[طيف العمر]

اقتباس المشاركة الأصلية كتبت بواسطة ورود ..~ / / ماذا تقولين عن شخصيّتك ؟ شخصيه قويه / صريحه وجرئيه في نفس الوقت .. مغامره بالدرجه الاولى .. ضعيفة شخصيه قدام الدم بشتى انواعه << يا ساتر .. / 2/ إذا أردت أن تغيري شيئا في شخصيتك،فماذا سيكون ؟ امممم التسرع نوعا ما والعصبيه مع انها وراثه هع / 3/هـــل تحبين التسوق والمشتريات بكثره اوغيرلازمه؟ كثير كثير احب السووق ولكن توني الحين كارهته لاني اطلع اغضي مع اختي لزواجها وكرهته من كثر ما رحت .. بس لسى فيه نقاط حب هع / 4/كم ميزانيتك للملابس بالشهر؟ اممممم مدري والله مو حاطه ميزانيه اي شيء يعجبني اشيله بدون حساب .. ووانا مو من نوعيت اللي كل شهر اجدد ملابسي شدعوى حتى وان كنت بنت الوليد .. بس عل طول في المواليد لازم لبس الجديد وبكذا اكتفي .. وغير لبسات العروس التيورات وهيك .. / 5/بماذا تقضين أوقات فراغك؟ بالنت فأني ادرعم في كل مكان عادعساااه + 100 عادي اخش هع والطباخ وبعض الساعات اغير من روتين غرفتي .. / 6/ لو طلبوا منك إختيار أمنية من أمنياتك،ماذا ستكون ؟ اطير ماليزيا والله حتى ماليزيا ازهقت من كثر ما اقول ابقى اروح لها .. الله يبلغني .. يعني هاللي سائليني ناويني تحققون لي هالامنيه << كثري منها هع / 7/ إن أمكنك أن تغيري شيئا أو أشياء في هذا العالم فما هي ؟ بالاول بزرع كل صحاري السعوديه خضره حشيش وورود ونخيل وكل شيء وثاني شيء كل السفاحين والمجرمين اسوي لهم اكبر مهرجااان للقصاص من بعد التعذيب بمرآ الجميع على الاقل اشفي قليل الناس المقهوره .. واكلم احمدي نجاد انه خلاص لا يتهاون اكثر مع امريكا واسرائيل ويرمي عليهم القنبله الذريه ويفكنا منهم وببيع كل براميل النفط المخزن احتياط وبوزع افلوسه على فقراء العالم .. لان ما ابقى اشوف فقير ابدا واممم والله اشياء كثيركثير في خاطري بس اكتفي بهذا .. / 8/أتحدثين أباك و أمك في البيت كثيرا و بشكل جيد ؟ ابوووي لا مو كثير بس طلبااات وشكاوي هههههـ .. امي يؤؤؤؤؤه حيل زهقانه من هذرتي مدوشه راسها مسكينه .. علاقتي معاها حيل حيل قويه لذا اهذر معاها كثير كثير / 9/هل تغـــــارين من غيرك؟ امممم ايه بس نااادر وتكون الغيره خارج ارادتي .. / 10/أتعترفين أنّك فتاة جميلة أم عادية ؟ اممم مدري بس اتوقع اني جميله بكل ما فيني وهذا يعزز الثقه في نفسي اكثر .. وبوجهة نظر البعض انا عاديه جداً طبعاً كلاً هو ونضرته وتفكيره .. وبالنسبه لاوحده من ربعي انا ملاكها .. يعني تختلف وجهات النظر .. / 1-هل ضروري أن يكون زوجك وسيم ؟ ولماذا؟ نوعا ما .. لاني وش ابقى فيه كلا مبرطم ونفسه في خشمه .. على الاقل لو طالته تنفتح نفسي .. هع بس هم مو شرط .. 2-هل تفضلي أن يكون زوجك متعلم تعليم كامل أم ناقص ؟ ولماذا؟ هم مو شرط كثير من لم يكمل تعليمه ومشاء الله تقول ماخذ الدكتوراه .. ولكن افضله ان قل يكون بنفس مستواي .. حلو / 3-هل ترفضينة لأنه لا يصلى ؟ وش هالسؤال .. اكيد وش رايكم يعني .. اذا اتاكم من ترضون دينه وخلقه .. / 4-هل ترفضينة لأنه سمين أو نحيف (المظهر) ؟ لا ابدا السمين يضعف والضعيف يمتن مع الراحه النفسيه من بعد الزواج ههههه وبعدين الشيء لو زاد عن حده ينقلب ضده يعني على قيلت امي لا هز ولا لز يعني لا ضعيف كانه هيكل عظمي اسفطه اذا تخانقت معه ولا متين اصفقه تنكسر ايدي هههههههه << مجرمه / 5- هل ترفضينه لو إشترط عليك عدم إكمال الدراسة أو العمل ؟ اذا كان تكملت الدراسه بالنسبه لي حلم وامنيه للوصول لمرتبه معينه ممكن ولكن ما اتوقع عادي بالنسبه لاني بعيش حياه سعيده ليش اعيقها بشرط مثل كذا .. يعني اكمل ديني احسن / 6-هل ممكن أن تتزوجين من رجل ليس من بلدك؟ ولماذا؟ يعني قصدكم من برا الطرف ولا من برا السعوديه .. بجاوب الاثنين .. طبعاً برا الطرف ممكن وهذي امنيه تراودني بعض الاحيان لاني حيل حيل احب اتعرف واكتشف عادات وتقاليد بعض القرى وقوانين البيوت وهيك يعني فلما اروح قريه جديده بتصير اشياء كثيره يمكن انها تشبع فضولي ولكن هذا محااال ان يصير .. .. اما برا السعوديه لالالالالالالا .. لا يحوشك هع / 7-في أي سن تفضلي أن يكون زوجك فيه ؟ولماذا؟ مقارب لسني ولا يكبرني بكثير يعني بالكثير 5 سنوات اكبر .. لان لو صار 30 وصاعد بيكون حيل زاهد في امور الزواج والحركات وكل شيء اما لما تاخذين ما يقارب سنك فهو يتعايش نفس الافكار والميول اللي تتعايشينه .. فيكون اقرب بكثير من الكبير بـ 10 سنوات .. / 8-هل ترفضينة لأنه فقير ؟ لالالالالالالالالالالا ابداً .. فقراء يغنيهم الله من فضله .. ونحن مؤمنين بأن النكااح باب رزق للاثنين .. / 9-هل ترفضينة لأنه سيسكن مع أهله ؟ ههههههههههـ .. هذا اللي بتخانق معاكم .. لالالالا مستحيل هله هم هلي على عيني ورأسي بس بشرط الحمام اكرمكم الله مو مشتركه هع / 1-أتهتمـــين بتطويــلـ أظافركـ؟ولمــــاذا نعم .. لاني اعجب كثير بمنظر ايدي بالاظافر الطويل اكثر .. / 2-اتهتمــين بترتيب شعركـ يوميا؟ نعم بالتأكيد فهذا يعكش شخصيتي .. / 3-اتهتمـين بترتيب وتعطير غرفتكـ أم الخادمه ترتبها؟ لا يا طويلة العمر ما عندنا شغاله .. اممم بس بعض الساعات اقوم من السرير وما ارتبه هع بس الغرفه مهتمه فيها كثير وفي تعطيرها بالفواحه .. / 4-اتهتمــين كلـ ثلاثه شهور او أقلـ بقص وصبغ شعركـ؟ من قبل سنه تقريبا كنت من هوات قص الشعر حيل حيل على طول اغير قصات شعري ولكن الحين معزمه على تطويله وهذا هو شحليله وهو طويل .. وابدا ما افكر حاليا اقصه .. والصبغ صبغه مره وحده بس .. / 5-اتهتمين اذا خرجتي من المنزلـ تحبين تكشخي حتي ولو كان المشوار بسيط؟ طبعا طبعا .. هو انا من هوات وعشاق الكشخه .. واذا ما كشخة لظرف صحي ما اطيق نفسي لاني تعودت على الكشخه .. / 6- أتهتمين كثيرا بالأناقة و الموضة ؟ بالاناقه ايه كثير كثير .. انا بالموضه لالالا البس اللي يناسب عمري ويناسبني كـ بنت .. / 7-أتهتمــين باللياقه والرشاقه؟ امممم بعض الاحيان تكون عندي طفره ابقى اغير من شكلي اشوي .. ولا بصراحه ما افكر عاجبني شكلي بالحييييييييييييييييييييييييييييييل وبالقوه .. / 8- اتهتمـــين ببــــشرتكـ وتحافظين عليها؟ نعم استخدم منظفات واقنعه بين فتره والثانيه على حسب احتياج بشرتي .. / 9-اتهتمــين بلبس العباءه مثلـ المخصره وغيرهأ؟ لا ابدا مزكرشه ابدا ما افكر في لبسها اطلاقا ولا المخصره ولكن تخصير الضراع فقط اللي هو مافوقك الكف فقط .. / يا عمري عليك يا طيوووف الاسئله مره مره نااااااااااااايس ويهبلون .. حلوين حيل .. ان شاء الله عاد تعجبكم نمونتي .. هع ويعطيك الف الف عافيه على هالطرح .. موفقه يارب ..

ههههههه نمونتك اعجبتني بقووووووووه

اجوبتك حركتاااات زاااحفه حد اومها ^_^

مشكووره لقبولك الدعووووه يامشمووووم

ماقصرتي كل اجابه اطول من الثانيه اجوبتك وافيه يعني

احسك مجاوبه بضمير من قلبك حييل هههه..

يعطيك العافيه غلاااتي

اسعدت بوجوودك ياأحلى ورررده..

منوووره اقوى شي..