشي من يدج حلو
و دخللللت المطبببببخ مها تسوي البيتزا حق العشا و راح صلاح يشتري بيبسي وسويييت و رجع
اما رغد مر اليوم و اهي من قعدت من النوم و اهي تدرس لانها ماقعدت الا العصر
شهد و اهي تدش الغرفة : مااااااااما تقووولج تعالي تعشي
رغد : قولييلها مااااتبي
شهد : وييييع يالرشيييقة يازعم رجييم
رغد : اااه يا طويييلة اللسان تعااااالي مني بسسسرعة
شهد شاااالت علييييه و شرررررردت بره سييييدة
رغد : هههههههههه
و اخذت التلفون بتتصل الى محمد بس رن رن و محد شاله
استغربت مو من عادته محمد مايرد , قالت يمكن يتسبح
كملللللت درااااااااسة بملل لي مادااااخت و ناااامت على الكتاااب
بعد شوي دخل جاسم و توووه بيصرخ جااافها نايمة على الكتاب كسرت خاطره شال الكتاب مو تحتها و عدلها و لحفها و باسها و طللللع
عند منصور
منصور : فجووورتي
فجر : هلا و الله
منصور : شفييج كله ساكتة
فجر : ههههه انتظر علي شوي لا اتعود علييك
منصور : بييييييه و جم يبي لج عشان تتعودييين
فجر : يعنننني سنة سنتين
منصور : هاااااااااا خيييييير
فجر : ههههههه امزح , هاي عاد يعتمد علييك
منصور : فجووور ماصدق اني اكلمج الحين
فجر بصوت واطي : ههههههه اوية عليك
منصور بعدم تصديق : شقللللتي ؟؟ شكلي سمعت شي
فجر و اهي تنتبه لنفسها : هااا لا لا و لا شي
منصور : ههههه ياليت تغلطين و تقولينها مرة ثانية
فجر : هههه ماقلت شي اصلا انا
منصور : اي صحيح صحيح
و تموووو يسووولفون شوي
فجر : الحين انا بخليييك لان بكرة بقعد من الصبح وراي دراسة
منصور : اوووك حبيبتي تصبحين على خير
فجر : و انت من اهل الخير
منصور : تحملي بروووحج
فجر : و انت بعد
سكرررررته فجر و راحت تبدل بتنام و اهي تحس بأحساس غير يوم حبببت
....................
و في الصبح
اول ماقعدت رغد و اهي تحس بيدها تألمها لان كانت نايمة علييها
اول ماقعدت تذكرت محمد و سيدة قامت غسلت و بدلت و اتصلت له بس بعد مايرد استغربت و قامت تحاتي
نزلت تحت تسلم على امها و ابوها و تصبح عليهم
ابتسام : هلااااااا بأم الرقاد
رغد : هههه هلااااا فيييج
ابتسام : شفيييج امس مقضية يووومج كله رقاد ييتي من الامتحان نمتي و درستي و رديتي نمتي
رغد : شسوووي يا يمة بعد تعععععب
ابتسام : الا قوووولي عيارتج , اقول تعالي بس تعالي تريقي من امس ماكليتي شي و لا تعشيتي
رغد : ان شاء الله يمة
قعدت رغد تاكل شوي و اهي تطالع بعييييد و سرحاااانة , كانت تحاتي محمد ماتدري شفيه من امس و اهو مايرد
ابتسام : شفيييج رغد اكلي لا
رغد : لا اوووك بس شبعت , الحمدلله
ابتسام : لا قعدي مافي انتي جم يوم صاير اكلج مب عدل
رغد : لا يمة مو يوعانة بعدين في الغدا باكل
و قامت رغد من على طاولة بسرعة قبل لا تحصل محاضرة من امها و راحت ركبت فوق بترجع تتصل على محمد
دخلت غرفتها و قفلت الباب و يودت الفون بتتصل يرن يرن يرن و محد يشيله الين مايطلع لها لم يتم الرد و ينقطع
