..في يوم جديد..
شوق:"خلاص اللحين صرت شوق زوجة عبدالله
وبعد دقايق نأزله أجلس جنبه,وش فيك ياشوق ليه
صايره باردت مشاعر,ماكنك خايفه ولا شيء
آه يايمه ليتك معي فهذا اليوم أنا أحتاج لك أكثر من أي شخص"
إلا أنفتح الباب
جوري:شووق ليه رقيتي فوق؟
ديمه:صحيح ماطولتي دقايق جلستي جنبنا وقمتي
سارا:أنا بشوف أحين جنب عبود كم ساعه بتضلون
أمل:بشويش على مرة أخوي,خلوه ترتاح شوي
شوق أبتسمت على فوضتهم:"الله لايحرمني منكم أبدا
لاما أنتو ولا كان حالي غيير"
أمل:مرة أخوي ماعليك منهم,ريحي بعد أشوي راح
ننزلك لعبود
شوق:ــــــــــــــــــــــــــــــ
ديمه:شكله وجودنا مزعج شوق,وش رأيكم
نرجع مكان ماجينا
شوق:لا أي زعاج بعد أنتي
جوري:وآخير تكلمت وسمعنأه
شوق تبتسم:يلا تعالوا جلسوا
ديمه:والله وناسه,اليوم ملكة شوق وبكره جوور
شوق تنأظر جوري:صج
جوري تهز رأسه:أي صج
شوق بفرح:مبرووك ياقلبي
جوري:الله يبارك فيك
شوق:من متى ذا الكلام
جوري:والله أخوي جاء وقال لنا أمس
شوق:يلا مابقيت يامحمد
سارا:يلابلا هذره,بعد شوي راح ننزلك للعبود
أمل:يلا أنا بروح أشوف عبود,وراجعه لكم
شوق وقفت
وجوري راحت لها:لاتتوترين,وخلك طبيعيه أوكي
شوق تبتسم:طيب
أمل:يلا بنات عبود في المجلس
سارا:يلا أمششو ننزل شوق
ديمه:بنات خلونا نزفها
سارا:يلا
~..•.°..•.°..~..~..•.°..•.°..~
عبدالله:"وآخير تحقق اللي في بالي,وبتصير شوق
زوجتي,وش فيهم تأخروا قالت أمول دقايق وصارات
أكثر من دقيقه,عبوود هدي لاتستعجل"
أنفتح الباب ورفع نظره لجهت الباب
أمل تدخل:تفضلي ياعروس
شوق دخلت,وعبدالله مانزل عيونه عنها
أمل:يالله عن أذنكم .. وطلعت
شوق تجلس
وعبدالله جلس منه بس بعيد شوي
..وبعد دقايق..
عبدالله:مبروك
شوق:الله يبارك فيك
عبدالله:شخبارك
شوق:الحمدلله,أخبارك أنت
عبدالله:يوم أنك سألتي عني,أكيد أنا بخير
شوق:ـــــــــــــــــــــــــــــ
عبدالله ينأظر فيها:طالعه حلوه
شوق:تسلم
عبدالله:الله يسلمك
ترجع شوق لسرحانه وتسكت
عبدالله:شوق
لكن مالقى أي رد,فافضل السكوت على أنه تستحي ولين تتعود ويتكلم معها أكثر
~..•.°..•.°..~..~..•.°..•.°..~
جوري تدخل:والله فرحت لشوووق حييل
أم راكان تدخل بعده:والله تهبل هالشوق,الله يوفقه يارب,وحتى عبدالله يستاهل بعد
راكان يجيء:مين اللي يستاهل؟
أم راكان:عبدالله ولد خالتك
راكان:الله يوفقه,مستانس والله ولد الخاله
أم راكان:يلا شد حيلك,أبقي أخطب لك
توه بيتكلم لكن كملت وكأنه ماتبقي منه أي أعذار
أم راكان:وإذا في بالك بنت قول ومن بكره أروح أخطبه لك,ولا عيال خالتك وبنات جيرنا شحالتهم
راكان هز رأسه وقام:"لا يحوشك قم بس قم طرو لك الزواج"
أم راكان:وبس كل ماطريت لك الزواج مشيت ولا عبرتنا
أنت أصلن ماتبقي رضاي عليك
راكان:يمه الله يهديك,ومين قال كذا
أم راكان بزعل:إلا ملامحك تقول
راكان يبوس رأس أمه:ولايهمك يمه,ماقلنا شيء أنتي أشري وأنا راضي..ومشى بدون مايسمع أي رد
نور:لا صاير في الدنيا شيء,راكون وافق
