[إشراقة أمل]

{..


اليوم يبدو إني سويت جريمة

بس عاد لا أحد يعلّم .. ترى أروح ملح .!

،

جلست على الجهاز المكتبي ، اللي كل من جا جلس عليه ..

وصار لي يومين من أجلس عليه .. أشوف ايميل بالمسن غريب .. يسجل دخوله دايركت ..

المووهم ..

اليوم جلست .. وفتحت المسن وقعدت أهذر وأسولف ولا في الخاطر شي ..

إلا أشوف ها النافذة اللي تطلع لي ، إنوو فيه أحد يكلمني ..

* سلام .. كيف حالك ؟

أنا الحين طلعت عيوووني .. عسى ما شر .؟!

وش ذا الايميل .!!!؟

- من معي .؟!

* معقولة ما عرفتني يا بو فلان ؟

هااا .. وش السالفة ؟

- طيب أنت مين ؟

* أنا فلان .!

- أي فلان ؟

* أكيد أنت مو بو فلان ، آسف

- ومن قاص عليك وقال لك اني بو فلان ؟

* شودن هو حظرني ويمكن حذفني بعد ..

وترى انا للحين ما بعد أستوعب السالفة >>> العقل قافل .!

قمت حظرته و حذفته .. و فتحت المسن الثاني اللي طلعت لي المحادثة منه ،

كان أشوف كم ايميل فيه ، وأقوم أحظرهم وأحذفهم ولا في الخاطر شي ..

،

أقول السالفة لأختي .. صار كذا وكذا وكذا ..

قالت يا حظي ، يمكن هذا ايميل أبوي .!

هاااااااااااااا >>> طقيت على راسي وبلقت عيووني ..

شلووون راح عن بالي إني ما شفت ها الايميل يسجل دخوله دايركت إلا بعد ما كان أبوي جالس ع الجهاز ؟

شلووون راح عن بالي إن أبوي اسمه بو فلان .؟!

فعلااا كأن احد ماسح على عقلي ذاك الوقت ..

لاااا .. و أحذف على كيفي .. و أحظر على كيفي

والحمد لله إني ما غلطت على الرجال ، وإلا كان فضيحتنا بِ بيزة .!

ويا الله الستييييرة ، كان ما آكلها علقة مع أبوي .!


..}