قلــــــــــة أدب
أنك تروح للمسجد بملابس رياضه أو ثوب نوم بينما تروح لربعك بثوب مكوي وطيب يشق الخشم!!!
قلــــــــــة أدب
أنك تتصل على ربعك كل يوم وعادي تجلس وياهم ساعه أو أكثر بينما عمك أو خالك أو عمتك أو خالتك لهم شهور ما سمعوا صوتك، من زينك انت وصوتك!!!
قلــــــــــة أدب
تدور بسيارتك بالساعات وما تخلي شارع ما (شبرته) وحفظته و كل هالدوران غالبا لأسباب (قليلة أدب) بينما أهلك لويبون مشوار ساعه وحده قلت: (الشارع مليان تكاسي)!!!
قلــــــــــة أدب
قلة أدب ان الواحد اذا دخلت عليه في محل وسلمت عليه مايرد عليك
شايف روحه !!!
قلــــــــــة أدب
أن الواحد يضبط ساعته على الدوام بينما صلاة الفجر ما يدري متى وقت أذانها!!!
قلــــــــــة أدب
اذا جيتي تطلعين لعرس أو لصديقاتك تتزينين وتتعطرين وذا جلست عند زوجك تقعدين بوساختك وريحتك بصل!!!
قلــــــــــة أدب
ان الوحده تقعد على التيلفون ساعه وقعد في صلاتها دقيقه!!!
قلـــــــــــة أدب
اذا طلعت البنت من البيت وهي كاشخه وريحة عطرها واصله لين أخر الشارع وتقول حق الشباب لا تلحقوني!!!
قلــــــــــة أدب
ان الواحد يشوف (قلة أدب) ولا يقول انها (قلة أدب)!!!
قلــــــــــة أدب
انك تحصل واحد يحترم الناس كلها الا امه وابوه تلقاه يكلمهم من طرف خشمه!!!
قلــــــــــة أدب
انك تشتري كل اللي نفسك فيه ويوم يجي طاري لمساعدت فقير او بناء مسجد عطيتهم خمسه ولا عشره ريال بس !!!
قلــــــــــة أدب
لما تشوف واحد في الشارع وتستصغره ولا تسلم عليه!!!
قلــــــــــة أدب
اذا شفت صديقك في ورطه ولا تساعده!!!
قلــــــــــة أدب
اذا قدم لك صديقك خدمه وأنكرت فضله عليك!!!
قلــــــــــة أدب
انك تحط سيارتك عند باب جارك وعندك مكان أبعد شوي!!!
قلــــــــــة أدب
لما تجلس بمكان عام وتتقهوى أنت وعيالك وتقومون وزبايلكم وراكم مع ان صندوق الزباله حولك!!!
قلــــــــــة أدب
قـــلة أدب اذا دخل عليك واحد المجلس رديت عليه السلام من طرف خشمك
واذا جاء من شلتك فزيتله وجلسته محلك !!!
قلــــــــــة أدب
قـــــــــــــــلة أدب انك تغلط على خويك في الملعب امام الله وخلقه و اذا انتهى اللعب قلت له انا أسف!!!