أم راكان بفرح:الحمدلله على كل حال,وسبحان مغير الأحوال
جوري:يلا يمه أشتغلي ودوري وحده له قبل يهون
أم راكان:فالك ماقبلنه,وشوله أدور والبنت موجوده
نور بتفهي:موجوده
أم راكان:أي بنت خالتك خلود
جوري:يمه بس أحسه ماتصلح لخوي
أم راكان:وشو ماتصلح له,وش ذا الكلام
جوري:لا بس
أم راكان:لابس ولاشيء,أنا بكره قايله لخوك وأشوف رده,أنا ماصدقت أنه يوافق..وقامت
جوري:بطاق أنا اللي بعرس ولا هو..وقامت
نور:"اللحين راكون مع خلود..ههههه..وناسه شكلهم الأثنين مرحين و مزوحين,يالله متى تجيء هاللحظه بس,وأصير عمه..يؤه يانور بدري على هالكلام"
ريم تقطع حبل أفكاره:جوالك يرن
نور:ها
ريم:جوالك ردي
نور تنتبه:أي..وأخذت الجوال ولقت أسمه على الشاشه..وقامت
ريم:وين
نور:بروح أكلم..وراحت
نور:هلا
سلطان:هلا فيك,وينك عن الجوال
نور:توني جايه من الخطوبه,ومانتبهت لجوالي
سلطان:طيب غير المره خليه معك وين مارحتي
نور:طيب
سلطان:شخبارك اليوم
نور:الحمدلله,أخبارك أنت
سلطان:والله ماشي الحال
نور:ليه فيك شيء
سلطان:لا بس تعرفين عن طبيعة شغلي
نور:طيب ليه ماتدور لك شغل غيره
سلطان:مدري,بشوف
نور:مو بتشوف,دور
سلطان يضحك:طيب
~..•.°..•.°..~..~..•.°..•.°..~
عبدالله بعد صمت:شوق
شوق تلتفت عليه وببرود:نعم
عبدالله:وجودي مضايقك
شوق:لا شدعوه,ليه
عبدالله:بس أشوفك مو مهتمه لوجودي
شوق بجرأه:ليه وش تبقيني أسوي
عبدالله:مو قصدي,بس كل أشوي سرحتي لبعيد
شوق:ليروح فكرك بعيد,أنا أسرح لاني ماشفت دمعة أمي اللي المفروض أشوف اليوم,لاني ماشفت يد أمي مسكتني وتهديني,لاني ماسمعت تدعي لي من كل قلبه
لاني
عبدالله يقاطعه:بس ياشوق,أنتي صحيح تحتاجين لأمك وأبوك فهالوقت بس أنا راح أعوضك عن حنان الأم وعن سؤال الأب
شوق نزلت رأسه
وعبدالله رفع رأسه ونأظر فيها:ماأبقي أشوفك تصحين في يوم هو فرحي وفرحك فيها,يسكت وبعده يكمل
شوق أنتي ماتعرفين وشقد فرحت يوم وافقتي علي,الدنيا مو قادره تشيلني من فرحتي,ماقدرت أنام الليل وأنا فرحان,ماأبقي أخسرك أبدا .. وقام
شوق توقف معه بس ماكانت تنأظر,كانت تنأظر أيدنها اللي هو مأسكه
عبدالله:أنا أخليك اللحين..وبعده هد يده وراح
شوق:"شوق وشفيك طيرتي الرجال من أول ليله,يعني مافي مجال عشان تجامليه,بس أنا ماتعودت أجامل بس ولو حتى مع السلامه ماقلتي له,ماأصدق أني بدون أحساس"
سارا تدخل:شوق وش تسوين واقفه
شوق تنتبه:لا بس توه عبدالله قايم
سارا تنأظر الساعه:زين أنا أفتكرته ماراح يقوم إلا بعد صلاة الفجر
شوق:وش دعوه عاد
سارا تضحك:إلا له دعوه
شوق:طيب أخليك بروح أبدل
سارا:خذي راحتك
~..•.°..•.°..~..~..•.°..•.°..~
عبدالعزيز:وش عليه اليوم هذاي فرحته
عبدالله يجلس:أي مو المفروض تزفوني
خالد:قم ياشيخ ولا يهمك نزفك أحلى زفاف
عبدالله:لالا خلوه للزواج أحلى
فهد:إلا أقول ماطولت غريبه
عبدالله:مالغريبه إلا الشيطان,إلا صج وين راكون
خالد:راح من مساعه,مع الأهل
عبدالله:اهااا
إلا رن جوال خالد:يلا طالع اللحين
عبدالعزيز:وين
