[زهرة الأوركيد]

السلام عليكم ورحمة الله وبركاته

قرات الموضوع في منتديات تربوية وحبيت انقله لكم وخلونا انجربه مع الاطفال
اقدم لكم اختبار يساعدكم على فهم نفسيات اطفالكم بطريقة رائعة جدااا وبسيطه ايضااا
هذا الإختبار يسمى
اختبار قصص " لويزا دوس "
ويعتبر من اختبارات الشخصية للأطفال اللي من 6 الى 12 سنة
وهو عبارة عن بعض القصص ويتبعها سؤال .. نعرف من خلاله بعض الجوانب الشخصية لاطفالنا
لخصتها من كتاب اختبري ذكاء طفلك وشخصيته لرينا موريس
وحاولت ابسط القصص والاسئلة وأعرضها عليكم
وكل شخص يطبقها على اطفاله ..

	القصة الاولى : قصة العصفور قل لطفلك هالقصة بابا العصفور .. وماما العصفورة .. وولدهم او بنتهم العصفور الصغير ينامون في عشهم اللي فوق الشجرة لكن يجي هواء قوي مرررررررة .. ويطيح العش على الارض لكنهم قاموا بسرررررعة وطار بابا العصفور على شجرة وطارت ماما العصفورة على شجرة ثانية لكن بسألك حبيبي .. فييييييين طار العصفور الصغير ؟؟؟؟ إذا قال الطفل : بيطير عند ابوه .. فهو متعلق في الحقيقة بأبوه وإذا قال : بيطير عند امه .. فهو متعلق بأمه وإذا قال : بيطير لشجرة ثانية .. فهو ناضج ومستقل بذاته ( لكن إياك توحي للولد بالاجابة بطريقة كلامك .. )

	القصة الثانيه : قصة الخوف تقولين لطفلك او طفلتك في طفل يقول : أنا خااااايف من ايش يخاف هذا الطفل .. ومن مين يخاف ؟؟؟ جواب الطفل يخلينا نعرف وش هي الاشياء اللي يخاف منها الطفل .. ومين الاشخاص اللي يخاف منهم

	القصة الثالثه : قصة الخبر الجديد قولي لطفلك هذي القصة : في طفل رجع من المدرسة .. قالت له امه .. تعال بسرررررعة ... عندي خبر جديد وش تتوقع يكون الخبر؟؟؟؟ جواب الطفل يخلينا نعرف وش هي رغبات الطفل .. أو مخاوفه.. ( طبعا الام ماتسوي أي ايحاء انه خبر مفرح او مخيف او حزين .. تقول خبر جديد وبس)

	القصة الرابعه: قصة الحلم المزعج قولي لطفلك او طفلتك في طفل صحى من النوم وهو تعبااااااااان وقال لامه .. شفت حلم مزعج مررررررررة وش هالحلم ؟؟؟ جواب الطفل يخلينا نعرف وش علاقته مع ابوه او اخوانه او مخاوفه من الاشياء والاشخاص.....