تمت تتصل تتصل ورا بعض و محد يرد بعدين فكرت قالت خل اتصل على فجر و اسألها
رغد : هلا فجوور
فجر : هلااا فييج شلووونج
رغد : بيوووقف قلبي
فجر : بسسسسم الله عليييج من شنووووو
رغد : محمد من امس مايرد علي , فجر تكفيييين محمد فييه شي؟
فجر : اممممم رغوود ترى محمد مصخنننن وااايد حرارته واصلة 40 و امس وديناه المستشفى في الليل
رغد بصدمة و خوووف : هاااااااااا شلوووووووونه الحييين
فجر : اممم اشوووة اكاااه نايم
رغد و شوي و بتصيح : امبيييييه فجووور تكفين اهتمي فيييه و طمنيني عليييه اول بأول
فجر : افا عليييج من عيوووني لا تخافين بيخف ان شاء الله و انا واول مايقعد راح اخليه يكلمج
رغد : اووووك بس عشاني فجوور انا الحين بسكره و انتي تطلعين من غرفتج سيدة تروحين تجوووفينه و تردين علي اوووك
فجر : ان شاااااء الله من عيووووووني
طلعت فجر من غرفتها و راحت لغرفة محمد بطلت الباب بهدوووء و دخللللت كسسسسر خاطرها اخوووها و اهي تجوفه يزخ عرق و ويهه مصفر و تعبان
قعدت تمسسسسح عليه و تطالعه و تغير له الكمادات
محمد بطل عييينه و جافها قداااامه
محمد بتعب : فجوووور شفييج
فجر : لا ياخووي مافيني شي بس ياية اغير لك الكمادات و اتطمن علييك ترى رغد بتموت من محاتاتك بس تحس روحك احسن كلمها
محمد : عطيييني التلفون الحين بتصل لها
فجر : لا ارتاااح اول
محمد : معليييش انا مرتاح جي بس عطيني التلفون من على الطاولة
عطته فجر التلفون
محمد : بسسس اوك خيووتي مشكورة ماقصرتي
فجر : بسسس يعني امشي؟
محمد : ايييي روحي الله وياج
فجر : اووك بس تبي شي اتصل فيني و انا راح ايييي اوك ؟ و اكا الماي صوبك اذا تبي
محمد : مااااشي
طللللعت فجر من غرفته و راحت تدرس لها شوي لان يوم ثاني عليها امتحان
اما محمد اتصل على رغد الي كانت مرتبكة و تحاتيه , من جافت رغد الرقم بسرعة شالته
رغد بخووف : حموووووود حبيبي شفيييك
محمد بتعب : لا تخافيين حبيبتي مافيني شي
رغد : شلوووون مافييك شي و انت صووتك تعبببان يقلبي , يعوووورك شي؟ تعبان حبيبي
محمد : كلللها شوووي صخووونة عااادي
رغد و اهي تصييح : صووتك مو مثل عادته و تقولي شوي صخوونة
محمد : اهدددي حبيييبتي لا تصيحين و تقطعين لي قلبي تعرفيني ماقدر على صياحج
رغد : انتبه لنفسك حموود , اشررررب دواااك اول باول
محمد : من عيوووني تامرين امر
رغد : يااالييييتني بس صوووبك عشان اهتم فيك و اباريييك
محمد : ياليييييت جان كل يوم امرض عشان تباريني
رغد : هههههه يحلوووك مكسوورة و تبرد
محمد و اهو يكح : هههههههه انا لو اكلمج و فيني الموووت قمت
رغد : حلووو حلووو حمود مو تضحك جي ماتقدر صدرك
محمد : ويييي قوليلي لا تتكلم بعد
رغد : اييي لا تتكلم تتعب نفسسسك بس اسمعني و بس
محمد : هههه من عيوووني
رغد : يلا حبيبي انت ارجع ناااااام و ارتاااح و انه بعديييين اكلمك , ماشي ؟
محمد : بيوووحشني صووتج
رغد : اذا حاب اقعد معك ع الخط ترى عادي
محمد : هههههه لا لا امزح روحي درسي باجر امتحانج