خالد يوقف:الأهل بره,الوالد راح ونساهم
عبدالعزيز:بترجع
خالد:ماأعتقد,يلا مبروك مره ثانيه ياولد العم
عبدالله:الله يبارك فيك,وعقبالك
خالد:يرحم أمك,باله دعوه إذا هذاي دعوتك..وطلع
عبدالله يضحك:وش دعوه كل هذا مايبقي يعرس
فهد:مدري عنه
~..•.°..•.°..~..~..•.°..•.°..~
أم عبدالله:أجل تقولين عبود طلع
سارا:أي هذا شوق راحت لغرفته
أم عبدالله:يلا أجل أنا أستاذن
أم سعود:وين يأم عبدالله تو الناس
أم عبدالله:لا تعبناكم معنأ
أم سعود:لا تعب ولاشيء
أم عبدالله:يلا مع السلامه
أم سعود:الله يسلمك
أمل:يلا سور سلملي على شوق
سارا:يوصل
أم سعود:إلا أم فهد متى مشت
سارا:من مساعه
أم سعود:ماأنتبهت لها
سارا:إلا ندوي وينها؟
أم سعود:كأنها راحت مع شوق
سارا:أنا رايحه أشوفها
سارا تدق الباب وبعده تدخل:وش جالسين تسون
ندى تضحك:نلعب قميمه
سارا:لا
ندى:جالسه أشوف شوق ماتأخرت مع أخوي
سارا:أثنينهم يستحون وش تبقين منهم
ندى:يعني
سارا:هذا اللي أقول
ندى:مدام السالفه كذا,أجل أنا بروح وبالي متطمن
سارا:شعنده
ندى:أي تعرفين هذا الغالي عاد
سارا:روحي لزوجك بس
ندى:أكييد بروح له,أجل أجلس معك
سارا:إلا أشوفك من تزوجتي وطاول لسانك
ندى تنأظره وقبل لاتمشي:يلا تصبحون على خير
سارا وشوق:وأنتي من أهله
سارا:شوق مدري إذا الوقت يناسب ولا,لا
بس في بالي سؤال محيرني
شوق بنتباه:قولي اللي في بالك
سارا:أمممم,شوق ليه كنتي تبقين تتأحرين
شوق تتذكر السالفه وتدمع عينه غصب عنه
سارا تمسح دموعه:خلاص ياشوق لاتقولين شيء,إذا هذا الشيء يصيحك في يوم فرحك
شوق:لا أصلن أنا كنت بقولك لو ما سألتي,بس قبل لاأتكلم ماأبقيك تقاطعين لين أخلص
سارا تجلس مقابل شوق:إبدا ماراح أقاطعك
شوق:أناماكنت منتحره,هذا شيء مقدر علي
سارا:شلون يعني
شوق تنأظره:وش قلت أنا
سارا:يؤ فضحني الفضول
شوق:اللحين أقولك,في الليل حلمت أن أمي تلحقني بسكين وأنا عندي سله من التفاح وأركض وهي تركض ورأي والحلم كأن فيه أصوات وصياح ومدري مأذكر بالتفصيل,وبعده قمت من الحلم وأنا متعرقه وخايفه حيل لان كان شكل أمي يخوف شوي,وبعده قمت وتؤضيت وصليت لي ركعتين وقريت القرآن,وبعد ماقريته حسيت أنا جايعه وهذا يوم أنزل لك وأنتي كنتي بتروحين تريحين
وراحت أخذت تفاحه وسكين وكنت أتذكر الأحداث وشكل أمي وماصحت بعده إلا في المستشفى
سارا:اهااا,يالله الله عداك الشر
شوق:ـــــــــــــــــــــــــــــــــــــ
سارا:طيب أنتي قبل تنامين,حطيتي في بالك أمك
شوق:أي
سارا:هذا أبليس,بس أنتي أنقلبي لصوب ثاني واخذي القران وأقري,وترحمي لها
شوق:بس شلون تبقيني أترحم لها وهي ماحضرت أحلى يوم في حياتي
سارا تهدي شوق:لاتقولين كذا ياشوق,ولا تسخطين من رحمة ربك,بالعكس هي تفرح من فرحك أنتي,ولاتنسين أم سعود صرتي بنتها اللي ماجابتها هي,وشوفيها اليوم بكت من الفرح لك,ودعت لك وهذا أهم شيء
شوق:الله يخليه لي هي وعمي,والله لايحرمني منهم
سارا:آمين,يلا أخليك اللحين أنا قايمه وصحيح تسلم عليك حماتك
شوق:حماتي!!
