[طموح رجل]

اقتباس المشاركة الأصلية كتبت بواسطة ورود ..~ والله وقمت اقرأ قلوب الاعضاء في اطروحاتي .. هذا ثاني عضو يقول لي وعلى النظريه .. والله جا على بالي اني أأخرها بس خفت احد يطيح عليها .. / على العموم .. استنى رجعلتك وابداء ما عندك .. شكل قلبك مفقووور هههههـ .. بعيد الشر . . يلا تنور برجعتك ..

هههههه من الإمور اللي تخليك مشرف ناجح تطرح الموضوع المناسب بالوقت المناسب

امممم تقدرين تقولين موضوع حساس جداً ولما تعرف راي اللي حولك يمكن ترتاح نوعاً ما .


أول شيء راح أعلق على الدراسه الأعمار بيد الله وماتوقع هالشيء له سبب في مواضيع
ثانيه يمكن نصدق الدراسه لكن موت وحياه إحنا كمجتمع مسلم ماتوقع تهمنا مثل هيك دراسات
هم كمجتمع يؤمنون بهالشيء .


بالنسبه لزواج الشاب من فتاه أكبر منه أنا مو ضد هالشيء ولا مع أو أشجع على هالزواج
لكن لو صار نصيب أي شخص يكون مع فتاه أكبر منه بسنه سنتين أتمنى من اللي حوله يدعمونه
في حياته الجديده ومايكونون ضده أو يخوفونه من إرتباطه بفتاه أكبر منه .


بالنسبه للشباب أو البنات يمكن الأغلب ماعندهم مشكله ولا إعتراض على هالشيء
لكن الإعتراض عند الأهل وأهل الشاب بالخصوص يمكن حتى أهل البنت لكن أهل الشاب
أكثر ، مانقدر نقول إنهم خطأ أو صح كلن يتمنى لولده أو بنته حياه ومستقبل بعيد عن المشاكل
وقد يرون أن هذا النوع من الإرتباط لن يستمر كثيراً .


أتوقع سبب إعتراض الأهل هو إن البنت بالعاده يكون تفكيرها أكبر من عمرها
فمثلاً لو تزوج أي شاب بفتاه تصغره ب4 سنوات أو 3سنوات راح يكونون
متقاربين بالتفكير أكثر من لو أخذ وحده أكبر منه .

أنا مع إن البنت تفكيرها أكبر من عمرها لكن ضد إعتراض الأهل على زواج إبنهم من فتاه أكبر منه ، من حقهم
بل من الواجب عليهم إبداء النصيحه لكن مو إجبار أو إعتراض ورفض الفكره سواء من أهل الشاب أو أهل البنت
وهم يشوفون إنهم مقتنعين في بعض لكن يصدمون بأن الأهل رفضوا من دون الأخذ رأي صاحب الموضوع ، ويمكن
هالشيء يسبب عقده للشخص لأنهم أتخذوا القرار دون الرجوع اليه .

بصراحه أنا أفضل إن الشاب يرتبط ببنت أصغر منه لكن لو سمعت إن في واحد متزوج وحده
أكبر منه مانظر له بنظرة انه ماراح يعيش حياه سعيده أو إنه أخطأ الإختيار كل واحد له
صفات يتمناها بزوجة المستقبل وإذا وجد هالشيء في بنت أكبر منه مو عيب لو إرتبط فيها ونفس الشيء فالبنت
لها صفات تتمناها بزوج المستقبل وإذا كان المتقدم لها أصغر منها لكن ترى به الزوج الذي تتمناه لا إحراج لو قبلت به .


كل اللي مروا هنا ماعندهم إعتراض على الموضوع وهذا الشيء يسعد بصراحه
لكن سؤالي للشباب لو شفت نفسك جاهز للزواج وتكلمت مع أهلك وبدوا يدورون لك
وصار الموضوع رسمي وإختاروا لك بنت معينه وقالوا لك تراها أكبر منك بكم شهر ولا سنه سنتين
وبديت تفكر بالبنت بشكل جدي وكمستقبل وباقي العمر معها راح يكون جوابك مثل الحين ؟

بصراحه ماتوقع راح يكون نفس الشيء كسؤال عابر أو كموضوع من مواضيع المنتدى يمكن تحس نفسك ماعندك إعتراض
لكن رهبة الموقف وضغوطات اللي راح تمر عليها لما تكون قريب من دخول الحياه الزوجيه قد تمنعك من الموافقه على فتاه تكبرك .


نفس الشيء للبنات يختلف رايها بين الحالتين .

عزيزي آدم : فماذا عنك ؟؟
هل توافق على الزواج من فتاة اكبر منك في العمر ؟ ما رأيك في هذا الموضوع ؟

مثل ماقلت قبل هيك أنا أفضل إن الشاب يرتبط بفتاه أصغر منه
لكن لو ماحصلت اللي أتمناه في زوجة المستقبل الإ في فتاه أكبر مني
ماراح أتردد بالإرتباط فيها أما إني أرتبط بفتاه فقط لأنها أصغر مني
ولا يوجد بها ولو صفه من ما أتمناه هذا مستحيل لكن لو فيه بنتين
ونفرض إنهم خوات متشابهات بكل شيء سواءً من المظهر والأخلاص
وكل شيء لكن وحده أكبر مني و وحده أصغر مني بصراحه راح ارتبط
باللي أصغر مني يمكن هالشيء مستحيل يصير لكن من باب الفرضيات .

رأيي بالموضوع أحسن موضوع مريت عليه بهالقسم وإستمري بوضع مواضيع مثل هالموضوع

يمكن أفكاري متلخبطه نوعاً ما لكن أتمنى وصلت فكرتي بالشكل السليم

أسعدتيني بموضوعك الرائع / يعطيك ربي ألف عافيه