رغد : ههههه اوووكو الله معااااي
محمد : ههههه و معاااااي
صكت رغد التلفووون و باسته ولمته : الله يشاااافيك ياقلبي
رجعت رغد تدرس و اهي تحاتي محمد لان كان صوته وايد تعبان
حست ان ضايق خلقها و الجو يجيب الاكتئاب اتصلت على رجاء عشان تجي تدرس معاها
رغد : رجووووية حبيييبتي
رجاء : هلااااا هلااااا شلووونج
رغد : اووووك وانتي
رجاء : اوووك و شلووونج ويه الدراسة
رغد : هاي الي متصلة لج انا عشانه , رجوووووي عفية تعالي درسي معاي العصر و الله اني ضايق خلقي
رجاء : اممم اووك بسأل امي و برد لج مسسسج
رغد : اووك الحين سأليها
رجاء : ان شاء الله يالحنانة
رغد : هههههه اووك يلا مع السلامة
رجاء الله ويااج
و قالت رغد راح اتصل على مها بعد
مها : اووك بجوف انا بسأل ابوي و برد عليج خبر
رغد : ابوووووج ؟
مها : اييي , لما ايييي بقوووولج السالفة
اما رجاء راحت حق امها
رجاء بتصنع : يااااربيييي يمة انا مو فاهمة هاااااي الدرس برسببببب كلش
ام رجاء : صلي على النبي و ركزي و بتعرفين
رجاء : لالالالا مب فاهمة , شراييييج يمة اروح ادرس مع رغد
ام رجاء : بتشغليييين البنية مايصييير
رجاء : بلا بلا يمه اهي بعد مو فاهمة درس ثاني تبيني اشرحه لها
ام رجاء : انزين روحي لا تتأخرين
راحت رجاء تلبس و تخلص و نفس الشي مها و لما وصلت رجاء اتصلت حق رغد عشان تطلع لها
طلعت رغد لها عند الباب
رغد : هلا رجووووي حبيبتي تفضلي
رجاء : زااااد فضلج
رغد : امشي امشي نركب فوق شوي و تجي مها
ركبوو فوق بدأو يدرسون بس توهم في البداية الا و مها واصلة
راحو رجاء و رغد يستقبلوونها و ركبو فوق
رغد : مهوووووي مو جنج قلتي لي ابوج في الفون
مها : ايييي يارغد اناااا حدي مستانسة
رغد : ليييش؟
مها : ابووووي خلاص راح يسكن عندنه لان طلللع النسرة الي عننننده
رغد : و الله صج ؟؟ زين زين عسسسسى دوم هالوناسة
رجاء : الا اقوووووول , من شنو ضايق خلقج ؟
رغد : حموود مريييض و مب عارفة ادرس احااتيه فقلت لو تييون لي عشان تسلوووني و اقدر ادرس كلمتين
رجاء : ويييي عليه مسكييين الله يشافيه ان شاء الله
و بدو يدرسوون لين ما اذن المغرب و كل 5 دقايق ياخذون بريييك
رغد و اهي تقط روحها ع السرير : وه وه انا تعبببببت من صجي و اخيرا خلصنا
رجاء : ههههههه و انا بعد تعبت حدي
مها : ههههه مي تووو , يلا عيل دامنه خلصنا انا برجع الحين عشان ارقد و بكرة الصبح اعيد عليه
رجاء : اييي دام مها بتمشي انا بعد بمشي
رغد : ويييي شفييييكم انتوووو كلكم بتشردون
مها : معليييش نجووووفج باجر
رجاء : هههههه مثل ماقالت
رغد : هههههههه رجوي مب جنج اليوم صايرة بغبغاء كلما قالت مها شي قلدتيها
رجاء : هههههههه مب مني من العرب دور لي راسي
و اتصلو مها و رجاء حق اهلهم و كلها ربع ساعة و مشو
اما رغد راحت تنام لانها متعودة تقعد من الصبح تعد على السريع ع
لى الي درسته عشان تتاكد انها عارفة كلشي
نهـــــــاية البــــارت