سارا تضحك:أي أمول..وتطلع
~..•.°..•.°..~..~..•.°..•.°..~
في السياره
خلود:تومي متى تفرحنأ وتخطب
خالد:ومين قالك أني أبقي أفرحكم
أم فهد:خالد وش هالكلام
خالد:ماقلت شيء
أم فهد:لا وش تقصد بكلامك,يعني ماتبقيني أشوف
أعيالك قبل لاأموت
خالد:ـــــــــــــــــــــــــــــــ
أم فهد:تفكرونا إذا نبقي مصلحتكم بنضركم,تبقون طول الوقت على كيفيكم وهواكم,ولا كلامنكم جبتو أعذار الدنيا ومافيها
خالد يعصب ويزيد من السرعه شوي
خلود بترجي:خالد الله يخليك خفف من السرعه
أم فهد:لا خليه هو مو ناوي يرجعنا البيت,يقولون ياكلمه ورجعي ماكان ماجيتي
خالد لسا على نفس السرعه
أم فهد بدئت العصبيه فيها:خفف السرعه,وبطقاق اللي يطققك عرست ولاعساك ماتعرس,بس أعرف أني مو راضيه عليك
خالد مع أنه سمع كل الكلام بس كأن عنيد ولا خفف السرعه لين وصلوا للبيت
أنزلت أم فهد وسكرت الباب بالقوه,وبعده أنزلت ديمه
خالد بصراخ:وش تنتظرين بعد أنتي نزلي مو فاضي لك
خلود بحنيه:طيب لاتصرخ,أنا ماتعودت عليك تصرخ علي
خالد بنفس الصراخ:بتنزلين ولا شلون
خلود تفتح الباب وقبل لاتنزل:أنزين قول لي وين بتروح
خالد:بروح لجهنم,خلاص سكري الباب وضفي وجهك
خلود أنزلت وقبل لاتسكره:تأكد أني ماراح أنام إلا لين أتطمن عليك وأشوفك..وسكرت الباب
وخالد أنطلق بكل سرعته
ظلت واقفه وهي مو متخيله كيف ماعبره وراح,وفي نفس الوقت داقت قلبه اللي قامت بالتسارع من مشى,
بعدت عنه الشكوك ودخلت لبيتهم
~..•.°..•.°..~..~..•.°..•.°..~
سارا:أي هذا كل شيء قالته لي
عبدالله:ريحتي قلبي,أنا أقول شوق ماتسويها
سارا:وأنا بعد
عبدالله:طيب عمه بطلبك
سارا:تفضل
عبدالله:أبقي رقمه
سارا:طيب ليه ماأخذت منه
عبدالله:عاد تعرفي أنتي
سارا تضحك:طيب بعطيك أيها
وبعد ماعطته الرقم
عبدالله:يلا أجل نخليك
سارا:أوكي
عبدالله:سلام .. وسكر
ظل أشوي وأخذ جواله ودق على الرقم,ظل يرن بس مارفعت,رسل رساله (شوق هذا أنا عبدالله سجليه عندك)وبعد بشوي دق ورفعت
شوق:هلا
عبدالله:هلا فيك
شوق:كيف أخذت رقمي
عبدالله يبتسم:من العمه الله يخليه
شوق:ــــــــــــــــــــــــــ
عبدالله:ليه أزعجك أتصالي؟
شوق بنفعال:لا
عبدالله:طيب أجل مارح يزعجل لو أدق كل يوم
شوق:ــــــــــــــــــــــــــــــــ
عبدالله:أعتبره رضاء
شوق:مدري,اللي يريحك
عبدالله:أنا اللي يريحني أني على طول أكلمك
شوق:لا عاد
عبدالله:إلا
شوق:طيب أنت ملوراك دوام
عبدالله:إلا
شوق:أجل ليه ماتروح تنام
عبدالله:وأحد يكلمك ويجيه النوم
شوق:ــــــــــــــــــــــــــــــــ
عبدالله:خلاص بروح أنام إذا هالشيء يريحك,بقيتي شيء قبل لأسكر
شوق:لا,تسلم
عبدالله:يلا تصبحين على خير
شوق:وأنت من أهله
عبدالله:أحبك ياشوق .. وسكر
شوق سكرت الجوال وحطتها
شوق:"مدري ياعبدالله إذا أنا أستاهل حبك ولا,لا
بس شوق ليه كنتي قبل تغارين عليه واللحين قلبك مايدق صوآبه,وش اللي تغير يمكن خلاص لاني عرفت أني مصيري معه,ماعدت أفكر كيف راح أرد له حبه,وأنا ماغصبته يحبني"
شوق:أقوم أنام أحسن من هالأفكار
عبدالله:"يعني معقوله هي تبقي تتخلص مني بأي طريقه لدرجة ماقالت أبقي سلامتك,وقالت تسلم لالا ماأتوقع كل هالجفاء يطلع منه,عبدالله أصحى أنت عارف أنه ماتحبك وكانت تفكر بشخص غيرك,عبدالله وش ذا الكلام الشخص اللي أقصده هو سعود’الله يرحمه’الأحسن أني أبعد عن هالأفكار,ومرده بتحبني قصر الزمن أو طال"
-عبدالله وشوق شنو هالأفكار السلبيه؟
-هل راكان بيرضى بخلود؟
-خالد وش راح يقرر عليه وشنو مصيره؟
•.°.• آنتهى البارت •.°.•